(( الموضة الجديدة في مدارس الخفجي ))

[عاشق الرائدية]

بسم الله الرحمن الرحيم
أعضاء الرائدية الكرام .................................................. ....................... السلام عليكم ورحمة الله وبركاته
لدي موضوع أريد رأيكم فيه وهو موضوع (( الموضة الجديدة في مدارس الخفجي ))
وخاصة في مدارس البنات وهي موضة ((حفل التخرج)) والمبالغ التي تطلب من الطالبات لكي تقوم إدارة المدرسة بعمل حفل يليق بالمدرسة لكن على حساب الطالبات والمبلغ المطلوب مابين 100 ريال إلى 200 ريال يعني إذا بالمدرسة 400 طالبة ضرب 200 ريال وعليكم الحساب والله لااعلم أين تذهب هذه المبالغ

المشكلة ليست هنا المشكلة إن عندي بنت بالروضة الحكومية الثانية في حي العفنان (( الريان )) طالبين منها 200 ريال لعمل حفل تخرج لها وللأطفال لأنهم تخرجوا من الروضة إلى التمهيدي وعدد الطلاب فيها حوالي 60 طالب وطالبة تقريباً 60 ضرب 200 ريال ؟؟؟؟؟؟؟؟؟؟؟؟؟؟ إنا عندي سؤال واحد لمديرة الروضة الثانية احترت فيه كثيراً السؤال هو ((((( كيف يكون حفل تخرج وأطفال الروضة موجودين في الروضة السنة القادمة )))))) ؟؟؟؟؟؟؟؟؟؟؟؟
السؤال الثاني لمندوبية الخفجي والمشرفات التربويات : هل تعلمون بهذه المهزلة ؟

[إنسان بسيط]

هداهم الله فكثير من الأسر لا تستطيع تأمين هذا المبلغ ، وما فائدة مثل هذه الاحتفالات ، ثم ما هذا الحفل الذي يتكلف فيه الطفل 200 ريال وهو في الروضة .
اتقين الله في أسر هؤلاء الأطفال ...

لا حياة لمن تنادووووووووووووووووووووووون

[شرعي وجاء الموت]

وقووووولك يا خوي بعد مدرسة ثانوية الخفجي من كل واحد 100 ريال والله علم من القبل:biggrin:



واذا ما صدقتوني اسألوووووووووووو

خالد الثقفي:cool:


والله اعلم هناااا ندرس ولا هم يشتغلووون عندناااا

[سمح المحيا]

بالاول فرحه التخرج هي فرحه لكل طالب وطالبه ويحق لهم انهم يفرحون بتخرجهم


بس مساله 200 والله لو انها بتجيب ام طلال وفرقتها عشان حفل التخرج


مبلغ مبالغ فيه كثيببببببببببببببببببببر


بس هل المبلغ المذكور ضروري تدفعه الطالبه؟؟

واذا ما دفعته شنو القرار اللي بصدر بحقها؟؟


غير انهم يحرمونها من المشاركه؟؟؟


يعطيج العافيه يا النار البارده

[راعي المدينه]

الحريم من طبيعتهن يحبن " الفشخره"..ولسان حالهن يقول :" والله مايصير حفل الأولى احسن من الرابعه.. "لازم نحط ..ونحط..وعلى حساب من ؟ الطالبات ..مايدرن ان العالم مازال يعيش ازمه اقتصاديه !! لكن صدق من قال :" المرأة والطفل الصغير يحسبان الرجل على كل شيء قدير"..
على كل حال هذا العمل تجاوزا على النظام ..وما يطبق بالثانويه الرابعه ...يطبق بالمدارس الأخرى ..لأنها هي القدوة ..ولا ادري مالسبب ؟مع انها مخالفة.

[شاطىء الخفجي]

لاتــعليق عالموضــوع لاننا دفعنا وخلصنا ومايفيد الكلام ، بس بـرد على اســئلة سمح المحيا ..
طبعا" أنا اتــكلم عن المرحــله الثانويــه

بالاول فرحه التخرج هي فرحه لكل طالب وطالبه ويحق لهم انهم يفرحون بتخرجهم


بس مساله 200 والله لو انها بتجيب ام طلال وفرقتها عشان حفل التخرج


مبلغ مبالغ فيه كثيببببببببببببببببببببر


بس هل المبلغ المذكور ضروري تدفعه الطالبه؟؟
مــوضروري للي تــقدر بس إذا بتدفــعه لمصلحتها ..

