ابن جدلان ومجارات الشعار له

[عالمي صريح...؟]

]بسم الله الرحمن الرحيم

السلام عليكم ورحمة الله وبركاته



اقدم لكم قصائد من العيار الثقيل


قصائد تنحت على الصخر بماء الذهب


والبدايه كانت عند


الشاعر/ سعد بن جدلان







الا يالهبوب البـاردة عجلـي هبـي على جاش من قامت هواجيسه تلوبه
أنا مـرةٍ اصحـى ومـرن يغيبـي أسرح مع كثر الطـواري بغيبوبـه
ألا يادهر ماهـوب حـق تلاعبـي رماني الزمان لمقرد الخلق لعبوبـه
عبـاد مغفلهـا الزمـان وتعجبـي يحسبون قل المال في الرجل عذروبه
وأنا قانع بللي علـي كاتـبٍ ربـي ومومن بمقـدوره وقانـع بمكتوبـه
ولا أبغى عمى الأريا برايه يجربـي وهو ماعرف ماجوب ربي وما جوبه
هذور المجالس راعي المدح والسبي وهو في الخلا لو جاه بنت خذت ثوبه
يقولون لي جز من تصرفك وتحبـي وانا توبتي من مجتمعهم هي التوبـه
ديار الوبا مـن طبهـا راح متوبـي وقرابة الجربا على الحول مجروبـه
وانا عارف منصاي لمن بـدا نبـي واعرف طريقي اللي بتجـه صوبـه
وانا أعرف من أعادي ومـن أحبـي وبه ناس لاتبغض ولاهي بمحبوبـه





مجاراة الشاعر/غازي بن عون






انا للكـلام الزيـن يابـداح يـا حبـي راع القصيدة داعـب القلـب باسلوبـه
تشوقـت فيهـا يـوم لقيتـهـا لـبـي تشـوق محـب شايـف زول محبوبـه
على شان في موضوعها ماحرش ضبي وخلاني أمشي مـع مماشيـه وادروبـه
هجـوس تكبـر مـع معانيـه وتلبـي وهو يشتكي من قسوة الوقت وخطوبـه
ويلوم الهذور اللي على الهـذر متربـي مشاهد عيوب الناس ماشاهـد اعيوبـه
بخيـل ذليـل علتـه مالـهـا طـبـي شذب القفـى غايـة مرامـه ومطلوبـه
ولا لوم من جاشه من الغيـض متعبـي على مـن تناجـوا بالمقفـى ونموبـه
عسى ساق من لامه بمـا قـال ينجبـي نتيجة قذيفـة بنـدق وجهـت صوبـه
ليـا ضبـه الجبـار ماعـاد ينضبـي وصوابه من الركبه ليـا حـد عرقوبـه
أصارع همـوم عـن يمومـي تجنبـي وتكشفلي آفات عـن الخلـق محجوبـه
وأحول بسوق عن هل الكـون متخبـي تجيني بـه أنـواع الغرابيـل مجلوبـه
وانا أرجي الفرج من وامر الوبل ينصبي مدبر ابـن آدم خالقـه غافـر ذنوبـه




مجاراة الشاعر /عبدالله بن عون:







انا يوم غازي جاب تقريـره الطبـي عن الأكلبي درته وفوجيت باعجوبـه
وتواشى بجاشي واهج الشوق واشتبي على مشرع حلو على الكبد مشروبـه
ورمع للجنوبي رامع الشوق واجنبـي وعلى شوق ابن جدلان خاويت مندوبه
ولو ماجذبنـي لا عزيمـه ولانبـي جذبني حديثـه مـع ثنيـنٍ تناجوبـه
ولا لوم ابن جدلان ولو عاش متخبي وهجر ساحةٍ فيها الموازيـن مقلوبـه
احد صاير قاضي واحد صار متنبـي واحد صاير عوني على حسب مطلوبه




مجاراة الشاعر / مطلق بن شنار الزعبي






الا يالذلـول الداربـه عجلـي خـبـي خبيب الظليم اللي من الصوت مرعوبـه
با خاوي عليك الأكلبي ان كـان رحبـي على منهـج بعـض الشواعيـر غنوبـه
والا ياملكة الشعر جـاك الطلـب لبـي لبي رغبتي برضاك منتـي بمغصوبـه
ابيها تجـي مصبوبـة بالمثـل صبـي مثل مايصبون الذهـب لستـوى ذوبـه
انا أطرب لجـزلات القوافـي وتطربـي ولي ساحـة بيـن الشواعيـر مهيوبـه
جذبني ثميـن القـول وأشمـل وغربـي أبيـات لبـن يكلـب يقولـون منسوبـه
شعاني واشـوف الشـوق قـام يتلهبـي تلهاب نارٍ فـي دجـى الليـل مشبوبـه
هيضني وانا أخفي عن النـاس واغبـي مراهيش مـزن داعـب البـرق دالوبـه
خطير علـي لـو افتـح البـاب تلعبـي كما يلعـب البركـان بكـلاه وجنوبـه
سمعـت الكـلام ولبـن جـدلان قربـي وسمعوا به افحول الشعر قبلـي وهلوبـه
وقـام البيـت الأول بالخيـال يتقلـبـي ومابين الثريا والثري صـرت مندوبـه
هذا الشعر ماهو شعر بعطيـك واكتبـي وانشر صورتي في صفحة الشعر لو نوبه
ولاهو شعر ابو من هب يهديه من دبـي ويسمى حداثـه واكثـر النـاس هبوبـه
منهم يستغيث الشعـر ويصيـح ويهبـي يصـرخ ويتعـوذ ماسكينـه بلغبـوبـه
لو ان الهبايـب ياسعـد تقضـي النبـي شفت الناس كل من هواها قضـى نوبـه
مرات الهـواء يسكـن ومـرات ينكبـي وهذي سنـة الايـام غالـب ومغلوبـه
ولاتسمع الواشـي تـرى مالـه ملبـي خله مع فريق ابليس يلعب معـه طوبـه
ولاتقولـه يافـلان وشفيـك تشـذبـي ترى عـادة النمـام تحصيلـه الكوبـه
وترى الناس مجبوله على الكره والحبـ يوترى اللي تحسه غيرك رجال حسوبـه
وترى الأدمي مخلـوق لعبـادة الربـي وترى كل مافي الكون لعبـات واكذوبـه[/color]




وشكرأ

[المـآسهk]

شكرآ لك أنت على هذا الموضوع....

يبدو أن مواضيعك سوف تكون من العيار الثقل..

أحسنت الأختيار..

تحياتي..

[الدر المكنون]

يسلمواااااااااااااااااا

وشاعر له ثقله في الشعر

[الدووووخي]

لاهنت اخي العزيز ’’’’

[الجوووري]

هلا وغلا


عالمي صريح


قصائد جميلة


لاهنت . . .

:101:

[ناصر الزعبي]

يعطيك العافية