معــاناتي .. مع شركة ( الإنفصالات ) ـ المصداقية المتناهية ـ

[الــســامــر]

السلام عليكم ورحمة الله وبركاته

هذي معاناتي .. أطرحها بين أيديكم ..!

لتروا كيف كانت المعاناة مع شركة الأكاذيب ..

في تاريخ 16/5/27 هـ

قمت بالإتصال على شركة الإتصالات السعودية

لأطلب خدمة DSL

وبحمد الله تم تقديم الطلب

وكان موعد التركيب .. بعدها بأسبوعين ..

مر الأسبوعين .. وأنا احسب الساعات

ساعة ورا ساعة ..!

انتظر اتصال .. انتظر .. راح يوم ويومين وراح اسبوع ثالث

اتصلت من جديد. ..

أين الوعود ( والمصداقية المتناهية )

قالوا بإذن الله بعد شهرين عندكم عطل في الكبينة

شهرين شهرين ... ننتظر وش ورانا ..؟

مرت الأشهر ونسيت اني طلب الدي اس ال

وعطيتهم مهلة .. ما ادري وش لون طلعة معي

المهم رجعت أراجعهم .. واتصل فيهم قالوا ( العذر الجديد ): بإذن الله راح نسوي توسعه وراح يركب عندكم خلال شهر..

( شركة الأعذار ) والأوهام

المهم مر الشهر

( إلى الان راحت خمسة أشهر أو أكثر)

اتصلت فيهم ///

وين الوعد ..

قالوا مالك إلا تشتكي ..

:eek:

أشتكي ؟؟؟

قلت على مين

قالوا على عدم المصداقية ..

وأشتكي عند مين ..

أشتكي عند الشركة نفسها على رقمهم المجاني ...

تصدقون لما عطاني الرقم حسبته يكذب علي ( لأني تعودت من هذي الشركة )

80012444455

مركز الشكاوي

السلام عليكم

أخوي انا مقدم طلب دي اس ال ولا جاني واخوياك عطونا الرقم وقالوا دق عليهم وبلغ عن الشكوى

الموظف : إن شاء الله راح ارفع لك طلب .. وراح يفيدونك خلال عشر أيام ( أقصر مده مرت علي )

انا بصراحه استانست .. قلت شكوى .. الحين بأقوم شركة الإتصالات وأقعدها ..

وانتظر ... وأنتظر .......... وانتظر

اخر شي دقيت

قلت وش فيكم ما دقيتوا وانا رافع شكوى وش فيه ...... الخ ..

قال ابشر راح نرفع لك شكوى على الشكوى الأولى

( نسأل الله العافيه :rolleyes: )

قلت شكوى على شكوى .. وش لون ..؟

قال علشان يعجلون ..

قلت متى أن شاء الله يردون

قال خلال يومين ( واااااااااااو :eek: أغرب وعد وأقرب تصريفه )


ماتلاحظون يا شباب انهم ما غير يعطون مواعيد ووعود ... ويصير جحووووووووووود ؟؟

طيب نرجع للموضوع

تركتهم .. وطفشت

مرت الأيام وانا افكر بحل..

قلت اشترك بموقعهم وارسل رساله ..

وفعلا تمت العملية وارسلة رسالة ..

على امل انهم يردون علي لـــكــن .. للأسف

كانت تجي رسايل دعايات منهم على البريد الألكتروني حقي تقول فيما معناها

( تركيب الدي اس ال و .. و .. بأسرع وقت .. )
وانواع الكذب

قلت هذا شكله يبي يقهرني ..!

أي وعود وأي .. كلام فاضي بس

..!

المهم ....

راحت السنة الأولى ..

ولكن لا يأس مع الحياة ..

ورفعت شكاوي .. يمكن وصلت الى عشر .. شكاوي

وكل موظف يقول الزود عندي ..

واحد يرفع والثاني يكبس

وانصب ولا تنصب ..

