فيتامين (( و ))‏

[teen girl]

السلام عليكم ورحمة الله وبركاته

بداية احب اعرض بعض المواقف اللي نسمع عنها في حياتنا تقريبا يمكن شبه يومي...حكايات جديدة عن دا الفيتامين المنتشر في كل مكان..
لكن..
الفيتامينات معروف عنها انها مفيدة للجسم وتمده بالطاقة وتزود الجسم بالنشاط والقوة اللي يحتاجها..
لكن هنا فيتامين غير..
يمكن له منافع... لكن لأصحابه بس..
وللأسف بيسبب الضرر لكثير ناس هم يمكن بأمس الحاجة لهذا النوع من الفيتامينات
طبعا اكيد كلنا عارفين ايش هوا دا الفيتامين

فيتامين (( و )) = واسطة.

- طالب اتخرج من الثانوية بمعدل طيب تقريبا نقول 87 واتقدم للجامعة والجامعة أو الكلية ما قبلت يقولو صار في اكتفاء طلابي لغاية نسبة 87.50 (( سبحان الله))..تتفاجأ اذا اتعرفت على بعض الطلاب الموجودين معاك ان نسبت تخرجهم كانت 86 او 82....؟؟؟
- شخص فقير مسكين مصاب بمرض خطير علاجه لا يوجد الا في الخارج..يجي يقدم عالعلاج للخارج طبعا انتظر الدور...تسمع عن فلان الفلاني من العائلة الفلانية(( طبعا ماشاء الله عائلة معروفة ومقتدرة))...مصاب بمرض معين وسافر للعلاج بالخارج..طبعا على اعتقاد انه على حسابه لانه ماشاء الله مقتدر...تتفاجأ انك تعرف انه راح للعلاج بمنحة ..((ياعالم الآدمي مقتدر)).
- خريج ماجيستير بدرجة امتياز من كلية ممتازة..يبحث عن وظيفة..طبعا الكلمة المعهودة (( الوظائف شاغرة)) تتفاجأ ان احد كبار الموظفين او شخص متوظف في منصب طيب وراتبة طيب جدا..متوظف على شهادة الثانوية.

ومن هذي القصص كثييييييييييييييييير والمواقف اكثر لا تعد ولا تحصى...وسابقا كانت بالخفاء الآن ماشاء الله بالعلن..وبتفاخر كمان..انا عندي واسطة اقدر اعمل اللي ابغاه..حتى ممكن آخذ شهادة طب بشري العب في خلق الله بالواسطة...مافي اي مشاكل
لكن مافي رب يحاسبنا على تصرفاتنا؟؟؟...ما نتحاسب على ان في ناس كثير تنظلم بسبب الواسطات وكثير ناس بتاخذ مكان آخرين لهم الأحقية ...وكله بسبب الواسطة؟؟
وهااااااااااااتك يا معاف ومجاملات وضحكات من تحت لتحت وبناء علاقات في كل مكان (( طبعا مو لله...خبي قرشك الأبيض ليومك الأسود))...وشيلني واشيلك والناس مو كلها لبعضها..

الين متى بنظل في دا الفكر المتأخر وما نرتقي بفكرنا وأحقية كل شخص في مكانه الصحيح...لمجرد اني لي معارفي في كل مكان خلاص العب على راحتي ولا اشيل هم...لأني عندي فيتامين (( و)) اللي حيمدني بالقوة ويخليني استمر.

