مستشفى الخفجي حدث ولاحرج!!!

[سلامه القباني]

بسم الله الرحمن الرحيم

صراحه مستشفى الخفي العام مادري من وين يجيبون الدكاترة !!
الاسبوع اللي طاف صارت معي هوشه وتنومت بالمستشفى وسوو لي
اربع أشاعات مقطعيه ومافي شي الحمدالله لاكسور ولا شي وقبل مايسون لي
خروج طلب مني دكتور الانف والحنجرة عمل اشاعه مقطعيه جديده .. استغربت من هالشي .؟
وبعد ماطلعت النتيجه قالي في كسر بالفك الايمن فوق !! قال لازم تحويل لمستشفى الملك فهد التخصصي بالدمام
والمشكله ماحس باي شي بفكي الايمن اكل فيه وانام على الجنب الايمن ولا أحس بشي .. المهم .. عند توجهنا الى الدمام
لعمل الفحوصات قالي دكتور مستشى الملك فهد التخصصي بالدمام لايوجد اي كسر والتقرير الذر زردني من الخفجي
يقول في كسرين وليس كسر واحد .؟؟ شي غريب بالفعل .؟ قالي كسر ويكتب بالتقرير كسرين مادري الظاره يبي يطلعني رحله للدمام .؟؟؟؟ تبين بالاخير ان شق بسيط وطفيف بالجيوب الانفيه من الجهه اليسرى من الوجه ولا يحتاج الى كل هذا الاجرات من مستشى الخفجي ولا تحتاج لعلاج ولا مواعيد راح يبرى الجرح بروحه ...؟

هنا السؤال ... من المسؤؤل عن كل هذا .؟


وبالاخير الله يعينا على مستشى الخفجي ..؟؟؟

أحترامي للجميع

[أبو الوليد]

.


http://www.alraidiah.org/up/up/22951235720081217.gif







أهم شيء الحمد لله على سلامتك





والله يصلح الأحوال ...!







::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

إذا كان الأمس ضاع فبين يديك اليوم ...!
وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعود ..!
ولا تأسف على اليوم فهو راحل ..!
واحلم بشمس مضيئة في غد جميل ..*

[طرثوث]

الواجب عليك انك تدعو لهم لاهتمامهم الزائد والاحترازي بك لا ان تشهر بهم بارك الله فيك .

[اتحادي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟تقبل مروري

[عشق الشمال]

الحمد لله على السلامة


الاسبوع اللي طاف صارت معي هوشه وتنومت بالمستشفى وسوو لي


شكلك متسطر :biggrin:


ما تشووووف شر خيوووو ،،

[فـــهـــد 040]

لا حول ولا قوة الا بالله .. ياناس وش صار بها الخفجي .. كلها مشاكل وهوشات ومطاقات وبلاوي ... وكل واحد يشتكي من الثاني ..

أنا نقلت من الخفجي قبل سنتين ماكان بها المصايب هذي .. وبعدين يااخي ترى مستشفى الخفجي تعبان من حينه ... بس مانقول الا

الله يصلح الاحوال .............. تقبل مروري

[مطلق الشمري]

هههههههههههههههههههههههههههههههههه

بصراحة تعجبني صراحتك

قل صارلي حادث سيارة طيب ودخلت المستشفى

ماهو على طول تعترف

والله يكون بعونك

حتى الاشعة المقطعية تشخيصها غلط

هذي لو انها x-ray عادي وش كان حصلوا فيك

تهتك بالدماغ

تحياتي

[برنس الخفجي 14]

حمدالله علة سلامتك ما تشوف شرررررر

[ياليتك عندي]

اللـــــــــــــــــــــــــــــــــــــــــــــــ ه يعينك علي المشاكل ويهديك ربي

[معاشي]

فـــهـــد 040;771950]لا حول ولا قوة الا بالله .. ياناس وش صار بها الخفجي .. كلها مشاكل وهوشات ومطاقات وبلاوي ... وكل واحد يشتكي من الثاني ..

أنا نقلت من الخفجي قبل سنتين ماكان بها المصايب هذي .. تقبل مروري[/frame]


الله يعين المشاكل والمصايب اللي جت الخفجي كلها من اعيال الجهراء والصليبية خربوا الخفجي صارت كل يوم هوشه هذا مطعون وهذا طاعن الله يكفينا شرهم .

[اديبكو]

الله يعينك على اللي فيك شكلك تعاني من العصابات ... خل العربجه عشان ماتروح للمستشفى ...بعدين تشتكي المستشفى ولا تعودها عشان المره الثانيه ماتروح خارج المملكه ؟؟؟؟؟؟؟؟؟؟؟؟؟؟؟؟؟؟؟:101::101::101:

[الحــر]

لا حول ولا قوة الا بالله
والله يعنه ..
تقبل مروري

[~ افوق الوصف ~]

الحمد لله على السلامه وماشوف فيه مشكله بموضوعك زيادة اهتمام ومن صالحك

[طفشااانه]

كاااااااااااااافي ذم بهالمستشفى

[سلامه القباني]

والله انا يوم نزلت الموضوع مو شرط اني تسطرت ولا لا .؟
وماقلت الناس دبغوني .؟ ضربه تراها والرجال فيها ضارب ومضروب
واللي تقول خل العربجه عنك العربجه بعيده عنا وانا ماحطيت الموضوع الى
علشان المستشفى مو علشان اكلمكم واقوللكم اني تهاوشت .؟
واتحاء اي شخص منكم مانطق ياللي تكلمون عن الهواش .؟

مشكوورين على الردود الطيبه

[بو حمد]

لا حول ولا قوة الا بالله .. ياناس وش صار بها الخفجي .. كلها مشاكل وهوشات ومطاقات وبلاوي ... وكل واحد يشتكي من الثاني ..

أنا نقلت من الخفجي قبل سنتين ماكان بها المصايب هذي .. وبعدين يااخي ترى مستشفى الخفجي تعبان من حينه ... بس مانقول الا

الله يصلح الاحوال .............. تقبل مروري

وشششششششش دراك ان مستشفى الخفجي تعبان وانت منقول لك سنتين عن الديرة !!!!!!!!!! بس مانقول إلا مثل ماقلت الله يصلح الأحوال

[ابو ريماس]

سلامه القباني الهوشه وين وكم عمرك عشان تقيم المستشفي

[الحايره26]

اخ سلامه على العموم حمد الله على سلامتك بعد جزات الدكتور انه يبي يعطيك راحه منالعمل بس بي مشوار الى الدمام

الله يعطيك العافيه والله فيه منهم الي عليه القيمه من ها الدكاتره وفيه منهم الي الله يعين عليهم
نتمنا التوفيق للجميع


وماتشوف شر

[<الأثري>]

الحمد لله وبعد
أخي سلامة أولاً سلامة ثم بعد ذلك مع السلامة
أحمد الله على أنه اهتم بموضوعك وحولك فهذه أمانة هو مؤتمن عليها واقول هذا من مهارة هذا الطبيب والأمر الأفضل الذي كان واجب عليك ان تشكر هذا الطبيب يا اخوان المسألة ليست كما يظن المريض المسألة هي بيد الطبيب أنت قد لا تشعر ولكن هو يرى ما لا تراه انت ويشك فيما لا تراه انت
لا حول ولا قوة إلا بالله

[صريح 1000]

الحين الرجال يشكى ظرفه ويقول على الكسور الي في وجه وان الدكتور معذبه للدمام واخرته يكون الموضوع بسيط وانتم مسكتو قصه

متهاوش مظروب صحيح اللبيب للبيب وتركتو شكواة

الله يكون في عونك (سلامه )وحمدالله على الاسلامه

[غـــــــردونــه]

الحمد لله على سلامتك وماتشوف شر

[طرثوث]

ما تسوى عليك يا سلامه

[إنسان بسيط]

واضح الاهتمام الزائد ياطرررررررررررررررررررررررثثثثثثثثثثثثثثثثثثثثثثثث ثثثثثثوووووووووووووووووثثثثثثثثثث

الولد صاحب مشاكل وداخل هوشة ومنوم


بس ما قال لنا ليه يهاوش الله يهديه إذا ما هو قدهههههههههههههههها


لا تدخل معركة خاسرة

زين ما شخبطوا وجهك

[طرثوث]

يا سلامه يا حبيبي اركد اركد لا تطيح لك بولد عجوز ما يفتهم ولا يتفاهم وتندبغ مثل بناخيك طرثوث افندي يوم تليخ .

[دايم الزين]

اخوي هذا شي مو غريب على مستشفى الخفجي من يومهم وهم قصابين

[عزيزة نفس]

سلامتك اخوي ماتشوف شر


وشي عااااادي ان مستشفى الخفجي


بهالسوووء..


الله لايجعلنا نحتاجله يااارب ..

[ابو الزير]

حمدلله على السلامه
والخفجي الله يعين بس
الشوارع يبيلها دكاتره مو الاوادم

[إنسان بسيط]

يا كثر كلامكم اللي لا يودي ولا يجيب


ما اكثر تراديده

[المنصف]

لعد تهاوش مره ثانيه .

[خالد الديحاني]

أخي العزيز كاتب المقال

الاخطاء الطبيه تحدث في اكبر المستشفيات بالعالم وهذا صرح طبي يخدم اهل المنطقه يجب تشجيع العاملين فيه ومحاولة تحسين مستوى الخدمات الطبيه فيه بتقديم اقتراحات للاداره ومساعدتهم لتلافي الاخطاء فالمسئوليه كبيره وبمساعده اهالي المنطقة للادراه الطبيه بالاشاره الى هذه الاخطاء سوف يتم الوصول للهدف المنشود من هذا الصرح الطبي .

تقبل تحياتي ،،،،،

[سليمان الفليج]

أخي العزيز كاتب المقال

الاخطاء الطبيه تحدث في اكبر المستشفيات بالعالم وهذا صرح طبي يخدم اهل المنطقه يجب تشجيع العاملين فيه ومحاولة تحسين مستوى الخدمات الطبيه فيه بتقديم اقتراحات للاداره ومساعدتهم لتلافي الاخطاء فالمسئوليه كبيره وبمساعده اهالي المنطقة للادراه الطبيه بالاشاره الى هذه الاخطاء سوف يتم الوصول للهدف المنشود من هذا الصرح الطبي .

تقبل تحياتي ،،،،،



يسلام عليك شوفوا الردود وتعلموا ياللي فوق ناس تحب تشمت فقط

الحمد لله على سلامتك ياسلامة ماتشوف شر وانا ردي نفس ماتطرقه الاخ خالد الديحاني

[حمزه مصطفى]

ياناس وش فيكم على المستشفى كل ابن أدم خطاء الكامل وجه الله المستشفيات تسوي الي تقدر عليه والباقي على رب العالمين تبذل السبب والحمدلله بالمنطقه مستشفى عام قولوا الحمدلله قال تعالى (وان شكرتم لأزيدنكم) واذا حصل خطاء راجع اداره المستشفى بلاشي تشهير وكلام لا له اول ولا اخر بعدين في الأونه الاخيره صار التشهير شي عادي كل حرف كل كلمه محاسب الأنسان عليها .....