وينكم يااهل الخفجي عن هالحرمه

[الهائمه]

السلام عليكم ورحمة الله وبركاته

تكفوووووووووووووووووون طالبتكم

وربي مااني قادره اوصف لكم المنظر لي شفته

توني راجعه من كليه جات حرمه كبيره بالسن للكليه ومعها بنت صغيره عمرها تقريبا 3 سنوات او اقل

تقول انها بنت ولدها يتيمه على كلام لبنات

ياناس ياعالم هالحرمه ماتتدري وين هي فيه

سالتها معك عنوان قالت مااعرف شي وتردد كلمه حايل

هي ماتتطلب بس بعض لبنات الله يجزهم الجنه اعطها فلوس

عن جد راسي بنفجر لو تشوفنها حافيه بدون نعال وطين على رجلها ومعها لبنت صغيره والبنت لابسه قميس نص كم وحافيه

تخيلو مع هالبرد وحافيه

مراه عمرها تقريبا فوق 60 ومعها طفله حافيه لبسها مايدفي بذمتكم تتكذب

لي قهرني ام احمد حقت الامن بالكليه طالعتها

قالت يمكن تكذب؟؟؟؟؟؟؟؟؟؟

بالعقل ياناس شلون تكذب بعمرها هذا ورب البيت لو تشوفونها تقعدون تبكون حرمه
كبيررررررررررررررره وربي مااكذب عليك شلون راح تتحمل لشحاذه بكبرها ومعها هالطفله صغيره

انا حسيت انها احد من اهلها اي عيالها رميها بالخفجي

لانها ماتتدري وين هي فيه حتى داخله لكليه ماتعرف وين هي داخله

فيه بنات بالمحدود قالو انها شافوها صبح تمشى من عند ثانويه يعني مره تايهه ماتعرف وين ارضها

يعني لحرمه ماصار لهايوم لانها ليوم انشافت هذا دليل انها مرميه من الصبح

تكفون طالبتكم اي احد يعرف عنها شي لايبخل علينا يقول

وربي اني كلمت اخوي وقلت يجي للكليه بس ماوصل الا وهي راحت والله كنت ابي اشيلها معي اوصلها عند جمعيه خيريه اوصلها عند شرطه اي شي بس اساعدها لان شكلها تايهه

ماتتطلب شي هالمراه بس لبنات يعطونها فسحتهم وكلها ريالات

تقول ماعندها بيت ماتتدري وين هي فيه

فزعتكم ياشباب دوروهاا ولي يلقها يوصلها جمعيه خيريه او يساعدها

وربي احس ان راسي بينفجر لو تشوفونها وهي تمشى على ارضيه كليه تتطبع رجلها من طين

والله لو ماشفتها وتاكدت من حالتها ماكتبت وقلت لكم

وانا قلت لاخواني اذا يلقونها

وانتم بعد اذا احد شافها لايبخل عليها يوصلها للجمعيه او شرطه او اي احد يقدر يساعدها والله ماممداني اتكلم معها طلعتها ام احمد الله يسامحها

اول ماجيت قلت لابوي قال يمكن ولدها عاق وقاطها ياناس توقعو كل شي بهالدنيا وربي فيه ناس يرمون اهلهم علشان وسخ دنيا

تكفون من هالساعه تتدورون وتسالون عليها

واذا احد يعرف شي عنها يقول وكلنا راح نتحاسب يوم القيامه مادام عندنا قدره نساعدها

والله يكون بعون للجميع

[الضيغم]

لا حول ولا قوة إلا بالله ...................!



الله يجزاتس خير يالهائمه ..


فعلا هناكـ أبناء عقوا بأبائهم .. عافانا الله وإياكم من العقوق


وجعلنا ممن يبر بوالديه ..



إن شاء الله تجد من يقدم لها يد العون ..


وتأكدي أنني إذا وجدتها لن أتوانى بتقديم الخدمه لها أبدا ..


والقيام بمساعدتها ..



والسلام عليكم ورحمة الله وبركاته ..

[الدووووخي]

لا حول ولاقوة الا بالله ’’’

اختي الهائمه الله يجزاك خير بس يمكن تجي بكره عند الكليه وواعديها انها ماتروح الا اول ماتطلعين ’’’

وفيه جمعيه خيريه بحي الفهد ( الغربيه) ووديها عندهم وراح يستقبلونها وبأذن الله راح يساعدونها ’’’

[أبومحمد]

وعليكم السلام ورحمة الله وبركاته

لا حول ولا قوة إلا بالله العلي العظيم

أقول دعونا نفترض جدلا إن ابنها رماها وعق بها !!!! فلنسأل أنفسنا أولا هل يوجد إبن عاق يرمي أمه

وأبنته معا !!!

وأغلب القصص التي نسمع عن العقوق كرمي الأم أو الأب عند مستشفى أو دار عجزة أيا كان المكان


ولكن بدون فلذات أكباد هذه نقطة أرجو من الجميع أن ينتبهوا لها.


وبالنسبة إنها امرأة تائهة لا تخافي ولا تحزني ياهائمة أغلب مجتمعاتنا الحمد لله فيهم الخير (والفزعة )


بحال إذا كانت حقا تائهة سوف يقومون بمساعدتها على أكمل وجه.


ولكن عندي عتب صغير على الحارسة (أم أحمد) المفروض منها سماع ماعند المرأة من شكوى أو


طلب أو على الأقل تكلم الشرطة .