معلمة تدرس مادة معينة... أخذت معاها المادة...دخلت لنا اول يوم دوام.......ماااااااااااااشاااااااااااااء الله عالستايل اللي جاية فيه الدوام..تقول فاتحين قناة فاشن تي في....تروح الحصة في التأمل في جمالها وأناقتها من رأسها((النظارة الشمسية)) الى أخمص قدميها (( الله يكرمكم الشوز القممممممممممممة في الروعة))...وكل حصة تجيكم بداك الجمااااااااااااااااااال والجاذبية.......طبعا كانت الجاذبية خارجية...لأن الحصة ماكنا نفهم منها شي....مجرد افتحو يابنات الكتاب ص(..) وتقرأ المكتوب ..طبعا راااااااااااااايحة رااااااااااااااااجعة رااااااااااااااايحة راااااااااااااااااجعة طوووووووووووووووووول الحصة ماشاء الله وهيا تمشي بين صفوف البنات تقول منصات عرض أزياء؟؟...
الين هنا وبس...شي لا يحتمل....المشكلة العظمى انها ماكانت تدرس الا توجيهي(((وااااااااااااااامصيبتاه))) عز الله اتخرجنا بنسبة عالية......نروح طبعابنشتكي الحال ما نسكت...دي علامات ومستقبل مو لعب عيال....الا ((نتفااااااااااااااااااجأ)) طبعا بالسكوت عن الشكوى....ليش؟؟؟؟
الحرمة مرة فلان الفلاني ومحد يقدر يقول لها عينك في راسك...اتاريها الحكاية انها كانت تشتغل في بنك...وطفشت من الشغلة قامو لقولها واسطة اشتغلت مدرسة وعلى الحظ في مدرستنا...

بالله هذا حال؟؟؟

هذا هوا مستوانا في وضع الشخص المناسب في المكان المناسب؟؟

فوضى .. وتسيب....كل واحد على كيفه يمشي طالما انه في فيتامين (( و ))

الله يستر اذن المستقبل ايش يخبي لنا اذا بيستمر حالنا على ما هوا عليه

الله لا يحوجنا لهذا النوع من الفيتامينات...


اتمنى منكم مناقشة بناءة وفعالة لهذا الموضوع وان شاء الله نستفيد كلنا من آرائكم النيرة

[حنين]

http://www.alraidiah.com/vb/uploaded/mals3.gif





سعيده بأن اكون اول من ترد على موضوعك



اولا الواسطه صارت اساسيه بكل شي؟ والا انتظر الين ربك يفرجها


اكبر دليل مواعيد المستشفيات



يكون الموعد بعد سنه؟ وهذي فيها حياة ومووت!!!!


اما لو لك شخص تعرفه بالمستشفى يكون موعدك بعد فتره قصيره جدا



وبنفس الوقت اشوف بعض الناس على قد حالهم وماعندهم واسطه لكن ربي موفقهم بكل شي


نيتهم دائما صاافيه


ومافيه لا حقد ولا غل ولا لهم في القيل والقال



كل امورهم تمشي بيسر وما يحتاجون لواسطه حتى في الوظايف



(( الارزاق مقدره ومكتوبه للشخص... مافيه احد بياخذ حق احد))






http://www.alraidiah.com/vb/uploaded/mals4.gif

[أبو رائد]

صحيح .. انتشرت الواسطة كثيرة في جميع الدوائر الحكومية وغيرالحكومية

ومن الصعب جدا التغلب عليها في الوقت الراهن

لأنها صارت تسري بالمجتمع كسريان الدم في الجسم ..


الله يعطيك العافية على موضوعك

[راعي المدينه]

الواسطة موجودة بكل المجتمعات..وتسمى تلطفا " الشفاعه" ..لو حصلت لاي واحد منا ما تردد بقبولها ..والأرزاق مقدرة

[ابتسـ ألم ـامة]

http://www.alraidiah.net/up/ar/alm1.gif


:101: هلا وغلا :101:




الواسطة



أمر لابد منه في مجتمعنا





المهم



حسن استخدامها بالخير لا بالشر




يعطيك العافية


دمتم بحفظ الباري

:101: وعلى الخير بإذن الله نلتقي :101:

http://www.alraidiah.net/up/ar/alm2.gif
كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[teen girl]

(( حـــــــــــنين))

اشكرك جزيل الشكر على استفتاحكلموضوعي بردك المميز

وبالفعل للأسف حتى في المستشفيات صارت تستخدم والمشكلة...ان الناس تتكلم عيني عينك وتقول لك اني حجزت لأن عندي واسطة

الله المستعان

والف شكر لك عزيزتي

[teen girl]

(( أبو رائـــــــــــــد ))

