لانه الموضوع رقم مائــــه حبيت انه يكون ظريف ^^

[الغــامــض]

بسم الله الرحمن الرحيم
الســلام عليكــم ورحمــة الله وبركاتــه
في البدايه فكرت لما كملت 99 موضوع وش راح اكتب للموضوع رقم 100
قلت اكتب موضوع سياسي فكرت قلت مو وقته
طيب اسلامي كمان لا
قلت مالي الا اكتب موضوع خفيف وطريف حتى الشباب يشاركوني موضوعي
<<<<< على نيته
المهم تفضلو معي نقراء الموضوع
هذا واحد طال عمركم اسمه عميش يبغى يتزوج وحدة اسمها عميشة >>>> أيش رايكم بالاسامي ؟؟؟
المهم...تبغون تعرفون أيش صار معاه ؟؟؟
طيب اسمعوا هذه حكايته...

عميش: أهلا هلا يا أبو عميشة أول مرة ونثنيها

ابو البنت: قولي يا وليدي وش جابك و أمك ليه انت مخليها

عميش : أنا جيتك ودي بنتك تكفى عمي زوجنيها

أبوها: أبشر باللي جيت لأجله ... بس خمس شروط تلبيها

عميش : كل شروطك على راسي عميشة تطلب وانا اعطيها

أبوها : أنا ودي جيب مجنط ولا الددسن ما نبيها

عميش : يا عالم هاذا أولها والله يستر من تاليها..

أبوها: وبنتي تبي بيت لحاله يعني فلة تسكن فيها

عميش : حاضر يا عمي بالفلة لعيون عميشة نبنيها..

أبوها : وتبي خدامة طباخة تسوي قهوتها وشاهيها

عميش : كل شروطك على راسي عميشة تطلب وأنا أعطيها

أبوها: وتبي سيـــــارة جديدة وتبي سواق يوديها

عمبش : أمري لله وش نسوي حتى السيارة نشريها

أبوها: وأمك يا وليدي خرفانة وبنتي ما تطيق تراعيها..

عميش : هذه أمي مالها غيري ولازم بالخير نجازيها!!

أبوها: ودها خالك ولا جارك ولا شفلك صرفة فيها

عميش : والله يا عمي زودتها وظليت تحوس بتاليها

أبوها: هذه شروطي ودك ولا عميشة كلا وده فيها..

عميش : أمي عندي تسوى الدنيا وبنتك عندك ما نبيها

أبوها: أطلع يالخايب من بيتي ولا هالحين باسويها

عميش : احفظ كلامك يالشيبة لأقلب عاليها واطيههههههها..

المهم ان عميش طلع رحوم وعيا يخلي امه .

وياخوفي ان عميش يشيب ما اخذ الحريم لان حريم هالوقت ما يطقن الحماة

وشكرا على تواصلكم معنا في رابطة عميش لمحاربه العقوق ..

وتوته توته انتهت الحتوته :(

ولعل موضوع اخوكم الغامض يحوز على اعجابكم

وتقبلوا تحياتي ,,,,,,,,,,,,,,,,,,,,,,,,,,,,,,,,
اخووووووووووووكم ,,,,,,,,,,,,,,,,,,,,,,,,,
:ty: :ty: :ty:

[احسـ العالم ـاس]

يعطيك الف عافيه

وعقبال الموضوع المليون لك ف المنتدي

تحياتي

[عبدالإله]

سلمت اخي الحبيب على المشاركة رقم مائه

وعقبال الجديد والمليون زي ما قال احساس العالم

[الغــامــض]

بسم الله الرحمن الرحيم
اخي احساس العالم
اخي عبدالاله
الســـــــــــــــلام عليكــــــــــــم


شكرا وكلي امتنان لدعوتكم .
ويدا بيد نكمل المسيره في هذا المنتدىىىىى الجميل


وتقبلوا تحياتي ,,,,,,,,,,,,,,,,,,,,,,,,,,,,,
اخووووووووكم ,,,,,,,,,,,,,,,,,,,,,,,,,,,,


:ty: :ty: :ty: