مهم قبل الحذف ساعدوني

[بنوته K.S.A]

السلام عليكم لو سمحتم ابغى قصيدة ابد ما جيت اباركلك للشاعر محمدالشهر بس تكون صوت الله يعافيكم ويفرج همه وكربه الي تعطيني ايها لا تفشلوني انا اول مره اكتب في النتدى دوبي مسجله:)

[بنوته K.S.A]

يالله ماحد رددددددد

[سمح المحيا]

طيب وليش قبل الحذف يا بنوته السعوديه

بالعكس حنا بالخدمه وانا بحاول ادور لك الحين صوتيه

وحياج الله يالغاليه

برب ثواني بنزل لج القصيده نصيه وبحاول ادورها صوتيه

[سمح المحيا]

هاذا نص القصيده يا بنوته السعوديه هاذي اللي تبينها يالغاليه واسم القصيده (( العروس ))

بس ليتني ما قريت القصيده جت على جرح توه ما طاب






ابد ماجيت ابارك لك ولكن جيت ابا أوصيـك // على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك // قسم بالله ماتدخل عليهـا لـو علـى رقبتـي
ولكن النصيب اقوى ولا ادري ويش اسوي فيك // نعم صارت معزبتـك ولاصـارت معزبتـي
كذا صارت لي القسمة بتحرمني لأجل تعطيـك // كذا لازم عشان تفوز انت انا اخسر بتجربتـي
تراهـا غاليـه جـدا وتكفـى والله يخلـيـك // تدللها..تدلعها..تنسـيـهـا مصـاحـبـتـي
انا من كثر مااغليها احس اني بديـت اغليـك // ولا تسـأل بايـة حـق والا وش مناسبـتـي
لانك لو بتسألنـي بتسمـع شـي مايرضيـك // لـذا ياخـوي لاتسـأل ولاتسمـع لأجوبتـي
ابيك تحطها في داخل عيونـك وبيـن ايديـك // وهي دلوعه اعتادت علـى كثـرة مداعبتـي
فداعبها شوي شوي حتـى تشتهـي طاريـك // وشاغبها الين تقـول بطـل مـن مشاغبتـي
واذا هي مالها خلقك ولاتضحـك ولا تسليـك // تحملهـا واسألهـا ياعمـري ليـه عصبتـي؟
وبالك اسمع انك يوم تضربها وهـي تشكيـك // مايحتاج اوري لك بفـن الضـرب موهبتـي
صحيح انك بتملكها ومعـاك العقـد بالتمليـك // وانا عارف حدود الله ومـن حقـك معاقبتـي
ولكن قل لها المجنون وصانـي وهـو يعنيـك // يقول انـه بينتظـرك ولـو شيـب وشيبتـي
وانا مجنونها الي مانساهـا وانـت مايمديـك // تغطي ذكرياتي فـي هواهـا ربـع تجربتـي
احس اني تماديت بكلامي والغضـب حاديـك // لوانك فـي مكانـي ماتفكـر فـي محاسبتـي
كفاك اني تركت الليله اشغالي عشـان اجيـك // دخلت القاعه برجلي ولاادري ويـش عاقبتـي
وانا ماجيت اخرب عرسـك الليلـه ولاآذيـك // اناجيتك عشان اخاطبـك واسمـع مخاطبتـي
توصى وانتبه واحـرص عليهـا والله يهنيـك // ترى كل الكلام الي طلع من ضيقـي وكبتـي
ولكن ماقدرت انـي اقولـه وانـت مايخفيـك // اخاف اني اذا قلـت تقـوم وتقطـع رقبتـي

[سمح المحيا]

صوتي ما قدرت انزلها الجهاز بداء يستعبط علي


لكن الاخوان فيهم الخير وبينزلونها لك


تحياتي لك

سمح المحيا

[mύβαřαķ αlsαhli]

ماقدرت احملها صوووتيه

النت يسعبط