•° ܓܨ الصوره اللي (بجوالي) تعذبني ܓܨ °•.♥.•°

[سمح المحيا]

السلام عليكم ورحمه الله وبركاته


قصيده اعجبتني وحبيت انقلها لكم


مع اني مالي بالشعر ولا اسمع له


بس هالقصيده جميله والاجمل انها من شخص كان عزيز


وارسلها لي



الصـوره اللـي ( بجوالـي ) تعذبـنـي

ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي

عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي

قطعـت كـل العـلاقـات وطواريـهـا

اقـرى رسايلـك ودموعـي تسابقـنـي

وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي

والظاهـر ان هقوتـي بانـت مواريهـا

لـو الوصايـا ليـا احتديـت ! تنفعنـي

ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي

واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي

قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي

انـك محـامـي قضيتـنـا وقاضيـهـا

تدري متاك ؟ تعـرف قـدري وتفقدنـي

لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي

وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي

وش هو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي

هذا عـزا النفـس مـن كثـرة بلاويهـا

اهديتك : دموع مـن طعنتـك تحرقنـي

وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟

لــن الهـدايـا عـلـى مقدارمهديـهـا

صحيح ! ( حنا انتهينا ) .. بس صدقني !!

والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني

ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي

الا محبتـك ؟ .. أعيـت مـن يداويهـا

ان قلـت : علمنـي انسـى ؟ لاتعلمنـي

دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي

والله يلعـن ابـو الفـرقـا وطاريـهـا

مقدر !! أفكر بغيرك ؟ .. وانت عارفنـي

عشان حاجه ؟ بقلبي .. مقـدر !! أخفيهـا

اخاف لاحبنـي غيـرك ؟ .. وعاشرنـي

يشوف صورتك فـي عينـي ويوحيهـا

نشدت عنك ؟ وسمعـت اللـي يفرحنـي

وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني

انـك بخيـر .. وحياتـك مهتنـي فيهـا

من يـوم ماغبـت ! والوحـده تعذبنـي

اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقني

وياكثـر ماجيـت أبمسحهـا ؟ وأخليهـا

[أبو الوليد]

.


http://www.alraidiah.org/up/up/22951235720081217.gif


وعليكم السلام ورحمة الله وبركاته




سمح المحيا




سلمت على النقل المميز




لا حرمنا جديدك



::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

http://www.alraidiah.org/up/up/23050239520081229.gif
اللهم انصر إخواننا في غزة ، فرج همهم ، ونفس كربهم ، واشف مريضهم .

[طليفيح]

روعه روعه

قصيده رائعه

تسلم يمينك ياسمح

احسنت الاختيار

وصح الله لسان الشاعر

تسلم

[لبى قلب الخفجي]

صح لسان قايلها,,

الفرقى صعب والله صعب,,

ياليتني على النسيان قاويه,,

سمح المحيا وربي جت عالجرررح,,

وجددت جرح بقلبي مبطي,,

وذرفت دموعي ,,آآآهـ

[سمح المحيا]

لاهنت ابو الوليد عالمرور


ولاعدمنا مرورك يالغالي

[سمح المحيا]

تسلم يا طليفيح عالمرور


وتحياتي لك

[سمح المحيا]

لبى قلب الخفجي


شاكر لك المرور وتحياتي لكـ


والله يعينك

[نجل العيون]

صح لسان شااعرهاا



ويسلمووو على هالنقل الرااائع


وتقبل هالابيات


ماني من اللي يرخص النفس لاضاق
ولاني من اللي يرخص اليوم غالي
سبحان ربي كرم النفس بأخلاق
الطيب عمي ومصدر الجود خالي
واللي يبيني يمه الروح تنساق
واللي سلا عني عنه القلب سالي

[سمح المحيا]

لاهنت عالمرور يا نجل العيون


وتحياتي لك


وتقبل هالابيات


أبكي على وقتاً قضيته معك ضاع
مير البكى مافادني والحسافه
أقولها من قلب في حبك التاع
من عافنا غصباً علينا نعافه

[~أصداف~]

.
.

وعليكم السلآم ورحمة الله وبركاته ..

لكـل داء ٍ دوا .. لـو هــو متعبـنـي

الا محبتـك ؟ .. أعيـت مـن يداويهـا


صح لسآن شاعرها ..
وسلمت على روعة أختيارك ..

لك أحترآمي ..

.
.

[سمح المحيا]

لاهنتي اصداف عالمرور


وتحياتي لك

[مشتاقه لك]

صح الله لساااااااانك


ومشكووووووووووووووووور