لوحه غريبه من بلديه الخفجي؟؟؟

[سمح المحيا]

بلديه الخفجي وما ادراك ما هي بلديه الخفجي

الكلام يطول معها صراحه

بدايه من شوارع اقل ما يقال عنها تعبانه

يعني يبيلك تربيط وتشحيم وتبديل ركب واذرعه كل شهر

والسبه هالشوارع

والحين البلديه طالعه بشغله جديده وغريبه

والمشكله الاكبر انها خصت هالشئ بمحل واحد ولم تعممه على كل المحلات

اتمنه اذا كان احد من الاخوان من الاعضاء شغال بالبلديه يفسر لي هالشئ

لانه ما يخش المخ


اخليكم مع اللوحه وعطوني رايك بالله









http://www.alraidiah.org/up/up/23923742120090409.gif

مطعم مواقف والكل يعرفه بالخفجي ومن سكنت بالخفجي وانا اعرف هالمطعم

ليش هالمطعم فقط يمنع العامل من الذهاب للسيارات

والكل يعرف ان الزبون اول ما يوقف عند مطعم يدق بوري واذا ما جاء يروح مطعم ثاني


ليش قطع الارزاق يا بلديه الخفجي



وتحياتي لكم


سمح المحيا

[طليفيح]

والله شي غريب صراحه

يعني حتى المطعم مافيه الا طاولتين داخل

وسمه مطعم مواقف

ومطعم ماشاءلله مزحوم دايم

ودنا نعرف السبب

يايحطون بكل المطاعم مثل اللوحه ولا مايصير على مطعم والباقي لا

تسلم ياسمح على الخبر الطازج

[ديما]

فعلاً لوحه غريبه :confused:

اتوقع انها حركه من واحد حاقد على صاحب المطعم ويبي يطفش رواد المطعم :rolleyes:

وإذا كانت فعلاُ من البلدية فـ هذي مصيبة :eek:


شكراً لك سمح المحيا على الموضوع :101:

[مبروك زايد]

هههههههههههههههههههههههههههههههه

والله مشكله الخفجي

الظاهر أن بنقلادش تبي تجاكر دبي وحنا زي ماحنا

[سهم المنايا]

اللوحة صحيحة 100% وهذا هو النظام الصحيح ....

أي عامل بمطعم والا غيرة حتى البقالات ممنوعين من الشي هذا ...

لا كن مايطبقونه .... بالدمام انا شفت اللوحة هذي والرياض وحايل ... وعليها عقوبات

[عشق الشمال]

كل هذا كسل ؟؟


ما تبون تنزلوون للمطعم !!


الله يرضى على الشعب السوداااني عندكم :biggrin:

[غيلان]

احسن ما سوو والفكرة مطبقة في بعض المدن 0

[عايش وحيد]

ههههههههههههههههههههههههههههههه


والله شي عجيب


لكن انصح الازوال مثلي بخدمة توصيل الطلبات


بدال ماتوقف عند المحل اتصل عليه من البيت يجيك


هههههههههههههههههههههههههههههههه

[أحمد عجب]

صراحة شي غريب من البلدية

المفروض تلغي هذا القراار أو أنها تحطه على جميع المطاعم

مع أنه الناس لو يشوفون اللوحة يستغربون مو لازم يحطون القرااار

[سائـر للمعـالي]

السلام عليكم ورحمه الله وبركاته

اخي سمح المحيا اشكر لك هذا الطرح واريد ان اعقب بشكل موضوعي ,,

بالنسبه لخروج عامل المطعم من المحل ليستقبل الطلبات هذا ممنوع ويوجد تعميم من وزاره الشؤون البلديه والقرويه ومطبق هذا النظام

في جميع مدن المملكه ولكن لدي عتب بسيط للبلديه .....

هل قام مشرف قسم صحة البيئه في البلديه في جولات ميدانيه علي المطاعم لكي يرى مابداخلها من التجاوزات

وذلك تأسياً مع ماقامت به باقي بلديات مدن المملكه اذا كان هذا النظام شامل علي المملكه ؟؟ لماذا لاتقوم بلديه الخفجي بهذا الدور؟؟

لماذا لاتطبق بلديه الخفجي أنظمه مكتب العمل علي قطاع الخدمات(الاسواق) ؟؟

تروح للحلاق تلقى اقامته مكتوب عليها : المهنه : كهربائي؟؟؟؟؟!!!!!!!

تروح لمحل خضرة تلقى العامل البائع مهنته : دهان !!!!!!!!!!!!

والمشكله يصدروا لهم رخص بلديه وهم في غايه السعاده !!! ياللعجب .. ا لانظمه الحكوميه تطبق في جميع مدن المملكه ... والخفجي لا؟؟؟؟

لايكون الخفجي تتبع كازاخستان << وحنا ماندري !!!!!


