!! .. مطــــــــوّع .. !!

[ماجد المري]

السلام عليكم ورحمة الله وبركاته

::

في وقت(ن) أصبح فيه الـ " مطوّع " شبيه بالمخلوق الفضائي لدى الـ بعض ..

كان لا بد من هذا النص .. ولو كان " على الطاير " :rolleyes:

::


قالوا // مطوّع \\ قلت والحمد لله=ربّي عطاني من جزايل عطاياه
رب(ن)هداني بعد ما كنت ضايع=بين الكآبه والحزن والمعاناه
قبل ألتزم .. كان العمر أربع أقسام=حزن .. وهموم .. وضيق .. ولا محاتاه
ضايق .. ولا أدري ليه ولـ .. ويش ضايق=وبين السوالف دائما تسمع الـ .. آه
(( من غير خوّة ناس ماهم بعقال=دجّه .. ولجّه .. والعقل جاه ما الهاه
بعطيكم النبذه على حدّ علمي= واللي خفا أعظم .. ويستحسن إخفاه
الصبح .. تلقاهم طوابير فـ .. أمواج=وتحلى سوالفهم على الشارع .. إيّاه
وإذا سطعت شمس الضحى .. هبّوا رقود=ويا ويل من قوّم حداهم وصحّاه
وعند العصر .. قام وصرخ رافع الصوت=وين الفطور اللي زمان آتحرّاه .. ؟؟
طلع .. وضبّط كابه .. وعدّل الجنز=وراح الـ .. كازينو .. جعلها تالي خطاه
فرفر ..وقزّ ..ولزّ ..والشمس غابت=وراح يتفاهم .. قبل يعطي مقفّاه
طلع على الشارع والإشاره يسار=وأنتو تعرفون الطريق ومسمّاه
شف جرّة المهبول راااايح ورااااجع=يا عزّتي للي بذر .. والبذر تاه
ولا صار نص الليل .. شفهم يدورون=فـ .. الشارع الأصفر ومن جاه باراه ))
حياه \\ لكنها تشابه مع الموت=لا صار .. ما لله فيها مناجاه
وعقب إلتزامي .. شفت في كوني النور=وعرفت قدر الآدمي عند مولاه
يكفيني أنه صار قبل أسمي " الشيخ "=اللي تموت رجال من شان .. تلقاه
إن كان به من يقتدي بالمغنّين=رابح .. وأبو نوره .. وميحد .. وشرواه
أنا أقتدي بشيوخنا اللي يعزّون=بن باز .. والمسند .. وعايض .. ويتلاه
عبدالله السالم .. إمام المصلّين=وبن سعيد .. اللي ترك كل مشهاه
وش خانة الدنيا وهي ما بها دين .. ؟؟=يا صغرها في عين من ربّي أخزاه
ممّا جرالي من مقادير الأيام=بقول بيت(ن) كافلينه وكالاه
العمر .. ما يسوى بدون الثلاثه=الدين .. والدوله .. وبنت(ن) مسمّاه

::

للمعلوميّه : ما بين الأقواس " خارج النص " :biggrin:

::

مـــــــاجد ..!!

[أبو رائد]

مـــــاجـــــد ... المري


الــخطـــر


صح لسانك على هذه الرائعة


والله يعطيك العافية


مبدع .. كعادتك

[ظنا وايل]

وعقب إلتزامي .. شفت في كوني النـور
وعرفـت قـدر الآدمـي عنـد مــولاه
يكفيني أنه صار قبـل أسمـي " الشيـخ "
اللي تموت رجـال مـن شـان .. تلقـاه
إن كـان بـه مـن يقتـدي بالمغنّـيـن
رابح .. وأبو نوره .. وميحد .. وشـرواه
أنـا أقتـدي بشيوخنـا اللـي يـعـزّون
بن باز .. والمسند .. وعايض .. ويتـلاه
عبـدالله السالـم .. إمــام المصلّـيـن
وبن سعيـد .. اللـي تـرك كـل مشهـاه
وش خانة الدنيا وهي ما بهـا ديـن .. ؟؟
يا صغرها في عيـن مـن ربّـي أخـزاه
ممّـا جرالـي مــن مقـاديـر الأيــام
بـقـول بـيـت(ن) كافليـنـه وكــالاه
العمـر .. مـا يسـوى بـدون الثـلاثـه
الدين .. والدولـه .. وبنـت(ن) مسمّـاه

