الكارثه للشاعر سعود العواجي

[فاطمه العنزي]

قصيده رائعه للشاعر سعود العواجي لم اتمالك نفسي وانا اقرأها من شدة الاحساس الفائض فيها



البنت هـذي ماهداهـا الله وشافـت حالـي= من بعد ماغارت على جروحي غصب وادمتها
الكاااارثه جتني بوقـت ٍ جعـل مالـه والـي=تبي تكحل لي عيون العاطفـه ..وأعمتهـا !!
حتـى تعرضنـي جفاهـا والسبب"أهمالـي"=اللـي جبرنـي استقـر بوسـط دوامتـهـا
كـل مااحـاول آتناساهـا تجـي فـي بالـي=ويطري علي "عيونها" و"خدودها" و"بسمتها"!!
حتى بمنامي كـل مااغفـي طيفهـا يورالـي=واشوفها تقبل وانـا ميـت علـى ضمتهـا
إليـن مـدت يدهـا ثـم مسكـت "شمالـي"=وحسيت انا يدي "اليمين" تلامس "بجامتهـا"
حتى شعـرت انفاسهـا ماجتنـي إلا تالـي=ولااختفـت إلا بعـد مانـزّلـت هامتـهـا !
علمي بها من يوم قالـت : آسفـه ياالغالـي=ولليـوم هـذا مانسيـت بذمتـي كلمتـهـا
ياكثر مااقلـب "رسايلهـا" وسـط "جوالـي"=والذاكـره مـن بعدهـا حرّمـت ماافرمتهـا
اللي بقى لي مـن هداياهـا " قلـم أيطالـي"=و"ساعه بسيطه" بس عندي يااااكبر قيمتهـااا
راحـت وخلتنـي اجـر فبعدهـا ..موالـي=والمشكله لاعاده الله مـن "ولـد عمتهـا"!!
اللي هدم مستقبلـي وضيّـع علـيّ آمالـي=من يوم قالوا انه غـدا نصيبهـا وقسمتهـا
ومن بعد مده شفت لي منظر وقطّـع حالـي=يوم اقبلـت يمـي تحلـف بدينهـا وذمتهـا
اللي ذبحني مو غلاهـا يـوم جـات قبالـي=اللي ذبحني "طفلها" اللي بيـد "خدامتهـا" !!!

[لحن الحروف]

وينها ؟؟

^^

[فاطمه العنزي]

القصيده طالعه عندي


غريبه ؟؟؟؟!!!!

[ناصر الزعبي]

حتى بمنامي كـل مااغفـي طيفهـا يورالـي
واشوفها تقبل وانـا ميـت علـى ضمتهـا


قصيدة رائعة تسلمين اختي فاطمة

[~أصداف~]

.
.

اللي ذبحني مو غلاهـا يـوم جـات قبالـي
اللي ذبحني "طفلها" اللي بيـد "خدامتهـا" !!!

.
.


قصيدة رائعة ..


يعطيك العافية على روعة النقل ..



لكِ تقديري ..