ولك مني اجمل تحية وعذرا علي الاطاله

[سمح المحيا]

مشكورن اخوان عالمرور

واذا كان هالشئ مطبق على قولتكم بالدمام والرياض


ليش هالمطعم بالذات من بد كل هالمطاعم


ومثل ما قال طليفيح المطعم من اسمه مواقف وما فيه غير طاولتين


وبعدين لحد يستغرب حنا بالخفجي

يعني دوله بروحها

[راعي المدينه]

الأمر مطبق فى بعض مدن المملكة انا لاحظته فى حائل وخاصة للمطاعم او البوفيات التي تقع على شارع رئيسي ..اما المطاعم التي لها مواقف فهي مستثناة..واعتقد ان الهدف عدم عرقلة حركة المرور.

لكن بالخفجي يلاحظ الإنتقائية ..والمفترض ان يطبق على الجميع بدون استثناء..

سااااااااااااااامحونا

[فتى التحفيظ]

اخوي سمح اعتقد ان اللوحه قديمه .,.,

[مطلق الشمري]

انا شفت نفس هاللوحة قبل شهرين بمطعم بالرياض

مافية ولاعامل يستلم طلبات برا المحل

[مســاعد]

القرار ذا ماهو على مطعم مواقف بل على جميع المطاعم ولكن



يمكن لاتباطي موظفين البلديه لم تطل اللوحات الثانيه الى المطاعم الثانيه



ولكن تاكد ان النظام هذا مطبق في المدن الثانيه من حوالي سنه



الله يكون بعون الجميع


تقبلو تقديري واحترامي
مســاعد بن عبــدالله

[سمح المحيا]

مشكورين اخواني عالمرور

فتى التحفيظ شكلك ما شفت اللوحه انت

او ما مريت المطعم عشان تقول قديما

[راضي الشمري]

ايه شفتها
بس يعجبونك اللي بمطعم مواقف

وربي انهم يطلعون قبل لاتدق بوري

لادق بوري من الاشاره ويجونك

(:

[ALZaeem]

اي والله في هاذي صدقت شوارع رايحه فيها وخاصة شارع البلديه

[يام الخفجي]

والله انك صادق يا عشق الشمال يعني كل هذا كسل فيكم انزل واطلب داخل والأحسن انك تنزل تدري ليش عشان تشوف الاكل بعينك لا يحطون فيه شي ولا شي صح ولا لا...... يالله ردو

[ابو ماريه]

شكراً على الموضوع
والله يعن
عطني واقطعلك
واللبيب بالأشاره يفهم
والحر تكفيه الاشاره

[سفيير عموورية]

والله شي غريب

جزاكـ اللهـ خير
" سمح المحيا "

تقبل مروري
$ سفيير عموورية $

[أبو الهنـــــوف]

سمح المحيـــا ...


شرّ البلية ما يضحكـ .. إذا كان نظام مثل ما يقولون ... يجب عليه و ضعها على كل المحلات .. !!


و ليس فقط على مطعم مواقف فقط .. !!


أتمنى إن يطبق هذا القانون على كل المطاعم .. وليس فقط على مطعم مواقف .. !!


و لك كل الشكر و التقدير و الاحترام

[mύβαřαķ αlsαhli]

ايه انا اعرف السبب
اعرف واحد من البلديه
بقوووول لازم انت تنزل عشاان تشووف بنفسك وش يحطوون في الاكل

((وـ ع ـدين كلها دقيقه انزل وخذ اللي تبي وارجع))


تحياتي سمح بس اخاف تنزل ويجيك الكلب اللي دعمته هههههههههههههه

تحياتي

[سمح المحيا]

شاكر على مروركم اخواني

والمطعم ازال اللوحه والحين قبل لاتدق بوري والهندي عندك ههههههههه


السهلي ابشرك انتقل لرحمه الله

[الـفـارس]

اي مطعم هذا عشان مانمره ولا نجي حوله تعرفوون مالنا خلق نزل من السياره هههههههههههههههههههههههههههههههههههههههههههه

[حمزه مصطفى]

الي كاتب اللوحه اكيد ما عنده مؤهل علمي ما يفتهم عنده ابتدائي فقط وتوظف بالبلديه بالواسطه وهو مايدري وش السالفه تاخر العامل على الطلب وقرر يطبق النظام على المطعم

[mύβαřαķ αlsαhli]

شاكر على مروركم اخواني

والمطعم ازال اللوحه والحين قبل لاتدق بوري والهندي عندك ههههههههه


السهلي ابشرك انتقل لرحمه الله


الله يرمحه ويغمد رووحه الجنه


ياقاتل ماترحمyd.885

قاااسي yd.885yd.885

هههههههههههههههههههه ((الله يرجك))