المساعد الشخصي الرقمي

مشاهدة النسخة كاملة : تخـــــاريف ..!!

ماجد المري
17-02-2008, 03:05 PM
السلام عليكم ورحمة الله وبركاته

::

لـ كثرة شكاوى " ملاحظات جوالي " .. ولـ قلّة حفظي ..

ولـ كثرة ما يخطر ببالي .. أردت أن أكون بينكم بتخاريفي الخاصّة ..

::

مــــــــــاجد ..!!
ماجد المري
17-02-2008, 03:14 PM
::

ضحكت من زحمة هل المال في البنك ..

. . . . . . . . . . ضحكت من زحمه على شيء زايل ..!!

المال . . يا كثره والأحوال في ضنك ..

. . . . . . . . . . بالله وين الربح . . والدين مايــل .. ؟؟

::
ماجد المري
17-02-2008, 11:11 PM
::

صُعب السؤال اللي جوابه للأسف مثل المحال ..

. . . . . . . . . . ما له مكان يقال فيه إلا تحت حدب الضلوع ..!!

::

" وش صار .. ؟؟ "

::
ماجد المري
19-02-2008, 05:39 PM
::

وحيــد .. ولا .. مغترب ..

هذي أحاسيسي أنا ..

هذي نتايج رحلتي ..

بين المعاني .. والعنا ..

::

عادي يحس بغربته من كان أصلا مغترب ..

. . . . . . . . . . لكن يحس بها مقيم .. أحس ماهي راكبه ..!!

::
ماجد المري
27-02-2008, 05:10 AM
::

الضيقه .. أكثر ما يقال ..

والصدق .. أقرب للمحال ..

والعمر .. كلــــه أسئله .. من حلّهـــــا ..

يسأل سؤال ..

وأنا .. بزحمة أسئله ..

وأدوّر لوحدي جواب .. ما دام للآمال .. باب ..

وإذ قدرت ألقى جواب .. عساي أحصّل لي ..

ســــؤال .. ؟؟

::
ماجد المري
28-02-2008, 02:26 AM
::

يا اللي تدورني ولا .. تلقاني ..

. . . . . . . . . . يا جعل تفـــداكـ الوجيه العكره .. !!

العمر مهما طال يبقى . فاني ..

. . . . . . . . . . والموت ما ياتي بدون السكره .. !!

أنت اتّحداني .. وأنا وحداني ..

. . . . . . . . . . بس الوعد بكره وأشوفكـ بكره .. !!

::
ماجد المري
29-02-2008, 03:16 PM
::

ليـــــه .. الرفيق .. اللي يقول انّه رفيق ..

يبور لا طااااااااال .. الطريق .. ؟؟

وليـــه .. الرفيق .. اللي يقول انّه رفيق ..

يصدّ لا جيته وأنا غرقان .. ضيق .. ؟؟

وليــــه .. الرفيق .. اللي يقول انّه رفيق ..

ينام لأحتجته .. وأنا لأحتاج .. أفيق .. ؟؟

يمكن ..

. . . . .على ..

. . . . . . . . . شانه ..

. . . . . . . . . . . . . . رفيق .. ؟؟

آخر ســـــؤال .. !!

" لـــــيه .. الحزن .. يومه .. غريب .. يصير .. له صدري .. بلــــــــد .. ؟؟ "

::
ماجد المري
02-03-2008, 08:29 PM
إلـــــى .. سعيـــــد ..!!

::

سعيد .. يا من كان شوفكـ يوم عيد .. اليوم عيد ..

سعيد .. جيتكـ .. بس جيتكـ محترق وأحس فالرجلين .. قيد ..

سعيد .. جيتكـ أعتذر .. وأدري تأخّرت بمجيّي بس .. تكفى لا تزيد ..

في نظرة عيونكـ عتاب .. وبعقدة لسانكـ عذاب .. وبطقّة اصباعكـ سراب ..

تكفــى أبيكـ تحاول تحركـ لسانكـ لو شويّ .. محتاج في دنياي من كثرة التقصير ضيّ ..

سعيد .. يا من كنت اشوف الضعف عكسكـ بالتمام .. اليوم شفته في عيونكـ .. قلت ..

يا دنيــــــا .. حـــــــرام ..

::

سعيـــد لمن لا يعرفه : نصفي الثاني .. الذي انقسم لنصفين .. yd.885

::
ماجد المري
04-03-2008, 04:24 PM
::

الجرح .. وعيون العتب .. والملامه ..

خاويتهم من يوم صرنا .. فقارا ..

والفقر ما هو شرط .. فقر الدراهم ..

الفقر .. كوكب ما لقاله .. مدارا ..

صعب الفراق .. وصعب حتى طواريه .. لكن ..

