راضي الشمري
29-04-2009, 04:19 AM
السلام عليكم ورحمة الله وبركاته
كيف الحال ياأعضاء المنتدى من شباب وبنات
انا يااخواني بطرح موضوع المرور ونقاط تفتيشهم واللي يتسببون فيه من زحمه ومضايقه للمواطن بدون اي احترافيه
او مهنيه
(:
يالليت ان كل شخص يكون معه مشروب ساخن ويحتسيه ويجلس في وضعيه ملائمه (: لاني راح اقص قصه عليكم ويمكن يطول
بسم الله نبداء:
انا مؤيد لدور المرور ومايقومون به من اعمال التفتيشات المفاجئه والحفاظ على حركة السير وفق النظام المحدد والمعروف
لاكن مهو بالطريقه العشوائيه اللي قاعده تصير بالشكل هذا
انا يااخواني الليوم انصقعت بمخالفه (:
<<<<<<<<<<<<<<<<< حاقد
طبعا لو انا مخطي او فعلا خالفت كان والله ماكتبت الموضوع بالمنتدى لاكن من الغبن ومن سبت المخالفه الخايسه
(:
انا دقيت سلف اليوم مساء في تمام الساعه ال8:30 وطلعت الى شارع 25 بحكم اني ساكن بالشماليه ومعروف شارع 25 انه يتجمهر فيه من شبابنا الله يهديهم
طبعا طالع ابي اخلص شغله ضروريه للبيت عباره عن فرن او غاز (( حق المطبخ ))
خربان وطلعت بصلحه
(:
طبعا اول محل صادفته كان مسكر وهو محل تصليح ضيعت اسمه بس على الزاويه بالقرب من مغسلة المبارك
المهم
كملت ومشيت واللقى نقطة تفتيش عند تقاطع جامع الفرقان وطبعا زحمه عند هذه النقطه يوميا تصير ولا والعسكري ليته واقف زي الناس متكي على كبوت السياره (:
ابوالشباب تقول واقف قدام بيتهم
المهم سلمت عليه وديورت (( خذيت فوق تحت )) ورحت للمحل الثاني المقابل لمكتب العمل اتوقع اسم المحل
ورشة الزهراني
نزلت الفرن
(:
وطبعا العامل كان مشغول ولايمديه يخلص وقالي بالحرف الواحد (( صديق هزا مافي كلاس اليوم انا مسغووول وازد.... انتا يزي بكرا وانا فيه سله )) طبعا بلهجتنا يقول مايمديني اخلصه اليوم مشغووول تعال بكره اسنعه لك
شلت الفرن او اقدر اسميه النكبه
(:
وعدت ادراجي متجه الى البيت وقلت بكره بوديه
وانا متجه للبيت طرى على بالي ان فيه محل بأخر الشماليه يصلح مثل هذي الادوات طبعا مقابل لصالون كبار الشخصيات
المهم قلت خلني امره لعل وعسى انه يصلحه واخذت فوق تحت واتجهت لهذا المحل
وانا ماشي الا قدامي النقطه اللي مريتها قبل شوي
انحرجت طبعا قلت مالها داعي كل شوي راز وجهي عند العسكري اللي متحضن كبوت السياره (:
بس معي شغله بخلصها
المهم وقت عند العسكري مايمدي اوقف الا ابو الشباب تحضن كبوت سيارتي (:
قال الرخصه والاستماره
قلت له تفضل وعطيته اللي طلبهم
قال اصفط على جنب (:
ماناقشته بالبدايه وقفت على طول ونزلت من السياره واتجهت نحوه وقلت له بالحرف الواحد (( اقدر اعرف ليه موقفني او هل بدر مني اي مخالفه لاسمح الله ))
رد العسكري قال دقيقه شوي ....وراح جاب دفتر المخالفات
ويوم شفت دفتر المخالفات حطيت يدي على الدفتر
<<<<<<<<<<<< عصبت انا في هذا الموقف
(:
قلت له خير يابو الشباب وش اللي مخالف فيه علمني
ويناضرني العسكري ويقول شل يدك من الدفتر قلت مااشيل يدي اللين تقولي وش المخالفه اللي انا مخالفها واذا انا مخالف فعلا ياخي سجل الدفتر كله مخالفات بسمي
واثق اني ماخالفت النضام انا
المهم قال لي دوران متكرر....؟؟؟؟؟؟؟؟؟؟؟؟؟؟
قلت له يابن الحلال انا رجال معي فرني اقصد نكبتي (: وادور لي على محل اصلح هالنكبه اللي معي وارجع للبيت
لاني اتمشى ولا شي وتعال اوريك الفرن مرتز بالدبت السياره
(:
اصر العسكري على المخالفه بدون اي سبب مقنع
حاولت اناقشه وافهمه ..... ولانفع
حاولت اشرح له ومعي اثباتي ..... ولانفع
اخلاقه كانت مره تنرفز وسيئه
المهم
صار بيننا شد بالكلام...