صح لسانك

يا شيخ



لا اجمل من الصدق في مدك هذا



جزل مغموس بالعسل


الخطـــــــــر



كن بالف خير

[سامي الشمري]

طلـع علـى الشـارع والإشـاره يسـار
ــــــــــ وأنتـو تعرفـون الطـريـق ومسـمّـاه


ياربي لا تبلانا !

أنا أبي أعرف سرّ الفرّ على هالشارع :tongue:


صح لسانك يا أبو سالم


ولو أن الصدر المهمل لا يعجبني في المسحوب


لكنّك أتقنته و أبدعت فيه


تحياتي لك


:101:

[الجوووري]

وش خانة الدنيا وهي ما بها ديـن .. ؟؟
يا صغرها في عيـن مـن ربّـي أخـزاه



صح السانك يالغلا

رائعة فعلاً


الف شكر ..

:101:

[حسن الحارثي]

شاعر مبدع ومطوع وخطر التعامل معك صعب !
عز الله انك عالج موضوع كان يحتاج لمثل هذه الرائعة
وعلى فكرة ما نقدر نستثني منها شئ لا داخل الاقواس ولا خارجها
بيض الله وجهك يا ماجد بيض الله وجهك يا ماجد
صح لسانك ملايين

[نـواف الشمــري]

الاخ الفاضل // ماجد المري




شهادتي بك مجروحه




جزل يا بطل




وأبيات كايف





تروق لي هذه العذبه








تحياتي لك ولشخصك المحترم

[ابتسـ ألم ـامة]

http://www.alraidiah.net/up/ar/alm1.gif


:101: هلا وغلا :101:



وش خانة الدنيا وهي ما بهـا ديـن .. ؟؟

يا صغرها في عيـن مـن ربّـي أخـزاه



كلمات رائعة



صح لسانك يا ماجد سلمت يمناك





دمتم بحفظ الباري

:101: وعلى الخير بإذن الله نلتقي :101:

http://www.alraidiah.net/up/ar/alm2.gif
كلمــات مـن ذهـب
سُئل حكيم

اي الأمور أشد أضراراً بالعقل .؟
فقال : الاستبداد والتهاون والعجلة

[ماجد المري]

مـــــاجـــــد ... المري


الــخطـــر


صح لسانك على هذه الرائعة


والله يعطيك العافية


مبدع .. كعادتك

::

صح بدنكـ يا الغالي ..

مروركـ في كل نصّ يعتبر بصمة نجاح فلا تحرمني هذا المرور ..

مفرح .. كعادتكـ ..

::

مـــــاجد ..!!

[ماجد المري]

وعقب إلتزامي .. شفت في كوني النـور
وعرفـت قـدر الآدمـي عنـد مــولاه
يكفيني أنه صار قبـل أسمـي " الشيـخ "
اللي تموت رجـال مـن شـان .. تلقـاه
إن كـان بـه مـن يقتـدي بالمغنّـيـن
رابح .. وأبو نوره .. وميحد .. وشـرواه
أنـا أقتـدي بشيوخنـا اللـي يـعـزّون
بن باز .. والمسند .. وعايض .. ويتـلاه
عبـدالله السالـم .. إمــام المصلّـيـن
وبن سعيـد .. اللـي تـرك كـل مشهـاه
وش خانة الدنيا وهي ما بهـا ديـن .. ؟؟
يا صغرها في عيـن مـن ربّـي أخـزاه
ممّـا جرالـي مــن مقـاديـر الأيــام
بـقـول بـيـت(ن) كافليـنـه وكــالاه
العمـر .. مـا يسـوى بـدون الثـلاثـه
الدين .. والدولـه .. وبنـت(ن) مسمّـاه

صح لسانك

يا شيخ



لا اجمل من الصدق في مدك هذا



جزل مغموس بالعسل


الخطـــــــــر



كن بالف خير

::

صح بدنكـ يا الغالي ..

