.. محتاجه مساعدتكم الله لا يهينكم ..

[كـ kaday ـادي]

السلام عليكم ورحمة الله وبركاته


ابغى عبارات اهداء اللي تتعلق على هدايا الزواج, و اهم شي يكون فيها مدح للعروس و اسمها
وانا ما طلبت هذا الطلب إلا لما التمست إبداع القلم لدى العديد من الأعضاء ...

وإن شاء الله تفيدوني وأكون لكم من الشاكرين ...

[الجوووري]

هلا وغلا


الكآدي.,


هذا ماوجدتـه ارجو ان يفيدكـ,,’



،’


يـاهنوف سـحرها غازل خجلها
...........................واجتمع مع حسنها زين الخصايل
اشـغلتني والـزعل عـني شغلها
...............................مـاوصل مـن عنده رد الرسايل
الـعيون الـهايمه للشوق ولـها
...............................وانـتثر لـيل السهر فوق المثايل
تـغري الـقلب المولع في غزلها
..........................و الزعل من شيمة نفوس الأصايل
بـالغلا لـك منزله ما احد وصلها
...........................من غرامك شفت با الحب الهوايل
مـا تصدق فيك روحي من عذلها
...............................ومـا نـدور فيك يا شوق البدايل
صـدقيني يـامنى روحي وأملها
.......................................خـاطرك كانه على شايل
..................................
هلا يافتنه الحفله .... هلا والفرحه أكتملت
......................................هلا باللي سحرت كل العيون والزين كاسيها
هلا باللي القمر منها رحل يومنها طلت
...............هلا (اسم العروس )ومثل (اسم العروس ) بالدنيا أثنين مافيها
نويت أني أوصّفها وحروفي بوصفها أحتفلت
....................................وأشوف الشعر يسبقني ويكتب كل معانيها
عليها من الحسد عيني ذكرت محمد وصلت
...................................وعليها من الفرح شعري رقص بأحلى لياليها
أنا بوصفها أببدأ بشعرها يوم له فلت
.....................................سواد الليل والجبهه قمر نوره يغطيها
وعيونها عيون حوريه ومنها الحور أتحلت
...................................يعني بأختصار كامله وجمال الكون بيديها
و(اسم العروس) أذا رخت رموشها وسلت
......................................تصيب اللي يحب الزين ويعشق غواليها
و(اسم العروس) مثل القمر عيونا منها ماملت
.......................................عسى ربي من الحاسد بأمره اليوم يحميها
واليله الليله كل الناس أحتفلت
............................ليله من العمر صارت (اسم العروس) اللي تحليها
...............................
أطفوا أنوار الصاله الليلة عشان
........................................تشرق الشمس بعيون الحاضرين
حيوا أحلى طله بهذا الزمان
........................................حيوا أحلى عيون وأحلى حاجبين
نوري الصالة وأضوي هالمكان
........................................ياعروسة كل قلب وكل عين
هذي الليله يفوح الزعفران
.....................................هذي الليله نشم الياسمين
هذي ليلة عمر " اسم العروس " من زمان
...................................تنتظر هالليله هذي من سنين
جيت بأكر من محاسنها ثمان
.....................................شعر وطول يغري العاشقين
والرموش السود وعذوبة لسان
..................................والبيلض إلى يشع بهاليدين
وخصرها كنه غصون الخيزران
.................................لاتمايل كل خلق الله تميل
ياعروسة هالزمان وكل زمان
....................................ياعروسة كل قلب وكل عين
///////////////////


جت تمشي شيخة الحفل شحلاها = جت تمشي لعرشها مثل الأميره
الأرض زانت يوم داستها خطاها = وفي خطاها كالظبي لحظة مسيره
الخجل كل الخجل والله أحتواها = بنت أبوها شيخة في كل ديره
هذي عروسنا الزين كله أكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو مآخذ عبيره
من حلاها الكل يحلم في هواها = وكل عين لعينها صارت أسيره
عروسنا شمعه ومنوّر والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاة كثيره


