¯¨'*·~-.¸¸,.-~*' (رحله مع شاعــر) ¯¨'*·~-.¸¸,.-~* [الأرشيف]

الجوووري

30-12-2007, 05:21 PM

رحلة

مع شاعر

رحلة

ولكنها مختلفة

إنها رحلة مع . . أسطورة الشجن . . وقيثارة الأحزان . .
البلبل الحزين الذي ظل يغرد , ويسعد القلوب , ويمتع النفوس دهرا . .
حتى ذاب قلبه وفشلت كليتاه !
عبدالله العليوي . . ذوب المشاعر , ورقة العواطف , ودمعة الأحزان . .
يدين له العشاق كل العشاق ممن شنفوا آذانهم , ورققوا قلوبهم بالاطلاع على إنتاجه الملتهب . . بالتعبير عن أحاسيسهم ومشاعرهم في مواقفهم العاطفية بكل إبداع وصدق .
عبدالله العليوي . . شاعر الألم , وجدول الأحزان , الشاعر الخجول الذي يتوارى عن الأنظار كلما أحس بوجود شكل من أشكال الإعلام . . الشاعر الذي صدح بأعذب الألحان تعبيرا عن ألم الفراق والوجد , الشاعر الذي يترجم ما في داخله من عذاب على شكل مقطوعات وقصائد تكاد تذوب التهابا !
الشاعر الذي يعبر ليرتاح لا لينشر أو يبحث عن ضوء وإطراء ! :smile:

إنه الشاعر المـرحوم : ..

||عبدالله العليوي ||

http://www.alraidiah.org/up/up/19902430620071230.jpg

:101:

الجوووري

30-12-2007, 05:26 PM

ولد الشاعر عبد الله بن عبد العزيز العليوي عام (1373هـ) "يرحمه الله" في مدينة عنيزة ،وتلقى تعليمه الإبتدائي والمتوسط في مديينة عنيزة ، وتخرج من ثانوية عنيزة العامة من قسمها الأدبي . ومن ثم التحق في بداية عمله الوضيفي بأحد البنوك الوطنية (البنك العربي) . وبرز رحمه الله كلاعب كرة قدم في النادي العربي في عنيزة إلا إن موهبته سرقته من معشوقة الملايين .
- حصل على جائزة القصة القصيرة على مستوى المملكه العربية السعودية في منتصف التسعينات الهجرية ، وجاءت تحت عنوان ( لمحة وفاء ) وتدور فكرتها حول قصة شاب يتيم تبرع بكليته لشقيقه اللذي قرر الزواج .
- عمل مشرفاً ثقافياً في النادي العربي ، وكان شعلة نشاط وحماس ، فحقق ناديه في ذلك الوقت العديد من الإنجازات الثقافية سواءً داخل منقطة القصيم أم خارجها .
- عمل في القطاع الحكومي في مديرية الزراعة والمياه في عنيزة قبل أكثر من سبع سنوات إلا إن معاناته مع الفشل الكلوي أجبرته على الاستقاله قبل أن يكمل عامه الثاني .
- تم تكريمه من قبل فرع جمعية الثقافه والفنون في منطقة القصيم بصفته شاعراً مبدعاً ومثقفاً بارزاً في المنطقة .
-صدر له أول ديوان مسموع بصوت الأستاذ محمد الرشيدوأيضاً صدر لـه أول ديوان مطبوع جاء تحت عنوان ( بقايا شوق ) ضم أكثر من (72) قصيدة . وله ايضاً محاولات في الشعر الشعبي الحديث .
- وتغنى له الكثير من الفنانين أمثال ( عبد الله الصريخ ، سلامة العبد الله ، حمد الطيار ،فهد العبد الله ، رباب ، سليمان الهندي ، خالد عبد الرحمن ، صالح الجبري )
- في بداية شهر شوال للعام الهجري (1424هـ) صدر لـه ديوان مسموع ومرئي بواسطة أقراص ( سي دي ) وشرائط ( الكاسيت ) و ( الفيديو ) . وضم هذا الإنتاج المتميز أكثر من عشرين قصيدة ، وقد أعده وأشرف عليه الشاعر : يوسف بن محمد المطلق ، وقام بهندسته الصوتيه والمؤثرات الشاعر : علي بن مد الله المد الله ، والقاه : إبراهيم بن علي الصيخان ، واخرجه فيديو : عبد الله بن محمد الخيفان ، وحيث قدمة هذه النخبه من الأسماء هدية جميلة للشاعر عبد الله بن عبد العزيز العليوي قبل وفاته " رحمه الله " بشهر ونصف تقريباً وعند عرض هذا العمل المتميز عليه ومشاهدته له ذرفت عيناه واكتفى الشاعر عبد الله العليوي بعد الموافقه في طرح هذا العمل بطبع قبلة حانية على جبين من قدموا لـه هذا الإهداء والإنتاج المتميز .

وفي يوم الخميس الموافق 2/11/1424هـ في تمام الساعة الثانيه وخمس واربعون دقيقة خيم الحزن على مدينة عنيزة بخبر وفات الشاعر عبد الله بن عبد العزيز العليوي رحمه الله وأسكنه فسيح جناته

الجوووري

30-12-2007, 05:30 PM

صـُورة شخصية ...

للمرحـوم .. .

http://www.alraidiah.org/up/up/19902485320071230.jpg

إلى جنة الخلـد

:101:

الجوووري

30-12-2007, 05:36 PM

قصيدة للراحل

بخط يدهـ

http://www.alraidiah.org/up/up/19902533320071230.jpg

:101:

الجوووري

30-12-2007, 05:39 PM

الشاعر

في إحدى امسياته

في عنيزهـ

http://www.alraidiah.org/up/up/19902551820071230.jpg

:101:

الجوووري

30-12-2007, 05:45 PM

[ قًٍصًٍآئًٍِدهـْ ..!]

( وين أنت )

وين أنت يا مشكاي عيني مشقـاة
في حب خـلٍ دمعتـي يـوم عيـده
ودي بنسيانـه ونسيـان مـافـات
وابدا من أول فـي حيـاة جديـدة
وأقول ياقلب الشقـاء حبنـا مـات
ميـر الله أقـوى ذكرياتـه عنيـده
يخطي واسامح وأذرف الدمع بسكات
نفس الخطا فـي كـل يـوم يعيـده
أدري لقلبه في هوى الغير نوهـات
وما كل نفس تأخـذ اللـي تريـده
ما تبعد الغالين ... طول المسافـات
جسمي بعيدٍ عنـه والقلـب بيـده

الجوووري

30-12-2007, 05:46 PM

( قلبي لقى غيركم )

قلبي لقى غيركم شخصٍ يهلي بـي
يشفق علي وأنا بالحيل مبلـي بـه
أرجوك لا تعتذر يكفيني اللي بـي
والله يسامحك منك العذر مالي بـه
من واهجٍ بالحشا شقيت أنا جيبـي
ومن لامني بالهوى يصلى لواهيبه
لولاك للنـاس مابانـت عذاريبـي
يا ما تجاهلت حبي وأنـت تدريبـه
يوم أنت مرتاح في همي وتعذيبـي
ماقلت لك يوم ... تفقدني وتبكي به
يازين ماشوف لك عندي مطاليبـي
حبيت غيرك وحبك ويش أسوي به

الجوووري

30-12-2007, 05:51 PM

( العهود الوثيقه )

ياللي تناسيـت العهـود الوثيقـة
ماعاش من قبلك بدنيـاه مرتـاح
لابد من يـومٍ وتلقـى الحقيقـة
تشوف لوعات الزمن كيف تجتاح
وتعود لي طيـرٍ مضيـع فريقـة
وأقول يا غدار عهد الوفـاء راح
تغيرت حتـى الوجيـه الصديقـة
والقلب الأبيض أصبح اليوم سفاح
يا ما تحملـت الجـروح العميقـة
والشوق بعيوني الا أقفيت فضاح
فيما مضى روحي بحبك غريقـة
مثل السفينة بالبحـر دون مـلاح
واليوم أنا قلبـي تغيـر طريقـة
مايرجع الماضي بالأعذار يا صاح
في خاطري عبرات هـمٍ وضيقـة
وشلون مات الحب في عز الأفراح

الجوووري

30-12-2007, 05:52 PM

( عشرة عمر )

حاول تقدر موقفي لـو تكرمـت
من شان ماض راح تسمع دفاعي
قبل الزعل ليتك لوضعي تفهمـت
ما بيننا عشرة عمر لو تراعـي
تراك في حكمك علينا تسرعـت
خلك حليم ولا تصيـر اندفاعـي
كان الخطى مني فأنا لك تعـذرت
قلبك عطوف و ما يسرك ضياعي
دامك بقلبي من إسنين تحكمـت
ما شوف لهروج تجي منك داعي
كل الهموم أنساه لا مـن تبينـت
أهواك أنا مهما تكون اندفاعـي

الجوووري

30-12-2007, 05:54 PM

( ذكرتني حبـك )

ذكرتني حبك وأنا أقول ناسيـه
جرحت جرحك يوم قرب يطيبي
في شوفتك شديت قلبي لماضيه
يوم أنت عني ساعة ماتغيبـي
يا للي تلوم القلب بفراق غاليه
ليتك بدنيا الحب تأخذ نصيبـي
تمشي بدرب ما تحسب تواليه
ماتدري إنك بالنهاية صويبـي
تذكر حبيبٍ راح تبكي لياليـه
دار الزمان وكل شمس تغيبـي
بيديه قلبي يا عرب كيف أخليه
من حبه الظالم تعـذر طبيبـي

الجوووري

30-12-2007, 05:55 PM

( لولا الوفا )

لولا الوفاء ما شدني لك جمالك
لا يخدعك وقت الندم لو صفالك
إخلاصك الوهمي كشفناه تالـي
هديت كل اللي بنيـت بخيالـك
غروك ناسٍ يدعون الوفا لـك
حديتن أبعد يالغضي عن مجالك
ما طاع قلبٍ يبتعد قال وشلون
وشلون قلي تبتعد عن ضلالك
في عزتي للنفس يا قلبي بعته
ما ظنتي يا قلب يلقـا بدالـك
أختار درب الشوق يا قلب خله
يا قلب إنساه واذكر اللي جرالك

الجوووري

30-12-2007, 05:56 PM

( مابي حيآتي )

مابي حياتي لا خلت منك تنعـاف
وش الليالي لاخلت مـن قمرهـا
جرحتني واليوم ماعاد تنشـاف
عيني تمنـى شوفتـك يانظرهـا
ياصاحبي قلبي على جال ميهاف
الروح يالغالـي تزايـد خطرهـا
ماترحم اللي للشقاء صار ميلاف
لك فرحة الدنيـا وحنـا كدرهـا
تبكي عليك الدار يازين الأوصاف
ليـت النهايـة ماتبيـن خبرهـا
أيام قربك يالغضي مابي خـلاف
راحـت ليالـي حبنـا ياقمرهـا

الجوووري

30-12-2007, 05:57 PM

( الصيف قرب )

الصيف قرب وا عذابي من الصيف
يبي يروح الزين ماعـاد ينشـاف
لا غاب عن عيني حسين التواصيف
عز الله إني للشقاء صرت ميـلاف
العام جرحي داخل القلـب ماشيـف
واليوم أخاف جروح فرقاه تنشـاف
قلبي معه والدرب يمـه صواديـف
ليته بجنبي كان ما عنـدي خـلاف
ياصيف ... لا تبعد قلوبٍ مواليـف
ارفق ترى قلبي على جال ميهـاف
في بحر حبه مـا تفيـد المجاديـف
انشهد ان الـدار لا غـاب تنعـاف

الجوووري

30-12-2007, 05:59 PM

( خايف عليك )

خايف عليك ومنك بالحيـل خايـف
عزي لقلبي يجمع الحـب والخـوف
خليت قلبي والشقـاء بـك ولايـف
قلبي عمى وش عاد لو عيني تشوف
عمري قضى ماقلت لك واحسايـف
عندي نهايه درب الاشواق معروف
جرحت قلبي يـا عديـم الوصايـف
ماظن تشرح ما بقلبي لـك حـروف
قلبي لغيـرك لـو تغليـت عايـف
حبك ملك قلبـي ونسانـي الخـوف

سامي الشمري

30-12-2007, 07:17 PM

الجوري ..!

فكرة جدا ً رائعة

و إختيار رائع لـ شاعر مُمّيز

رحمه الله

خايف عليك ومنك بالحيـل خايـف
عزي لقلبي يجمع الحـب والخـوف

رائعة اللعبة في هذا البيت

الله يعطيك العافية .. و ياليت لو تعدلين بعنوان الموضوع و تحطين بآخر شيء ( 1 )

لـ ننتظر منك رقم ( 2 )

:101:

الجوووري

31-12-2007, 04:50 AM

:

.

سنكمل ماتبقى لنا من رحلـهـ ..

مع المرحـوم : عبدالله العليوي ..!

:101:

الجوووري

31-12-2007, 04:52 AM

( لو طـآل صبري )

لو طال صبري يا هوى البال له حد
ماودي إنك توصل الصبـر حـده
رسمت لك شكواي والدمع يشهـد
عقبك خطير القلـب ينبـاح سـده
كيف أحتمل ياعزوتي عيشة الصد
أعطيك روحي والشقاء لـي تمـده
حاولت كتم الشوق والشوق يشتـد
أرحم رحمـك الله ترانـي بشـده
لا تجرح المشتاق في قاسي الـرد
قلبي عن الفرحـه معـك لا تلـده
قلبي معك والله ماخنت لـك عهـد
ليت الحنان اللي مضى لـي تـرده

الجوووري

31-12-2007, 04:54 AM

( عفت انا الدنيا )

عفت أنا الدنيا إلا جـار الصديـق
كل واحد صار بالشكـوى يضيـق
من يدور لـه بـذا الغابـه رفيـق
ينقضي عمـره ولا يلحـق منـاه
دمعتي تجري ولا أحـدٍ لـي بكـى
عندهم شكـواي ماتلقـى صـدى
ياوجيه الغدر ويـن أهـل النـدى
أبعدوا عنـي تـرا عفـت الحيـاة
كم انا مخدوع فيكـم مـن سنيـن
عشت أنا المظلوم وأنتـم ظالميـن
لـي خفاياكـم ورا تـوه تبـيـن
يوم دار الوقت وأظهـر لـي رداه
كنت أشارك في هموم الكـل منكـم
كم تمنيت أحمل الضيقـات عنكـم
لو دريت أن الوفاء وهـم بنظركـم
ماقضى عمري وأنا أزرع في صفاة

الجوووري

31-12-2007, 04:55 AM

( منك انتهينا)

منك انتهينا يـا مخيـب رجانـا
الصبر طال وعذبتنـا المشاويـر
في موت حبك يجبر الله عزانـا
بيدك رميته لا تقـول المقاديـر
لولاك حنـا مـا تبـدل غلانـا
كل الوفاء منا ولا منـك تقديـر
قلنا سحابة صيف تعبـر سمانـا
وتزول ماله في سماء الحب تأثير
غدرك على نسيان حبك حدانـا
هذي سواتك ماتفيـد المعاذيـر
عفناك واللي عالـمٍ فـي خفانـا
البعد عنك أرحم وقلبك مع الغير
تبيعنـا واليـوم تبكـي هوانـا
لا يا عديم القلب فرقاك لي خيـر

الجوووري

31-12-2007, 05:01 AM

( توي عرفتك )

أنا عرفتك بالهـوى ألـف خـداع
وأنا بنظرات الوفاء منك مخـدوع
لا واحسايف عمري اللي معك ضاع
لا صار لك قلبٍ على الغدر مطبوع
تركتني وحدي على الدرب ملتـاع
أخذت عمري والعطاء منك ممنوع
تبي السموحه وأنت لي صرت بياع
وما زال قلبي من سواياك مفجـوع
يا ما نهيت القلب لاشك مـا طـاع
وأنا أشهد إني مابعد شفت لك نوع
ما نيب لا عذار تجي منك سمـاع
يكفين ماعشتـه بدنيـاك مخـدوع

الجوووري

31-12-2007, 05:13 AM

[ طابت النفس..!]

مابك رجاء ... من حبكم طابت النفس
ماشفت بك زودٍ علـى باقـي النـاس
جمالك الفتـان ماشفـت لـه جنـس
وش فايده ... ليتك بنيته على سـاس
قلبي عليك اليوم ماهوب مثـل أمـس
دور وتلقى اللي يشده لـك احسـاس
ليلـك طويـل ماتبينـت لـه شمـس
عمري قضى بين الرجاء فيك واليـاس
حاولت اجاهد عبرتي والخبـر همـس
اضحك واكذب مـن يقولـون لابـاس
متى ... تعاني لوعت الحـب وتحـس
في حالتي ... ولا أنت معدوم الاحساس

الجوووري

31-12-2007, 05:15 AM

\\ من ليالي زماني \\

من ليالـي زمانـي واثـقٍ ماهقيـت
تخلـف الظـن وتبـدل هنـاي بشقـا
ابتسم واحسب إنـك غافـلٍ مادريـت
والنـدم فـي عيونـي بيـن ماخفـا
يوم شافتك عيني في هـواك ابتليـت
ليتني ياعلـي ماشفـت ظبـي الشفـا
من زماني وحبـك والفـراق انتهيـت
هد حيلي غيابـك نـور عينـي طفـا
من جروحٍ بقلبـي صابـرٍ ماشكيـت
عن هوى الغير قلبي في هواك اكتفـا
في وداعك -حقيقة- غصب عني بكيت
كيف لابعدت عني وين ابلقـى الوفـاء

الجوووري

31-12-2007, 05:16 AM

\\ قالوا ابعد \\

قالوا أبعد وش يحـدك ترتجيـه
شمس من حبيت غابت عن سماك
قلت أنا ياناس قلبـي فـي يديـه
الغـلا خـلاه بعيونـي مــلاّك
ياعذولي خايفِ منه ... وعليـه
والسبب جـرحٍ بقلبـي ماخفـاك
لا تلومن .. لو بكت عيني عليـه
بالهوى ربي بلانـي مـا بـلاك
أنت بين يديك كـل اللـي تبيـه
الزمن ليته عطانـي مـا عطـاك
لو يضيع العمر اصبر وارتجيـه
غيبتـه يانـاس للمبلـي هـلاك

الجوووري

31-12-2007, 05:18 AM

( لوحيت لك طاري )

لاوحيت لك طاري مع الناس فزيت
حبك بقلبـي مـا طوتـه الليالـي
كني فطيـمٍ فارقـت أمـه البيـت
ولا لقـى قلـبٍ بدالـه مـوالـي
يا منيتي من عقبك الناس مليـت
مالي بغيرك يـا حسيـن الدلالـي
بأقرب قريب لي من الناس ضحيت
وارخصت من شانك عزيز وغالي
الله يشهـد مـا بحبـك تسليـت
واليـوم قلبـك غيرتـه الليالـي
اشقيتني في عيشتي مـا تهنيـت
وأنت بعذابـي مستريـح وخالـي
نسيت حبي كيف عنـي تخليـت
حطمت قلبـي يالغضـي عزتالـي
حطمت قلبي في عذابـي تماديـت
ليتك ترى في غيبتك وش جرالي

الجوووري

31-12-2007, 05:24 AM

( ودي بشوفك)

ودي بشوفك يـا مطـول غيابـك
بعدك علي الكون ياعزوتي ضـاق
أسهرت عيني في رجاوي كتابـك
يمكن يهدي بين الأضلاع خفـاق
جفت غصون القلب وابطى سحابك
للموت روحي ياهوى البال تنساق
ناشدتك الله لا يخيب الرجاء بـك
عساك لي يامالك الروح مشتـاق
قلبي معك لو تجرحه فـي عتابـك
لا شك من دونك خطاويه تنعـاق
يازين قلبي من هواك التجى بـك
لاتجرحه زودٍ على جرح الاشواق

الجوووري

31-12-2007, 05:26 AM

( مابقى بي حيل)

ما بقى بي حيل للجرح الجديد
جرحك اللي فات توه مابـرا
صارت الأيام مثلـك ياعنيـد
عن جروح القلب قلبك مادرا
من خطاك العام حاول تستفيد
وادفن الذكرى القديمة بالثرا
يوم قلبي عنك مايبعد بعيـد
وأنت قلبك بالهوى باع وشرا
ليت من ينساك في حبٍ جديد
ليت حبك ما على بالي طـرا

الجوووري

31-12-2007, 05:28 AM

( ياليتني)

ياليتني ماشفت زولك ولا جيـت
دربك ولا شافت عيوني عيونـك
ليتي معك بالمعرفة مـا تماديـت
ليت الظروف وسود الأيام دونـك
من قبل أشوفك ليتني عنك صديت
قبل تمكـن بالضمايـر طعونـك
الوقت ما جالي على مـا تمنيـت
خلن بحالي ما ترجيـت عونـك
يا زين من طول المشاوير مليـت
يا مشغل قلب شقا فيـك هونـك
وين أنت أنا لك تالي الليل ناديت
حتى السهر ماله حـلاة بدونـك

الجوووري

31-12-2007, 05:34 AM

\\ محاولة نسيانك \\

محاولة نسيـان حبـك وطاريـك
أكبر خطاء فكرت به في حياتـي
حبك سطابي حطني بين أياديـك
صار إندفاعي لك من أبرز صفاتي
ابيع كل الناس يازيـن وأشريـك
وشوف في نظرة عيونك غناتـي
ليت الهموم تصيب قلبي وتخطيك
ما اقول قلي من يسوي سواتـي
يزداد حبـي لـك بزايـد تغليـك
حسيت إني فيـك حققـت ذاتـي

الجوووري

31-12-2007, 05:37 AM

( ماجيت )