الصدق هو أقرب وأسرع طريق للقلوب .. وهذا ما أبحث عنه ..

شكرا .. لتواجدكـ .. الثـّري ..

::

مـــــاجد ..!!

[ماجد المري]

طلـع علـى الشـارع والإشـاره يسـار
ــــــــــ وأنتـو تعرفـون الطـريـق ومسـمّـاه


ياربي لا تبلانا !

أنا أبي أعرف سرّ الفرّ على هالشارع :tongue:


صح لسانك يا أبو سالم


ولو أن الصدر المهمل لا يعجبني في المسحوب


لكنّك أتقنته و أبدعت فيه


تحياتي لك


:101:

::

صح بدنكـ يا سامي .. ولا هنت على الإطراء ..

تصدّق وأنا مثلكـ يا ولد .. الشارع هذا مسبب لي ارق :biggrin:

سامي .. غالي وتواجدكـ يزيد غلاكـ ..

::

مــــــاجد ..!!

[ماجد المري]

صح السانك يالغلا

رائعة فعلاً


الف شكر ..

:101:

::

صح بدنكـ يا الغالية ..

حضوركـ زادها روعه ..

الشكر موصول ..

::

مـــــاجد ..!!

[ماجد المري]

شاعر مبدع ومطوع وخطر التعامل معك صعب !
عز الله انك عالج موضوع كان يحتاج لمثل هذه الرائعة
وعلى فكرة ما نقدر نستثني منها شئ لا داخل الاقواس ولا خارجها
بيض الله وجهك يا ماجد بيض الله وجهك يا ماجد
صح لسانك ملايين

::

صح بدنكـ يا حسن ..

ووجهكـ ابيض يا الغالي .. حضوركـ يشرفني ولا هنت ..

::

مـــــاجد ..!!

[أبو زيدان]

صح لسانك



ودائماً مبدع الله يوفقك





:101::101::101:

[نمر بن عدوان]

صح لسانك على هذه الرائعة


والله يعطيك العافية

[ماجد المري]

الاخ الفاضل // ماجد المري

شهادتي بك مجروحه

جزل يا بطل

وأبيات كايف

تروق لي هذه العذبه

تحياتي لك ولشخصك المحترم

::

صح بدنكـ يا جولان ..

تأكّد أن إعجابكـ شرف أفتخر به ..

تشرفت بتواجدكـ المميز ..

::

مــــــاجد ..!!

[*&* جوري *&*]

عجبتني مابين القوسين خارج النص ههههههههه

تفصيل جميل .. وتتبع الكلمات فيه نوع من التشويق ..

لأنك كنت تتكلم عن حياة حقيقية نشوفيها في مجتمعنا وللأسف ..

مغزى القصيدة جميل جداً ..

ونفحه التدين أو الإيمان غير فوائدها في الآخرة وعند رب العالمين ..

لها فوائد ملموسه في الحياة ..

التدين : يخلق نوع من الرزانه وهذا شي جميل في الرجل ..


لفتني هالبيت :

((ضايق .. ولا أدري ليه ولـ.. ويش ضايق
وبين السوالـف دائمـا تسمـع الـ.. آه))



صح لسانك ..

