اهمال لابعد الحدود

[azoozsweet]

السلام عليكم

مساء الخير كما لوحظ في اليومين الماضيه من بلدية الخفجي الاهمال وعدم الالتزام بالمواعيد والمصداقيه في سرعه الانجاز للمعاملات انا مواطن اراجع لكي استخرج رخصه بناء تم طباعه الرخصه واجلس اربع ساعات انتظر حضره جناب مهندس القسم الفني لين يجي واطلع اخر شخص من البلديه بالذمه ياخوان هذا مو اهمال كل شوي الموظف يقول يجي بعد شوي طيب انا وش ذنبي وغيري جالسين في الصاله كاننا ننتظر الصدقه من احد العذر ماهو ؟ طال عمره في المهرجان ينظم طيب ماختلقنا نظم بعد العصر بعد المغرب خارج الدوام ليس في اثناء وقت الدوام الرسمي معاملات الناس مردومه ولا فيه احد ينوب وهذا اشوفه اكبر اهمال تضيع الوقت في اشياء مالها سنع عملك محاسب عليه يوم القيامه انجز شغلك واعلم ان الله رقيب وكل شي محسوب عليك لو مثقال ذره

سوال صريح

يعقل المواطن او المراجع يجلس اربع ساعات في الصاله وترك مشاغله الثانيه لكي ينتظر توقيع فقط ؟

والله هذا ليس منطق ناس عاقله انما اشوفه منطق جهل وغباء في نفس الوقت والحقيقه انه يصرف له خارج دوام وهو في وقت الدوام الرسمي حسبي الله ونعم الوكيل اتمنى من الله عز وجل ان يلطف بنا من فئات البشر المتعدده والمتخلفه

[أبو زيدان]

قال رسول الله -صلى الله عليه وسلم- :" أول ما تفقدون من دينكم الأمانة، وآخره الصلاة " .

[azoozsweet]

عليه الصلاه والسلام بارك الله فيك ابو عبدالعزيز ورحم الله والديك احسن ماقلت عز الله

[جليس الرائدية]

الله يصلحهم ويهديهــم . .

ولكن لا بد أن تكون عليهم رقابة من المسؤولين . .

وأيضا لابد على كل مواطن ومراجع أن يقدم شكوى إن حصل أي شيء مخالف كتأخر الموظفي وما إلى ذلك . .

وتقبلوا تحياتي , , ,

[azoozsweet]

ياخوي عجزنا وتعبنا معهم ومع الدوائر الثانيه الاهمال من المدير المسئول عنهم وعن غيرهم ولو رفعت شكوى طلعو هم المصدقين وانت المكذب لكن انت مواطن ماحد فكر فيك ومطنش من الكل لو صرت مسئول وصاحب بشت وكلام فاضي

حياك الله جليس

[أبو علي]

:tongue:والله إني حاس بكلامك أخوي عزوز , بس يالله هذي الوجيه المنوره اللي تكلم عنها ...
كان الله في عونك , ويسر لك ربي موضوعك .



{ اللهم يا ذا الجلال و الإكرام ,
أكرمني و أغنني بفضلك ,
و إرزقني بوظيفه معها بشت ,
وأكون في ساعات داومها مابين تمشي
و بين إيداع في حسابي من ميزانيات المشاريع ,
و آخر الدوام أشخط شخط صغير و أمشي ,
وكل الناس يحبوني إذا دخلت المجالس,
اللهم آآآآآآآآآآآآآآآآآآمين }

[azoozsweet]

هلا ابو علي يالله حيه اي والله هذي الوجيه المنور وانت عارف القصد من الوجيه المنوره عكس الجمله طبعا ههههههههههههههههههههههههههههههه وربي بموت من الضحك الله يسعدك

[KHAFJAWY]

الله يكون فى عونك .. وعموما للاسف الشديد معظم الدوائر الحكوميه لا تقدر و لا تحترم وقت او حاجة المواطن. يعنى يقوم بشغله و كانه يتفضل عليك. الى زمن قريب تروح تراجع و يحصل التاخير و لا حتى فيه كرسى للمراجع ينتظر جالس وغيرك من له معرفه او محسوبيه يدخل قدامك و تنجز معاملته عينى عينك.

الله يعينك و يبلغك ويكون بعونك على البنيان .. ترى سعر الحديد ارتفع اليوم.

تحياتى
ابو خالد

[azoozsweet]

يابو خالد والله كلامك صحيح المشكله انك تكلم الموظف او المسئول وكانك جاي تشحذ منه ياخوي انا جاي اخلص معامله غصب عليك تخلصها بالطيب ولا بالغصب يجيك يتكلم معاك بنفس خايسه مثل وجهه والمسئول لو دخلت عليه وشرحت له معاناتك زين زين وياخذك على قد عقلك والموظف مبسوط ولا عليه فيك

الله يعين بس اي والله الحديد طار وصل زياده 200 ريال الله لايوفقهم ولا يوفق مين كان السبب في كل زياده حنا فيها اااااااااااااااااامين