عشرين ثلاثه موعد الحجز يا خال .. .. .. .. .. ( شدوا ويمتهم جنوبن عن الديره )

[عبدالعزيزالوادي]

بسم الله الرحمن الرحيم ..


..
..
..
..
..


هاهو الوداع يطرق الباب .. اهلا به ..


..
..


الوداع هو لحظه يعيشها .. من ينبض قلبه عشقا .. وحبا ..

وهي في نظري اصدق لحظه .. فيها .. كلا العاشقين ..

يعلمون انها اللحظه الاخيره فالكل يملا نظره من الاخر ..

يخبره بكلام اخفاه عنه مده طويله ..

تخرج اشياء لا يعتقد كلاهما .. انها سوف تخرج ..

..

وتكون للدموع النصيب الاكبر من هذه اللحظه ..

..
..
انا حرمت منك .. وحرمت من وداعك ايضا ..
..
..
وها هو الموعد .. قرب ..


فــ( ياخال )



عشرين ثلاثه .. موعد الحجز .. يا خال=وش حيلتي ويديـن .. فعلـي قصيـره
لاني قريب(ن) له .. ولا القلب لي مـال=ما ادري متى يشعر .. ويصحى ضميره
اضيق انا بليلي .. وهـو ريـح البـال=سالي وانـا همومـي .. عليـه كثيـره
أعـد رمـل القـاع .. والدمـع همـال=حزيـن والفرقـا .. عليـه عسـيـره
اداعب نجوم الظهـر .. ماهـو هبـال=لا ترتجونـي دام .. هــذا مصـيـره
المشكله يدري .. ويعـرف وش الحـال=في غيبته دنيـاي .. مـا هـي سفيـره
وين اشتكي من ظلم .. منهو علي عـال=ضاقـت علـي .. ولا لقيـت الذخيـره
مشكاي للمعبود .. هو مهـدي الضـال=هو ربي اللـي .. كـل كونـه يديـره
ارجوك لا تهتم .. وش صار .. وش قال=ادري مجـرد فلـم .. تبغـى تثـيـره
لا معطين ضحكه .. ولا مرخي الشـال=تقسى على قلبـي .. وتعطـف لغيـره
يا مسافر(ن) عني ترى الهم .. بي طال=وشلون ترخص ديرتك .. بـأي ديـره
قرب رحيلك .. وازعج الشعـر مـوال=اسمع صدى صوتي .. وتكشف سريـره
خذ ما بقا لك من ملابس .. مـن آمـال=خذ ذكريـات مغلفـه .. بألـف سيـره
يمكن تذكر .. واحـد(ن) كـان خيَـال=يقنص غرامـك .. والحصيلـه سعيـره
عاديت كل الناس .. عاديت انـا ظـلال=جسم(ن) نحل .. والحال منـك كسيـره
صادق نوايـا نيتـي .. مثـل الاطفـال=اليا حلفـوا والدمـع .. هلـوا غزيـره
مع السلامه .. ليـت اعانقـك بوصـال=والا مصافـح .. ياليديـن الحـريـره
يا هلال انا طالبك .. يا هلال يا هـلال=ونـس عشيـري .. لا تكـدر غديـره
تو الشهر والشـوق .. مربـوط بحبـال=يبغى الوصل .. وهمـوم بقعـا تديـره
بتصير بيني وبينـه .. بحـور وجبـال=لا صوت انا اسمع له .. وعيني سهيـره
عشرين ثلاثه .. موعد الحجز .. يا خال=قرب وانـا ضايـق وحالـي خطيـره







.. // .. // .. // .. // .. // .. // ..



اخرجوا .. من هذا الجو ..

..


وهذه .. مجاراه للفنان خالد عبدالرحمن ..



لأغنيته .. شدوا ويمتهم .. \\




(شدوا ويمتهم جنوبـن عـن الديـره=واقفوا وانا قلبي من الهم مرضانـي )
ابكي وراهم والصبر احسـن وخيـره=وانا قدم رجلي مـن المشـي تعبانـي
دارت علـي امــور يالله تدبـيـره=ارفع لك ايدينـي مسافـر وضميانـي
يا الله عليك اصعب ظروفي تيايسـره=انت الوحيد اللي ابـد مالـك الثانـي
هلت عيوني دمع يا كبرهـا حيـره=ضايق واحس الكون مالي به امانـي
الخوف كله من قريبـن نفـخ كيـره=والا البعيـد ابعيـد انسـاه وينسانـي
لوم الصديق اصعب ويا شينها سيـره=لا جيب تبغى اللي يواسيك لك خانـي
شلنا جروح الوقت والجو بـه طيـره=والظلم يجرحني اليا جا مـن فلانـي
هيبة جيوش الحكـم كثـرة طوابيـره=والذيب لـه هيبـه وللقـول برهانـي
راعي الشجاعه بان مالي بتصويـره=ما هاب كثر الخلق للموت جا عانـي
يشبح سما حرن على ايدي صقاقيـره=له هدتن ترهب وتسحـر بالأعيانـي
اطرب اليا شفت البطل مع مغاويـره=دافع عن الاعراض ما هاب عدوانـي
حبيت اوضـح لكـن العقـل تفكيـره=منه شرد والناس مـا ترحـم الفانـي
بكيـت ليـن الدمـع بيـن معاذيـره=وبـدل بدالـه دم يـا ويـن خلانـي
كان اغلى من سكن قلبي واساريـره=وللحين انا احبه مـن كـل وجدانـي
همت بغـرام اللـي قليلـه مشاويـره=سنه صغير وطاغي الزيـن ربانـي
واحلفلك ان الكون كلـه باعاصيـره=لامن لمحك يطيب ريحـن ومسكانـي
يعجز شعور الشعر يوصف تعابيـره=بافراحه وضحكه وبوقـت الاحزانـي
تكفى عشقتك عشق ما اقبل مصاديره=خلك رحوم اعطف ترى الحب عنواني
كفيت قولـي والمخاليـق بـه غيـره=يكفي تعرف الحب من كـان عنانـي






تقبلوا احترامي ..


..
..
..


عبدالعزيز الوادي ..

[فهدالقحطاني]

مجاراة رائعة


وقصيدة اروع


ابيات شعر منميزة


الف شكر على القصيدة الرائعة

[أبو الوليد]

.


http://www.alraidiah.org/up/up/22951235720081217.gif




عبد العزيز الوادي




صح لسانك يا الغالي




وسلمت على هالكلمات القيمة



لا عدمنا تواجدك ..



::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

http://www.alraidiah.org/up/up/23050239520081229.gif
اللهم انصر إخواننا في غزة ، فرج همهم ، ونفس كربهم ، واشف مريضهم .

[أبو رائد]

عبدالعزيز الوادي


صح لسانك .. ولا هنت

رائع دائما بقصائدك

الله يعطيك العافية

[ماجد المري]

عبدالعزيز الوادي

::

جميل انت يا عبدالعزيز .. وأحسستنا بلذّة الفراق رغم مرارته ..

ابحرت في متصفّحكـ كثيرا وأغرقتني عذوبته ..

بصراحه ابحرت بنصّكـ منذ ان ابدعت بتصويركـ هنا ..!!

( .. وش حيلتي ويديـن .. فعلـي قصيـره .. )

يا الله ما اجمل هذا التصوير ..

صح لسانكـ وبجد امتعتني ..!!

::

مـــــاجد ..!!

[عشق الشمال]

الله عليك ياعبدالعزيز


صح لسانك يابعدي ولا هنت ،،

[~أصداف~]

.
.

يا مسافر(ن) عني ترى الهم .. بي طـال
وشلون ترخص ديرتك .. بـأي ديـره
قرب رحيلك .. وازعج الشعـر مـوال
اسمع صدى صوتي .. وتكشف سريـره
خذ ما بقا لك من ملابس .. مـن آمـال
خذ ذكريـات مغلفـه .. بألـف سيـره

.
.

عبدالعزيز
أبدآع شعري يتجلّى بحروفك
من نصّ لآخر ..

لا نملك إلا الأبحار شعراً
مع روائعك ..

صح لسآنك ..
ولك تقديري ..

.
.