الرجاء المساعدة ممن لديه معلومات عن الوظائف بالكويت؟؟؟

[دانات]

مرحبا’’’’’’’’’
سامحوني ياجماعة على الإزعاج .. بس أنا عندي اخوي خريج كلية تربية قسم "شريعة" وحاب يتوظف مدرس في دولة الكويت لكن للأسف موعارف الطريقة بالضبط و"دخنا" السبع دوخات على ما حصلنا ارقام وزارة التربية بالكويت لكن للأسف ما احد يرد على الارقام اللي حصلناها.. فإذا تفضلتوا وساعدتوني اكون لكم من الشاكرين ..
ارغب في الحصول على ارقام وزارة التربية بالكويت وإذا احد منكم يتفضل مشكور إذا كان لديه معلومات بخصوص هالموضوع يفيدنا فيها أو إذا كان يعرف معلم سعودي متوظف في الكويت من أهل الخفجي أو من غير الخفجي يكون عنده خبرة اكثر في هالموضوع ونستفيد من خبرته ..
ولكم جزيل الشكر ..

[نهار21]

وظائف في دولة الكويت للسعوديين وهي تعليمية للرجال والنساء وهي اكيدة
ما عليكم الا اخذ :
الشهادة الجامعية وصورة عنها
الجواز وصورة منه
عدد 2 صور شخصية
التقدير يجب ان يكون جيد ما فوق

التقديم يكون في وزارة التربية والتعليم بالكويت مدينة الشويخ ( التعليمية )باستثناء بعض التخصصات :
علم الاجتماع
التربية الخاصة
المكتبات

لا مانع من ان ينوب شخص عند التسجيل
يجب ان يكون وسيلة الاتصال عند التقديم تلفون كويتي او جوال كويتي يمكن الحصول عليه من احد الجمعيات وسعر الشريحة بالرقم 15دينار كويتي وهذا للذى ليس عنده احد في الكويت ويمكن ان يكون الرقم لاكثر من شخص
الراتب يساوي 500دينار كويتي اي ما يعادل 6750ريال سعودي


آخر موعد للتقديم يوم الخميس 7/2/2008 ، لأن إجازة الكويت الجمعة والسبت بس ماعليج خلية يروح لهم بكرا او بعدة واللة يوفقة


http://www.moe.edu.kw/


والله يوفق الجميع
__________________

[أبو رائد]

نهار21

الله يعطيك العافية

على سرعة الرد

ومساعدة صاحب الموضوع


ولك التحية ،،

[اللومي]

الاخ / نهار

حبيت بس اشكرك على مساعده العضو / دانات
يعطيك العافيه والله يكثر من امثالك

[أبومحمد]

وبحالة إذا لم يتجاوز المتقدم أو المتقدمة امتحان المقابلة

يعطونه فرصة ثانية للإمتحان.

[دانات]

الله يعطيكم العافية جميعا على تفاعلكم واخص بالشكر الأخ/نهار21
معلومات قيمة وتشكر عليها بس إذا مافيها كلافة عليك اخوي نهار..
ماتدري إذا كان التقديم اكثر من مرة في السنة ولا مرة وحدة بس؟؟
لأن اخوي للأسف توه متخرج الترم هذا وإلى الأن ماخلصت اوراقه
يعني مافيه مجال يلحق على هالتقديم ابداً,,,
وشكرا جزيلا لك وكثر الله من امثالك........

[azoozsweet]

التقديم مرتين في السنه انا مقدم لناس في التربيه وبالنسبه للاخوان والاخوات السعوديين للمعلومية الامتحان الاول في حين السقوط يعاد الاختبار مره ثانيه والله يوفقكم جميعا