أنــــــــواع الرجــــــــــــــــال

[رمح الشمال]

يالله تعدّيهـا علـى خيـر وتصـيـب
مـن حدّنـي أكتـب خمالـه وعيبـه

يبغى الصّراحه مابها شـك ولا ريـب
باقولهـا والـنـاس كــلٍ وطيـبـه

الـحـر ماينـفـع بلـيّـا مخالـيـب
والعقـل للرجّـال زيـنـه وهيـبـه

والسّالفـه ماهـي بلحيـة مواجـيـب
كـلٍ علـى طبعـه يجيبـه حليـبـه

بعض المنابـت بالمراجـل عذاريـب
وبعض المنابـت للمراجـل خصيبـه

رجلٍ يبـي طاريـه عنـد الأشانيـب
ورجـلٍ يبـي طاريـه عنـد الحبيبـه

ورجـلٍ يـودّي بالسواليـف ويجيـب
ورجـلٍ سواليفـه لفعـلـه تجيـبـه

ورجلٍ يغض الطّرف عن جارة صحيب
ورجلٍ عيونه فـي محـارم صحيبـه

ورجلٍ تسـد بغـيبته يومـه أيغـيب
ورجلٍ ولا تـقـدر تســد مغـيبـه

ورجل يغيب ويفقدونـه هـل الطيـب
ورجلٍ ليامن غـاب ماحـدٍ دري بـه

ورجلٍ تشوف بخوّتـه لـك مكاسيـب
ورجلٍ تشـوف بخوّتـه لـك غليبـه

ورجلٍ إذا أخطى يرى نفسـه مصيـب
ورجـلٍ إذا إخطـى يراهـا مصيبـه

قلت الصّراحه مابهـا شـك أو ريـب
كـلٍ علـى طبعـه يجيبـه حليـبـه

بهـلك مـا والـلـه ملاقـيـن عـيب
تـاجٍ على روس المرا جل وهـيبـه

إشره وشرّه كـان تبغـى المواجيـب
عط حـق تاخـذ حـق مابـه معيبـه

[طليفيح]

رمح الشمال

أحسنت الاختيار

تسلم يمينك يابعدي

على القصيدة الرائعه

[أبو الوليد]

.


http://www.alraidiah.org/up/up/22951235720081217.gif



رمح الشمال




الله يعطيك العافية ولا هنت يا الغالي



نقل مميز وقيم



وصح لسااان الشــــــاعر



بانتظار كل جديدك




::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

http://www.alraidiah.org/up/up/23050239520081229.gif
اللهم انصر إخواننا في غزة ، فرج همهم ، ونفس كربهم ، واشف مريضهم .

[مبروك زايد]

رمح الشمال أبيات متميزه وجميله

جدا

[الرائدي]

أحسنت الاختيار

تسلم يمينك


تسلم يارمح الشمـــــــــــــــــال كفيت ووفيت

[~أصداف~]

.
.

ورجل يغيب ويفقدونـه هـل الطيـب
ورجلٍ ليامن غـاب ماحـدٍ دري بـه

ورجلٍ تشوف بخوّتـه لـك مكاسيـب
ورجلٍ تشـوف بخوّتـه لـك غليبـه


قصيدة راااااااائعة ..
صح لسآن شاعرها ..
وسلمت على روعة النقل ..


لك تقديري ..

.
.

[الدر المكنون]

ورجلٍ تسـد بغـيبته يومـه أيغـيب
ورجلٍ ولا تـقـدر تســد مغـيبـه


جميل ماطرحت

[يتيم الامه]

رائعه وبارك الله فيك على حسن الاختيار