يــامالك الملك..يالواحد شديد العقاب

[حاكم المطيري]

:

::

:::

بسم الله...

السلام عليكم ورحــمـة الله وبركاته..

هذه القصيدة لشّــاعر تركي الميزاني الملقب بـ تركي 2000 وهي التي ألقــاهـا في الحلقه الأخيرة من شاعر المليون.


يا مالك الملك .. يالواحد .. شديد العقاب= ياغافر الذنب .. يامرسل رسولك نذير
ياخالق الخلق .. يامحصي الخطا والصواب=تعالت أسمائك .. مالك في صفاتك خشير
يامحيي الأرض بأمرك من حمول السحاب= ياعالم ٍ بالحياة ومايؤول المصير
ياجامع الناس في يوم الحشر والحساب= مافيه فرقٍ هذا تاجر وهذا فقير
كل الخلايق سوا إلا بحمل الكتاب=لاشخصت أبصارهم يوم النهار العسير
أحدٍ فتح له كتابه صوب جنتك باب=وأحدٍ هوى به كتابه للسخط والسعير
يارب .. رحمتك .. لاهلوا علي التراب=وأصبحت مالي عن الوحشه مفر ومطير
وأقفوا ولدموعهم فوق الخدود إنسكاب=وأسمع قريع أحذيتهم ف الوداع الأخير
ودخلت في عالم البرزخ .. وطال الغياب=وفارقت كل القرايب والأهل والعشير
وجوني ملايكتك اللي للعمل والعذاب=واستسلمت نفسي لمنكر .. وجاني نكير
في موقفٍ للسؤال .. يزيد ثقل الجواب=إلا برحمتك .. ياللي بالخفايا خبير
يارب .. حملت نفسي بالشقا والعتاب = ومديت حبل الخطا لإبليس .. وأصبحت أسير
وطاوعتها في متاهات الوهم والسراب= لين أشبكتها الخطايا شبك .. والنفس طير
أزل .. وأقول أنا توني بسن الشباب= وإليا نصحني محب .. أقول توي صغير
ما كنت أحسب لوقتي والليالي حساب=ولا كنت أفكر وش اللي في زماني يصير
إلا بعد مانصفت العمر .. والراس شاب=وفقدت من ربعي جمعٍ غفير
عرفت بأن .. الحياه مصارعه وإكتئاب = وإني مودع .. ولا لي غير ربي نصير
ومن لا تزهب من التقوى لنفسه زهاب= لا مات .. وش حجته يوم النهار الكبير?
ف الموقف .. اللي مافيه مجادله وإنسحاب =من هول هاك النهار .. يشيب راس الغرير
لكن .. ليا أذنب إبن آدم .. وإعترف .. ثم تاب=الله يغفر الذنوب .. وينصر المستجير


:::

::

:

:

الشاعر..تركي بن عطالله المطيــري (تركي 2000).

[أبو فهاد]

والله العظيم إني من إسبوع وأنا كل يوم أقول أبغى أدوّر هالقصيدة لأني سمعتها بالبرنامج .. وقلت لازم اشوفها كتابة وأقرأها ..



وماصدقت يوم شفت عنوانها هنا ...




أزل .. وأقـول أنـا تونـي بسـن الشبـاب
................................ وإليا نصحني محـب .. أقـول تـوي صغيـر
ما كنـت أحسـب لوقتـي والليالـي حسـاب
................................ ولا كنت أفكر وش اللي فـي زمانـي يصيـر
إلا بعد مانصفـت العمـر .. والـراس شـاب
................................ وفـقـدت مــن ربـعـي جـمـعٍ غفـيـر
عرفت بـأن .. الحيـاه مصارعـه وإكتئـاب
................................ وإني مودع .. ولا لـي غيـر ربـي نصيـر





الله يعطيك العافية ... وأبدع تركي على هالرااااااااااااااااااااااااائعة .. !!

[الضيغم]

بصراحه انا ماصدقت ان أبو باروووود ينزل قصيده ..




لأن من عادته الذووووق الرفيع ..



وماخاب ضني ونقل لنا قصيده من أروع القصائد للشاعر تركي الميزانـــــي ..



الله يعطيك العافيه يابومحمد على هالنقل الرائع وسلمت يمينك..

[حاكم المطيري]

.
..
...

الله يعافيكم


ومنوّريـــــــن..


...
..
.

[أبو رائد]

راااائعة

الله يعطيك العافية

وصح لسان ( تركي )

[الجوووري]

رائعة جداً

صح السان ابو رهف

ولاهنت على النقـل ... .

:101:

[حاكم المطيري]

.
..
...

صحت ألسنتكم...

العفووو

...

..

.