ليا منّه حضر .. ما قويناه .. وليا حصل في كل لحظه بكيناه ..

غريب .. وضع الناس ..

تبكي على ما تفعله في هناها .. وهي بوقته كان غاية مناها ..

غريب .. وضع الناس ..

::

علاقه الإنسان بالبحر ..

كلاهما يشرب الماء العذب .. ويردّه بملوحه ..

فهل البحر وحده .. غـــدار .. ؟؟

::
ماجد المري
06-03-2008, 03:03 AM
::

بطاقة البنكـ .. والصرّاف .. والعقل الشرود ..

تجمّعت قدّام عيني يوم ربي قسم ..

ما همني كم سحبت وكم بقى فالرصيد .. اللي ذهلني شيء بالطاري بعيد ..

لقيت بنت وأمّها .. الفقر خالط دمّها ..

تمدّ يدها للبشر .. وتقبل من المدّه " قشر " .. وتبتسم !

بنت ٍبنظرتها سؤال .. سؤالها حلّه محال .. ولا حصل أصلا مجال ..

بنتٍ مثلها في نعيم .. وهي جحيم ٍفي جحيم ..

من شفتها وأنا حزين .. أشوفها في كل حين .. وأبكي من الوضع المشين ..

ناس تجي تسحب وتصرف من رخا .. و"هي" تدور من يدين المنتعم مدّة سخا ..

البنت منظرها رهيب .. عيونها فيها سحر .. ما يعرفه غير الغريب ..

لقيتـــها .. هي وأمّها .. والبرد .. شقّق فمّها .. والفقر .. بيده لمّها ..

لقيتــــها .. تشكي حزن .. لقيتها .. تبغي وطن .. لقيتها .. عكس الثمن ..

لقيتها .. يا ليتني ما رحت بالمرّه .. أو أنّي رحت وألهاني زماني ولا .. مرّيتها ..

لقيتها .. فيها براءه يا زمن .. لكن أبسأل يا زمن .. وش فيكـ ما حنّيتها .. ؟؟

لقيتهــــــا .. يا .. ليتني .. ما لقيتها ..

::
ماجد المري
12-03-2008, 05:05 AM
::

يـــــوم الأحــــــد ..!!

فيه الألم والجرح والدمع مع ضيق اللحــــــد ..

يـــــوم الأحــــد ..!!

ذقت المراره والسهر والموت وأصناف النكد ..

فيه آخر دموعي نزل .. وفيه ارتجيت من الأمل .. وفيه افتقدت أحلى الجمل ..

من اربع سنين مضت .. وعيون من حولي بكت .. ودموع عيني ما انزلت ..

من أربع سنين مضت .. وجروح قلبي ما شفت .. والناس من حولي شكت ..

المشكله أني لقيت اني الوحيد اللي قوي .. وفي حزّة الضيقه عرفت أن السهر وحده خوي ..

" يا شينها لا شاف فيكـ الناس قوّة وأنت من داخل ضعيف "

يــــوم الأحــــد .. !!

الحظ في لحظه جحد .. والنوم مع حظّي اتّحد .. وأنا صفيت وللأسف .. ما شفت في جنبي أحد ..

بكيت .. لكن .. ما بكيت .. مشيت لين أنّي حفيت .. وللمرّه الأولى هنا .. ابعتبر نفسي شكيت ..

فقدت غالي يا عرب .. حسّوا بمعنى ما أقول ..

فقدت غالي يا عرب .. والموت حسّيته عجول ..

اربع سنين بدون طعم .. ما بين حزن وبين هم .. وما بين نظرات الألم ..

اربع سنين بكل ضيق .. بدون أقرب من صديق .. كنّي من غيابه غريق ..

أشـــوف فقــــدان الفقيــــد بعين " طفل ٍ يرقبه " ..

. . . . . . . . . . وأموت من صوت الطفل لا قال " يا عمّي متى .. ؟؟"..!!

::

الفقيد لمن لا يعرفه : هو شخص فقدته ومنذ أن فقدته وأنا أفتقد لمعنى الحياه .. !!

مع العلم أنّه على قيد الحياه ولو لم يكن يتمتّع بها

::
ماجد المري
21-03-2008, 01:44 PM
::

يقول ابن الذيب :

من تجربة ربع قرن(ن) عاشها ذاتي ..

. . . . . . . . . . ما كلّ فرقا يهزّ القلب طاريها ..!!

لذلكـ .. كان الفراق مميّــــز ..!!

::

صديت عن دربي وأنا دونكـ آضيع ..

. . . . . . . . . . صديت يا غالـــي وضيّقــت بالـــي ..!!

وشلون تتركني كذا دون توديع ..؟؟

. . . . . . . . . . يا لقع كبدي . . وآه يا بري حالي ..!!