ماجيت حبٍ لك ولا نيب راجيـك
ماجيت يمك في رجاء مد يمنـاك
جيتك مثل غيري بنفسك أعزيـك
مالك وجود اليوم مـت ودفنـاك
شربت منك المر واكتم وأداريـك
حتى عدوي ما يسوي سوايـاك
الشاهد الله ما خبر جبت طاريـك
وان جاء لك الطاري بخير ذكرناك
عين بكت لك ما تلد النظر فيـك
غصبٍ علينا من سواياك عفنـاك
عواذلي قامت تبيعـك وتشريـك
ارجوك تبعد عيدنا يـوم فرقـاك

الجوووري

31-12-2007, 05:40 AM

( لاتزيد الجرح)

لا تزيد الجرح ماقصـر زمانـي
شايلٍ بالقلب أحـزان السنيـن
لاتزيد الجـرح مافينـي كفانـي
لا تصير اليوم مع وقتي معيـن
ياحياة الروح ربي بـك بلانـي
بالحشاء لك جرح يالغالي مكيـن
في زمانٍ فات يالغالـي ترانـي
أخفي الأحزان والعبـرة تبيـن
مندفع لك جيت شوقي لك حداني
جيت أبي نظرات عطفك والحنين
عمري اللي ظاع باحلام وأماني
شوفتي لك يوم والفرقا سنيـن

الجوووري

03-01-2008, 04:42 PM

( مآجيت درٍبـِك )

ما جيت دربك راضيٍ باختيـاري
لك خطوتي تنقاد لا عني أبطيـت
أبعد عن اللي لك يجيبون طـاري
إن زارني طيفك لزولـك تمنيـت
لا نتب بعيد ولا طفت منك نـاري
فيك الأمل لاهوب حـيٍ ولا ميـت
تخطي وقدم عن خطاك اعتـذاري
حتى خطاك أنساه ما كنك أخطيت
بين الرجاء و الياس طال انتظاري
و الياس رحمة يا شقاء من توليت
أعلنت بالفرقاء عليك انتصـاري
بالقلب أشوفك مثل غيرك تساويت

الجوووري

03-01-2008, 04:43 PM

( وقف وقلّي ) ..

وقف وقلي وش سبـب هالتحـدي
ابي الصراحة واقطع الشك باليـاس
انت وزمانـي والغرابيـل ضـدي
ياللي جرحت القلب وينك والإحساس
قلبي عليك ودمعتـي فـوق خـدي
منك اشتكي لك ياغناتي من النـاس
لولاك غالـي مـا تعديـت حـدي
ليتك بنيت الحب مثلي على سـاس
بكيت يوم اقفيـت وانبـاح سـدي
شربت منك المر كأسٍ بثـر كـأس
ليتك بنظـرة مـن عيونـك تلـدي
محبتي لك يالغضي ترفـع الـرأس

الجوووري

03-01-2008, 04:44 PM

( شآطر بالتحدي )

انشهـد إنـك شاطـرٍ بالتحـدي
وانشهد انه غلطتي يا عشيـري
حطيت قلبي شمعـة لـك تعـدي
واحرقتني يومك عرفت المسيري
درب يـودي يالغضـي مايـردي
تلقى على طبعك من الناس غيري
حفظت أنا عهدك وضيعت عهدي
الشوك لي والورد كلـه لغيـري
أحرقت رسمك يوم يـدك بيـدي
واليوم ودي عن هواك استخيري
القلـب يعطـي مـرةٍ مايـردي
حبك تحكـم واستقـر بضميـري
ذكرى سنين في دقايـق تعـدي
ويلاه من ضيم الحياة المريـري

الجوووري

03-01-2008, 04:46 PM

[ لو تلتفت ..]

لو تلتفت ياناوي الصد وتشـوف
تلقـى بـدال فراقنـا حـل ثانـي
يشدني حبـك ويبعدنـي الخـوف
ضيعت في رجوى حنانك زمانـي
حاولت أصور ماخفى عنك بحروف
لقيت حبـك فـوق كـل المعانـي
أنا على قربك شفـوقٍ وملهـوف
أقبل وتبعد خطوتك عـن مكانـي
اللي بقلبي لك من الـود معـروف
حسيبك اللي في هـواك ابتلانـي
ياقلب ماظنك علـى ذاك موقـوف
بليـت بالـي باعنـي ماشرانـي

الجوووري

03-01-2008, 04:47 PM

[ ياللي نسيت ]

ياللي نسيت الحب مثلك نسينـاه
جرحي يهون ولا مذلة خضوعي
قصرك بقلبي طاح وانهد مبنـاه
لاتنتظر مني لحبـك رجوعـي
من عافنا ننسى غرامه وذكـراه
لا واحسايف في غيابك دموعي
الغدر في نظراتك اليوم شفنـاه
اليوم نظراتك لقلبـي تروعـي
مليت حب ضاع عمري برجواه
وهديت من زود الغرابيل روعي
يامن قطع حبل الرجاوي بيمنـاه
من دمعتك أشعلت طافي شموعي

الجوووري

03-01-2008, 04:48 PM

[ حاولت ] .. !

حاولت أعزي مثل غيري من الناس
لقيت نفسي أستحق العـزاء فيـه
يا موت مالك قلب ما عندك إحساس
ما شفت حال اللي فقد شوف غاليه
يا موت ما ترحم طوى حالي الياس
قلبي جريحٍ ما لقى مـن يواسيـه
يا موت لو تشرب من الهم لو كاس
ترحـم وحيـدٍ هـم قلبـه يباريـه
قالوا مقدر قلت يا نـاس لا بـاس
أصبر وهمي في حشا القلب مخفيه
أمرٍ قضاه الله على العين و الراس
خلوني أنسـا لا تجيبـون طاريـه

الجوووري

03-01-2008, 04:50 PM

( درب الغلآ )

لا تحسبين اللي بقلبي لك شـوي
لا تحسبينك زول - مر - ونسيته
أنت لي الدنيا ولعيونـي الضـي
وأنت غناتي والرجا اللي رجيتـه
حلفت أنا منساك مادامنـي حـي
حتى السهر من شان عينك هويته
كل الثرى رمضا وقربك هو الفي
قربك رخيص ولو بعمري شريته
اخطي وردك للخطى وماحصل شي
أنشهد إنك درب ضـاع ولقيتـه
ولاتحسبين اللي بقلبي لك شـوي
درب الغلا تـوي بعـد مابديتـه

الجوووري

03-01-2008, 04:52 PM

( وداعك )

وداعك كيف أبتحمـل وداعـك
وداعك موت ياكـل الحبايـب
دخيلك لا تلـوح فـي ذراعـك
ترى قلبي بنار الشوق ذايـب
دخيلك قبل ماتطـوي شراعـك
منين الصبر قلي وأنت غايـب
على الفرقا وأنا أشوف اندفاعك
وأقـول الله يادنيـا العجايـب
شريت الزين ياقلبـي وباعـك
وراح اليوم وجروحك عطايـب
نهايتنـا بكلمـة قلتهـا لــك
وداعك موت ياكـل الحبايـب

الجوووري

03-01-2008, 04:53 PM

( دموع التماسيح)

طبعك تحب بكل جـرح التمـادي
توي دريت أمسح دموع التماسيح
أول جروحك زارني قلت عـادي
سحابةٍ هلت وزلت مـع الريـح
تذلني بالحب وين أنـت غـادي
عند المذله نرفع الراس ونشيـح
ليت الزمن بيني وبينك حيـادي
حتى الزمن و ياك والله ما طيـح
يموت حب ولا تمـوت المبـادي
أبختنق في عبرتي بس ما صيح
مع اللبن حنـا شربنـا العنـادي
يا ليت تبعد كان ترتـاح وتريـح

الجوووري

03-01-2008, 04:54 PM

( قلبي بعيدٍ عنك)

قلبي بعيدٍ عنك وين أنت ويـاه
قلبي عليك اليوم أبعد من أسهيل
قلبي كفاه من الشقاء منك ماجاه
ما حده الله للشقـاء والغرابيـل
قلبي معك ذاك أمس تامر وتنهاه
واليوم عيني منك ماتسهر الليل
نسيت حبك وأنت ياليت تنسـاه
أيامنا ضاعت خـداعٍ وتمثيـل
عزي لقلب مثل قلبـك تـولاه
ماعاد ابي للي حصل منك تعليل
هذا الفراق اللي تبيـه وتمنـاه
خلك بعيد وعلها لـك تساهيـل

الجوووري

03-01-2008, 04:55 PM

( قالوا سعيد..!؟)

قالوا سعيد بالهوى قلت بالحيـل
سعادتي ماينـدرى وش وراهـا
دربي صعيب وتحسبونه تساهيل
محد شكى من جمـرة ماوطاهـا
كل ٍ مريح ياعرب تالـي الليـل
وانـا بحـالٍ يعلـم الله شقاهـا
فكرت لو يطري على الزين تبديل
كيف اقدر الفرقا واعيش بعناهـا
اهواه من قلبي ومن غير تعليـل
لا تجبرون الروح تبدي خفاهـا
ياماكتبت اسمه على نجمة اسهيل
أصل بنور العين عالـي سماهـا

الجوووري

03-01-2008, 04:56 PM

( طيفك..!)

بالليل طيفك زارني وأنت زعـلان
أنشهد إن الطيف بالحيـل وافـي
جاني يقول : بنظرة عيونك أحزان
نظرة عيونك بينـت كـل خافـي
إلى متى تسهر وهو منك سهـران
خل العناد وماضـي الهـم كافـي
ياطيفها .. للصبر حـدٍ وميـزان
الليل طال وثوب الأحزان ضافـي
ياطيفها .. يستاهل القلب نيشـان
ياما على جمره مشى القلب حافـي
عندي تساوى اليوم وصلٍ وهجران
مانلتقي بيـن الـدروب إختلافـي

الجوووري

03-01-2008, 04:57 PM

( قلي على الله ..)

قلي على الله وابتعد عنك وارتـاح
قلي على الله بس من غير تجريح
من شب نار الشوق ياشوق ماصاح
واللي وطاها يشرح الجيب ويصيح
لولا الغلا ماهانت النفـس ياصـاح
محبتـي لـك ماوراهـا مصاليـح
وشلون تنسى يالغضي كل مـاراح
مركب غرمك سار مع وجهت الريح
القلب في يمينك ياعزوتـي طـاح
حنا على شط الرجاء بك مجاريـح
جرحتني واحسبك للقلـب جـراح
اشوف بعيونك على الصد تلميـح

الجوووري

03-01-2008, 04:58 PM

( مما جرى )

ممـا جـرى ياصاحبـي لا تكـدر
حزني طبيعـه ماتعـودت الأفـراح
الصبـر ينفـذ والغرابيـل تكثـر
صار الأمل للياس والهـم مفتـاح
ابكـي شبابـي وأشتكـي وأتذكـر
وقتٍ مضى ليتـه توقـف ولا راح
ابكي شـره وابكـي نـدم واتعبـر
من حر مابي ليت من مات وارتاح
طبع الو فاء يانـاس فينـا تغيـر
حتى الو فاء مسكين من غدرنا طاح
الله معـك مابيـك منـي تـعـذر
يكفين عنك اسهيل والطير لا نـاح
يمك حدان الشوق ما نـي مخيـر
واللي حداه الشوق معذور لو صاح

الجوووري

03-01-2008, 04:58 PM

(عيني)

عيني على اللي مضى هلت عبايرها
فرقاك نار صلتنـي فـي سعايرهـا
يا من سمع هرج عذالـي وعذالـه
لك مدة مبتعـد وخطـاك قاصرهـا
ظنيت حبـك يـدوم ودارت الدنيـا
سهراتنا اللي مضت هذي عواقبهـا
أنا معك ماشيا بالسمـع والطاعـة
محبتي ما بهـا شـئ يعـذر بهـا
وشلون تقفي وقلبي تشتعـل نـاره
أما انقذ الروح والا فأنـت دمرهـا
خذ من حياتي حياتي وارجع الماضي
وابعد عن النفس ضيقات تحاصرها

الجوووري

03-01-2008, 05:00 PM

( انشدوني)

إنشدوني عن هوانا قلت ضـاع
يوم شفنا الصد راحة للجميـع
خلنا نرتاح من هـاك الصـراع
والسهر والهم في رجوى الربيع
ناوي الفرقا وفليـت الشـراع
مثلما ضيعتنـي خلـك تضيـع
إبتعد بسكات مابـي لـك وداع
مايبي فرقاك هالقلب الرضيـع
تحسب إن قلوب خلق الله تباع
يوم تشرينـي وبالثانـي تبيـع
لا تغرك جيتـي لـك بأندفـاع
لو بغيتك عـز نفسـي مايطـع

الجوووري

03-01-2008, 05:02 PM

( لولا غيآبك )

لولا غيابك يا هوى النفس ماضـاق
صدري ولا بانت بنظراتـي الشـوق
لي قلب مثلك واسهر الليل وأشتـاق
غيرك فـلا والله تمنيـت مخلـوق
بيني وبينك خطـوة الرجـل تنعـاق
حسبي على اللي صار من بيننا عوق
اجرح وقلبي لك على الطول ينسـاق
رمشك ملكني ساقني للهوى سـوق
كمل جمالك والي العـرش باخـلاق
حتى الجروح اللي تجي منك له ذوق
كيف انتهت ذيك المشاويـر بفـراق
العـام الأول كانـت أحلامنـا فـوق

الجوووري

03-01-2008, 05:03 PM

( اشوفك)

أشوفك ما سئلـت وقلـت طـول
عسى ماشر زولك مـا نشوفـه
عسى قلبك لغيـري مـا تحـول
مـا دام إنـك بقلبـي لا تلوفـه
عـذولٍ بيننـا قــال وتـقـول
تجي وتروح والعيـن مخطوفـه
تذكـر فـي ربيـع العـام الأول
تذكر قبـل تجرحـك الحسوفـه
لجا في خاطـري هـم وتجـول
وأنا أرجي من وراء الظالم مروفه
بقلبي حـب لـو صابـك تهـول
تعرف الحب يمكن مـن حروفـه

الجوووري

03-01-2008, 05:04 PM

( شفتك)

شفتك مع اللي صار عقبي حبيبك
واحتارت العبره بعيني وصديـت
مدري هي الصدفة لدربي تجيبك
مدري أنا اللي في دروبك تحريت
ملكتني واقفيت ربـي حسيبـك
ما تعرف الرحمة بقلـبٍ توليـت
يا قلب جرحك سبته من طبيبـك
يا قلب ليتك بالوفاء ما تماديـت
من حبنا كل السعـادة نصيبـك
يا فاقد الإحساس عنـي تخليـت
وش فايده لو قلت عني حبيبـك
وأنت بحياتك يوم ما ظن حبيـت

الجوووري

03-01-2008, 05:04 PM

( ابكي)

ابكي هوانـا كلمـا نـاح قمـري
واذكرك لا ضاقت على نفسي الدار
وأنت بجروحي يا هوى البال تدري
ياشايلٍ قلبي علـى كـف الأقـدار
حفرت في ذكـراك هـمٍ بصـدري
لولا الأمل والخوف بيحت الأسرار
سفينتي في بحر الأحزان تجـري
يا زين في عهدٍ مضى صرت غدار
مهما يطول الليـل بتـلاه فجـري
لا بد من صبحٍ عقب ليل الأكـدار
حبك طوى ياغاية النفس عمـري
متى بشمسك ينجلي ليـل الأكـدار

الجوووري

03-01-2008, 05:06 PM

( راجع)

راجع تبي قلبـي عقـب ماتندمـت
راجع تبي قلبي على خبرك العـام
العام انادي ياهوى البال وين انـت
واليوم حبك ينتظر حكـم الإعـدام
على الجفاء من طول صبري تعلمت
والجرح في قلبـي تداويـه الأيـام
خلك بدربك لو مشيـت وتعثـرت
مسكين ياباني قصـورك بالأحـلام
مجبور أبيعك لو بكيـت وتأثـرت
وش حيلتي حظي تـردى ولا قـام
ما عاد لي بالحـب مثلـك تغيـرت
يا زين حبك ينتظر حكـم الإعـدام

الجوووري

03-01-2008, 05:06 PM

( نهاية حب)

مدري متى صارت جروحي تسليـك
عقب الوفاء وشلون غرتـك دنيـاك
يا من علي اليـوم كثـرة طواريـك
نهايـة الغـدار مـاظـن تخـفـاك
في حبك الثاني عسـى الله يهنيـك
حنـا مـع الأيـام ندلـه وننسـاك
كنت الرجاء واليوم خاب الرجاء فيك
أرخصت ماضينـا وغيـرت مبـداك
وين الحنان اللـي مقـره موانيـك
وين الضمير اللي عن الغدر ينهـاك
غال الدموع أرخصتها لك وأنا ارجيك
ابني لـك بدمعـي وتهـدم بيمنـاك
يكفين مـا قاسيـت منـك و تغليـك
منتب علـى قلبـي وصـي ومـلاك

الجوووري

03-01-2008, 05:08 PM

(( ياللي مسآفر ))

يا للي مسافـر يشهـد الله فقدنـاك
تعال باسم الحب جرحـي خطيـري
أنا غريق بالهـوى هـات يمنـاك
في زحمة أمواجك تعـذر مسيـري
مشتاق لك بالحيل يا كـود فرقـاك
عن ذكريات الحب ويـن المطيـري
أرفق بقلـب تالـي الليـل نـاداك
وقتي حداني في هـواك استجيـري
نسيتنـي و إلا تناسيـت ممشـاك
و إلا أنت مشغول برجاء حب غيري
يا مستريح البال و شلـون ننسـاك
والشوق ناره تشتعل في ضميـري
خذ روحي اللي هدها الشوق تفـداك
عسى الفلـك لأخذتهـا يستديـري

الجوووري

03-01-2008, 05:09 PM

[ قلبك عمى ]

يا للي على حبي تبين البراهيـن
قلبك عمى ما شفتي دموع عينـي
أشتاق لك وأنت بلا شك تدريـن
هذي مواري جرحك العـام فينـي
رغم الجفاء بالحيل بالحيل غالين
يشدني رغم الجفاء لـك حنينـي
يا غالية لولاك ما هلـت العيـن
حسبي على اللي صار بينك وبيني
فيك الوفاء والعطف واللطف والين
لا ضاقت الدنيا عليـك اذكرينـي
الصبر لي عادة من سنين وسنين
غير الصبر وشعاد أنا في يدينـي

الجوووري

03-01-2008, 05:10 PM

( تعلمت الجفا)

أنا تعلمت الجفاء مـن تغليـك
ومن المذلة والخضوع انتهينـا
من كل قلبي يشهد الله ناسيـك
غير الضياع بحبكم وش لقينـا
ابحتفظ في عزة النفس مابيـك
بالناس نلقى اللي نبيـه ويبينـا
مما معي زينت للنفس ماضيـك
في درب حبك ليتنا مـا مشينـا
هديت عرش الحب يازين بايديك
من بحر حبك بالنجـاة اكتفينـا
ذاب الحنين بعين قلبٍ تراعيـك
مثلك على النسيان والله قوينـا
أنهيت قصة حبنـا فـي تغليـك
أمسح دموعك بالجفاء ما بدينـا

الجوووري

05-01-2008, 04:04 AM

( ليتك تعيش )

ليتك تعيش بواقع الحب لو يـوم
و الا تشوف لوضعنـا ذا نهايـه
بالحب أنا يا غاية النفس مظلـوم
محتاج يا لغالي لعطـف ورعايـه
لي السهر ولعاذلـي لـذة النـوم
من شان حبك ما سهرنا هوايـه
ما صابني من نظرة العين مقسوم
أسيـر حبـك لا تحطـم رجايـه
ما كل عين تجرح القلب بسهـوم
و ما كل من يرمي يجيد الرمايـه
أنشهد إني منك يا زين محـروم
معك ابتديت وفي هواك النهايـه
فات الأوان و لا تزيدون باللـوم
الصبر بيدي يـوم قلبـي معايـه
بالاسم والمعنى و ما قلت مفهوم
يا شمس عمري يا بدر في سمايه

الجوووري

05-01-2008, 04:05 AM

( منت على خبري )

منتب على خبري تغيرت بالحيل
مهوب قول الناس شوفة عيوني
مثلت لي دور المحبيـن تمثيـل
رح كمل المشوار هالحين دوني
دامه حصل بالوضع يازين تبديل
في عزتي للنفس هجرك يهوني
ماقلت يوم أقفيت ماطولك ياليـل
مابيك دام الغير بـك شاركونـي
شكيت جرحٍ من سواياك لسهيل
لاشك نجم سهيل زود شجونـي
مليت أنا ما عاد أبي منك تعليـل
خلك مع اللي في هواك إحسدوني

الجوووري

05-01-2008, 04:06 AM

( قضى العمر )

قضى العمر يا ظالم وأنا أقول عنك اقفيت
والا شفت زولك بالصدف هلت اعيانـي
مشى القلب في ظلك يباريك لو صديـت
ولو عفت حبك يوم مـا عفتـه الثانـي
أنا ما قويت أنسـى حنانـك ولا ظنيـت
سألتك بربـك ويـش كلفـك نسيانـي
وأنا أشوف زلاتـك بعينـي إلا زليـت
وش اللي يفيد الشوف والقلب عميانـي
أخذت العزاء مني ولا قلب لـي خليـت
وأنا من هواك اليـوم حبيـت حرمانـي
عطيتك حياتـي يـا قمرهـا ولا رديـت
أبي منك لو نظرة ترى هجرك أشقانـي
أبي قلبك القاسي وراضي بمـا سويـت
تعاتـب وتجرحنـي وتامـر وتنهانـي
لك الحب مشاني أنا في هـواك إبليـت
أحبك ولـو صديـت يـا كـل خلانـي

الجوووري

05-01-2008, 04:07 AM

( خلاص لاترجع)

خلاص لا ترجـع ترانـا سلينـا
ما كنت أصدق يوم اني أبنسـاك
في بعدكـم يامـا عليكـم بكينـا
واليوم ماتطري على البال طرياك
وأنا ادري انك رغم صدك تبينـا
لا شك ناسٍ ضدنا تقصر اخطـاك
من سكرة الحب الصناعي صحينا
حتى المجالس عفتها خوف ذكراك
خل اللذي غيـر حنانـك علينـا
يعطيك من قلبه ربـع ماعطينـاك
وش عاد لا صار السلام بيدينـا
قلبي وقلبك بينهـا دارت افـلاك
ودعت ماظـي حبنـا وانتهينـا
وقلبٍ نسيته يوم لا بـد ينسـاك
ذكـراك ياغـدار هانـت علينـا
حتى دموع العين فرحة بافرقـاك
حبٍ جديـدٍ غيـر حبـك لقينـا
حديتنـي جعـل الليالـي تحـداك

الجوووري

05-01-2008, 04:08 AM

( منت على اول )

منتب على أول لا تزيد من الأعذار
قلبك بعيـد وفـي لسانـك تعـذر
تبي الرجوع اليوم عقب الذي صار
نفسي عزيزة فوق منتـب تصـور
مشيت في درب الجفاء وأنت مختار
وشعـاد بيـدي كـل هـذا مقـدر
واصل مسيرك لا توقـف وتحتـار
غصن المودة فـي يمينـك تكسـر
بالقلب جرحٍ من سوايـاك تذكـار
كم ليلةٍ نامت عيونك وأنـا أسهـر
يامرخصٍ حبي عليـك الزمـن دار
هـذي نهايـة حبـنـا لا تـعـذر

الجوووري

05-01-2008, 04:10 AM

( ثار السكون )

ثار السكون وبالسماء لمعة بـروق
زمة سحابـة وامطـرت ذكرياتـك
هلت مدامع حسرتي وابرض الشوق
ابكي جنوني فيـك واذكـر ثباتـك
فز النهار وكـن هالليـل ملحـوق
والنوم حتى النوم سـوى سواتـك
ياسارق أحلامي تماديـت بالبـوق
عني وعن هالوضع طـال إلتفاتـك
ماللحـزن معنـى وماللـنـدم ذوق
اللي حصل تعبير عن حسن ذاتـك
جيتك بقايا حيل في قلب محـروق
وشلون هديت السكـون بحصاتـك

الجوووري

05-01-2008, 04:11 AM

[[ يعنــي خلآآآص]]

يعني خلاص ارخصتنـا مـا تبينـا
نقطع رجانا منـك مـره وننسـاك
قفلـت بـاب المعرفـه وانتهيـنـا
وش عاد لو نسمع مع الناس طرياك
لو رحت عنا اليـوم باكـر تجينـا
لولاك ما عشنا مع الحـب لـولاك
أنت الحبيب اللـي بهجـرك بكينـا
يا ما تلوعنـا علـى أيـام فرقـاك
وين الليال اللـي بقربـك قضينـا
يوم أنت مرضيني وأنا أقوم برضاك

الجوووري

05-01-2008, 04:12 AM

()( مع زمآنـ ـي )()

مع زماني لا تحاربنـي بصـدك
خلني بالعمر اضحك لـو ثوانـي
كان لك قلبٍ على غيري يحـدك
وش ترى في قلبي اللي لك حداني
بالجفاء ياصاحبي عديـت حـدك
ما وصلني منك يالغالـي كفانـي
اشتكـي لـك لا تعذبنـي بـردك
لا تصد ارجوك يـوم الله بلانـي
ليت حب ضاع للذكـرى يشـدك
تذكر اللي راح منا فـي ثوانـي
ليتني مرتاح مـن قلبـي وحبـك
ليت لي يازين مثلك قلـب ثانـي

الجوووري

05-01-2008, 04:14 AM

<> امسح دموع الندم <>

امسح دموع الندم يفداك من راعـك
عنك انشغل فيك وانت اللي على بالي
فرشت لك قلب ليتك تنثر اوجاعـك
عن زمهرير الشقا لك في وظلالـي
الله عطاك الغـلا ماخـذت بذراعـك
خذها حياتي عساهـا مالهـا والـي
من يمنعك لا حكمت بقلـب ملتاعـك
حاولت ابنسـاك لكـن ماتهيـا لـي
قصايدي كلها وحـي مـن ابداعـك
وشلون عني بعيـد وانـت تبرالـي
مهما حصل منك معك القلب ماباعـك
مازلت الأول على هالقلـب والتالـي

الجوووري

05-01-2008, 04:15 AM

()(( تقبلت العزاء))()

أنا تقبلت العزاء بك مـن العـام
كن العزاء في موت حبك تهانـي
يا ما سهرت الليل لا غبت ما نام
ترقد وأنا ازرع في رجاك الأماني
واثر السعادة في رجاء حبك أوهام
لا طاب جرحٍ صابني منك ثانـي
جارت على قلبٍ شقا فيك الأيـام
أشكيك للي في غـلاك ابتلانـي
سهرت عليك عيون ماظن تنـلام
ذاك أمس ولا اليوم ماجا كفانـي
إفرح بطيشـك والغرابيـل قـدام
يا طاك من وقتك مثل ما وطانـي

الجوووري

05-01-2008, 04:16 AM

><( بإيدي رميت القلب ) ><

بيدي رميت القلب في وسط نـارك
و أقفيت يا ظالم وأنا فيك مفتـون
إنهد حيلي فـي عـذاب إنتظـارك
و أخفيت جرحي مابي الناس يدرون
أرمي سلاحي واعترف بانتصـارك
ابكيت من يضحك على اللي يحبون
متى تخفـف لوعتـي باعتـذارك
اشوفكم مره علـى الحـب تبكـون
أنهيـت قصـة حبنـا باختـيـارك
وين الصبر يا قاسي القلب وشلون
يازين قلبي من هـواك استجـارك
حبك عسرني ماطوى القلب بالهون

الجوووري

05-01-2008, 04:17 AM

)( << داويت بالنسيآنـ >> )(

هذه القصيدة معارضة للشاعر الكويتي طلال السعيد ( الله يرحم حبنا )

داويت بالنسيان قلبٍ جرحتيـه
دفنت أنا حبي وتبقـى حياتـك
ياللي قتلتـي حبنـا مارحمتيـه
أنتي تحسبين الهوى حب ذاتك
ياللي سمعتي بالهوى ماعرفتيه
أنتي تبين الحب درب لغناتـك
نسيت حبك ضاع كل الرجاء فيه
يكفيك عن حبٍ مضى ذكرياتـك
درب النهاية بختيارك مشيتيـه
لا تذرفين الدمع هذي سواتـك
عهد الهوى اللي بيننا ماحفظتيه
رماك في بحر الضياع التفاتـك
باقي بقايا حبنا اللـي رفضتيـه
ترى المحبه ماتوافق صفاتـك
مليت أنا مشوار حبٍ رسمتيـه
قلبي يعيش أفراح ذكرى وفاتك

الجوووري

05-01-2008, 04:18 AM

((.. مواري حـزن .. ))

تذكرتك وقلبي مسرف الخطوه يبي فرقـاك
وفي نفسي بقايا من جروح العـام مدفونـه
تذكرتك وفي عيني مواري حزن من ذكراك
تلفت يمك الخافق وجـاك خطـاه مجنونـه
وجيتك ثاير العبره احبك من يقول انسـاك
غيابك نار من يقوى يشيل النـار بعيونـه
هلا با ايامك السوداء هلا بالحزن في دنياك
رضى قلبي بتعذيبك ابـد مايطلـب العونـه
متى تفرح بك ايامي متى وشلون كيف القاك
متى هالليل في شمسك يذوب ويختلف لونه
تعبت من التعب وينك تعال ومد لي يمنـاك
حياتي لا خلت من شوفتك ماهيب مضمونـه

الجوووري

05-01-2008, 04:19 AM

[ ياللي علينا تشتكي ]

ياللي علينا تشتكي طـول ليلـك
ياما سهرنا ماشكينا لـك الليـل
يامـا تحملنـا عذابـك وميلـك
وياما زرعنا مارجينـا محاصيـل
دامك تقول إن الجفاء هد حيلـك
هذا الجفاء ياللي تظنـه تعاليـل
منول أنت الروح منهـو بديلـك
عن هالخطايا كنت أشبهك باسهيل
من يوم شفت العين ظاقت بشيلك
عذرتها شافت من أيامك الويـل
ماعاد تخدعنـي بشـلال ليلـك
لا عاد من حبٍ ولا عاد من ليـل

الجوووري

05-01-2008, 04:20 AM

[ لو ترد ايام ]

لو ترد أيام ضاعت في رجاك
ماسهرنا في غيابك نرتجيـك
داري بالجرح جرحي ماخفاك
تدري ان الحل والله في يديك
خل جرح القلب يرفع مستواك
غيرتنا مثلك الدنيـا عليـك
بالجفا والصد يوم الله بـلاك
ليت ربي بالمـوده مبتليـك
لا تعاتب والخطا كله خطـاك
بعت منهو في حياته مشتريك
ابتعد لو كان قلبـي مانسـاك
قلتها مجبور ابعـد مانبيـك

الجوووري

05-01-2008, 04:21 AM

* البآرحـه *

البارحـة ماذاقـت النـوم عينـي
فكرت باللي بيـن ربعـي وبينـي
واحترت واحتار القلم فـي يدينـي
الا متى أصبر وارتجي راحت البال
عجزت اميز صاحبي مـن عـدوي
يارب ضاقت حيلتي ويـش أسـوي
وأنا علـى درب الغرابيـل تـوي
أخاف زود الهم يقضي على الحـال
على الوفاء والصدق هلت دموعـي
مجبور أطيع الوقت وأعلن خضوعي
ملزوم اطيعه غصب ماهو بطوعـي
أحلامي السوداء رمتني على الجال
يا ناس وين أهل الوفاء والصداقـه
الظلم -لو تـدرون- مـرٍ مذاقـه
قلبي غدا يا نـاس منكـم حراقـه
مليت فكوني مـن القيـل والقـال
يا ناس مافيني مـن الهـم كافيـن
قلبي وأعرفه مايبي مـن يواسيـن
اشوف حظي عاثرٍ شوفـة العيـن
والحل بين ايديـك ياطيـب الفـال
ياناس أنا بالحيل صعبـه ضروفـي
أبي الأمان اللـي ينسيـن خوفـي
ودي تبيـن مـا بقلبـي حروفـي
والمشكلة قالـو لهـا ألـف حـلال
ابكي على ربـعٍ نسونـي وراحـوا
والحق معهم من شقاي استراحـوا
ما قصروا يا ما الا أخطيت صاحوا
وأنا عنيـد وكلمـة الحـق تنقـال

الجوووري

05-01-2008, 04:22 AM

)( اللي حصل )(

اللي حصل وقفة خواطـر وطالـت
بيني وبينـك وأنـت زوتهـا زود
سحابـة مـرت سمانـا وزالــت
هذا اعتقادي كنت لرضاك مشـدود
وأشـوف زلاتـك علينـا توالـت
تخطي و أسامح بس ما شفت مردود
يا ما عليك النفس يازيـن شالـت
هم لجا في خاطري مـا لـه حـدود
معك الليالـي يـوم صديـت مالـت
صارت عقب فرقـاك أيامنـا سـود
رغم الظروف اللي عن القرب حالت
يا زين أحبك والأمل فيـك مفقـود

الجوووري

06-01-2008, 04:14 PM

*¤*.¸¸.•´¨`»(قصـ ـآئِدهـ <>بالصــوـوت<>) «´¨`•.¸¸.*¤*

(مآجيت)

استمـاع (http://www.geocities.com/bawaqy11/mageet.ram)

تحمـيـل (http://www.geocities.com/bawaqy11/mageet.ra)

( وين أنت )

استماع (http://www.geocities.com/bawaqy1/wynannt.ram)

تحمــيل (http://www.geocities.com/bawaqy1/wynannt.ra)

( قلبي لقى غيركم )

استمـاع (http://www.geocities.com/bawaqy1/qlbylqa.ram)

تحمـيل (http://www.geocities.com/bawaqy1/qlbylqa.ra)

( العهـود الوثيقه )

استـماع (http://www.geocities.com/bawaqy1/al3hood.ram)

تحميـل (http://www.geocities.com/bawaqy1/al3hood.ra)

( عشرة عمر )

استمـاع (http://www.geocities.com/al3lywy/7awl.ram)

تحميـل (http://www.geocities.com/al3lywy/7awl.ra)

( بعيد هنـاك )

استمــاع (http://www.geocities.com/al3lywyy/b3ydhanak.ram)

تحميـل (http://www.geocities.com/al3lywyy/b3ydhanak.ra)

( ذكرتني حبك )

استمـاع (http://www.geocities.com/al3lywy/thkrtny.ram)

تحميـل (http://www.geocities.com/al3lywy/thkrtny.ra)

( دور بدالي حبايب )

استمـاع (http://www.geocities.com/al3lywyy/ddaaweerr.ram)

تحميـل (http://www.geocities.com/al3lywyy/ddaaweerr.ra)

( لولا الوفاء )

استمــاع (http://www.geocities.com/bawaqy/lwla.ram)

تحميـل (http://www.geocities.com/bawaqy/lwla.ra)

الجوووري

06-01-2008, 04:26 PM

( مابي حياتي )

استمــاع (http://www.geocities.com/bawaqy1/maby7yaty.ram)

تحميـل (http://www.geocities.com/bawaqy1/maby7yaty.ra)

( الصيف قرب )

استمـاع (http://www.geocities.com/bawaqy/al9eef.ram)

تحميــل (http://www.geocities.com/bawaqy/al9eef.ra)

( لو قلت لي قبل السفر )

استمـاع (http://www.geocities.com/bawaqy1/lawqltly.ram)

تحميـل (http://www.geocities.com/bawaqy1/lawqltly.ra)

( خايف عليك)

استمـاع (http://www.geocities.com/bawaqy1/5ayf.ram)

تحميـل (http://www.geocities.com/bawaqy1/5ayf.ra)

( لو طال صبري )

استمــاع (http://www.geocities.com/bawaqy1/law6al.ram)

تحميـل (http://www.geocities.com/bawaqy1/law6al.ra)

( تبين الصدق )

استمـاع (http://www.geocities.com/bawaqy1/tabyn.ram)

تحميـل (http://www.geocities.com/bawaqy1/tabyn.ra)

( عفت انا الدنيا )

استمـاع (http://www.geocities.com/bawaqy/3eft.ram)

تحميـل (http://www.geocities.com/bawaqy/3eft.ra)

( منك انتهينآ )

استمـاع (http://www.geocities.com/al3lywwy/mnkenthyna.ram)

تحميــل (http://www.geocities.com/al3lywwy/mnkenthyna.ra)