////////////////////

اقبلت 0(........) مثل البشارة في طرف ليل جلب نورة بأثرها
كل نجم من ضياها شب نارة ولا سهر معنا القمر ليلة سهرها
عطرها زف الخبر قبل انتشاره وفلت حجاج المسا طلعت قمرها
دربي أمست فرحته ليلة نهارة تنشد غيوم النواظر عن مطرها
***
ما سمح طرفي لحملة بانحدارة كل عبرة لاول الفرقا ذخرها
فرحة اكبر منتصر وقت انتصارة طلت الوجه الطفولي تختصرها
***
جاد لي تشريفها طال انتظارة فكري وعيني وخفاقي ديارها
جت تهاذا تارة وتختال تارة والدلال ذنوب والعشق يغفرها
***
جت تبي من الشمس ليديها سوارة ومن نجوم الليل عقد في نحرها
جت لسان غرورها ينشد عبارة هي درت تسع الكواكب عن خبرها
***
جت ملاك كلها عشق وطهارة جت عنود لفت الراس تعسرعا
حفلة يدي مصافحتها في حرارة وعيدها لاجات تسبح في شعرها
***
بنت بدو دللوها في الحضارة سالفة عربانها من اول شهرها
كم طلب يدها و لا ظن الخسارة طيب يزداد في رفضة فخرها
***
لين روح تفرك يمينة يسارة منوتة لو هو ولد عم وحجرها
ما تبي الا الي عصمته باختيارة ساق شبكتها الغلا وقلبة مهرها
***
وايش علية ان سولفت عنه بغزارة بين غيدن صانها الرب وسترها
وايش علية ان خاطت الجرح بمهارة اذكر انه يوم ميلادة شكرها
***
كنت الم الشوق ويزيد انتثارة كنت اسولف واحسب اني منتظرها
ماكرهتك يا الصبر لولا المرارة ماعرفتك يا لضما لولا ثغرها
***
ما حملتك يا الهوا لولا الشطارة ما عشقت الغرق لولا نظرها
قلت اببحر والغلا اسباب الجسارة احرجتني غرس اغرقني بحرها
***
دونها جفن يغير دونها غارة ما سلمت من السيوف الي شهرها
ليتها تاخذ وفا شيخ الزيارة كم لفاني ماخذ منها صورها
***
بح صوت الوجد ما خلصت ثارة وسبحت اشواقي نثرها اللي نثرها
يوم جا للبان وقفه واستدارة راحت اتجر اسود الليل بسفرها
***
وادعت درب توعد به سماره وغض خافقي مع غضت بصرها
ما عذرها خاطري وقت انكسارة عذرها ان اللي سرا معها عذرها
هذه القصيده لناصر القحطاني ... فماراح تكمل روعتها إلا إذا ألقها شخص له نفس نبرة صوت
ناصر أو على الأقل يحاول ..

///////////////////////////////


ياناس صلوا عالنبى ذكرى النبى فايقاها ..للهم صلى و سلم على محمد ...
ياناس شوفوا حسنها النور منها وقولها ..لا اله الا لله قولوا ..
الليل ساكن شعرها و الكحل اصلا رموشها الا اله الا لله ...
اعيونها اعيون المها و احلى الورد فخدها لا اله الا لله ...
اسمر على ابيض لونها سبحان ربى زانها لا اله الا لله ...
الف الصلاه على النبى ..لا اله الا لله و عليك سعيد و عليك ابمبارك ..
و الفرح فيكم تبارك ..عروسنا و عريسنا كملوا نور السنه ..عريسنا زين الرجال و عروسنا كل الدلال
..الا اله الا لله ..كملوا نص دينهم سبحان جامع شملهم ..دعيت ربى العالمين يصونهم من الحاسدين




//////////////////////////////


نورت ياحلاها شمس الاقبالي
...............................والعذرا شموع من حواليها
فز قلبي وانشرح بالي
.........................يوم شفت الحسن والزين كاسيها
عروستنا دانة انواراها تلالي
...........................تبهر العين من زود الحلا فيها
يابعد عيني يوم شفتها قبالي
............................صاح قلبي على الشوق يناديها
يعلم الله حبها في قلبي غالي
............................اغلا عندي ومن الدنيا ومافيها ..




//////////////////////



ياحسنها من ليلة جميله غنت بها واتبسمت الالحااني
فيها بدت عروسنا المينونه بنت الحسب بنت النسب والشاني
عروسنا كل الضيا يكسيها حتى القمر في قربها مايبالي
لما بدت هلت بدر ضياها حورية فيها الحسن رباني
الله يانور تجلا في الظلام مقبل يمشي بها القد الحسين
مادري هاذا الصبح او بدر التمام ولا ربي جامع بين الثنين
هاذي من فيها الدجا والبدر هام شعر من ليل ووجه من لجين



//////////////////////


اشرقت بالنور مابين الحضور
.........................كنها شمس وكواكب بينها
من كثر ماربنا واهبها نور
.........................يذكر الله من يناظر زينها
الله اكبر ماعلى مييثه قصور
......................كيف ولا والحسن كله يزينها
فيها كل الزين واحساس وشعور
.........................كم تنمى الورد لمس ايدينها
يوم زفوها على نسل الصقور
..........................طرزت الافراح كل اسنينها
والنجوم اتزف افراح وزهور
..............................والهنا اقبل تعنى لعينها


/////////////////////////////////


اقبلت ياقبلت الله فــــي حـــلاها *** شمعة الدنيا ضــــــــوت ليل العمر
اقبلت والكل يمـــشي من وراها ***وغتنا من زيــــــــــنها ليل الســــهر
هي صبا شمساً تعلت في سماها *** هي ملاذ الارض في وقت السحر
من شذاها تاخذ الدنيـــــــا شذاها *** لا دخون ولا عـــــبير ولا عطــر
ياهــــــنيك فزت والله بـــــغلاها *** فزت باللي نورها شــــمس وقــمر
الـــــــخزاما والنفل ريح لهواها *** لامشت ريــــح البسيــــــطه ينتثر
رب هو اللي وهبـــــها ثم عطاها*** في حلاها وزانها باحـــــلى الصور
عاديه في زينها وفي مسـتواها*** ماتشوف في زيـــنها بـــــين البشر



