نايف فهاد
08-10-2007, 10:00 AM
http://www.karzakan.com/i/albums/userpics/10019/card4.jpg
يحل هذه الأيام على الأمة العربية والإسلامية جميعاً ضيف عزيز قريب إلى القلوب طالما انتظره الجميع فالكل مشتاق إليه.. انه العيد.
نعم العيد فرحة وبهجة وأفضل الناس في هذا العيد هو من امتدت يده لصلة ما انقطع الود بينه وبين اقاربه واصدقائه.. نعم انها ايام لاحلال المحبة محل الشحناء والخلافات.. كثيراً من القصائد كتبت عن العيد ولكن مشاعر الشعراء تختلف من شاعر إلى آخر وهانحن نعرض إليكم بعضاً من القصائد قيلت عن العيد لمجموعة من الشعراء:
ونبدأ بقصيدة للشاعر الشيخ محمد البراهيم الوافي:
للعيـد فرحـة وانتظـار وهدايـا
ويا زين يوم العيد بيـن الأجاويـد
يا سيدي يـا سيـد كـل البرايـا
احترت اناشا اهديك في ليلة العيـد
اهديك قلـب هـام بيـن الحنايـا
يغرد بحبـك لـه سنيـن تغريـد
والا عيون من سهومـك ضحايـا
ولا ما تشوف الا انت يا صافي الجيد
والا كفوف تلتهب لـك شظايـا
من شوفها لك ما تبي باقـي الغيـد
والا قصيـد يرتجـف بالشفـايـا
يسوقه احساسـي بليـا مواعيـد
خذ ما تبي منـي وكلـي عطايـا
خذ ما تبي يا صاحبي من دون تحديد
كلي حلالك يـا عقيـد الصبايـا
آمر تدلل وانت لك كل مـا تريـد
يا ليتني ارضيـك واثبـت وفايـا
ويا ملها تعجبـك هديـة العيـد
* ويقول الأمير سعود بن بندر يرحمه الله :
أقول في نفسي وانا اعايـد النـاس
متى بشوفك تكمل افراح عيـدي
اجامل وربـي عليـم بالاحسـاس
وشهو شعوري وانت عني بعيـدي
الي خذاني لك على السهر هوجاس
ماكني الا وسط ربعـي وحيـدي
لو حسوا بما بي يقولـون لا بـاس
بدال قوله على وعيـدك سعيـدي
لا صرت عندي وقتي اعياد واعراس
حتى ولو في وسط سجن الحديدي
* والشاعر علي المفضي يقول:
دموع العين هلت فوق خدي صباح
العـيـد والعـالـم سـعـيـدة
على من كان لي واليـوم ضـدي
يعانـد مثـل دنيـاي العنـيـدة
حبيـب ظالـم بيّـح بـسـري
تناسانـي وانـا قلبـي يـريـده
الي شفته مـع الشـارع معـدي
اقول القلـب هـذا يـوم عيـده
* كذلك قول الشاعر صنيتان المطيري:
يا عيد ما لك فرحة فـي عيونـي
نسيتنـي مـدري زمانـي نسانـي
ما قدرت افراحك تعانق شجونـي
احزاني اكبر مـن كـلام التهانـي
حاولت اجاري فرحتك وكشفوني
لا جيت ابضحك ما استمرت ثواني
إلى ان قال:
يا ليتهم يدرون من غالطوني
ان الهوى ما عادله عصر ثاني
ويا ليتهم يدرون من عايدوني
ان الفرح لما له بقلبي مكاني
* وهذا جلعود لافي الشمري يقول:
العيد جاء عادت علينا لياليـه
بالخير وأيام الرخاء والسعـادة
بالعيد كل ينتظر شوف غاليـه
وغالي يجي غاليه عقب ابتعـاده
العيد حل وحل بالذوق حاليـه
وفيه التسامح بين الاخصام عاده
على الذي طبع الحياء من مباديه
على الوفاء على المروءة وداده
* وقال عبدالله سعود الصقري في قصيدة:
أهدي التهاني والتباريك واشيد
بإعلامنـا وأقلامنـا والجرايـد
للعالم المسلم جميـع الأجاويـد
اهل الثناء وقت الرخا والشدايد
وثنى التهاني بأشرف القول وازيد
حكامنا آل سعود دروس البدايد
إلى ان قال:
كل الوطن عم الفرح والأناشيد
بالعيد يوم النصر ولا من سايد
عيد سعيد للعروبـة وتجديـد
بالدين والدنيا والايمـان زايـد
مع منهج التوحيد والعلم ونشيد
صرح الحضارة بالوطن كل فايد
* وتقول الشاعرة نورة الشبيلي:
هالحين صار العيد عندي سعيدي
يوم اهتنى قلبي بشوفـة حبيبـه
شفت الغلا لي في عيونه اكيدي
بدد سلامه كل شـك وريبـه
طبع الوفا عنده وعندي فريدي
