أنا كذااااااااااااااا يا صاحبي ... !!!!

[أبو فهاد]

أنا كذا يا صاحبي... الصدق دايم مشهره
.................... والناس هذي ما تبي ....إلا من يجاملّها..

ماني بشيطان أذكره...والحق لازم أذكره
.................... أيه أذكره... واللي عقد روس الحبال يحلّها..

وترى الكذوب ليا حكى... تلقى كلامه فشخره
.................... يسرد عليك ولا يمل...حتى لو إنت تملّها..

والسالفة إليا قالها...لازم تجيك مبهره
.................... ولا من قضا تبهيرها...في وسط راسك سلّها..

كلام كله مسخره..في مسخره..في مسخره
.................... وإن كان تبغى تستريح...ياصاحبي شكلّها..

أما أنا ياصاحبي...ما أحب كثرالثرثره
.................... والسالفه.. لا جت غلط...ماظنتي أمهلّها..

أنا قبل ما أنطق خطأ...فمي لزوم أسكره
.................... واقطع لساني لو نوى...في كلمةٍ يزلّها..

بس الصراحة للأسف!!!في هالزمن مستنكره
.................... وأهل الصحيح بهالزمن...مع الأسف يا قلّها..

كلٍ يطبل للكذوب...يكذب وكلٍ يشكره
.................... يعني إذا تبغى تعيش...ياصاحبي طبلّها..

لاتلومني ياصاحبي...دنياك هذي مدبره
.................... واللي بقلبي خلّها...تكفى طلبتك خلّها..

ملّيت من دنيا بها...كل البشر متغيره
.................... والصدق أشوفه انتهى...والكذب قام يفلّها..

الحزن في قلبي كبير...والهم والله مكبره
.................... لو جيت أوزع للبشر...غطا البشر ذي كلّها..

الهم يسهرني وأنا...في كل ليلة أسهره
.................... واحتارت الدمعة تسيل...أو تنثبر بمحلّها..

وختامها ياصاحبي...أحمد لربي واشكره
.................... ولغير ربي ما نويت...نفسي أبد أذلّها ..

طبعي كذا ياصاحبي...طبعي كذا ما أغيّره
.................... أقولها.. واللي عقد روس الحبال يحلها..

[حاتم الداغر]

الحزن في قلبي كبير...والهم والله مكبره
لو جيت أوزع للبشر...غطا البشر ذي كلّها..

أبو فهاد

صح الله لسانك

قصيده روووووعه

تسلم يمينكـ

يعطيك الف عافية

تقبل أجمل التحيات

[الجوووري]

قصيدة رائعـه ..


صح السانك مليون

ولاهنت على النقل الرائـع ..

:101:

[حنين]

http://www.alraidiah.com/vb/uploaded/mals.gif





تسلم ابو فهاد على هالنقل


الله يعطيك العافيه






http://www.alraidiah.com/vb/uploaded/mals2.gif

[عواد العنزي]

ابو فهاد

اختيار رائع وقصيدة مجنونه وشاعرها مجنوووون خخخخخخخخخخخخخخخ

كل الشكر

إحتراااااااااااااااااامي

[أبو رائد]

الله يعطيك العافية يا بو فهاد

وتسلم على هالقصيدة الرائعة والمميزة ..

[ديومه]

شـكــ وبارك الله فيك ـــرا لك ... لك مني أجمل تحية .