نص جميل للغايه .. بالتوفيق أخوي ماجد وتقبل خالص تحياتي

[ماجد المري]

http://www.alraidiah.net/up/ar/alm1.gif


:101: هلا وغلا :101:







كلمات رائعة



صح لسانك يا ماجد سلمت يمناك





دمتم بحفظ الباري

:101: وعلى الخير بإذن الله نلتقي :101:

http://www.alraidiah.net/up/ar/alm2.gif
كلمــات مـن ذهـب
سُئل حكيم

اي الأمور أشد أضراراً بالعقل .؟
فقال : الاستبداد والتهاون والعجلة


::

صح بدنكـ يا ابتسامه ..

حضوركـ وردّكـ أضاف لها الكثير من الجمال ..

::

مـــــاجد ..!!

[ماجد المري]

صح لسانك



ودائماً مبدع الله يوفقك





:101::101::101:

::

صح بدنكـ يا الغالي ..

حضوركـ أحد أسباب الإبداع فلا تبتعد ..

::

مــــــاجد ..!!

[سطام الشمري]

ماجد الخطر



نص جميل


أطربيني هذا النص

فالك البيرق

أجيزك بكثافه <<<< مايدري وش معناها بس يسمع فيها


أحلى من الشعر كتّابه

هذا القلم وهذا الورق وهذا الشعر

الكصيده جميلة كجمال كاتبها


[]


[]


[]


[]


وش رايك : ماأصلح بلجنة تحكيم شاعر المليون؟


::::::::::::::::::::::::::::::::::::::::::


عموماً ليس غريب عليك هذا الإبداع


صح لسانك والله لا يحرمنا من مزيدك

[ماجد المري]

صح لسانك على هذه الرائعة


والله يعطيك العافية

::

صح بدنكـ يا العنزي ..

حضوركـ وردّكـ يزيدها روعه ..

::

مــــــــاجد ..!!

[ماجد المري]

عجبتني مابين القوسين خارج النص ههههههههه

تفصيل جميل .. وتتبع الكلمات فيه نوع من التشويق ..

لأنك كنت تتكلم عن حياة حقيقية نشوفيها في مجتمعنا وللأسف ..

مغزى القصيدة جميل جداً ..

ونفحه التدين أو الإيمان غير فوائدها في الآخرة وعند رب العالمين ..

لها فوائد ملموسه في الحياة ..

التدين : يخلق نوع من الرزانه وهذا شي جميل في الرجل ..


لفتني هالبيت :

((ضايق .. ولا أدري ليه ولـ.. ويش ضايق
وبين السوالـف دائمـا تسمـع الـ.. آه))



صح لسانك ..

نص جميل للغايه .. بالتوفيق أخوي ماجد وتقبل خالص تحياتي




::

صح بدنكـ أختي جوري ..

لا حرمني الله هذا التواجد والردود الجميله ..

أختي .. الحياه بلا دين .. كالموت .. وبكل إختصار ..

شاكر مروركـ اللذي اسعدني ..

::

مـــــــــاجد ..!!

[ماجد المري]

ماجد الخطر



نص جميل


أطربيني هذا النص

فالك البيرق

أجيزك بكثافه <<<< مايدري وش معناها بس يسمع فيها


أحلى من الشعر كتّابه

هذا القلم وهذا الورق وهذا الشعر

الكصيده جميلة كجمال كاتبها


[]


[]


[]


[]


وش رايك : ماأصلح بلجنة تحكيم شاعر المليون؟


::::::::::::::::::::::::::::::::::::::::::


عموماً ليس غريب عليك هذا الإبداع


صح لسانك والله لا يحرمنا من مزيدك

::

يا مرحبا بالغالي والله اني صادق ..

صح بدنكـ ولا هنت على الرد الجميل ..

وين شاعر المليون منّكـ .. ؟؟ :biggrin:

أسعدني تواجدكـ وصدّقني أنّي أطمح لأن يكون هذا التواجد دائما .. :101: ..

::

مـــــــاجد ..!!