اخر شي اتجهت الا الحل البديل او اسلوب النرفزه اللي هو نرفزني فيه وقلت له (( سجل بيديك ورجليك والمخالفه ورب البيت لاامسحها رضيت او مارضيت ))
(:
قهرني بقوووه واسلوبه خلاني ارفع صوتي عليه واتخذل الخطه البديله
اتجهت الى السياره ومعي قسيمت المخالفه واناضر للقسيمه الامسجل فيها دوران متكرر ابتسمت صراحه
لااني ماادري وش محلها من االاعراب
(:
قلت مابقى الايكتب على الفرن بعد ... عدم ربط حزام الاماان
(:
ورجعت البيت بلا فرن بلا هم بكره بصلح النكبه لان الاخلاق تعبت مره
(:
اخاف بكره بعد يصير مثل اليوم..
المهم كلمت شخص من اصدقائي بالمرور وقلت له الخلاف اللي حصل والرجال كمل المطلوب منه وشال المخالفه
لاكن اللحين هذا العسكري ليه سوا كل هالامور وليه يعقد المسائل يعني هو العسكري لو انه طالع يخلص له اي شغله وجاه شرطي واتبلاه وش بتكون ردة فعل العسكري اتجاه الشرطي
والاهم كونه رجل مرور لازم تكون اخلاقه عاليه بغض النظر عن ضغط العمل لاكن من حقي كمواطن انك تشرح لي سبب مخالفتي ومن حقي اني اخلص اشغالي...
ولاكل من طلع من بيتهم بيخلص له شغل بينصك بمخالفه هذا مهو نظاام هذا ظلم وابتزاز للمواطن
انا اتمنى ان كل رجل مرور تكون اخلاقه حلوه ويخالف كل شخص خالف لاكن انك تتعرض الى ناس طالعين يقضون احتياجاتهم اليوميه ولايرتكبون اي مخالفه تقف عندهم لا والف لا
وانا اشرط لكم شرط ان رجال المرور او البعض من رجال المرور لان لغة التعميم لاتصلح..... يتساهلون مع ناس يعرفونهم وتربطهم علاقات مع ناس يخالفون الانظمه امامهم ولايفعلون لهم شي ولايخالفونهم بالعكس يبتسمون لهم ويساعدونهم في امور اخرى كثيره ... لايسع لنا المجال ان نتطرق لها الان...
