لم أصدق أن هذا الحيوان موجود بالخفجي !!!!

[حاتم الداغر]

قبل رمضان ذهبنا للبر وعند عودتنا الى الخفجي
بعد المغرب شاهدنا حيوان لونه اسود ولون ظهره ابيض

حاولنا الإقتراب منه لتصويره ولكنه كان سريعاً بعض الشي
المهم صورنا جزء بسيط ولكنه لم يكن واضح بسبب الظلام
ولأننا بالسيارة لم استطيع التركيز في التصوير !!

المهم عند وصولنا الى الخفجي سألنا بعض كبار السن
عن هذا الحيوان , وبالبحث في الأنترنت اتضح لنا أن هذا الحيوان هو :
ما راح اقول لكم لكن تقدرون تدخلون على هذا الرابط لمعرفة كل المعلومات عنه

http://www.alsirhan.com/Animals/Honey_Badger.htm

[عسوووووووووووله]

سبحان الله

معقول موجود بالخفجي

دايما نشوفه بالرسوم المتحركه

مشكوووور اخوي حاتم الداغر

[الغموض]

هذا الظربان ابو ريحة ولا غيرة ؟

قَالوا: هو دُوَيبة فوقَ جَرْو الكلب مُنْتِنة الريح كثيرة الفَسْو :biggrin: ، هههههههههههههههههه

كذلك الظَّرِبَان يَقْصِد جُحْر الضب وفيه حُسُولُهُ وبَيْضُهُ فيأتي أضْيَقَ موضعٍ فيه فيسدُّه بيديه (في نسخة "ببدنه") ويُرْوى بذنبه، ويُحَوِّلُ دبره إليه، فلا يفسو ثلاث فَسَوَات حتى يُدَار بالضب فيخرُّ مَغْشِيَّاً عليه فيأكله :eek: :eek: :eek:
هههههههههههههههههههههههه والله خطير هالظربان الله يعينكم يا اهل الخفجي علية

[الفجر القادم]

سبحان الله العظيم


مشكور اخوي على الموضوع

[حاتم الداغر]

اشكر لكم مروركم جميعاً
وأحب اضيف على الموضوع
أن الظربان على وشك الإنقراض
مثله مثل باقي الحيوانات النادرة في الجزيرة العربية

تقبلوا تحياتي

[SNDS3]

مشكور اخوي على الموضوع

[نانا2]

جزاك الله خير على المعلومات الحلوة

[نجم]

سبحان الله ..

مشكور أخوي ولاهنت

[فتى الأحلام]

الله يكفينه شره

[طليفيح]

اف خوفتنا يبناخي ..

الحين مخططين ورا العيد نبي نبني المخيم ... الحين انواع الوسوسه ..

مامن نوم بالخيمه ... الهجه للخفجي ..:biggrin:

يعطيك العافيه حاتم ..

[الموج]

مع احترامي لك



لا اعتقد بان هذا الحيوان يعيش في هذه المنطقة




مع التحيــــــــــــــــــــــــــه

[Roqi220]

يا حاتم الذاعر السلام
وين شفته وانا اخوك
في اي حي حدد
ما يجئ الا على ........

[حاتم الداغر]

يالموج ما أعتقد أني بأختلق موضوع من خيالي
وأنا من أهل الخفجي
وتقدر تتواصل معاي على الهوت ميل واذا ودك نتقابل
واوريك المكان اللي شفته فيه ممكن أوريك مقطع مصوره
واحد من الشباب مع طلوع الشمس شوف اللي يريحك وأنا اثبت لك وجوده
وهذا الحيوان موجود من زمان وأسأل الأكبر منك سنناً !!
الا إذا انت مش من أهل الخفجي توك جاي الديرة مستوطن يعني ؟؟!!!؟؟؟؟
Roqi220
لاتخاف بعيد عن المخيمات وما يجي في المناطق اللي يكثر فيها البشر

[الموج]

انت تصيد له

ولما تصورة نزله بالمنتدى

وبامكان ذكر المكان هنا وما اعتقد بانه سر ...........