واذا ما دفعته شنو القرار اللي بصدر بحقها؟؟ غير انهم يحرمونها من المشاركه؟؟؟
حنا دفعنا فــلوس عشآن عبايات التخــرج وقالوا بآقي الفلوس راح نرتب فيها الحــفل ، القــرار ان الطالــبه الي ماتدفــع ماتلبس عبايــة تخــرج !! << وفـعلا" كــثير طالبات جو للحــفل مو لابسين عبايـة التخــرج وبعــض الطالبات ماحضــروا الحــفل لأنهم مالبسـوا العبايه والســبب ان اهلهــم مو راضــيين يدفعون!!

يعطيج العافيه يا النار البارده

[أزف الرحيل]

: هل تعلمون بهذالسؤال الثاني لمندوبية الخفجي والمشرفات التربويات ه المهزلة ؟

اجابة سؤالك المشرفات التربويات أول الحاضرين ومتأكده من كلامي بذات حفل تخرج المتوسطه والثانويه

رب العالمين لو كتب لها واخذت الجامعه بيكون حفل التخرج


ماله طعم ولا ملح من كثر الحفلات اللي كل سنه


حفل التخرج الحقيقي........يكفي حفل شهادة البكالريوس... ماجستير....دكتواره



ماله داعي كل وحده تنط من سنه الى سنه حفله تخرج


اجل لو اخذت ماجستير والا دكتواره وش بيسون لها مؤتمر عـــالمي


الله يوفق الجميع .....ويسهل اموركم

[صدق الاحساس]

وقووووولك يا خوي بعد مدرسة ثانوية الخفجي من كل واحد 100 ريال والله علم من القبل:biggrin:



واذا ما صدقتوني اسألوووووووووووو

خالد الثقفي:cool:


والله اعلم هناااا ندرس ولا هم يشتغلووون عندناااا

ياهووو هذا الموضوع خاااص بمدارس البنات


وانا متاكد ان الشي هذاا من صالحكم

بس انتم ياطلاااب المدارس ماتبوون الشي الزين

[عاشق الرائدية]

شكراً لمروركم اخواني اعضاء الرائدية الكرام

[هادي المسردي]

حفل التخرج هو قفزه حضارية تشجيعية للطلاب .........
وهو مشجع وللفرح والاحتفال بنهاية السنة والتخرج للمراحل التعليمية ...
ومبلغ 100 ريال هو مبلغ زهيد مقابل الجهد المبذول والتعب الذي يقوم به المشرفين وذلك لتتويج جهد الطالب والمدرس والمدرسة بشكل عام في نهاية العام ...
اما بالنسبة للروضه فان مبلغ 200 ريال لايعتبر شي مقابل فرحة طفلك
فقد قمت بدفع رسوم دراسة تتجاوز 5000 ريال للسنة فما هي 200 ريال عندها ..
ياخي هذه امور يجب النظر اليه من جميع الزوايا وليس من زاوية واحدة فقط
بالعربي هذا عرس تعليمي خاص يزف به الطالب او الطالبة للسنة القادمه
فما هي الا ... مائة ريال او مائتين ريال لاتستحق هذا الاعتراض
بل تستحق الشكر للقائمين على هذا العرس ويجب ايضا تكريمهم
وذلك لتفرغهم واجتهادهم وحرصهم على هذا الحفل واخراجه بصورة جميله
تجعل الطالب او الطالبة يشعر باجتهاده وتعبه في اخر العام الدراسي
لله در من يقوم على هذا العمل من منسوبي التعليم بالخفجي ...
هذا رايي الشخصي بالامر ولكل شخص رايه ...

[حمود المالكي]

السلام عليكم ورحمة الله وبركاته,,,اولا وش المهزلــه هذي الدنيــا فوضــه وثانــي شي 200 ريال على شنوو 200 رياال اناا اقدر اعزم اخويااي كلهم واسوي عزيمه لهم بـ200 ريال بس شوفوو كم في بنت بتدفع 200 ريال والله هذي شي حررام عيني عينكـ واللي يقول لو مايدفعون بينحرمون من المشاركات من قال بينحرمون من المشاركات لا لا ياخوي اذا يتنحرم من المشاركات في وزارة التربية والتعليم الدنيا مو فوضى اذا اي مدرسه نقصت من المشاركات ولا رسبت طالبه اشتكو عليهم في وزاره التربيه والتعليم بالدمام وخلااص والسلام عليكم ورحمة الله وبركاته

[أحمد عجب]

والله أنا أقول هذه المبالغ وين تروح هذه المبالغ؟

[*BaDeR*]