انقطعت عنهم مدة تتراوح ما بين الشهر الى 6 اشهر

خلال هذي الأشهر كان اتصالي دايل أب

وكانت الفاتورة تصل إلى ( 700 ) ريال على الأقل

وانكسر ظهري من الفواتير ..

صبرت الى ان جاء الفرج من ربك ..

موبايلي (( أروع شركة إتصالات )) لولا الله ثم وجود هذه الشركة لما تحركة شركة الفشل والأعذار
( الإتصالات )

وكنت اتصل من خلالها على النت .. رغم البطئ الحاد في الإتصال لكن

مالي غير هالحل

راحت الأشهر .. حتى ما بقى شي على السنتين

و ادق عليهم ..

قلت

انا مقدم دي اس ال ولا صار شي ياخوي شف لي حل

قال ابشر راح ارفع لك شكوى على ان العميل ( متذمر )

قلت يا عمي فكنا من هالسالفة

صار لي سنتين اشتكي ولا فاد ..

ما غير ترفعون شكاوي ..

قال : هذا الي نقدر عليه .. قلت والحل ..

قال : أعطيك رقم الإدارة واتصل عليهم يفيدونك أكثر ..

قلت بسم الله

واتصل على ذاك الرقم ..

السلام عليكم

كيف الحال

اخوي انا مقدم طلب وصار لي سنتين وما ركب عندي الى الان وش المشكله ياخوي

قال ما عليش ::

أنت داق على السنترال ::::///

<<<<< :mad: :mad::mad:

قلت طيب ابي الإدارة

قال خذ الرقم

واتصل وأقول

السلام عليكم اخوي انا عندي المشكلة اني طلبت ................. الخ

قال من وين انت .. قلت الخفجي

قال احنا إدارة الرياض ..

<<<<<<<<<<< :mad: :mad: :mad:

طيب عطني رقم الإدارة


واخيرا تم الحصول على رقم الإدارة ..

واتصل .. وأسلم .. وأقول ..

المشكله كذا وكذا ..

وش الحل ..

قال
ما عليك ..

أزهلها ..

قلت : و الحل

قال : راح ارفع لك طلب شكوى ... الخ وراح يردون عليك خلال يومين

قلت ياخوي رفعت طلب وما نفع ..

قال : قلت لك أزهلها

قلت : اذا ما دقوا

قال : دق علي بس ..!

انا شفت أسلوبه .. الرجال واثق

..

راح أسبوع وأتصل على الأتصالات .. بأشتكي بعد

واتصل ..

أخوي انا رفعت طلب .. شكوى الخ ..

قال ....

.
..
...
..
.

ياخوي الدي اس ال شغال عندك :eek: :confused:

ماصدقت بصراحه .. قلت في خاطري: هذي عادتهم

قلت وشلون

قال شغال عندك من تاريخ 13 / 7 / 1429

قلت وشلون << ماني مصدق .. ومتعاجز أحسب

قال من اربع ايام شغال عندك

//////
قلت وما احد دق ليه يعلمني انه اشتغل عندي..

وجتك الأعذار تتوالى ...

قلت عالعموم بيض الله وجيهكم ..

جبت المودم وجربت الإشتراك ..وأحاول اتصل

ما يتصل ... وش المشكله ..

واتصل عليهم من جديد

قلت ما تولع اللمبه عندي حقت الدي اس ال

قالوا // رح احد محلات الكمبيوتر .. وهم يسوون لك او شفلك فني

قلت اقول

ترسلي الفني .. انت من عندكم

قال ان شاء الله بكره يتصلون فيك

واانتظر وما احد يتصل

وادق عليهم

قالوا بكره المغرب ( طبعا بعد الهواش والمشاكل )

وما احد اتصل

واتصل قالوا بكره الصبح

واخيرا يتصل علي واحد .. يقول

مبـــــــــــــــــــــــروك .. شغال عندك الدي اس ال ...

yd.885 لأ

لأ

ماني مصدق

فرحـــــة فوق الخــــــــــــيال
...