[*&* جوري *&*]

أنا لو اشوف الكائن هذا قدامي أحرم أروح البر هههههههههههههههههههههههههههههه


بس كويس ان الفضول دفعكم للسؤال ثم للمعرفه والتطلع ..


ماشاء الله عليكم جبتوة وبمعلومات مفصله بعد ..

[المنصف]

سبحان الله ولله في خلقه شئون..

[حاتم الداغر]

يالموج
أعتقد ما أجلس عشانك بالبر اتصيد له على قولتك
صدقت والا ............. بكيفك !!!!!

[الضيغم]

السلام عليكم ورحمة الله وبركاتـــه ..!!



كلام الأخ العزيز حاتم الداغر 100 %



الضربان موجود بالقرب من الخفجي .. وأنا شاهدته شخصياً قبل شهر انا مع أحد الزملاء..!



رأيت بالصدفه زوج من الضربان يسيران بالقرب من بعضهما البعض وتفاجأت لوجودها هنا ..!!؟؟



مشكور اخوي حاتم على طرح الخبر الغريب وما قصرت ..!!

[حاتم الداغر]

أخوي عادل الشمري
وعليكم السلام ورحمة الله وبركاته

الله يعطيك العافية على مصادقة كلامي وأن كلامي 100%
لأن في ناس تتصيد في الماء العكر وهالناس وين والبر وين
جالسة في بيوتها ولا تدري وش اللي يدور حولها

مرة أخرى أخوي عادل اشكر لك تواجدك والله لا يحرمنا منه

تقبل تحياتي

[هبوب الريح]

ســـبـــحــان الله .. الحيوان هذا معروف في كل مناطق العالم .. لاكني اول مره ادري انه موجود عندنا في الخفجي .. !!







الله يعطيك العافيه على الموضوع .. !!





ســــــلام

[@خالد@]

الموقع الذي وجدته واين باالخفجي ؟ مع الشكر

[صعب الوجود]

سبحان اللة انا سمعت انة في مقطع بلوتوث انتشر عن هذا الحيوان بس ماشفتة ومشكور على هذي المعلومة عن وجودة بالخفجي

[حاتم الداغر]

موقع هذا الحيوان خلف شبك الحرس الوطني
بمحاذات العقم الترابي للحدود بمسافة 20 كم تقريباً
وطبعاً الذهاب الى هناك ممنوع يعني أخذ الحذر وعدم البعد كثيراً
وبعدين الأوقات اللي ممكن تشوف فيها هذا الحيوان يا وقت العصر
أو وقت طلوع الشمس أما بالنهار يكون بجحره وبالليل صعب أنك تشوفه
أما بالنسبة لمقطع البلوتوث فعلاً أنا شفته بس اللي مصورة
محتفظ حق التصوير لنفسه يعني مو منتشر بين الشباب

تحياتي لكم

[أبوطروق]

الأخ حاتم
الله يجزاك خير_عطني خشمك ياشيخ_

تصدق إني أغليتك عقب هالموضوع لأني شفته مرة بس محد صدقني يوم سولفته (والمشكلة كنت لحالي) اللي قام يضحك واللي يقول موسوس وواحد يقول يمكن جني متمثل بضربون!!!

السالفة قبل سنتين وبآخر الربيع كنت راجع من شباب كاشتين على طريق القاعدة50كيلو تقريبا وأول ما ركبت الزفلت شفته قدامي بالجهه الثانية طبعا ماصدقت عيوني وهو انحاش وانا وراه وراه لين تأكدت انه ظربون ودخل بمكان حفريات وبعده حاولت اشوفه بس مادري وين راح وكان الوقت بعد المغرب وصدقوني شفته بوضوح تام (ضربون أبوريحة أبوخط أبيض اللي يجي بافلام الكرتون)


والحين يا حاتم حفظت الصفحة أبي أوري كل اللي كذبوني وشككوني بنفسي وأبي أطالبهم برد إعتبار(خروف مشوي)


شكرا حاتم وبيض الله وجهك

[حاتم الداغر]

أخوي ابو طروق اذا تبي شهود ترى موجودين
تلقاني على الإيميل وانا من أهل الخفجي
في أي وقت تراني حاضر مو عشان الخروف
لأني ما أحب الإنسان اللي يكذب غيره بدون سبب
والمقطع عندي بالجهاز صحيح مو واضح اذا تبي ارسله لك
على ايميلك بس بدون صوت لأسباب سريه هههههههه

تحياتي لك

[حاتم الداغر]

أخوي ابو طروق اذا تبي شهود ترى موجودين
تلقاني على الإيميل وانا من أهل الخفجي
في أي وقت تراني حاضر مو عشان الخروف
لأني ما أحب الإنسان اللي يكذب غيره بدون سبب
والمقطع عندي بالجهاز صحيح مو واضح وانشاء الله بيكون حصري لمنتدى الرائدية
وعن قريب لأن هالموضوع مسوي ضجه
بس بدون صوت لأسباب سريه هههههههه

تحياتي لك

[الموج]

يا اخوان

وجهه النظر الاخرى لا تعني تكذيبك

وان كنت لا تقبل الرأي الاخر يا اخي لا تطرح موضوع ولا نزعل من بعض

انا عن نفسي لا اصدق بوجود هذا الحيوان في هذه المنطقة مع احترامي لمن كتب الموضوع

وحبيت ارفق بعض الصور المختلفة لهذا الحيوان والمسمى (الضربان ) او الغريري


http://www.alraidiah.org/up/up/19041695520070922.jpg

http://www.alraidiah.org/up/up/19041701620070922.jpg

http://www.alraidiah.org/up/up/19041704820070922.jpg

http://www.alraidiah.org/up/up/19041707320070922.jpg

http://www.alraidiah.org/up/up/19041712620070922.jpg

http://www.alraidiah.org/up/up/19041715920070922.jpg

http://www.alraidiah.org/up/up/19041719220070922.gif


مع تحياتي

[أبوطروق]

أخوي الموج

انت ليه مستغرب؟؟؟؟؟؟؟؟؟؟؟


شيبانك شافوه واعرفوه وقالو به القصيد!!!!!!!!!!!

انت ليه مستغرب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟



تحيا تي

[أبوطروق]

أخوي العزيز (جدا) حااااااااااااااااااتم

مشكور ويمكن نحتاج لشهادتك

وترا ماهو خروف واحد (خرفاااااااان)

-من كل واحد خروف-





تحياااااااااااااتي


================================================== ========

[دايم ابوفي له]

][ سبحان الله ][


الف شكر اخ حاتم موضوع مفيد يعطيك العافيه

[الضيغم]

أنا أنصدمت لما شفته قريب من الخفجي بمكان بعيد كل البعد عن المكان الذي رأه فيه الأخ حاتم الداغر........!!




مشكور اخي الموج على الصور وأنظروا إلى غذاء هذا المخلوق سبحان الله يمزمز بداب وعقرب ..

[اريج المحبين]

سبحان الله

شكراً جزيلاً

[جوااهر]

هذا النيس


حيوان مسالم الا على من يعتدي عليه


ولاقينه بحايل قبل كم يوم


وناشرين الخبر بجريدة عكاظ

[حاتم الداغر]

أخوي الموج هذه مو وجهة نظرك
أنت تقول أن هذا الحيوان مو موجود يعني أنا طرحت موضوع كذب
والموفروض أنك تقول ممكن موجود بس ماشفته بعينك !!!
وأنت قلت أني اقعد أتصيد له بالبر وأصوره وش قصدك يعني ؟؟؟؟
وبعدين في غيري شافه من الأخوان اللي شاركوا بالموضوع
يعني معقوله كلهم يختلقون السالفةكل اللي شافه من أهل الخفجي
والحيوان موجود والصور اللي عرضتها مو كلها للحيوان اللي بالمنطقة عندنا
الصورة الأولى والسادسة مو للضربان اللي عندنا بالمنطقة يمكن بدولة أخرى

أخوي ابو طروق
أنا قلت لك مستعد أني اثبت لشبابك اللي مو مصدقين الخبر
أنه موجود وأنا عندي الثقة أني أقدر اثبت لهم هذا الشي
لاتخاف خلك قد كلمتك ومثل ما قلت لك ممكن نتواصل على الإيميل

أخوكم حاتم

[عجاج]

هلا والله

أخوي بو فتون

هذا هو ؟
http://www.alraidiah.org/up/up/19081494020070926.gif

أن الظربان على وشك الإنقراض
مثله مثل باقي الحيوانات النادرة في الجزيرة العربية

ههههههههههههههه

صدقني يابو فتون لو تبي تصدر منه للعالم تستطيع .

