لمتى شوارعنا كذا

[راضي الشمري]

مساء الخير او صباح الخير

كيف الحال ياشباب وبنات المنتدى

مسوي فيها اسلوب :D:D

المهم عندي موضوع صراحه رافع ضغطي :mad: واتنرفز اول مااجيب طاريه :mad:

اللي هو

شوارعنا ليه كذا :mad: لمتى yd.885

وربي شي يرفع الضغط يعني الواحد مايمديه يمشي الا وركبة السياره قالطه عنده :biggrin:

وكله كوم وكوم التحويلات اللي ترفع الضغط ولافيها اي تنضيم

قالو ايش قالو تحويلات ومناك تخريبات :biggrin:

والضحيه المواطن انا وانت وغيرنا كثير

انا موتري 2006 وكنت محافظ عليه بس والله اللحين تقول راكب لي سياره موديل 1701 من كثر المطبات والحفر بالشوارع

تبون تتاكدون
يوم من الايام كنت امشي على شارع مستشفى الخفجي ومتعدي المحطه ابي اروح للمستشفى وتعديت التقاطع مافيه اي مطبه ولاشي وقمت من بكره اروح للموعد بعد فشغلت الموتر ورحت :smile:
وكنت مروق وماشي على راحتي تقريبا 80 سرعتي وقربت للتقاطع اللي قبل المستشفى كنت متأكد مافيه اي مطبه

واتفاجاء الا وقدامي مطب تقول بيت دور واحد yd.885 ولايمديني اسوي شي وانا اجيك شايل المطب وطاير اللين صقع راسي بسقف السياره والشماغ طار والعقال وصرت بمكان الراكب وانكب الماء علي والمساعديات راحت فيها وانشق الرديتر
ووووو يعني لعنت اليوم اللي طلت به للمستشفى yd.885

من اللي يتحملها اكيد انا لاكن وش ذنبي ليه ماحطو لافتات مع انه امس مافيه مطب ليه ماينبهون المواطن

عمركم شفتو مطبه كانه جرف :D والله مهو مطب صبه ولاادري وش فايدتها

ولامن زود الفسقه بالمطاب حاطين مطاب على طريق الدمام السريع :mad:

يعني سلم لي على الركب والمساعديات والبدي يعني سلم على الموتر اذا كليت المطب ذا :cool:

على العموم اتمنى نلقى حل او نقاطع الشوارع ولانطلع:D وربي اصرف اما الواحد كذا يبي يروح يخلص شغله
يروح يتبهذل ويخسر بسبت قار هو دافع فلوس فيه على شان يعدلونه ويمشي فيه

اسف على الاطاله بس وربي قاهرني ذا الموضوع بقوه

[يتيم الامه]

يتحمله بلدية الخفجي والمحافظه والمنافقين الذين يدافعون عنهم ولن يصلح الامر ورئيس البلديه موجود الخفجي بحاجه لتغير المسؤلين

[سمح المحيا]

لا تشكيلي ابكيلك

خصوصا عند المطب اللي ضربته


تبي الصحيح بكيت عنده حسيت المطب بغا يقص السياره نصين

[ريما الخفجي]

أناقاهرني شارع 18عندكل باب بيت حاطينلهم مطب قال واسطه وناس مهمه عشان بزرانهم لالعبوا كوره العصرياخذون راحتهم والله حاله؛؛وينعن أبوه مطب كانه قهرسمح بعد؛؛
مبين أخوي راضي أنك مقهوربس وصفك عالمطب اللي خذيته حسيتك راكب طياره وجاك مطب هوائي ودخلت أعاصيروزوابع هوائيه وحالتك حاله مستمره؛؛

[رشاش]

الموضوع هذا انسى انه ينحل من البلديه

انا كل شهر اسوي ميزان للسياره من الحفر والمطاب انا ماادري وش المصلحه منها هل لهم محلات قطع غيار وبناشر

بعد سنتين راح نرجع لأيام الخيول والبعارين وتتحول الشوارع لردميات والحاله مستمره للاسوا الكلام معاد ينفع

راح نجمع قطه من خمسين ريال ونزفلت الشوارع على حسابنا

والله مصخره مدينه نفطيه وهذي حالة شوارعها واللي يقهرك المنافقين اللي يدافعون عن البلديه .

[hmmad]

أين دور المجلس البلدي قدم معروض ياراضي له

[رشاش]

ياأخ حمد الموضوع مايحتاج لمجلس بلدي ولا لمجلس الأمن

يعني بشغلهم لازم يقدمون معاريض ومطاليات إذا وش شغلهم البلديه ابي افهم إذا كل شغله فيها مشاورات واجتماعات مصيبه

وين التطور والمواكبه والله ترديد شعارات على الفاضي.

[hmmad]

ياأخ حمد الموضوع مايحتاج لمجلس بلدي ولا لمجلس الأمن

يعني بشغلهم لازم يقدمون معاريض ومطاليات إذا وش شغلهم البلديه ابي افهم إذا كل شغله فيها مشاورات واجتماعات مصيبه

وين التطور والمواكبه والله ترديد شعارات على الفاضي.