شريت قربكـ لي ولا يمكن آبيـــع ..

. . . . . . . . . . . وأنت اتّكاثر بسمتكـ في وصالي ..!!

عاجبكـ .. حالي مرتوي منكـ تلويع ..

. . . . . . . . . . عاجبكـ .. منظر دمعتي وأرتحالي ..!!

غالي.ولو زاد الحكي فيكـ ما أطيع ..

. . . . . . . . . . غالي .. وتبقى عند مغليكـ غالي ..!!

::
ماجد المري
27-03-2008, 08:09 AM
::

صباح الخير يا صبح الحزين اللي بدون أخوان ..

. . . . . . . . . . يونّ ويردف الونّه ولا أحد(ن) قال وش صابكـ .. !!

::

جميل .. جدا .. أن تكون ملاذا لكلّ حزين بقربكـ ..

ولكنّ .. من المؤسف .. جدا .. أن لا تجد لكـ ملاذا ..

::

الحزن كحّل عيوني وأتعب أهدابي ..

. . . . . . . . . . والموت أشوفه وأنا ما ودّي آشوفه .. !!

::

حزين .. وخاطري ضايق ..

ولي مدّه ماني بـ رايق ..

يعارضني 100 عايق ..

عسى تالي التعب راحه ..

منام الليل ما ذوقه ..

ودمع العين في موقه ..

وفرحة عمر مسروقه ..

عسى تالي التعب راحه ..

::

لا زلت أخفي الحزن خلف إبتسامه .. :smile: .. ولكن ..

أخاف .. أن أفقد تلكـ الإبتسامه ..

::
ماجد المري
05-04-2008, 06:16 PM
::

أحلى إبتسامه فالزمن .. بسمه على وجه الكبير ..

لا شفت وجهه مبتسم .. وهو من الداخل كسير ..

لا قلت له ودّي بشيء .. يصير لو هو ما يصير ..

بس الزمن قاسي ولا بقّى كبير ..

::

في ظرف عام .. وعام بس !! أفقد من كباري كثير ..

يا رب عفوكـ يا كريم .. أخاف من ظلم الصغير ..

::

ترى العمر ما يسوى ليا قلّوا الشيبان ..

. . . . . . . . . . يزيد الجهل فينا ونبقى بلا حكمه ..!!

::

خـــالي .. جدّتــــي .. عمّـــتي .. والدي ..!!

صعب أن أفقدكم كلّكم في ظرف عام .. ولكن .. إنّا لله وإنّا إليه راجعون .. !!

" مع العلم أن والدي متوفّي منذ .. 1414 هـ .. ولكنّي أفتقده كلّ لحظه .. !!

::
ماجد المري
13-04-2008, 03:59 PM
::

الدمعه .. اللي شكّلت مجرى هلى خدّ الحزين ..

. . . . . . . . . . كنها .. تقطّع من شرايينـــه وتكشــف سيّــته ..!!

:

تنزل على عوج الحنايا واتّمركا في البطين ..

. . . . . . . . . . والقلب يحضنها غلا وتصير في ملكيّــته ..!!

:

ما ساقها غير الزمن الأقشر وصدّات السنين ..

. . . . . . . . . . اللي تخالــف راعــي الســر عن ســرّيتـــه ..!!

::
ماجد المري
13-04-2008, 07:30 PM
::

الخفجــــي ..

. . . . . الدمـــام ..

. . . . . . . . . . الرياض ..

. . . . . . . . . . . . . . . جــدّه ..

. . . . . . . . . . الرياض ..

. . . . . الدمـــام ..

الخفّجـــي ..

رحلة ألم .. ما تنّسى .. في صبح ولا في مسى ..

ما ذاقها غير الشقي .. اللي من المرّه سقي ..

رحلـــه .. شقى غير الشقا .. والله يعلم كم بقا .. منها تغير مدمعي .. بدال ما ينزل ... رقا ..!!

وآخر فصول لرحلتـ(هـ) .. ما فاد فيها حيلتـ(هـ) .. وأنا هنا كلّي عنا ..

ما غير أناظر فالبنا .. وأطلب من المولى هنا .. يا ربنا الطف بنا ..

::

الرحله : " سفينة " تقودها الأمواج بدون قبطان ولم تجد ساحل تقف فيه حتى الآن مع عدم وجود مياه تبحر فوقها ..!!

::
ماجد المري
21-05-2008, 04:05 AM
::

http://www.alraidiah.org/up/up/21133171420080521.jpg

" ربّـــي لا تذرنـــي فـــردا وأنــت خيــر الوارثيــن "

اللهـــم آميــــــن ..!!