قصه هوانا في وفاهـا عجيبـه
إلى ان قالت:
يا عيد يا عيد المحبة والاسـلام
عساك بالافراح دايم لنا عيـد
الله يعيدك بالفرح والرضا التام
والنصر والتمكين وافراحنا تزيد
* ويقول خلف بن سليمان البجيدي العنزي:
اقبل علينـا العيـد محـلا قبالـه
يا ما حلا بالمملكـة فرحـة العيـد
عيدك مبـارك يـوم مجالـي مجالـه
يا خادم البيتين يـا راعـي البيـد
لك الولا والأرض في كـل حالـه
لك يا فهدنا وثنـى العلـم تأكيـد
مولاي شوفـك عيدنـا وحتفالـه
ويا ليت لو عيدك على كيف ما نريد
ونمسك يمينك مـا نعايـد بدالـه
يا عد عمرك عيد وسعيـد ويزيـد
زف لصحـاب السمـو والجلالـة
امباركـه بالعيـد والعيـد تجديـد
طاعه جميع الشعـب لـه الشكالـه
اللي لهم فضـل علينـا وتوحيـد
لبلادنا يا بلادنـا رمـز الاصالـه
بحس شاعر ما غـوى بالتماجيـد
داري حباها الله مبـدى الرسالـه
ومهبط وحي ثم احكموها صناديـد
والعدالـه مـا قضـت بالعدالـه
وحكم الشريعه ما يبيلـه مناقيـد
ويا دارنـا والعيـد حـروة قبالـه
عيدك امبارك يـا مقـر الجاويـد
* وقال سعيد مقحم السهلي:
العيد عمت فرحته كل الأوطـان
ثم اشرقت شمس المحبـه سناهـا
يهدي من الفرحة تغاريد الأوطان
ويرسم على البسمة حلاوة شفاها
وحد جميع الناس صدقان واخوان
والنفس وصلهـا لغالـي مناهـا
كل يقول العيد مبروك يا فـلان
الله يعيـده رب الارض وسماهـا
ويجمع قلوب عقب فرقا وهجران
على الفرح طيب يكسب رضاها
يطيب شوف اللي للأحباب ولهان
نظرات عينـه بالمـودة ملاهـا
* ويقول عبدالله غازي الحنيني:
العيد حان وبالمعاني قصدنـا
ببيان من هيض المشاعر مواريد
ابيات من در الجزيلات زدنـا
مثل الورود اليانعه بالعناقيـد
ابيات في تنظيمهن اجتهدنـا
نصوغهن ونعيد ونفيد ونزيد
ابيات نهديهن لقايـد بلدنـا
اللي على الطوله فعوله محاميد
الله يديمك للوطن يـا فهدنـا
يا سيدي تبقى واهنيك بالعيد
* وقال الشاعر خلف ابوزويد الشمري:
يا راكبه وصل سلامي امكيده
قل له ترى قلبي تمزع امزوعي
كل نهار العيد عايد وديـدة
وانا نهار العيد عيدي ادموعي
* وهذه قصيدة قديم الشوق حيث يقول في العيد:
للعيد فرحه يا حلو فرحـة العيـد
نشوة أمل في وجيه الاحباب بانت
وللعيد غنـوة وابتهـاج وتغاريـد
في الديرة اللي لسلم الاجداد صانت
وللعيد ذكرى في العيون المساهيـد
يوم الجروح الماضية حيـل لانـت
وللعيد شوق وذكريات وتناهيـد
في عيني اللي طول الايـام عانـت
وللعيد لهفة عند بعـض الاجاويـد
يوم الطبايع تالي الوقـت شانـت
وللعيد عقد يلبسه نايـف الجيـد
ذيك الجفول اللي على الروح مانت
* ويقول الشاعر هلال المطيري:
ما اقول غير الله يهنيك بالعيـد
حقك عليَّ ابادلـك بالتهانـي
في خاطري والا ترى عيدي بعيد
شوفتك عيدي كان لي عيد ثاني
* ونختتم رحلتنا مع هذه الأبيات لعبدالله تركي عبدالله السديري:
العيد حل ونجم الاحباب ما هل
اللي بشوفتهم جروحي تشاوت
والموق في لوهو الدمع ما لحـل
على البعيد اللي له النفس ناجت
الناس في اعياد وانا جسم منسل
ما عاد بي غير العظام وتلاشـت
لولاي اوسع خاطري كل ما ذل
يوم فرقـاه ذا لـروح ذابـت
يومه نشدني قلت ما نيب انا ادل
ذيك الديار اللي لها النفس عافت
ليته صبر وياي وفي نجد ما مـل
ذيك الحزوم اللي لها النفس مالت
الله يوفق صاحبي وين ما حـل
ونفسي ترى ما مر يوم وعاجت
يحل هذه الأيام على الأمة العربية والإسلامية جميعاً ضيف عزيز قريب إلى القلوب طالما انتظره الجميع فالكل مشتاق إليه.. انه العيد.