///////////



الله الله ياسلام سبحان رب العالمين هاذا هو بدر التمام هللوا يالحاظرين
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
اشرق بنور القمر نظرة اعيونه هلاك هو بشر ولا سحب اقبل بصورة ملاك
اقبل بروعه وجمال مثل نسناس الربيع عليه لايق الدلال بشهادته الجميع
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
افرشوا دربه حرير وانثروا فوق الورود اقبل بحسنه المثير ممتزج عطره بعود
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
ياحلاته لي مشى بالهدا يمشي بسكون مثل ظبي او رشا كامل بزينه فتون
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
(~_~) (~_~) (~_~) (~_~)
أقبلت تمشي ومشيتها كنه الخيل ...
ترفل وابوها بالمعزه حماها
مثل المطر شفافة كنها سهيل ...
أو وَجْنَةْ القمرا بعالي سماها
مزيونةٍ فيها النواعس مظاليل ...
كن الليالي ماخذه من مساها
شفَّافةْ الخدّين في غنجها تميل ...
كن النسايم ميّلتها معاها
وجناتها تشبه ورود الأكاليل ...
ورده نديَّه والبنفسج شذاها
دانه ثمينه ما لها من مواصيل ...
تسبي العقول ونايفٍ مستواها

[دخــــٌيل]

http://www.atyab.com/uploadscenter/uploads/0dcfc50818.gif

[الدووووخي]

ماقصرت يالجوري ’’’

الله يعطيك العافيه الكادي ’’’

[كـ kaday ـادي]

الله يسلمك يالجوري .. تسلمين والله ..

شاكره لكم مروركم بإنتظار ابداع القلم من اعضاء هذا المنتدى الامع ..

[طليفيح]

تسلمين يالجووري

على الاستجواب لسريع

تحياتي

[بنت حايل]

يعطيك العافيه الجوووري ,,


والكااادي أن شاء الله الاعضاء ماراح يقصرون معاك ,,,

[حنين]

http://www.alraidiah.com/vb/uploaded/mals.gif





اذا تبين اكثر من اللي عطتك الجووري احنا حاضرين وبالخدمه





http://www.alraidiah.com/vb/uploaded/mals2.gif

[goree]

الله يوفقها يارب



مهرةٍ والحافظ الله ياحلاها0000000000أنورت بقدومها كل الليالي

ياغلاها وسط قلبي ياغلاها00000000قدرها ياناس فوق الراس عالي

بالجمال وبالحلا ربي حباها 00000000000عينها ياعين ريمٍ بالمفالي

ياجمال البسمة اللي في شفاها00000000ياهلا بك يابعد حالي ومالي

أسأل الله دايم يسدد خطاها 000000000ويحفظها من يمين ومن شمالِ

أسأل الله دايم يحقق مناها00000000000والهنا في دربها باول وتالي


يارب تعجبك ياقمري

[كـ kaday ـادي]

اكيد اعجبتني ..


الله يعطيكم العافيه ..

[نايف عايد]

اختي ان شاء الله تجدين ماتسألين وماقصروا الأعضاء..

http://www.alraidiah.org/up/up/21799251620080806.gif


تحياتي لك واشواقي..

:101:اخوك نايف عايد

[الأسير999]

الله يجزاك خير
على الموضوع الرائع

[لأجل اشتياقي]

ان شاء الله
البنوتات ماقصروا معك

واحنا بالخدمه........

اختكـ

[كـ kaday ـادي]

الله يعطيكم العافيه جميعاً ماقصرتوا .. :)

[مبدعه رغمالصعاب]

يازين الي جابتها الجوري ....... ماشاء الله لاقوه الا بالله.. في ميزان حسناتك
وانت يا كـ kaday ـادي اذا تبي من هالنوعيات ان شاء الله تعجبك هاذي القصيده وتصلح كمان شعر للزفه

من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
(اسم العروس ) اللي بزينها صارت فريده
اسمها (اسم العروس ) والاسم كافي
لو صاغها الصايغ ضيع نشيده
(اسم العروس ) عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
(اسم العروس ) بنت ((اسم ابو العروس ))) بنت الاشرافي
(اسم العروس ) غلاها بين القلب ووريده
ومعرسنا( اسم العريس ) قدره عالي ووافي
( اسم العريس ) بالشجاعه نظرته بعيده
( اسم العريس )مثل الذهب ومعدنه صافي
( اسم العريس ) الطيب بقلبه دايم ربي يزيده
( اسم العريس ) قدره فوق روس الأكتافي
الطيبه بقلب ( اسم العريس ) وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
(اسم العروس ) اللي بزينها صارت وحيده

[كـ kaday ـادي]

رائعه ماشاء الله

تسلم :)