ياخي طبق النظام على الجميع لاكن لاتطبقه على ناس وناس
في ناس يوقفون على نقط تفتيش قسم بالله لو مامعك رخصه بتقوله على طول بدون لا يسالك من اخلاقه وحسن تعامله مع البشر
وفيه ناس اعوذ بالله تحس انه متقصد ناااس والمشكله يخليك تخالف غصب لو يطلبك رخصه بتقوله اقلب وجهك
(:
تحياتي لكم واسف على الاطاله لاكن ماذا نعمل اتجاه ناس يجهلون بعض الامور
(:
كيف الحال ياأعضاء المنتدى من شباب وبنات
انا يااخواني بطرح موضوع المرور ونقاط تفتيشهم واللي يتسببون فيه من زحمه ومضايقه للمواطن بدون اي احترافيه
او مهنيه
(:
يالليت ان كل شخص يكون معه مشروب ساخن ويحتسيه ويجلس في وضعيه ملائمه (: لاني راح اقص قصه عليكم ويمكن يطول
بسم الله نبداء:
انا مؤيد لدور المرور ومايقومون به من اعمال التفتيشات المفاجئه والحفاظ على حركة السير وفق النظام المحدد والمعروف
لاكن مهو بالطريقه العشوائيه اللي قاعده تصير بالشكل هذا
انا يااخواني الليوم انصقعت بمخالفه (:
<<<<<<<<<<<<<<<<< حاقد
طبعا لو انا مخطي او فعلا خالفت كان والله ماكتبت الموضوع بالمنتدى لاكن من الغبن ومن سبت المخالفه الخايسه
(:
انا دقيت سلف اليوم مساء في تمام الساعه ال8:30 وطلعت الى شارع 25 بحكم اني ساكن بالشماليه ومعروف شارع 25 انه يتجمهر فيه من شبابنا الله يهديهم
طبعا طالع ابي اخلص شغله ضروريه للبيت عباره عن فرن او غاز (( حق المطبخ ))
خربان وطلعت بصلحه
(:
طبعا اول محل صادفته كان مسكر وهو محل تصليح ضيعت اسمه بس على الزاويه بالقرب من مغسلة المبارك
المهم
كملت ومشيت واللقى نقطة تفتيش عند تقاطع جامع الفرقان وطبعا زحمه عند هذه النقطه يوميا تصير ولا والعسكري ليته واقف زي الناس متكي على كبوت السياره (:
ابوالشباب تقول واقف قدام بيتهم
المهم سلمت عليه وديورت (( خذيت فوق تحت )) ورحت للمحل الثاني المقابل لمكتب العمل اتوقع اسم المحل
ورشة الزهراني
نزلت الفرن
(:
وطبعا العامل كان مشغول ولايمديه يخلص وقالي بالحرف الواحد (( صديق هزا مافي كلاس اليوم انا مسغووول وازد.... انتا يزي بكرا وانا فيه سله )) طبعا بلهجتنا يقول مايمديني اخلصه اليوم مشغووول تعال بكره اسنعه لك
شلت الفرن او اقدر اسميه النكبه
(:
وعدت ادراجي متجه الى البيت وقلت بكره بوديه
وانا متجه للبيت طرى على بالي ان فيه محل بأخر الشماليه يصلح مثل هذي الادوات طبعا مقابل لصالون كبار الشخصيات
المهم قلت خلني امره لعل وعسى انه يصلحه واخذت فوق تحت واتجهت لهذا المحل
وانا ماشي الا قدامي النقطه اللي مريتها قبل شوي
انحرجت طبعا قلت مالها داعي كل شوي راز وجهي عند العسكري اللي متحضن كبوت السياره (:
بس معي شغله بخلصها
المهم وقت عند العسكري مايمدي اوقف الا ابو الشباب تحضن كبوت سيارتي (:
قال الرخصه والاستماره
قلت له تفضل وعطيته اللي طلبهم
قال اصفط على جنب (:
ماناقشته بالبدايه وقفت على طول ونزلت من السياره واتجهت نحوه وقلت له بالحرف الواحد (( اقدر اعرف ليه موقفني او هل بدر مني اي مخالفه لاسمح الله ))
رد العسكري قال دقيقه شوي ....وراح جاب دفتر المخالفات
ويوم شفت دفتر المخالفات حطيت يدي على الدفتر
<<<<<<<<<<<< عصبت انا في هذا الموقف
(:
قلت له خير يابو الشباب وش اللي مخالف فيه علمني
ويناضرني العسكري ويقول شل يدك من الدفتر قلت مااشيل يدي اللين تقولي وش المخالفه اللي انا مخالفها واذا انا مخالف فعلا ياخي سجل الدفتر كله مخالفات بسمي
واثق اني ماخالفت النضام انا
المهم قال لي دوران متكرر....؟؟؟؟؟؟؟؟؟؟؟؟؟؟
قلت له يابن الحلال انا رجال معي فرني اقصد نكبتي (: وادور لي على محل اصلح هالنكبه اللي معي وارجع للبيت
لاني اتمشى ولا شي وتعال اوريك الفرن مرتز بالدبت السياره
(:
اصر العسكري على المخالفه بدون اي سبب مقنع
حاولت اناقشه وافهمه ..... ولانفع
حاولت اشرح له ومعي اثباتي ..... ولانفع
اخلاقه كانت مره تنرفز وسيئه
المهم
صار بيننا شد بالكلام...
اخر شي اتجهت الا الحل البديل او اسلوب النرفزه اللي هو نرفزني فيه وقلت له (( سجل بيديك ورجليك والمخالفه ورب البيت لاامسحها رضيت او مارضيت ))
(:
قهرني بقوووه واسلوبه خلاني ارفع صوتي عليه واتخذل الخطه البديله
اتجهت الى السياره ومعي قسيمت المخالفه واناضر للقسيمه الامسجل فيها دوران متكرر ابتسمت صراحه
لااني ماادري وش محلها من االاعراب
(:
قلت مابقى الايكتب على الفرن بعد ... عدم ربط حزام الاماان
(:
ورجعت البيت بلا فرن بلا هم بكره بصلح النكبه لان الاخلاق تعبت مره
(:
اخاف بكره بعد يصير مثل اليوم..
المهم كلمت شخص من اصدقائي بالمرور وقلت له الخلاف اللي حصل والرجال كمل المطلوب منه وشال المخالفه
لاكن اللحين هذا العسكري ليه سوا كل هالامور وليه يعقد المسائل يعني هو العسكري لو انه طالع يخلص له اي شغله وجاه شرطي واتبلاه وش بتكون ردة فعل العسكري اتجاه الشرطي
والاهم كونه رجل مرور لازم تكون اخلاقه عاليه بغض النظر عن ضغط العمل لاكن من حقي كمواطن انك تشرح لي سبب مخالفتي ومن حقي اني اخلص اشغالي...
ولاكل من طلع من بيتهم بيخلص له شغل بينصك بمخالفه هذا مهو نظاام هذا ظلم وابتزاز للمواطن
انا اتمنى ان كل رجل مرور تكون اخلاقه حلوه ويخالف كل شخص خالف لاكن انك تتعرض الى ناس طالعين يقضون احتياجاتهم اليوميه ولايرتكبون اي مخالفه تقف عندهم لا والف لا
وانا اشرط لكم شرط ان رجال المرور او البعض من رجال المرور لان لغة التعميم لاتصلح..... يتساهلون مع ناس يعرفونهم وتربطهم علاقات مع ناس يخالفون الانظمه امامهم ولايفعلون لهم شي ولايخالفونهم بالعكس يبتسمون لهم ويساعدونهم في امور اخرى كثيره ... لايسع لنا المجال ان نتطرق لها الان...
ياخي طبق النظام على الجميع لاكن لاتطبقه على ناس وناس
في ناس يوقفون على نقط تفتيش قسم بالله لو مامعك رخصه بتقوله على طول بدون لا يسالك من اخلاقه وحسن تعامله مع البشر
وفيه ناس اعوذ بالله تحس انه متقصد ناااس والمشكله يخليك تخالف غصب لو يطلبك رخصه بتقوله اقلب وجهك
(:
تحياتي لكم واسف على الاطاله لاكن ماذا نعمل اتجاه ناس يجهلون بعض الامور
(: