يابندر إلعب وجور الوقت لا يهمك ..... لا تفكر إنك يتيم وفاقد والي .. !!

[أبو فهاد]

جبت لكم اليوم قصيدة الشاعر ثنيان الرشيدي اللي يقول إنه قالها يوم شاف أخو ولده يلعب والولد يتيم نظراً لوفاة أخو الشاعر ...



سمعت البيت بحلقة شاعر المليون الأخيرة وبحثت عن القصيدة وحصلتها لكم ..


يابندر العب وجور الوقت لايهمك ..
............................... لا تفكـــر انـــك يتيم وفاقد والــي ..

العب وخل الشقى كله على عمك
............................... تراك غالي وامانه والأبـــو غـــالي ..

لو تعرف شعور عمك كل ماضمك
............................... والله لــــتـــرتاح لا تفــكــر ولا تبالي..

لا ياكبر شوق عمك لا اتجه يمك
............................... اكبر من فراق ابوك اللي برى حالي ..

عطني همومك وسهر عيونك وغمك
............................... واقسم لي المر وانا اقسم لك الحالي ..

حق علي أخفض إلك المتن وازمك
............................... واروح وانـــت فــي بالي وارجع ببالي ..

وان كان ماوفيت في عهدي وانا عمك
............................... مـــانـــي بـــرجال لو يقـــال رجالــــي ..




الشاعر : ثنيان سرور الرشيدي ..

[دخــــٌيل]

:
:

هـلآ أبو فهآد بـ الفعــل سمعنآهــآ في تصفيـآت شآعر المليون الأولـــــى رائعه هذه المحادثه تُــحرك شيء فينــا عاطفيــاً..!!


آه يبو فهآد لو تسمعهـــآ وهو يشلهآ الشآعر ثنيآن موآل حزين..

عآفآك الله على القصيد الطيٌب..

:
:

[الدووووخي]

يابندر العب وجور الوقت لايهمك ..
............................... لا تفكـــر انـــك يتيم وفاقد والــي ..

العب وخل الشقى كله على عمك
............................... تراك غالي وامانه والأبـــو غـــالي ..

لو تعرف شعور عمك كل ماضمك
............................... والله لــــتـــرتاح لا تفــكــر ولا تبالي..

لا ياكبر شوق عمك لا اتجه يمك
............................... اكبر من فراق ابوك اللي برى حالي ..

عطني همومك وسهر عيونك وغمك
............................... واقسم لي المر وانا اقسم لك الحالي ..

حق علي احفظ الكلمات وازمك
............................... واروح وانـــت فــي بالي وارجع ببالي ..

وان كان ماوفيت في عهدي وانا عمك
............................... مـــانـــي بـــرجال لو يقـــال رجالــــي ..

صح لسانه ’’’

يعطيك العافيه ابو فهاد ’’’

[عجزت اكابر]

لاهنت ابو فهاد

ثنيان سرور .. شاعر محاوره .. والان شاعر نظم ..

مبدع باحساسيه

فقد 17 فرد من عائلته .. بسنه واحده .. لهذا كانت قصائدة تميل للحزن ..


تحياتي لك ..

[Meshal]

لو تعرف شعور عمك كل ماضمك
............................... والله لــــتـــرتاح لا تفــكــر ولا تبالي..

لا ياكبر شوق عمك لا اتجه يمك
............................... اكبر من فراق ابوك اللي برى حالي ..


الله الله عليك يابو فهاد .. لاهنت على هالنقل ..

فعلا" قصيده رائعه ومؤثره .. كان الله في عون ثنيان ..

الله يجبر مصابه ويهوّن عليه هالمصيبه ..

وبالتوفيق إن شاء الله لـ ثنيان ببرنامج شاعر المليون ..

دمت بـــــــــــود ....................!!

[حاكم المطيري]

.

..

...


صح لســان الشاعر ثنيان..


قصيدة رائعة جداً جداً جداً..


عسى الله يرحم أموات المسلمين


دائمــاً سبّــــاق على الطيب يابو فهاااااد..


...

..

.

[عهد الغرام]

يعطيك العافية


الصراحة كان بخاطري اعرف القصيدة هذي

بعد ما سمعت كلامة بالبرنامج

وتسلم على نقلهاا


ويسلموووووووووووووووو


ولك


:101:

[بـــقـــايـــا حـــي]

الله يعطيك العافية اخوي أبو فهاد



الشاعر ثنيان فقد 17 شخص من عائلته قبل ما يقارب الـ 12 عاما ً حين عودتهم من مدينة حائل للكويت والله قدر وكتب أن ينجي بندر ولا أذكر من كان معه حيث نزل من سياتهم وركب بصحبت سيارة أخرى


قدر الله و ماشاء فعل



رحمهم الله بـواسع رحمته وأسكنهم فسيح جناته




تقبلوا تحياتي

[بـــقـــايـــا حـــي]

لـــلـــتـــنـــويـــه فـــقـــط





حق علي أخفض إلك المتن وازمك
............................... واروح وانـــت فــي بالي وارجع ببالي ..




تقبلوا تحياتي مجددا ً :)

[أبو فهاد]

شكراً لكل من مر من هنا .. وشكر خاص لــ ليه ؟؟

[موسى الشمري]

جلب طيب من طيب
سلمت ولاهنت
معانيها وموقفها موقف رجل

شكرا لك
ودمت بخير

[بـــقـــايـــا حـــي]

الشكر لك أخوي أبو فهاد قبل كل شي






تقبل تحياتي :)