صراحة يارشاش نفسي أسمع خبر أنجزه المجلس البلدي بالمنتدى مع العلم إن الشوارع مسببة قلق لدي والسيارة جديدة؟؟؟:

[سهم المنايا]

المجلس البلدي اعترفوا انهم ماسوو شي نهائيا... وجزاهم الله خير


المسؤول هو المحافظ ... ومدير البلدية

[أبو الوليد]

.


http://www.alraidiah.org/up/up/22951235720081217.gif







إن شاء الله نرى ردة فعـــــل إيجابية من من بهمهم الأمر





سلمت على موضوعك




والله يكون في عونك :)










::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

http://www.alraidiah.org/up/up/23050239520081229.gif
اللهم انصر إخواننا في غزة ، فرج همهم ، ونفس كربهم ، واشف مريضهم .

[محايد2009]

انا مره كنت ماشي بشارع المحكمة انا والعائلة ظربت مطب اولادي كلهم ظربت رؤسهم بالطبلون مع العلم انا ماكنت مسرع دعيت على رئيس....................... دعاوى بسبب الأهمال المشكلة حتى صبغ المطبات مستخسرينه لاحظ شارع 25ياريت يكسرونه مثل ماكسرو شاع البلدية وبقية الشوارع مخلين الأسفلت ناعم علشان المراهقين يفحطون فيه .
الا متى ونحن هذا حال شوارعنا اما آن لهذا الظلم ان ينجلي حسبي الله ونعم الوكيل على من اذا الناس
تذكر يارئيس بلدية الخفجي مقولة عمر بن الخطاب (لو عثرة بغلة في العراق لسألت عنها يوم القيامة)

[سمح المحيا]

المسؤول هو المحافظ ... ومدير البلدية


ما طاح الا انبطح

[مبروك زايد]

(لو عثرة بغلة في العراق لسألت عنها يوم القيامة)


افهم يامدير البلديه

لا حول ولا قوة الى بالله

بعدين

ياشباب لاتعبون انفسكم بالكلام عن الخفجي الضرب فالميت حراااااام

لاحياة لمن تنادي

[loomi]

ما أدري ليش نسيتوا الحفر الكبيرة والفجوات اللي صايرة عند بيبان البيوت خاصة في الغربية واللي تصير تجمعات مائية في الأمطار وتخرب السيارات صح

[عزيزة نفس]

الله يعينــــــــــــــكم يارب الحمدلله ان ماعندي سياره ولا أسوق ولا كان ماطلعت من البيت عشان السياره ..


لاااااا والقههههر المطب اللي عند المستشفى ..عاد من زين المستشفى عاااد .. حسااااافة المبنى اللي متكلفين فيه الحكومه..


الله يعين يااااارب والله >>شر البلية مايضحك ..مت من الضحك عالموضوع شي غريب


ياااااااليت البلديه والمسؤلين والمحافظ يصحصحون شوي الله يجزاهم خير ..




مشكووور اخوي على طرحك هذ الموضوع

[مرعيد]

كل والاخوان مستمرين بالأخطاء الإملائية ماظنتي إن أحد راح يعبرنا (تعثرت) بدلا من تعثرةأنا ما أعرف من السبب ولا يهمني أعرف المهم عندي أعرف متى الوضع ينحل والله المستعان

[سمح المحيا]

ريما بالنسبه للمطب جعلك ما تطبحين فيه وينعن ابو مطب قهرني <<< تسلمين :101:

وبالنسبه لشارع 18 يحق لهم يحطون جسور بدال المطبات

ولا يهون 20 بعد << :d

وتحياتي لج

[ريما الخفجي]

هههههههههههه إلى بكره ؛ ؛

[راضي الشمري]

اشكركم على مروركم

واللي يقهر بعد انا كل واحد صنفت معه حط مطب قدام بيته

الضاهر الشارع معه صك له

قسم انهم يدبلون الكبد

الضاهر اني بقاطع الزفلت ولاامشي عليه

امشي فوق الرصيف او بصحرى اصرف لي بقوه

(:

اشكركم على ردودكم الحلوه وان شاء الله بينحل الموضوع او اقرب سيكل اشتره بلاسياره بلاهم

[رشاش]

المجلس البلدي ماله اي دور بالأساس وحتى لو تقدموا للبلديه بشكاوي ونصائح وأفكار للشوارع

هل البلديه راح تتحرك وتعمل اللي عليها ماأظن

وأرجع اقول ان المجلس البلدي ماله اي صلاحيه واللي يطالبهم المفروض انه يطالب البلديه لأن هذا شغلهم بالأساس

[الزقرتي]

الله يعطيك العافيه على الموضوع الحلو ........

والي يقهـــر مره مريت من عند بيتكم ياراضي ولقيت مطبه قدام بيتكم

ويليت توضح هي على حسب طلبك او على مزاج البلديه


تحياتــــــي...

[اتحادي]

يا اخي المطبه
ماشالوها الا يوم مدير
المرور طاح فيها

[الود طبعي]

عادي انتظرو مسؤل يزور المنطقه علشان تزين الشوارع
خخخخخخخخخخخخخخخخخخ

[راضي الشمري]

لاوالله يالزقرتي

المطبه هذي تقاططنا فيها انا وولد خالي

<<<<<<<<< هذا اللي يتكلم على المطاب طلع منهم

وحطيناها على شان البزارين
(:

وجاك ابوي ويشيل نصها اللي من جهت بيتنا وخلا اللي من جهت بيت خالي

يعني نص مطب
(:

وانت ياخي لاتدقق

[سفيير عموورية]

اي بالله صادق اخووي (راضي الشمري)

ابتلشنا بالشوارع

يسلمووو عالموضووع