مشكله اخرى

طلبت ازود السرعةالى 256 قالوا بإذن الله بكره

واتصل قالوا عشر دقايق

ونشبت لهم لين ما عطوني المشرف حقهم..

ويقول المشرف / الساعة تسعه الصبح شغال عندك

انتظر الى الان ما تغيرت السرعة

اتصلت فيهم من جديد .. ما جت السرعه

الغريب :: ان حتى المشرف حقهم راع تصريف ..!

قال بكره ///

وننتظر بكره يا اخون ونشوف وش بيصير

..

ونبغى رأيكم

وتوقعاتكم ... يغيرون السرعه بكره أم لأ ....؟

وما العذر المتوقع غدا ..؟

[عبدالحكيم]

ههههههههههههههههههههههاي

اخوي السامر

والله معاناة

وتصريفات حلووووه من شركة الانفصاااالات:@

والله اقرءءء معانتك كل شوي بقول بتنتهي سالفتك

ولك سنتين تطلب وبالاخيررر يشغلونه لك

ولا يعلمووونك....!!!!!


عزالله انهم خايسسسسين لكن الشكوى لله

على قولة المثل وش حدك على المر قال اللي أمر منه :(

اما من ناحية رفع السرعات

فأعتقد دامه وصل الدي اس ل ماعليك خلاف

ان شاء الله بيووصلونها لك...
_________

انا ولله الحمد بالبيت عندنا

ولكن اخوياي طلبوو بالاستراحه دي اس ال

تخيل لنا شهرين واحنا وراهم

وكل شووي نفس سالفتك يقولون باتسر بيجي الفني ويخلصهاا لك

بس للحين ماصرفوني على حقين الشكاوي

ويوم شفت سالفتك قلت انا بخيرررر ههههههههه

واتلايط احسن لي :(

......

[Princess Dreams]

:)



الله يعين الجميع ان شاء الله



نتمنى من شركة زين الخير بإذن الله

[الدووووخي]

راح يقولون لك بــعد اسبوع ’’’

انا صار لي سنه وجاحديني ’’’

الله يخلي الكونكنت لنا ’’’

الله يعينك ’’’

[فتى الرائدية]

http://www.alraidiah.org/up/up/21764430720080802.gif

[الأسير999]

هههههههههههههههههههههههههههههههههههههه

السامر تعال عندي بالدمام ... وأبشر بالخير ....


بلا Dsl .. بلا هم ... وشركة التصريفات ...


أشتراك من موبايلي .. 1 جيجا .. أو .. 5 جيجا .. أسرع من .. Dsl

وأعرف معاناتك .. وأنت تطالبهم .. الله يعينك ... والله يصبرك ...

إن الله مع الصابرين ...

[الأسير999]

هههههههههههههههههههههههههههههههههههههه

السامر تعال عندي بالدمام ... وأبشر بالخير ....


بلا DSL .. بلا هم ... وشركة التصريفات ...


أشتراك من موبايلي .. 1 جيجا .. أو .. 5 جيجا .. أسرع من .. DSL

وأعرف معاناتك .. وأنت تطالبهم .. الله يعينك ... والله يصبرك ...

إن الله مع الصابرين ...

[عجاج]

ماشاء الله وصلك الـ DSL

أنا من سنتين وأنا طالبه والى الآن ماوصل .

طالبت وأشتكيت وتعبت وتركته .

أن وصل ولا عساه ما ياصل .

الله يعطيك العافية يا الســامــر ,,,,

[الجوووري]

قال ابشر راح نرفع لك شكوى على الشكوى الأولى

( نسأل الله العافيه )

هههههههههههههههههههههههههههههههههههه
هههههههههههههههههههههههههههههههههههههههههههه
ههههههههههههههههههههههههههههههههههه


ياحياة الشقا صحيح

والله والله لو اني اعاني كذا إني اعوووف النـت واكسر الجهاز

ماشاء الله عليك ياخوي والله انك صبوووووور :D


يالله مبرووك ويتربى بعزك كح


ياحلو اتصالاتنا بس :D

[جنة]

ما شاء الله


سنتين بس ؟؟!! :d

الحمد لله على سلامة الـ Dsl

وان شاء الله السرعة تزيد بأقرب وقت :)


ألف مبروك يا السامر ..

