:: أبي من الشعّار من يعسف القاف :: دعوه ضرورية .. !!

[ماجد المري]

السلام عليكم ورحمة الله وبركاته

إلا شعراء الرائدية مع التحية .. قصيدة أتمنى في البداية أن تصل قلوبكم ومن ثم أتمنى تفاعلكم معها ..

لعل وعسى أن تكون بمثابة عودة الشعراء للشعر ..

::


يا لاعب القاف الصعب جبت لك قاف=يصعب على غيرك وإذا جاك يسهل
الشعر له ميقاف والعز ميقاف=ومن لا وقف له ما لقى فيه مدهل
نكره بعض الأوصاف ونوالف أوصاف=والبعض عن بعض التفاصيل يجهل
لعبة خفا فيها ضحايا بالآلاف= حاولت أعددهم والأعداد تِذهل
يا شين مدهال الوطى عقب مشراف=ويا شين شين الرد عن قولة أزهل
ويا شينها لا خيف من كان خوّاف=ويا شينها لا صار غاليك عبهل
الوقت ما يرحم والأيام تنعاف=وأحلامنا من قلّة الوجد تكهل
أبطالنا غابت بهم دار " بالزاف "=أشلاهم اللي ضاع من كان يعهل
يا كم عزيز ذل ومن العنا شاف=عقب المهابه صار ما عاد يصهل
ما تنفع الحسره على شيء لا طاف=وما يهمل الله عبده إن كان يمهل
الشعر مهرٍ ما يبي كون عساف= وأنا عسفته يوم أنا فيه منهل
أبي من الشعّار من يعسف القاف=يصعب على غيره وإذا جاه يسهل

::

أرجوا من جميع من يحمل إسم شاعر أن يشاركـ ويتفاعل والهدف واحد ومعروف
" إحياء الشعر والشعراء بمنتدى الرائدية "

::

ماجد المري

[عسوووووووووووله]

وعليكم السلام ورحمه الله وبركاته

الوقت مـا يرحـم والأيـام تنعـاف . . . وأحلامنـا مـن قلّـة الوجـد تكهـل

رااااااائع


صحـ لسانكـ اخوي ماجد المري

[سامي الشمري]

أبو سالم ..!


يا هلابك و هلا بشعرك و ريحة القاف الطيّب ..!


و الله يا ماجد .. أنّه .. جامدة قصيدتك .. و الجنيّة عندي جامدة لها فترة ..!


قبل أسبوعين سيّر علي واحد من أهل الجبيل و وديته للشيخ و قرى علي معه


و من هكالليلة ماطلع معي شيء :cool:

[عبدالهادي آل كحله]

ماجدالمري


مرحبا بك وبأبياتك
شهادتي فيك مجروحه
لكن الحق بنقال

جزل في المعنى والفكره

مرور لا أكثر والراي معروف

[آهـ عاشق ـات]

أهلن أخي ماجـد

جزلة من رأس جزل

صح لسانك على هذه الرائعة


دمت بخير

[حنين]

http://www.alraidiah.com/vb/uploaded/mals.gif




ما تنفع الحسره على شيء لا طـاف
وما يهمل الله عبـده إن كـان يمهـل

صح لسانك





http://www.alraidiah.com/vb/uploaded/mals2.gif

[همسة شوق]

يسلموووووووووو

على الابيات الرائعه

[عبد الله بن شنار]

ماجد
المري



معجب في قصيدك من زمان


وكان ودي اجاريك


صح السانك مليون مليون


اقسم بالله انها جامده جامده


ولي عوده بذن الله

[فهد ابن عقاب]

صح لسانك ياماجد

لكن ؛هل؛ صعبه وانت ماخليت منها شي


لكن استلم مجاراه صغيره




سمعت بأن الشعر ياعالم اصناف

اما يجي ممشوق ولا مترهل

وعز الله ان المري أجاد الاوصاف

وجتنا مثل غر السحايب ليا هل

يصرف شعر تقول للماس صراف

ولاتشندوني كيف او ليه او هل

حبيت اجاري صاحب(ن)شيّّب القاف

ياليت ربي فكنا منك يا ..هل..



ولك خالص تحياتي

[ماجد المري]

عسوووووووووووله

::

صح لسانكـ أختي الغالية .. الروعه في مواكبتك لهذه المتواضعه ..

::

ماجد المري

[ماجد المري]

سامي الشمري

::

حيّاكـ الله يابو سعد .. حضوركـ شرف لا أحب أن أفقده ..

يابو سعد لا يخفاكـ أفول شمس الشعر تدريجيا من منتدانا الغالي .. فيدكـ بيدي وبقية شعار المنتدى للنهوض به من جديد ..

" الظاهر أن جنيتكـ تقيّد في هالشهر " :tongue:

::

ماجد المري

[أبو رائد]

صح لسانك يا ماجد .. وسلمت على هذه الأبيات

والله يعطيك العافية .. على هذه الفكرة الطيبة


ونشكر فهد بن عقاب .. على قصيدته ..



ولكم التحية ،،

[حاكم المطيري]

.

..

...


ماجد المري..

أنت شاعر غنيّ عن التعريف وقصيدتك أكثر من رائعه..


بالتوفيق يـابو سالم..


.

.

.

فهد عقاب مجاراة رائعه يالغلا.. وأنـــا أبصم لكم بالعشرة...



...

..

.

[ماجد المري]

عبد الهادي المري

::

حيّاكـ الله يا الغالي .. حضوركـ شرف أعتز به ..

::

ماجد المري

[ماجد المري]

آهـ عاشق ـات

::

صح بدنكـ وحيّاكـ الله .. يعطيكـ العافية وجعلنا الله عند حسن الظن ..

::

ماجد المري

[ماجد المري]

حنين

::

صح بدنكـ ..

::

ماجد المري

[ماجد المري]

قلبوووو

::

يعطيكـ العافيه وشكرا لتواجدكـ ..

::

ماجد المري

[هم1]

اسراف والله والحكي فيه اسراف

.................وهات البكت وش عاد لوكان دنهل

بعض الحوافه ماتسر قلب حواف

.................وماكل حايف موقفه مثل المهلهل


صح الله اللسانك الاخ ماجد وحبينا نداعبك بالبيتين

[نـواف الشمــري]

يا سلام يا سلام يا ماجد





صح الله لسانك ولا هنت





قصيده جزله من رااس جزل





تحياتي

[فتاة الجروح]

صح لسانك وسلمات يمناك
اخوي ماجد المري
ويعطيك العافية

[نـواف الشمــري]

الله الله عليك يا ماجد








وأستلم الرد بالقسم














التحيه

[جوااهر]

تنفع الحسره على شـيء لا طـاف
وما يهمل الله عبـده إن كـان يمهـل



ابيات رائعه


صح لسانك مليووون ياماجد


ويسلم بوحك