نعم العيد فرحة وبهجة وأفضل الناس في هذا العيد هو من امتدت يده لصلة ما انقطع الود بينه وبين اقاربه واصدقائه.. نعم انها ايام لاحلال المحبة محل الشحناء والخلافات.. كثيراً من القصائد كتبت عن العيد ولكن مشاعر الشعراء تختلف من شاعر إلى آخر وهانحن نعرض إليكم بعضاً من القصائد قيلت عن العيد لمجموعة من الشعراء:
ونبدأ بقصيدة للشاعر الشيخ محمد البراهيم الوافي:
للعيـد فرحـة وانتظـار وهدايـا
ويا زين يوم العيد بيـن الأجاويـد
يا سيدي يـا سيـد كـل البرايـا
احترت اناشا اهديك في ليلة العيـد
اهديك قلـب هـام بيـن الحنايـا
يغرد بحبـك لـه سنيـن تغريـد
والا عيون من سهومـك ضحايـا
ولا ما تشوف الا انت يا صافي الجيد
والا كفوف تلتهب لـك شظايـا
من شوفها لك ما تبي باقـي الغيـد
والا قصيـد يرتجـف بالشفـايـا
يسوقه احساسـي بليـا مواعيـد
خذ ما تبي منـي وكلـي عطايـا
خذ ما تبي يا صاحبي من دون تحديد
كلي حلالك يـا عقيـد الصبايـا
آمر تدلل وانت لك كل مـا تريـد
يا ليتني ارضيـك واثبـت وفايـا
ويا ملها تعجبـك هديـة العيـد
* ويقول الأمير سعود بن بندر يرحمه الله :
أقول في نفسي وانا اعايـد النـاس
متى بشوفك تكمل افراح عيـدي
اجامل وربـي عليـم بالاحسـاس
وشهو شعوري وانت عني بعيـدي
الي خذاني لك على السهر هوجاس
ماكني الا وسط ربعـي وحيـدي
لو حسوا بما بي يقولـون لا بـاس
بدال قوله على وعيـدك سعيـدي
لا صرت عندي وقتي اعياد واعراس
حتى ولو في وسط سجن الحديدي
* والشاعر علي المفضي يقول:
دموع العين هلت فوق خدي صباح
العـيـد والعـالـم سـعـيـدة
على من كان لي واليـوم ضـدي
يعانـد مثـل دنيـاي العنـيـدة
حبيـب ظالـم بيّـح بـسـري
تناسانـي وانـا قلبـي يـريـده
الي شفته مـع الشـارع معـدي
اقول القلـب هـذا يـوم عيـده
* كذلك قول الشاعر صنيتان المطيري:
يا عيد ما لك فرحة فـي عيونـي
نسيتنـي مـدري زمانـي نسانـي
ما قدرت افراحك تعانق شجونـي
احزاني اكبر مـن كـلام التهانـي
حاولت اجاري فرحتك وكشفوني
لا جيت ابضحك ما استمرت ثواني
إلى ان قال:
يا ليتهم يدرون من غالطوني
ان الهوى ما عادله عصر ثاني
ويا ليتهم يدرون من عايدوني
ان الفرح لما له بقلبي مكاني
* وهذا جلعود لافي الشمري يقول:
العيد جاء عادت علينا لياليـه
بالخير وأيام الرخاء والسعـادة
بالعيد كل ينتظر شوف غاليـه
وغالي يجي غاليه عقب ابتعـاده
العيد حل وحل بالذوق حاليـه
وفيه التسامح بين الاخصام عاده
على الذي طبع الحياء من مباديه
على الوفاء على المروءة وداده
* وقال عبدالله سعود الصقري في قصيدة:
أهدي التهاني والتباريك واشيد
بإعلامنـا وأقلامنـا والجرايـد
للعالم المسلم جميـع الأجاويـد
اهل الثناء وقت الرخا والشدايد
وثنى التهاني بأشرف القول وازيد
حكامنا آل سعود دروس البدايد
إلى ان قال:
كل الوطن عم الفرح والأناشيد
بالعيد يوم النصر ولا من سايد
عيد سعيد للعروبـة وتجديـد
بالدين والدنيا والايمـان زايـد
مع منهج التوحيد والعلم ونشيد
صرح الحضارة بالوطن كل فايد
* وتقول الشاعرة نورة الشبيلي:
هالحين صار العيد عندي سعيدي
يوم اهتنى قلبي بشوفـة حبيبـه
شفت الغلا لي في عيونه اكيدي
بدد سلامه كل شـك وريبـه
طبع الوفا عنده وعندي فريدي
قصه هوانا في وفاهـا عجيبـه
إلى ان قالت:
