التونسي: النصر أول من فاوضنا.. و الهلال يسلم بندر بن محمد ملف المحياني

[سمح المحيا]

سلم الهلاليون ملف عيسى المحياني هداف (الفرسان) لعضو الشرف البارز الأمير بندر بن محمد، حيث سيتولي مهمة إنهاء كافة الإجراءات التي تكفل انتقال اللاعب وارتدائه القميص الأزرق في أقرب وقت.. وكان المحياني اختفى عن الأنظار يوم أمس الأول قبل أن يظهر أمس في جدة ـ حسب مصادر (الرياضي) الخاصة ـ بمنزل أحد أصدقائه حيث أجرى الأمير بندر بن محمد اتصالاً بالمحياني أكد له من خلاله حرص الهلاليين على إغلاق الملف (المثير) سريعاً وانضمامه إلى كشوفات فريق كرة القدم الأول بالنادي.
وعلى الجهة المقابلة فشل طلال الرشيد مدير الفريق النصراوي في الوصول إلى المحياني أثناء تواجده بمكة أمس الأول وغادر لمتابعة مباراة النصر أمام الاتفاق أمس في الدمام.
واعتبر الرشيد في حديث له عقب اللقاء أن النصر أحق باللاعب من الهلال نظامياً، وقال: أخشى أن يعيدوا اسطوانة اللاعب السابق فهد الغشيان الذي انتقدوه بعد توقيعنا معه.
وعلى ذات الصعيد أكد طلعت تونسي عضو شرف الوحدة في تصريح فضائي ـ أمس ـ أن المحياني جدد رغبته في الانتقال إلى الهلال بعد اتصال دار بينهما، كما كشف طلعت أن نادي النصر هو أول من فاوض اللاعب وقدم عرضاً رسمياً للوحدة لضمه.

[sul(7)tan]

هلا وغلا


النصر اولا...


هل هناك مشكله...


الهلال دخل على النصر..والعكس صحيح..


احتراف..


والله يوفق الزعيم..

شكرا..,

[سمح المحيا]

العكس مو صحيح اخوي


والدليل ان الهلال فشل بالتعاقد مع اللاعب


واوكل المهمه لبندر بن محمد بدال سامي الجابر


وانشالله بيلحق سامي

[sul(7)tan]

الهلال لم يفشل..


انا اتكلم العكس صحيح ..

انه النصر يحق ان يدخل اي مفاوضات حتى لو كان الهلال اولا..او غير الهلال

بندر بن محمد ..كل المفاوضات الي دخلها ناجه..ياسر..الدعيع..الهويدي..بشار..

اذا وحده ما نجح فيه نقولكم الف مبروووووووك..,

وانا اول واحد سوف ابارك لكم...بأذن الله

وصدقني الهلال يملك افضل عقليات احترافيه على مستوى العالم العربي..


والله يوفق الجميع..,

[نصراوي]

راح للهلال مبرووك وراح لنصر مبرووك <<


بس هل احد يوافقني .. ان الضجة الاعلامية الكبيرهـ والمبلغ يستحقه عيسى ..؟


سواء كان من النصر او الهلالـ ..



بكل صراحة ..!!؟؟

[الدووووخي]

بس هل احد يوافقني .. ان الضجة الاعلامية الكبيرهـ والمبلغ يستحقه عيسى ..؟


سواء كان من النصر او الهلالـ ..



بكل صراحة ..!!؟؟

اكيــد لا مايستاهل المبلغ الكبير ’’’

المحياني المبلغ المفروض واللي يستحقه 5 ملايين ’’’

بصراحه شفت اسمك انشرح صدري( نصراوي) ,,,

ليتك كل يوووم هــنا ’’’

[sul(7)tan]

كلامك واقعي...المبلغ كبيرجدااا


مع احترامي للكل لاعبين السعوديه


10 مليون هو المبلغ الاعلى في اي لاعب سعودي عربي ..,


سلاااااااااااام..,

[bader 18]

يا ولد منا منا وش الي 10 مليون

انتو مريحين في صاحب سمو يدفع اما حنا مطفرين مالنا الا هاللعيبه

لاحد يقطع رزق احد

[أبو فهاد]

ههههههههههههههههه .. طفرانين الوحدة .. خلوهم يستفيدون شوي من لعيبتهم مثل ماذكر بدر بلسانه هنا ..





10 مليون هو السعر الحقيقي لعيسى مع هالإرتفاع المبالغ فيه بأسعار اللعيبة .. !!















وبالنسبة لمن فاوض أولاً ومثل هذه الأمور فقد سئمنا من الحديث عنها ..

[bader 18]

والله يا ابو فهاد كلمة الحق تنقال ..!

الوحده ناادي موارده الماديه قليله ,

والـسـبـب : الخطط العلميه المدروسه !!

[العااالمي]

اللاعب عيسى المحياني يستاهل الضجه اللي حاصله

بس ما تلاحضون ان كل صفقات الهلال هالموسم بدون تدخل الامير بندر بن محمد

الا هذى الصفقه ما ادري وش السبب !!!


صراحه قريت المواضيع اللي في المنتدى و كلن يقول ان النصر دخل و زايد على الهلال

و اتمنى انهم يسمعووون تصاريح جمال تونسي في القنوات بقوووله ان النصر اول من فاوضنا وهو اعلى عرض


و اللي يقول ان النصر زايد على الهلال انا ابي اعرف في نادي يفاوض لاعب و يقدمله 18 مليون

و يدخل نادي ثاني و يقدم نفس المبلغ بس بدفعات اريح على قوله الامير عبدالرحمن بن مساعد

18 مليون على 3 دفعات و 18 مليون على دفعتين يا شباب انا ما افهم في فرق ولا لا

ويقوولون ليه تزايدون و احنا ما زايدنا ..


بعدين مو اي لاعب عقده ما انتهى يقول ابي اروح لنادي الهلال يروح .. وين الدنيا فوضى وربي في الدوري البنقالي مو في الدوري السعودي ..

بعدين اذا هو يبي نادي الهلال يقول لناديه و يكلم نادي الهلال و يخليهم يرفعون القيمه و تنتهي السالفه

وش الفايده يطلع في الاعلام الا انه مغصووب .. لان لو انه مو مغصووب يكلم ادارة ناديه فقط

و في النهايه اتمنى ان المحياني يكون نصراوي و ان راح للهلال زين على زين ابي اشووف وين يحط ياسر القحطاني



اسف على الاطاله