زعيط اخو معيط وصل

[زعيط]

مساكم الله بالخير جميع


اتفقنا نحن ابناء المغفور له باذن الله ابو زعيط الا وحنا

زعيط واخوه معيط على مزاوله نشاطنا في هذا المنتدى الاغر


وانا طالبكم جميع لا يصير شي حنا راعييين محل والقدر الصدر محنا جايين نجربكم

الا كان فنجال قهوه محناش مشكل

ودمتم

زعيط اخو معيط

[معيط]

مساك بالنور اخوي

ايه صح مساكم بالخير جميع اعضاء الرايديه

ابي اعرفكم بحالي وحال اخوي


اخوي الكبير زعيط او كما نحب ان نسميه النابغه زعيط


لانه نابغه ما عرف ينبغ الا لما عرفنا النبغ

طيب وش معنى نبغ هذي ما ادري وش معناها

المهم اني انا العلامه معيط وش تبون وش تحبون تعرفون عندي طبعا وانا ابو هندي

ابو هندي مو معناها الهنود لا هذولا هنود مال اول مختلفين عن وين رووح صديق


وصديق هذا يعني خوي عندهم لما تقول يا خويي هو يقولون وين صديق


زعيط وبعدين معك ليش تقول ما نبي شي بس قهوه تدري انا ما احب القهوه

انا ابي كبدة حاشي مرقة ارنب ذيل ضب اي شي فيه دسم


المهم متى الزبيحه ما احب الطول عليكم بس ابي اروح اكوي شماغي وعقالي

عقالي لحظه شوي العقال ينكوي لا لا ابي اغسل طاقيتي

والا اقولكم طاقيتي نظيفه بس شماغي واحط عليه نشا


نشا هذا اللي ييبس الشماغ

والله اني كثير هذره صحيح

خلاص بس اسكت يا ولد

اهم شي نبي الزبيحه


باي


وععع لا مو باي


مع السلامة


باي يقولون هذي حقت اليهود


خخخخخخخخخخخخخ ما قلت لكم علامه اعرف كل شي


ودمتم


معيط اخو زعيط

[أبو رائد]

أهلا وسهلا بكم أخوان أعزاء في منتدى الرائدية



واتمنى أن يعجبكم المقام معنا وتعجبكم مواضيعنا



والجميع يرحب بكم وبقدومكم


فـ على الرحب والسعة



أخوكم
أبو رائد

[مـ///ـتحيل]

يا مرحبا بزعيط ومعيط

حايكم الله ياهلا ويا مرحبا

بعلامتنا ونابغتنا


عشر ذبايح نعزم اعضاءنا كلهم


ابشر والله بمرقت الحاشي ولبن العصافير يا معيط



حياكم الله يا هلا ويا مرحبا :p

[حزن]

http://www.spundreams.com/sets/nature/blsnowwel.jpg

حياكم الله يا زعيط ومعيط

يشرفنا انضمامكم الينا

وبانتظار بصماتكم على صفحات المنتدى

تحياتي لك

حزن

http://www.spundreams.com/sets/nature/blsnowbar.jpg

[مشهور]

الف هلا بزعيط ومعيط انتبه للشماغ لااااااييبس بس من النشاء لانك معزوم عندنا على زبيحه

وين البخور يابنات يالله رحبو باللي نو منتدانا ......وجيبو التمر والقدوع والقهوه والشاي


يامرحبا يامرحبا نورك طفا الكهرباء

[ديما]

مرحبا مليون وحياكم الله

أهلا بالاخوان زعيط و معيط


اسعدنا جدا انضمامكم معنا في منتديات الرائدية

نتمنى لكم المتعة والفائدة

تحياتي لكم

ديما

http://www.rashooody.com/me2me/pows.gif

[معيط]

المهلي ما يولي يا بورايد

قادمون قادمون ركاض ركاض :p







م///ـتحيل ما ادري كيف اكتب اسمك

بس اقولك عااد

عشر ذبايح ما تكفي الاعضاء كثر <=== كثر هذا تهبل طالعه من فمي مثل العسل :p






الله يسامحك يا حزن بصمه

اقولك علامه انا اقدر اوقع حتى ابشرك ما عمري قلت ابي اوقع

اقول دائما سنقل :p

سنقل يعني بصمه لا لا لا وش بصمه سنقل يعني توقيع









مشهور ما اقدر امشي الا وشماغ يابس كانه خبز مرقوق :p

لازم اسمع جرشته كرقش كرقش كرقش :cool:








ديما على طاري الانضام

ضموني للمنتخب مره

وسافرنا لوس باريس

ولما جاء وقت المباراة
الا انا ناسي شراباتي بالديره

فلعبت بدون شرابات ولما شافني الحكم عطاني كرت احمر :mad:

سالفه طويله اكملها لك بعدين انا مو فاضي الحين للقرقه وكثرت السوالف

لان كثرت السوالف تمرض السالفه

واذا جت السالفه مريضه

تمرض المستمعين

واذا انمرضوا المستمعين


راحوا للطبيب عاد هذي بعد سالفه طويله

اقوله لك بعدين








اخوكم العلامه / ميعط

[العابر]

هلا بكم يا اخوان زعيط ومعيط


وحياكم الله بالمنتدى


وننتظر مشاركاتكم

[زعيط]

على العموم المهلي مايولي



ولنا الشرف نتعرف على هالوجيه الطيبه



وانا والله مستحي منكم برشا برشا كثيرا كثيرا



فشلني هالمنسم معيط قرقه وقطيط وجه من الدرجه الاولى لا وابشركم مجموعه يساااعده يكون طرار




لكن ترحيبكم ان دل فانما يدل ( هذي وشلون قلتها ) على روعة المنتدي باللي فيه




لكن دامكم حلفتم عطونا حق الذبايح حنا نشريها ونعزمكم




والسلام عليكم ورحمه الله وبركاته



الضيف زعيط اخو الرجاااااااال معيط