الاسيويه ما تبيك يا نصر دام هاذا مستواك

[سمح المحيا]

السلام عليكم ورحمه الله وبركاته


نكسه اخرى للعالمي وعلى يد ابها متذيل الترتيب بالدوري


بتعادله ( 2- 2 ) في مباراه فقد فيها النصر احد اهم لاعبيه



التون << تعال يا التون وشف حال النصر من بعدك <<


بهاذا النقطه اصبح للنصر 31 نقطه



وتبقى له ثلاث مباريات مع الشباب وابها ونجران وجميعها بالرياض


ودام هاذا مستواك ولاعبك يا نصر لا تفكر بالاسيويه



دام ابها والحزم يحرجون العالمي



كلمه اخيرا حق اللي يقول التون لا ينفع للعالمي


وربي ما نفع العالمي غيرهـ << لبه قلبه بس :101:

شف حال النصر اليوم من عقباهـ


حارس حطم كل ما بناء بحركه غبيه



اه اه يا مدخلي يا انك ترفع ضغطي اذا شفتكـ :mad:


بعرف كيف باوزا يشركك من بدايته المباراه ولا يهون الصقور


فان نستلروي ضمك ارحل من النصر فوجودك مثل عدمه


لحد يقولي انه تسبب بركلات جزاء


اصلن هاذي الشغله اللي فايدنا فيها الشهراني


التمثيل <<< له مستقبل لو راح لطاش ما طاش :D







عزا ياقلبي من النصر عزاه


عزاه من يمسح دمعتي عزاه

[رشاش]

ماهي علة النصر بالضبط ؟؟؟؟؟؟؟



اللاعبين أم المدرب أم الإداره ؟

كل ماذكر سبب في معاناة النصر

اولاًٍ :ابدا باللاعبين أذكرولي لاعب سعودي من النصر برز هذا الموسم

يبرز لاعب في مباراه واحده وثلاث مباريات يقدم أسوا مستوى له

اوضح اكثر مافي لاعب قدم مستوى ثابت خلال ثلاث مباريات متتاليه

المحترفين : في هذا الموسم لم يقدم أي لاعب منهم مستوى جيد إلا إلتون

هو اللي شايل الوسط ويتحرك في كل مكان وسعدالحارثي الله يشافيه ويرده سالم

في بداية الموسم قبل الإصابه ولا أنسى يوسف الموينع لأنه قدم مستوى جيد

وثابت

أما البقيه فهم اشباه لاعبين لايستحقون اللعب مع النصر

الأمر الثاني: الإداره سبب آخر في تدهور النصر

لاننكر بما يقدمه الأمير فيصل بن تركي من مجهود لإعادة النصر كالسابق

لكن إذا تبذل مجهود وتدفع أموال طائله ولا تجد اي نتيجه فهناك خلل كبير

وعليه تداركه .

الحلول موجوده لكن يبيلها تنفيذ

العمل على غربلة الفريق تنسيق اللاعبين اللي ماقدموا أي شيء يذكر

أنتقاء لاعبين أوثلاثه من درجةالشباب على ان يكونواأفضل الموجودين وإعطائهم

فرصه مع الفريق الأول .

البحث عن أبرز اللاعبين في الدوري من الأنديه الأقل مستوى

أبها ونجران والوطني والحزم مومعقول ماعندهم لاعبين برزوا هذا الموسم

لو ماتستقطب الإداره إلا لاعب من هذه الأنديه يفيد الفريق.

في السابق كان النصر يظرب فيه الأمثال بأنه أفضل الأنديه جلب للمحترفين

مثل بوسكاب وتينيريو وموسى صائب وستلشكوف البلغاري

أما مانشاهده الآن ممايجلبه النصر من محترفين هم دون المستوى

حسن ربيع سجل كم هدف في كاس الخليج وتعاقدالنصر معه مباشره دون دراسه للاعب

حسام غالي أسواء محترف شاهدته مع النصر هل سبب جلبه أنه يلعب في الدوري

الأنجليزي ومافائدته إذا كان إحتياط ولم يلعب منذ فتره طويله

النصر يبحث عن اسماء فقط لتخدير الجمهور بأن الإداره جلبت لاعبين كبار

وأنهم عملوا اللي عليهم لكن الظروف والبحث عن الأعذار الأخرى مثل النصر مستهدف

ومحارب وللأسف بعض الجماهير تصدق هذه الأعذار

باقي الشيء الأخير وهي الأداره والمدرب التغيير في المدربين وكثرتها في

موسم لاتنفع النصر بل تضره

اما الإداره لو تركز على النادي ولاعبيه وترك المشاكل الأخرى والتصاريح

والمداخلات بالقنوات التلفزيونيه وبعد كل مباراه إداري النصر مع أحترامي

له طلال الرشيد لازم يظهر على الهواء ويقول كم كلمه مالها فايده

وكأنه هو من وضع الخطه وهو اللي مسير أمور الفريق

أغلب إداريي الأنديه تشاهده بعد ثلاث اوأربع مباريات وبعضهم مانشوفهم خيرشر

ولانعرفهم

إدارة النصر ينقصها الجديه والعمل أكثر من الكلام وتصحيح وضع النصر

اللي تجاوز العشر سنوات ولم يقدم شيء سوى بطولة الأميرفيصل بن فهد

ولا اقلل من شأن البطوله لكن النصر لايتوقف طموحه على بطوله واحده جماهيره

الوفيه تستحق أكثر من ذلك

آسف على الإطاله وأتمنى أني ذكرت مايفيد

[عشق الشمال]

والله ما شفتها


بس من دريت إن الصقور يلعب غسلت يدي !!


خلااااص والله تبلد الاحساااس يا سمح ،،

[غرك زمانك]

كافي ان النصر غير ملمع مثل الانديه الثانيه

شكرا سمح

[foord]

النـصـر لا يخلـي مدخـلي وحـآرسهـ هـو بااحسـن حـآل

وكم لاعـب ماتذكرني اسميهم
< وبالتوفيق للنـصـر

>> هلآلآلـي

[مبروك زايد]

بالعربي النصر

بحاجه ألى أعادة تأهيل وأعادة بناء

بالتوفيق

[سمح المحيا]

اه اه اه اه يانصرنا


ما اقدر اقول غير هالكلمه

[البناخي]

والله يجيبون القولون لا وأخطاء دفاعيه ناقصين ايه ولا ايه ررررررررررررررررربااااااااااااااااااااااااااااه

[سمح المحيا]

من جد يجيبون القولون بس احبه وامووووووووت فيها

وبشجعها وبضرب خط على شانه للرياض كل مباراه

<< ذبحه الصد والرد للرياض

[رشاش]

الأخ غرك زمانك هل أنت مشجع للنصر او تردد مايقوله غيرك بدون أي إيدراك

تقول النصر مو ملمع مثل الأنديه الأخرى

عمر الإعلام ماجلب يطوله لاتضحك على نفسك

أبحث عن الخلل بفريقك ماذا قدم وماالظلم اللي تعرض له ولو كان فيه ظلم لما حقق النصر بطوله العام الماضي ولم يصل إلى

النهائي في هذا الموسم

أي شخص يجب أن يدرك مايقوله ومايكتبه أما أنك تردد كلام ماتعرف عنه شي سيدل على أنك ماتتابع مباريات النصر.

[سمح المحيا]

رشاش

مشكور على المرور


ولا تعليق على كلامك

[نواف الفهاد]

:
:

هنا ..!!
قلب العاشق يكتب .. ويتحدث ............!!
العالمي .. لم يقدّم المأمول ...!!
أمام .. أبها ...!!
ومستواه .. بـ كل أمانة .. مايطمــّـن .....................!!
لكننا .. تعوّدنا .. في ذات السياق ......!
أن النصر .. كلما .. غاب .. يعود .. جميلاً .. ومميزاً .....................!!
وحتماً .. ســ نكون ............!
بـ إنتظاره ..!!

:
:

( .. سمح المحيـا .. ) ..!
عشقك لـ العالمي .. ينـّـدرّس ...........!!
الله يبهج قلوبكم ...........!!
بـ العالمي ..!!

:
:

لك كل ودي ..............!
سلالالام ...!!

[سمح المحيا]

ابو فهاد

انتظر ردك بفارغ الصبر وكل شؤي اخش ابيك ترد على هالموضوع

لكن بتكلم معك في نقطه ذكرتها انت


أن النصر .. كلما .. غاب .. يعود .. جميلاً .. ومميزاً .....................!!
وحتماً .. ســ نكون ............!
بـ إنتظاره ..!!

تدري وين المشكله ...

اذا غاب نصرنا يطول غيابه واذا رجع رجعته تروح بلمح البصر

يعني ما فيه مستوى ثابت لنصرنا

وربي جاب لي المرض



ومشكور عالمرور ابو فهاد

[رشاش]

صارت موضه الرد بكلمة ( لا تعليق )

إذا لك رد على كلامي تصحيح معلومه او ان تبدي رأيك

إذا ماتبي ترد أو ماعندك رد ما اجبرك لكن ( لاتعليق ) ما أفدتني بشيء انا اشوف مافيها ضروره


( مجرد رأي )

[سمح المحيا]

اخوي رشاش انت بكلامك ما رديت علي او تكلمت في موضوعي

انت تكلمت مع العضو (( غرك زمانك )) يوم يقول النصر مو ملمع

ولم توجه الكلام لي يا رشاش

[رشاش]

ادري ان الكلام مع غرك زمانك

انا اسألك عن كلمة ( لا تعليق ) ماذا استفيد او افهم منها

[سمح المحيا]

الحين هالزحمه كلها عشان (( لاتعليق ))


تبي الصراحه احاسب عندك سالفه << ماعليش عالكلمه