[عشق الشمال]

غريبة مماطلتهم

والأغرب إنهم هم المستفيدين !!

عمووومآ ألف مبروووك

وعسى ربك يعين ،،

[عزيزة نفس]

قسم بالله هالشركة ترفع الضغط دآئما اتهاوش معاهم ..!

مرة سحبوا من رصيد وسكتت وسحبوا واستمروا ايام لين خلص الرصيد :frown:

طبعا كلمتهم وكالمعتاد قالوا حدث خطأ بسيط <<وكم مرة تكررت الي اخذوا تهزيأه وتابوا بعدها :wink:

اما شغلت(( الوسائط )) دائما تنفصل بدون سبب !!

نتظر من زين افضل الخدمات !!

الله يعينك ويعين الجميع ..

[₪أoـيـر™بكـlـoـتي₪]

ههههههههههه

مبروك ماجاك :101:

<<< يشوف الدي سيل انقطع من بيتهم خخخخ

[الــســامــر]

هلا ومربحا بالجميع

يا شباب

الغريب .. والغريب جدا .. جدا ..!

أن الشركة حازت على جوائز ...

وأنواع النصب

ما ادري كيف حصلوا عليها ..

والله يوفقكم ويرعاكم

[طليفيح]

ههههههههههههههههههههههههههههههههههههههههههه

ياروحي بس

[نايف عايد]

يعطيك العافيه اخوي السامر على الموضوع والحمدلله أنتهت المعاناة ..
لكن أخي السامر شركة الأتصالات ماقصرت في توفير هذه الخدمه لنا وبأقل تكلفه على المواطن بحيث يستطيع معظم المواطنون الدخول عالم الأنترنت نت بساعات طويله وبأقل تكلفه عن السابق..

وهناك فرق شاسع بين الماضي في خدمات الأتصالات السعوديه بتكاليفه الباهضه والحاضر بتكاليفه اليسيره بسبب التنافس بين الشركات ..

أما أنا خلال أربعة شهور من طلبي لهذه الخدمة تم التنفيذ وتوفيرها لي وبدون معاناة..

أن شاء الله ينفذون لك طلبك والباقه وبدون معاناة :biggrin:

http://www.alraidiah.org/up/up/21799251620080806.gif

تحياتي لك واشواقي..

:101:اخوك نايف عايد

[لأجل اشتياقي]

يالله


وياكثير مانمسع من بلاويها
وشكواي الناس منها


يالله تحل ازمه السرعه
بدون معاناهـ


لأجل اشتياقي

[goree]

الله يكون بعونك والله
قصتك مأساويه كثير
والحمدلله انه وصل بس
اممممم والله احيانا اعذرهم واقول كل خلق الله متصلين عليهم
واحيانا اقول بس مو كل هالمده
ربي يسعدك


:)
أعطر التحايا لقلبك
/
\
جوريــ http://www.alraidiah.org/up/up/21791859620080805.gif (http://www.goore.net/up/)ـــتكم

[أبو رائد]

السامر

انت حظك مو شي

بالعكس انا من طلبتهم ركبوه علي على طول

وكل ما بغيت شيء اتصال تضبط اموري مع الاتصال

<<< مع شركة الاتصالات

وضد

موبايلي :D

[الــســامــر]

حياكم الله جميعا في الموضوع ..

يا ابو رائد ...

لولا الله ثم شركة موبايلي ..

ما تحسنت شركة الأتصالات

ووجود شركة موبايلي نعمة ..

ولو انها ما جت .. كان الأستغلال متواصل من شركة الأتصالات

كانت محتكره كل شي وأسعاراها خيالية ..

ولله الحمد جت شركة موبايلي .. وبدأت الاتصالات تعدل وضعها .. مع عملائها ..!