مشكوررررر على تواجدك في الموضوع ومشاركتك الرأي

وان شاء الله يصحى ضمير العالم لما فيه الخير


لك شكري وتقديري

[teen girl]

(( راعـــــي المديـــــــنة ))

اشكرك على تواجدك ومشاكرتنا الرأي

لكن بالنسبو للواسطة = الشفاعة والمعنى واحد.....لكن الشفاعة هنا أو (( الواسطة )) عامة...وعلى حسب استخدامها..ان خير فخير..والواحد بالعكس ما يبغى الا الخير لأخوانه...وان شر فشر والله يبعدنا عن الشر ان شاء الله....ودا الظاهر من الواسطة...يستخدموها غالبا طبقة معينة من الناس

وعلى قولة اختي حنين...الناس المساكين الفقرا...ضاع الأمل عندهم بوجود الواسطات وتلقاهم مساكين يوقفو كل يوم عن قطاعات التبرع والأماكن الخيرية ينتظرو الدوووووووووووور الين يوصلهم

ما اعترضت على ان الأرزاق بيد الله...لكن الإنسان برضه مخير في حياته وفي أشياء يتحكم فيها الانسان بتصرفه والا ماكانا محاسبين على تصرفاتنا..

وعن نفسي ان جاني موقف يستدعي الواسطة....ماراح اقبل بقوة وان شاء الله ما أضطر في حياتي اني اقبل وحقيقة اني حصل لي موقف ورفضت الواسطة ..

ونهاية اشكر لك رأيك ولك كل الحرية الكاملة في رأيك الخاص

واختلاف الرأي لا يفسد للود قضية

[teen girl]

((ابتســـــ ألم ــــامة))


هلا وغلا فيك وبمرورك لموضوعي المتواضع

أوافقك الرأي ان الواسطة امر لابد له....لكن امر لا بد له من الانقراض في مجتمعنا....لأن للأسف مجتمعنا صار يتكل عليه في كل الأمور....يعني طالما ان عندك واسطة حتستمر في حياتك بشكل مريح مهما كانت الأسباب...واذا ماكان عندك واسطة....يخلف الله عليك طحت بين الرجلين..

واتنمى انها تستخدم في الخير وليس لأغراض شخصية بحتة

اشكرك جزييييييييييييل الشكر على مرورك الجميل ولك تحياتي وتقديري

[فتى الرائدية]

بصرااااااااحــــــه..الحيين ماتمشي إلا بالواســــــطـــه

[teen girl]

(( فتــــــــــى الرائــــــــــــــدية))

اشكرك على مرورك وصراحتك...لأنه هذا بالفعل اللي حاصل ان الحين...ماتمشي للأسف الا بالواسطة..

يعني يامساكين يافقراء واللي ماعندكم واسطات...(( لنا الله))

وأشكرك على مرورك

[Al_bach]

thanksssssssssssssssssssssssss

good efort

[أبو الوليد]

.


http://www.alraidiah.org/up/up/22951235720081217.gif




الواسطة .. . .. . << كما قيل " فوق القانون " ..!





لكنـ .. .. إن كانت في الخير فهي جميلة




أما في غير ذلك فهي مضرة .. خاصّة أن الكثير من الحقوق تهضم بسبب الواسطة ..




سلمت على الموضوع





::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

إذا كان الأمس ضاع فبين يديك اليوم ...!
وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعود ..!
ولا تأسف على اليوم فهو راحل ..!
واحلم بشمس مضيئة في غد جميل ..*

[teen girl]

((AL_bach))


مشكور على مرورك واضافتك كلمة شكر

تحياتي

[teen girl]

(( أبـــو الولــــــــــيد))

وعليكم السلام ورحمة الله وبركاته

اشكرك اولا على ابداء الرأي..وزيارتك لموضوعي المتواضع

وثانيا اشكر لك حسن الرأي...واذا كانت الواسطة للخير وسماعدة من يحتاج فهذا المطلوب...ولكن الظاهرة الموجودة عندنا عكس هذا تماما..

ومشكرو مرة ثانية عالمرور


تحياتي