يا عيد يا عيد المحبة والاسـلام
عساك بالافراح دايم لنا عيـد
الله يعيدك بالفرح والرضا التام
والنصر والتمكين وافراحنا تزيد
* ويقول خلف بن سليمان البجيدي العنزي:
اقبل علينـا العيـد محـلا قبالـه
يا ما حلا بالمملكـة فرحـة العيـد
عيدك مبـارك يـوم مجالـي مجالـه
يا خادم البيتين يـا راعـي البيـد
لك الولا والأرض في كـل حالـه
لك يا فهدنا وثنـى العلـم تأكيـد
مولاي شوفـك عيدنـا وحتفالـه
ويا ليت لو عيدك على كيف ما نريد
ونمسك يمينك مـا نعايـد بدالـه
يا عد عمرك عيد وسعيـد ويزيـد
زف لصحـاب السمـو والجلالـة
امباركـه بالعيـد والعيـد تجديـد
طاعه جميع الشعـب لـه الشكالـه
اللي لهم فضـل علينـا وتوحيـد
لبلادنا يا بلادنـا رمـز الاصالـه
بحس شاعر ما غـوى بالتماجيـد
داري حباها الله مبـدى الرسالـه
ومهبط وحي ثم احكموها صناديـد
والعدالـه مـا قضـت بالعدالـه
وحكم الشريعه ما يبيلـه مناقيـد
ويا دارنـا والعيـد حـروة قبالـه
عيدك امبارك يـا مقـر الجاويـد
* وقال سعيد مقحم السهلي:
العيد عمت فرحته كل الأوطـان
ثم اشرقت شمس المحبـه سناهـا
يهدي من الفرحة تغاريد الأوطان
ويرسم على البسمة حلاوة شفاها
وحد جميع الناس صدقان واخوان
والنفس وصلهـا لغالـي مناهـا
كل يقول العيد مبروك يا فـلان
الله يعيـده رب الارض وسماهـا
ويجمع قلوب عقب فرقا وهجران
على الفرح طيب يكسب رضاها
يطيب شوف اللي للأحباب ولهان
نظرات عينـه بالمـودة ملاهـا
* ويقول عبدالله غازي الحنيني:
العيد حان وبالمعاني قصدنـا
ببيان من هيض المشاعر مواريد
ابيات من در الجزيلات زدنـا
مثل الورود اليانعه بالعناقيـد
ابيات في تنظيمهن اجتهدنـا
نصوغهن ونعيد ونفيد ونزيد
ابيات نهديهن لقايـد بلدنـا
اللي على الطوله فعوله محاميد
الله يديمك للوطن يـا فهدنـا
يا سيدي تبقى واهنيك بالعيد
* وقال الشاعر خلف ابوزويد الشمري:
يا راكبه وصل سلامي امكيده
قل له ترى قلبي تمزع امزوعي
كل نهار العيد عايد وديـدة
وانا نهار العيد عيدي ادموعي
* وهذه قصيدة قديم الشوق حيث يقول في العيد:
للعيد فرحه يا حلو فرحـة العيـد
نشوة أمل في وجيه الاحباب بانت
وللعيد غنـوة وابتهـاج وتغاريـد
في الديرة اللي لسلم الاجداد صانت
وللعيد ذكرى في العيون المساهيـد
يوم الجروح الماضية حيـل لانـت
وللعيد شوق وذكريات وتناهيـد
في عيني اللي طول الايـام عانـت
وللعيد لهفة عند بعـض الاجاويـد
يوم الطبايع تالي الوقـت شانـت
وللعيد عقد يلبسه نايـف الجيـد
ذيك الجفول اللي على الروح مانت
* ويقول الشاعر هلال المطيري:
ما اقول غير الله يهنيك بالعيـد
حقك عليَّ ابادلـك بالتهانـي
في خاطري والا ترى عيدي بعيد
شوفتك عيدي كان لي عيد ثاني
* ونختتم رحلتنا مع هذه الأبيات لعبدالله تركي عبدالله السديري:
العيد حل ونجم الاحباب ما هل
اللي بشوفتهم جروحي تشاوت
والموق في لوهو الدمع ما لحـل
على البعيد اللي له النفس ناجت
الناس في اعياد وانا جسم منسل
ما عاد بي غير العظام وتلاشـت
لولاي اوسع خاطري كل ما ذل
يوم فرقـاه ذا لـروح ذابـت
يومه نشدني قلت ما نيب انا ادل
ذيك الديار اللي لها النفس عافت
ليته صبر وياي وفي نجد ما مـل
ذيك الحزوم اللي لها النفس مالت
الله يوفق صاحبي وين ما حـل
ونفسي ترى ما مر يوم وعاجت