ودمتم في حفظ الباري,,

[المهاجر6600]

لا حول ولا قوة إلا بالله العلي العظيم

[موسى الشمري]

جزاك الله خيرا على حرصك
وواضح انك تأثرت جدا من المنظر

-------------
انا استبعد ان تكون تائهة لاننا نرى المناظر هذه دائما
بصراحة بعز الصيف بعضهن تقف مع طفلها الصغير
وانتشرت هذه الظاهر بالخفجي عند بعض المحلات الكبيرة
مثل محطة العفنان والتسهيلات
وعند صراف البنوك
وتطمني باذن الله اذا كانت مستحقة سوف تجد من يساعدها
--
ومع وجود تصرفات من بعض الناس والتمثيل على المحسنين
فانه ينبغي ان لاينهر السائل
بل اما ان يتم التحقق من حاله او يتم مساعدته

شكرا لمشاعرك
ودمت بخير

[الرائدي]

((((((((( لاحول ولا قوة الا بالله ))))))))))

اختي الهائمة ..................... للمعلوميه رايت امرآه ( تتسول ) قبل سنتين تقريباً عام 1426هـ نفس ماقلتي ( وتقول ان اهلها في حائــــــــــــــــــــــــــل . والله اعلم .،،،،، ،،،،، ،،،



مع تحياتي للجميع ... ابن الوطن / ابا عبد الله

[azoozsweet]

لاحول ولا قوة الا بالله

ياخواني والله فيه ناس صارت ماترحم والديها الناس فيها مرض نفسي وفيها حب سيطره من الزوجات مرت علي قصص كثيره مثل هذي النوعيه تحصل الام كاتمه في صدرها وتقول ماعرف العنوان ولا اعرف شي لكن هي تعرف لكن ماتبي تفضح في ولدها ولا بنتها اللي رموها في الشارع اسئل الله عز وجل ان يحسن خواتمنا وخواتم الامه الاسلاميه عامه

جزاك الله خير الهائمه

[نوماس الدبلوماس]

الهائمة /

المصائب كثيرة .. لكن الحقيقة .. أنا بعيد عن تأثير الموضوع

لأني رأيت أبشع من ذلك مواقف ..
يقول الرسول صلى الله علية وسلم فيما معنى الحديث ( في أخر الزمان يكذبون الصادق ويصدقون الكاذب ) ..

أنا أحيي فيك هالأنسانية لا أكثر .. كما أشكرك على هذا الأنفعال الواضح

لك جزيل الشكر ..

[نايف عايد]

جزاك الله اختي الهائمه على عمل الخير ونشره..

إنا لله وإنا إليه راجعون..


تقبلي تحياتي:اسيرعيونك

[الهائمه]

الله يجزكم خير ياشباب

اخوي عادل الشمري

الله يجزاك خير والله مايضيع اجرك وان شاء الله نلقها

اخوي الدووخي

البنات قالو لها بكره تجي بس ماظن تجي بس ان شاء الله تجي وبحاول على قد ماقدر ماطلع من لكليه الا وهي معي وبوصلها جهاات تساعدها وفيه وحده بلاشراف التربوي اعطتني رقمهاقالت ابلغها

اخي ابو احمد

انا ماراح ابصم لك واقل ان ابنها عاق لاني ماعرف شي

وانا قلت يمكن يعني فرضت

لان بالعقل شنو لي يجبر حرمه كبيره لدرجه ان ظهره منحني على شحاذه

وحتىلو كانت تتشحذ وتستغل البنت بالعقل وين الانسانيه ليش مانمنعها ونساعدها ونعرف الوضع

يعني بنت عمرها اقل من 3 سنوات وحافيه ولبسها مايفى في هالبرد ؟؟؟؟؟؟؟؟؟؟؟

يكــــــــــــــذبون yd.885

طيب خلهم يكذبون بس عرف ليه يسون كذا اذ كانو بحاجه مال نساعدهم

ونردعهم عن تصرف للانساني من ناحيه لبنت صغيره في عز البرد

عن جد انا ماقدر اجزم بالامر بس في هالدنيا كل شي جايز

ومن ناحيه ام احمد والله عصبت عليها بس قالت لي ان فيه الناس محتاجينماتتدرون عنها وقالت انها تكذب

مابيدينا شي ياخوي غير ان نبحث عنها

اخوي مهاجر

الله يكون بعون للجميع

اخي ابو فارس

تاكد ان راح اتحقق بالامر بس ايد وحده ماتصفق

وبعدي رسول عليه الصلاه والسلام قال مانرد سال

والله يصبرها

اخي الرائدي

ان قلت لي عندي ماقدر اقول انها تنصب وماقدر اشوفها وماساعدها


اخويzoozsweet

والله كل شي جايز ربي فيه قصص تشيب الراس من عقوق الابناء

لي يقتل امه علشان مخدرات ولي يبع زوجته كل شي جايز


اخوي نوماس الدبلوماس

الله يحي اصلك وصدقني الوضع شوي صعب بس انا ماشفتها الا وهم يطلعونها يعني ماممداني اتحقق معها

اخوي اسير

الله يجزاك الجنه


وزي ماقلت لكم اذا احد عند خبر او اي معلومه لايبخل علي

واذا احد شافها يتحقق منها يرقابها يشوف هل لها بيت هل هي بالفعل محتاجه ؟؟

وانا بكره بشوف

والله اني داخله وتوني ماذكرت بس قلت يمكن احد يعرف عنها شي

والله يكون بعون الجميع