تقدّم الدنيا لنا درس جديد كل يوم .. !!!!

[أبو فهاد]

تقدم الدنـيـــــــــــــا لنا درس جديد بكل يوم=والناس تسلم من غثا الدنيا بحفظ دروسها

وعلى حسب حفظ المواجيب وتعاليم السلوم=نعرف مقاســـــات البشر بالمرجله ونقوسها

صيت الرجــــال الوافيه بأفعالها ولاّ الرخوم=ينبيك عنها قل نفعتهــــــــا وشين نفـــوسها

تطرد ورى الدنيا وتكشخ بالمواتر والهدوم=مثل الحريم أغلب دراهمها على ملبوسها

والامعه والشايب الكذاب وضعيف العزوم=ناس مع العالم بلا هيبه تدربي روسها

والبخل خلانه بهايم ولاتسام ولاتسوم=لاشفتها ترفع يدك حمد وشكر وتبوسها

على الصحن هم أول الجلاس وآخر من يقوم=يعيّفك حلو الاكل والشرب طول جلوسها

ماهيب للازم سند ولاذخر عند اللزوم=تموت ماسرك مهايطها وكثر فلوسها

وسوالف الخبلان رفعة ضغط وصداع وهموم=فلاوة تخطف علوم العرب وتحوسها

واجب عليك إليا حكت عن جملة حكاها تشوم=الهند مايراس حكومتها سوى هندوسها

وربع المصالح والمجامل خوة ماهيب دوم=اقولها والتجربه قطع وريدي موسها

وقت الرخا مثل الصقور اللي على المرقب تحوم=في يذري ساقك الرمضا وحر شموسها

واليا احتمت صكات بقعا وامست علومك علوم=اتلوي خششها وتجحد خوتك وتدوسها

من عقب ماانت الطيب وقدرك معزز ومحشوم=تصير اردى ماخلق ربي ودم ضروسها

ابعد عن الاشكال ذي بعد الثرى عن النجوم=وش حاجتك في قرب رديان العرب ونجوسها

ماهوب عيب ليا عزموك تقول يالربع معزوم=العيب لارحت لعزايمها وجيت عروسها

وخلك فطين تعلمك دنياك درس بكل يوم=والرجل يسلم من غثا الدنيا بحفظ دروسها

[طليفيح]

تسلم يمينك ابو فهااااااااد

قصيدة رااااااااااائعه

وصح الله لسان قايلها ولسانك يابعدي

[~أصداف~]

.
.

قصيدة رائعة ..


للشاعر المبدع / محمد جارالله السهلي ..

..

أبدعت بأختيارك ..


لك الشكر ..

[أبو فهاد]

شكراً لمروركم ..

[الجوووري]

هلا وغلا

ابو فهاد


ابيات رائعة


لاهنت يالغالي:101:

[الدب الأبيض]

الله يعطيكم العافية

[الدر المكنون]

ماهوب عيب ليـا عزمـوك تقـول يالربـع معـزوم
العـيـب لارحــت لعزايـمـهـا وجـيــت عـروسـهـا
وخـلـك فطـيـن تعلـمـك دنـيـاك درس بـكـل يــوم
والرجـل يسلـم مـن غثـا الدنيـا بحفـظ دروسـهـا




اختيار موفق

وصح السان الشاعر


وسلمت انامل الناقل لنا


الدرر


والدنيا كل يوم درس جديد

[كوكب الأمال]

مشكور وماقصرت على هذه الكلمة

[راضـــي]

صح لساااااااااااان الشاعر .. وتسلم يمين من نقلها

قصيده رائعه أخوي أبو فهاد

يعطيك ربي الف عافيه على النقل الجميل

لاعدمنا تواجدك

[عاشق منى]

صح لسان الشاعر

وناقلها

وسلمت يمينك

[مشعل الشويكي]

صح لسانك ابو فهااااااااد

قصيدة رااااااااااائعه

[أبو رائد]

صح لسان الشاعر

والله يعطيك العافية

يا ابو فهاد على هذا الاختيار