حال المراكز الصحيه

[بنت السعوديه]

]دائما نجد الحديث عن ادارة المستشفى العام ونسينا المراكز الصحيه
انا وحده رحت اتعالج اكثر من مره بدون ملف ومره من المرات قالولي ضروري الملف وانا ماعرفه
قالت لي الموظفه روحي للمدير
رحت له وعطاني ورقه موقع عليها اني اتعاج
وقالي ان الحين كل مره لازم ملف
ومدلي رقم جواله قالي دقي علي عشان اعطيك الرقم
والله على ما اقول شهيد ياجماعه احنا بوضع جدا مزري هذا اسلوب مدير يرقم بطريقه غير مباشره
والله كثير حريم سوومعهم نفس الشي وعيب على الرجال انه يستغل منصبه عشان يرضي غريزه
حسبي الله ونعم الوكيل[/frame]

[شرشر]

والله ياأختي ظاهرة غريبة...
اذا هذا من موظف مستشفى وش راح نقول لعيال الشوارع...

بس ياأختي :

كان بامكانك انك تشتكين وتاخذين حقك..
كتابة الموضوع هنا ماراح تفيد...
وانا اشوف ان الحق معك..

نسأل الله الصلاح والهداية للناس اجمعين

تحياتي لكم

[المنصف]

أختي بنت السعوديه اذا أمكن تعطيني أي مركز صحي الي حصلت فيه المشكله واسم المدير ورقم جواله على الخاص أسأل الله أن يحفظ نساء المسلمين من شر الأشرار وكيد الفجار .

[عزيزوغالي]

اشك في الامر!! من اول مشاركة بدايه سلبيه

[هادي المسردي]

لاحول ولاقوة الا بالله العلى العظيم
المدير هذا مخطي وعمله هذا غير مقبول وتصرفه مشين
ولايقبل من رجل في موقع ادارة ابداااا
وقبل ذلك مسلم مؤتمن على اعراض المسلمين وباقي الناس
اضافة الى انك تشاركينه الخطا في تصرفك
بالذهاب للمركز بدون ملف ودخولك عليه بدون محرم
وهذا طبعا لايعطيه الحق فيما فعله ...
اختي الفاضلة احتاطي في تصرفاتك واحرصي في تعاملك مع مثل هذا الذئب البشري المسعور

[ياليتك عندي]

نتمني من لأخت التواصل مع مدير المستشفى لأنه رجل خير ويأمر بالمعروف وينهى عن المنكر حتى لا تتكرر هذه الظاهرة السيئة مع الأخوات المراجعات

[معاشي]

ياجماعة اذكروا الله والله لو انه ولد شوارع ما يسويها اكيد السالفة ان مدير المركز قرا اسم البنت وعرف اخوانها او ابوها او من القبيله وقالها خلاص هذا رقمي دقي ( علي وراح اعطيج الرقم) ياجماعة لو نيته سوده يطلع غبي يسلم ارقبته لاخوان البنت واعيال عمها ماتجي احسبوها بالعقل والله ما تجي منيه والطريق وبالسعودية شي غريب . وانت اختي الله يستر عليج داخله على رجال من غير محرم وين قاعدين

[رمح الشمال]

كان بامكانك تبلغين الهيئة

هذا في حال اذا كان كلامك صحيح

((القصة غير كاملة ومبهمة))

[عاشق 11]

اذا عطاك الرقم ونيته خبيثه عطي الرقم الهيئه وهم يتفهمونمعاهـ

[سمح المحيا]

لا تعــــــــليق

[أبو رائد]

إذا كان فعلا هذا ما حدث

فهو خطأ ..

والمفترض أن تعطين رقمك لأحد أقاربك

أو لهيئة الأمر بالمعروف والنهي عن المنكر


حتى لا يتكرر هذا المشهد مع غيرك ..

[بدرانو]

يابنت السعوديه
نحسن الظن في الجميع وممكن يكون صادق يبيج تعالجين بسرعه بدل التأخير والمرمطه وبعدين تاخذين رقم الملف المره الجايه يكون جاهز

اللهم احفظنا قائمين وقاعدين ولا تشمت بنا الاعداء ولا الحاسدين واحم بلادنا من كيد الكائدين
ااااااامين

[ali4601]

الاخت بنت السعودية المراكز بالخفجي مركزين بالغربية والشماليةالغربيةفيها الاخ/خزعل الشمري
والشمالية فيهاالاخ/زايد العجمي
والكل يثني على اخلاقهم لان المكان الذي هم فيه حساس كمسؤلين عن رعاية اهالي الخفجي

على العموم كلامك غير منطقي ولايدخل عقل كل واحد عاقل والسبب انني من مواليدمحافظة الخفجي وعمري ماطلبوا مني مراجعة المدير الابحالة التحويل للمستشفى
العام والمعذرة يابنت السعودية هذي اول مشاركة وشرشحتي بمدير مركز ولاحددتي
اي مركز لمعرفة مصداقية كلامك واتمنا ثم اتمناان تبعدي عن مثل هذة الاقاويل
وشكرا لكي يابنت السعــــــــــــــودية

[بنت السعوديه]

انا موجايبه شي من عندي واقسم بالله هذا هو الحال واناشاركت بهلمنتدى اول مره صح عشان ياخذ الحذر لو وحده غيري والله شرشحته
لاني خفت من الموضوع لايكبر وتدخل فيها رجال
وتوصل له الرساله هذا هوقصدي والا بامكاني اذكر الاسم لاكن خوف من التشهير لانه اكيد متزوج وعنده مره ولوتكرر الموضوع مره ثانيه راح اتخذ اجراء اخر
شاكره للجميع المرور