وين النشاما تكفون

[بنت الطنايا]

السلام عليكم ورحمة الله وبركاته

yd.885 تكفون اخوي طلع مدمن مخدرات ونبي نعالجه بس المشكله ماندري وين وحنا كلنا بنات ماعندنا رجال غيره yd.885 وخايفه نوديه مستشفى الامل ينطرد من وظيفته وهي مصدر رزقنا وعنده اطفال صغار yd.885 تكفون قولوا لي وش اسوي وش رايكم بالكويت اقدر اعالجه هناك وكم يكلف العلاج الله يوفقكم ساعدوني مادري وش اسوي yd.885

[أبو رائد]

ياهلا فيك يا بنت الطنايا

بالنسبة لمسشتفى الأمل

افضل شيء فيه بأنه ( سري للغاية)

ويسهلون الامر كثير من ناحية العمل

أنا انصح بمستشفى الأمل

والله يوفقه .. ويستر عليه

[عشق الشمال]

يمكن هيئة الأمر بالمعروووف والنهي

عن المنكر يفيدووووونتس !!

الله يكووون بعوونكم ويستر عليكم ،،

[بنت الطنايا]

والله ياخوي ياعشق الشمال مادري وش اسوي عجوزي ماغير تبكي وزوجته اهلها يشجعونها على الهروب وبناته متعلقات فيني وفي جدتهن وانا الكبيرة

والله ياخوك ماغير ابكي وادعي ربي ان الله ينجيه بستر ومصونه ضيعت عمري عليه ماصدقت على الله انه يسترجل واصير بظله واخرتها طاح هالطيحه والله اني مادري هو ممكن يشفى ولا خلاص يصير مو صاحي

ياخوي مادري وش اقول لكن اللي عنده حل يفيدني ؟

[سطام الشمري]

أنا أرشح مستشفى الأمل


لأنه مثل ماقال أبو رائد


فيه سرية تامة


وفيه برامج حلوه


بشرط أن أخوك يكون معزّم على الإقلاع


وإلا ماراح يستفيد شي ,,,


الله يكون بعونكم على مصيبتكم

[فتى الرائدية]

باااااااااااااااااااااااااارك الله فيك

[حنونه...]

اختي بنت الطنايا


ممكن اعرف من عجوزك؟!!!!!!!!!!!!!!!!!!!!!!


وربي يعينك ويكتب لك الخير...ويشفيه ويهديه ويرده لكم

[anasezzat]

اللهم اصلحه وجميع المسلمين

[موووزه]

الله يشفيه
مستشفى الامل ممتاز
بس اذا على المسافة الكويت اقرب واستر مايعرفكم احد
ياخذ اجازة من شغلة ويروح يعالج
واهم شيء العزيمة
والله يشفيه ياارب ويخليه لكم ويهديه

[m!ss=cute]

الله يكون بعونكم

أذكـــر كان عندي ايميل إن شاءالله بيفيدك أدوره وأرجعلك

[m!ss=cute]

شوفي ياقمر هذا اللي لقيته إن شاءالله يفيدك

ولطلب العلاج لا تتردد أبداً في الإتصال على الإدارة العامة للتوعية والتوجية الوقائي بالمديرية العامة لمكافحة المخدرات وستجد من يساعدك بسرية تامة ودون أي مسائلة.
هاتف طلبات العلاج / 014614226


**********

إذا كنتِ متردده اتصلي وشوفي ايش المطلوب وايش الممكن مجرد استطلاع وإذا أوكي توكبلي على الله

ومالك الا سهام الليل ادعيله دايما

ودعواتنا له ولك


الله ييسرلك

[لواعج الروح]

دام ان النيه موجودة
وأهو معزم
خل يتوكل على الله
وقالولج الإخوان عن
مستشفى الأمل
وممكن لما يطلب علاج يشرح لهم وضعه
وأكيد إنهم بيساعدونه
وعن مرته اسمحي لي
اذا طاوعت أهلها
فهي ماتستحق الإحترام
لأنها في عز أزمة زوجها
ماوقفت معاه
والأزمات تبين معادن الناس
تحياتي لج
وتمنياتي له بالشفاء

[عبدالحكيم]

عسى الله يفرج همك

ويفك كربتك

ويشفي اخوووك..