::
ماجد المري
20-06-2008, 02:17 PM
::


الحاجه اللي قرّبت الأخوان من عقب بعدوا=واللي ليا غابت تباعد كل ما كان اجتمع
يا ليتها ما جات يا المطلوب في يوم جحدوا=عشان يبهت شيء ما يلمع ولا عمره لمع

::

^^^ يا ليت أحد يفهمها ^^^
ماجد المري
20-06-2008, 02:24 PM
::

نفسي القى للشعور اللي سكنّي وطن ..!!

ونفسي القى للحياه بهالحياه أيّة ثمن ..!!

وقّفـــت .. قـــدّام الزمن وقفة رجال ..
. . . . . . . . . . ســــوّيت .. لكـــن المقاديــــر سوّت ..!!

^^^ قمّة التعبير ^^^

بيت تمنّيتني كتبته ..!!

::
ماجد المري
21-08-2009, 01:21 AM
::

كنت أكتب حروفي .. هنا ..

كنت .. أنزف جروحي .. هنا ..

وألحين عدت من الوله .. والصدر كلّه أسئله ..

والقلب في يمنى هله ..

جيت وبجيب اللي بجيب ..

بس الوكاد انه قريب .. من قلبي اللي ما يطيب ..

يصحى على الجرح وينام ..!!

::
ماجد المري
21-08-2009, 01:28 AM
::

وين أنت يوم إحتاجكـ القلب وين أنت ..

. . . . . . خلّيتني .. من شدّة الهم .. طاااايج ..!!

قد قلت أحبكـ عقبه أقفيت .. لاهنت ..

. . . . . . وخلّيت دمعي فوق الأوجان سايح ..!!

روّح عسى الله ما ينسّيكـ وش كنت ..

. . . . . . وحاول .. تذكّر منظري وأنت رااايح ..!!

::
ماجد المري
22-08-2009, 02:12 AM
::

كل شيء قدرت أنساه .. إلا ..

الألم والـ آااااااه ..!!

::
ماجد المري
31-08-2009, 04:23 PM
::

وصلكـ حياة .. وبعدكـ يشابه الموت ..

. . . . . . أختار في الثنتين وأنت وضميركـ ..!!

::
ماجد المري
31-08-2009, 04:30 PM
::

أشوف حبّي وسط عينكـ .. ولكن ..

. . . . . . يا ليت ما قلته مثل .. ما اشوفه ..!!

::
ماجد المري
29-09-2009, 06:22 PM
::

لا زلت أشوفكـ في جميع الزوايا ..

. . . . . . ولا زلت ارحّب كل ما مرّ طاريكـ ..!!

رحت وبقى لكـ في دروبي بقايا ..

. . . . . . وشلون تقدر تتركـ إنسان شاريكـ ؟؟

حاولت أشيلكـ من دواخل حشايا ..

. . . . . . صاحت ضلوعي والحنايا تناديكـ ..!!

::
ماجد المري
29-09-2009, 06:23 PM
::

أعترف أنّ الأبيات اللي فووق كان من أسباب ولادتها ..

نواف الفهّاد :) ..!!

::
ماجد المري
30-09-2009, 12:56 PM
::

عنكـ آتصبّر وأوهم الناس بالضحكـ ..

. . . . . . وأقول ما عندي حبيب(ن) نساني ..!!

وإن صرتي وحدي قلت:ياخافقي.أحكـ

. . . . . . قال : آآآآآه يا ماجد من اللي طواني ..!!

::
ماجد المري
08-10-2009, 01:13 AM
::

الموت شين ولكن أشين من الموت ..

. . . . . . أنكـ تعيش . . وترجع تعيش ثاااني ..!!

:(

::
ماجد المري
18-10-2009, 02:16 AM
::

أعترف ..

بوجود خطأ لا يغتفر في الخاطره السابقه :(

تعيش ثاني = تموت ثاني ..!!

::
ماجد المري
18-10-2009, 02:22 AM
::

خلّيتني وأنا على شوفتك شفق ..

. . . . . . وروّحت قدّامي مع اللي جفوني ..!!

كنت أنصحك وأقول لك دوّر الرفق ..

. . . . . . وأشوف رفقكـ مسايل عيوني ..!!

::
ماجد المري
24-10-2009, 01:13 PM
::

بعد .. ؟؟

فيه خطأ لا يغتفر في الأبيات السابقه :(

( وأشوف رفقكـ في مسايل عيوني ) ..!!

::
ماجد المري
24-10-2009, 01:14 PM
::

http://up.ftahilah.com/up//uploads/2849f0e02b.mp3

بـ صوتي ومن قلبي لكل قلب .. :) ..!!

::
ماجد المري
24-10-2009, 08:29 PM
::

جيتكـ غلا .. وتصدّني ..؟؟ ليه الصدود ..؟؟

. . . . . . ما تدري انّي لا لمحتكـ جيت خلّيت البشر ؟

::