dsl???? بنتحر

[بقايا روح]

:mad:


صار لي عشر ايام مفصول عندي dsl وموظف الانفصالات يبي يهبل بي


كرهت الرد الالي


لا ويقولون عزيزي العميل مشغولين بخدمه عملاء اخرين هههه



والحل فيه احد اشتغل عنده او حالكم مثل حالي :frown:

[مطلق الشمري]

بقايا اللي اعرفة ان الدي اس ال ضرب بالخفجي ومش عند الكل طبعا

قاموا شبكوة مع خطووط المجمعة

وما تحملت الضغط بعد وضربت عندهم بعد

وهالحين ينتظرون بروسرات تجي من اوروبا

شف عاد متى بتجي

وملاحظة:النت مش فاصل عند الكل

طبعا مقاهي الخفجي كها فاصلة الا مقهى واحد مابغى اذكر اسمة

(لان صاحبة صديقي)

خلة يخسر شوي

يشبك عندة الاتصال ويقطع


نصيحة

لا تقولي دي اس ال وفواتير اتصالات ونهب

خذ لك شريحة موبايلي جيل ثالث واشبكها عالجوال

خصوصا بعد ما اشتغلت ابراج الجيل الثالث

تحيااتي

[طليفيح]

له فتره مفصول والحين رجع

الله يستر لايفصلونه مره ثانيه

[سمح المحيا]

رجع لي الاتصال


بعد معاناه 10 ايام

[أبو رائد]

للأسف الدي اس ال في الخفجي ضعيف جدا

حتى لو صلح .. يكون بطيء جدا + متقطع


ما ادري هل هو عندي فقط ؟؟ أو عند الجميع ؟

[عزيزة نفس]

الدي اس ال بعد عندي كان مفصول صار له اسبوعين تقريبا...

وشريت كونكت احتياط بصراحه مالهم امان.

والحين رجع بس الله يستر مايرجع يفصل..

الله يعين اهل الخفجي حتى النت عندهم بالحسررره ..

[نايف عايد]

أولا سلامتك اخوي من الأنتحار ..!

كان النت مفصول عندي مدت اسبوع تقريبا وبعدما أعدت كتابة هذه الأعدادات للمودم أتصل الأتصال عندي فحاول أن تدخل الأعدادات هذه لربما يتم الأتصال عندك

10.0.0.138

تحياتي لك..

اخوك نايف عايد

[al-joker.11]

اهلا وسهلا اخوي

حياك يالغلا

شوف انا وللاه الحمد ما فصل عندي اللا يوم واحد السبت اللي طاف


بالتوفيق

[تروووكي]

كككككككككككككككككك


يرجال احمد ربك وصلك الدي اس ال


انا من عام 2007 الى يومك يقولون بعد شهر يجيك

ولسع ماشفت شي

لـكن قالها لك اخوي

شريحه وفلها

[aljori]

بغيت اموت والله اجلس قدام الشاشه ابكي ...
مثل معاناتك بالضبط بس الحمدلله رجع ...
وان كرروها الله يسلم موبايلي كونكت ...

[وجــــــد]

يقطع عندي بعد

يافرحه ماتمت تونا غيرنا من موبايلي لـ dsl :(

[طليفيح]

لالالا

الزين حق مكتب الخفجي الفنيين ههههههههه

بقولكم نظامهم .

يتعطل الدي اس ال بالخفجي بشكل مستمر

طيب شسوي ادق على 907 <<< 907 هذولي متدربين على التصريف

بعض الموظفين يحطونه بمكان يستفيدون منه

لاكن شركة الانفصلات قصدي الاتصلات

موظفين ناس متخصصين بالتصريف

تدق عليهم يقولك شيك على مزود الخدمه اذا كنت تستعمل بطاقه

مزود الخدمه شيكت عليه اوكي مافي شي

تدق عليهم مره ثانيه انتظر 10 دقائق يالله يردون يصرفون العالم

بعدين يرد عليك وكل ماتقوله كلمه صرفك بكلمه واخر شي يقول بسجلك طلب عطل

خلال 48 ساعه يكون الفني عندك مرت 48 ساعه الفني ماجاء شسالفه

بكرى الصبح تروح للفني هنا بالخفجي شوفوهم الدور الثاني

تجيهم ليش ماجاني الفني ونا مسوي طلب

يسالك كم رقم تلفونكم بعدين يقول ياخي ماجاء طلب عطل

ترجع تكلم 907 وبعدين تسوي طلب جديد وتدق على الشكاوي وتحط شكوى وتعطيهم رقم جولك

عاد الشكاوي ترقيعاتهم على الرسايل يرسلك رساله على الجوال جاري العمل لتصليح العطل

الحين 4 ايام وهم يماطلون فيك

وبعدين 48 ساعه ماوصل الفني تروحلهم مره ثانيه يعني خميس وجمعه مافيه السبت

تجيهم بفرع الخفجي نفس الطريقه كم رقم تلفونكم اي وصل طلب عطل بس ماوصل اسم الفني الي يطلع يصلحلك العطل

يحول طيب ليش الاتصلات ماترسل بلاغ العطل وسم الفني معه

يقولك الفني والله اقتراحك حلو اطرحه عليهم ههههههه

عاد انت تمل بلا دي اس ال بلا هم

وتشحن كونكت موبايلي اشتغل بالخفجي ترا الجيل الثالث مجربه قبل يومين

واذا شحنت كونكت ودفعت 100 ريال

يرجع الدي اس ال

[باقي وفا]

انا مقدمة على وظيفة معيدة في كلية العلوم بالدمام واعلنوا عن موعد الاختبار يوم الاثنين الماضي في النت في منتدى موقع الجامعة لكن طبعا فاتني الاختبار لان الدي اس ال كان عطلان بالخفجي وما عرفت موعد الاختبار الا يوم الاربعاء بنفس يوم الاختبار بعد ان رجع اشتغل الدي اس ال
بس راح علي الاختبار منو المسئول
ادارة الجامعة اللي ماحطت الاعلان الا قبل يومين من الاختبار بالنت فقط ولم تضعه بالجرايد الرسمية ولا شركة الاتصالات اللي تسببت بعطل النت وتعطلت مصالحنا
ما اقول الا حسبي الله ونعم الوكيل عليهم

[أهم 001]

يا ناس يا عالم لا اتشكون وتقولون

الدي اس ال ضعبف وينقطع ومدر شنو ترى هذا كله بسببكم

من قالكم تسرفون بالماء ماتدرون أن الماء سبب رئيسي في كثرة الحوادث الناتجة

عن أصابات اللاعبين في رالي حايل للسباحة هذا والله أعلم لا يشوتنوي الأعضاء مع الباب >>> الله يعين ويعاون <<<