روح لضليعات الأتياس بالليل وشوف وش كثرهن .

بس أنتبه .! تراه يحمل داء الكلب وأي عضه منه تنغلث :biggrin:

الله يعطيك العافية أخوي بو فتون ,,,,

عفواً ..!!

أنا رديت من الصفحة الأولى ولكن بالصفحات الأخرى بعد مارديت وجدت ردود تكذيب

وتشكيك بكلام أخونا ( حاتم الداغر ) وهذا شي عجيب غريب .

حاتم الداغر من أهل الخفجي .

عمله أحياناً يكون بالبر .

الضرنمبون اللي تكلم عنه حاتم الداغر موجود بمنطقة الخفجي وغيره كثير .

الضرنمبون + القرطة + الضبع + الواوي ( أبن آوى ) .

هذي الحيوانات اللي وجدناه حول الخفجي .

الضرنمبون والقرطة داخل وعلى طول حرم الحدود من الخارج الى أبرق الكبريت

وأنا شاهدتها وقتلتها وترى من الصعب قتل الضرنمبون إلا بضربه على أنفه .

الضبع والواوي ( أبن آوى ) قرب ومن بعد مركز منيفة وعلى طول الشواطي .

أنا شاهدت جرو ضبع هناك . وصيادين مصريين مسكوا واوي ( أبن آوى ) في شباكهم .

لاتكذبون أحد عيب .! أطلعوا وشوفوا ....

[ســـــوار]

هههههههههه طفشتونا خلاص ما هنزور الخفجي

[ظنا وايل]

أنا شاهدت جرو ضبع


الاخ عجاج اتمنى توصف لي المكان والوقت متى واي وقت بالسنة


دمتم بخير

[هم1]

هذا الظربون

وهو من الحيوانات الداعمه للارهاب

للاحتوائه الاسلحه البيولوجيه والسرعه النقل بواسطة الهوا من غاز الاعصاب وغاز العمي الموقت ومن يتعرض لذراته عن عبد يفقد حاسته الشم مادام حيا



اجل وشلون لو شفت النيص


والنيص عاد كبار السن اشبعو من اكله ويقال بان لحمه جمع حلاوة شوا الجربوع وقساوت لحم البدن(وهو الوعل)(تيس جبلي)

والنيص سلمك الله ياحاتم

حيوان شوكي يستخدم للدفاع عن نفسه افضل منظومة صواريخ شهدها الكون لانها وهبة له من الله عز وجل

لاصواريخ بلاستيه
ولا توماهوك اذا خذا وخذا وخذ نفس ثم بث الشوك في كل الاتجاهات واصاباته دائما بسيقان من يحاولون القاء القبض على هذا الوديع

وعلما بانه بالحجم كالهر البري

ويتسلح كالقنفذ والقنفذ حيوان كروي كان اسلافنا يلعبون به كرة القدم[/poem]

[سمح المحيا]

يعــــــــــــــــــــــطيك العافية على الموضوع
بـــــــــــــس عنــــــــــــــدي ملاحظة
عيــــــــــــــــــــون الظربان حلوة
بــــــــــــس الحلو مايكملش
وشــــــــــــــــــكرأ
وتقبل مروري

[عجاج]

هلا والله

أخوي

ظنا وايل


الاخ عجاج اتمنى توصف لي المكان والوقت متى واي وقت بالسنة

حاولت أرسل لك رد على رسالتك ولكن لم يتم الإرسال .

http://www.alraidiah.org/up/up/19451621320071108.GIF

عموماً .

جرو الضبع شاهدته صيف عام 1427 هـ حوالي الساعة 10 مساءً قرب معمل الغاز القديم

اللي شرق مركز منيفة بين المعمل والبحر والمكان وعـر جـداً .