للأسف هذا هو الحال لدي طفله بروضة زينب والحقتها بالروضه قلت تستفيد قبل المدرسة 0
المهم ان الطفله كانت تغيب اسبوع وتدرس يومين (مدلعه البنت ) تحب النووم وفي احدى الايام قالت يابابا انا فارسة الاسبوع وزفيتلها التهاني وقلت ماشاء الله عليك على شنو فارسه قالت انا الشاطره في هذا الاسبوع قلت لها اكد (معطيها على جوها ) بالاخير قالت ابي الهدايا لزميلاتي ومعلماتي وتوجهت ودفعت بسخااااء مايقارب 1000 ريال في ذلك الاسبوع ؟ لماذا لماذا لماذا ؟ صحيح ليس هناك اجبار على تلك الهدايا 0 ولكن كل اب وام يريدون اطفالهم يفرحون ؟ لماذا لا يتم ايقاف مثل هذه العادات والتقاليد اللتي تخوي بجيب الاب !!!!!!!! والاسبوع القادم حفل التخرج ولابد من ارضااء كبريااء طفلتي يعني لابد من رصد مبلغ يكفي مصروف للبيت كامل مدة شهرين ! كان الله في العون مع العلم وللامانه الروضه لاتجبر احد ولكن اطفالنا عندما يرون غيرهم يريدون كذلك ونحن نكون مجبورين اذن 0
***** لماذا ياروضة زينب تطلبون 70 ريال من كل طفله لكي تحصل على شريط التخرج ؟ ؟

[اتحادي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

[برنس الخفجي 14]

200 ريال ليش

مفروض هم اللي يدفعون 200 ريال مو حنا

[بــ الخفجي ـنت]

الله يعطيك الع ـافيه لفتح باب النقاش بالموضوع

بس انا اللي اعرفه ان حفلات التخرج تكون بناء على طلب الطالباات مو المعلماات

والمبالغ اللي تاخذ من كل طالبة زي ما تقولون انتوا 200 ريال

احسبوا معي وشوفوا وين تروح

1- روب التخرج واللي يكون فيه شراء قماش وتفصيله

واسألوا انتوا عاد عن اعار الاقمشه والتفصيل

2- الضيافه حقت الحفل لان البنات يطلبوون حضور امهاتهم

3- البوفيه كمان وكيكه التخرج واللي لازم تكفي لكل البناات

4- تنسيق المكاان

تتوقعوون في شي بيبقى من المبلغ ..؟؟؟؟؟

ان بعض الضن اثم

بــ الخفجي ـنت

[ياليتك عندي]

والله أنا مع أخوي وأستاذي هادي المسردي طبعا بدون فشخره ودي كذا بنتي او ولدي فيما بعد يشوفون تخرجهم وهم صغار عشان تصير ذكري بالنسبه لهم واتمني كل التوفيق للاطفال الروضه

[كـــــش مـــلـك]

لحظه لحظه:eek:

يكـــــــــــــــون بعلم الجميع ممنــــــــــــــــ:mad:ــــــوع تكلفة الطالبة بأي شي في حفل التخرج

لان صدر تعميم لمدارس البنات بالشي وهذا الخبر من مصدر موثوق.


وشكراً......تقبل مروري.

[HamoOoOoDi_2008]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين أما بعد :

تحياتي لك يالنار الباردة ع موضوعك الخطير مرة ولازم اقرب حل ممكن للمشكلة

اذا زي ماقلت يالنار الباردة ع الارقام

اذا ضربنا 200 في 400 = 80000 :eek:

واذا ضربنا 60 في 200 = 12000 :eek:

يعني يامساكين ياطلاب انتم مصدر الزرف انتم مافكرتوا فيها اول قبل لا تدفعون

خلاص اذا فات الفوت ماينفع الصوت
يااخوان الـ 80 الف هذي يمكن تروح الى رواتب المعلمات او العاملين فيها

والله انه صدمة بقووووة وهذا وحنا في دولتنا المملكة العربية السعودية الله يعزها

يعني تخيلوا لو انها راحت ع الفقراء والمساكين اللي مايلقون اكل ليومهم مو احسن

الله المستعان ,,, وانتبهوا يااخوان,,,

واسف اذا زعلت احد بردي

تحياتي لكمـــــ

حمـووودي ,,,

[أهم 001]

أقووول والله أنهم طايحين فـينا زرف ... الظاهر أنهم فتحوا شركات بفلوس الطلاب ..

...هههههآآآآي..!

[أبو ماهر]

الله يعين بس يارجال

[@الود@]

والله اني اعرف روضه تبي تودي الاطفال للارنب الجائع
طلبوا من الاهالي 15ريال للرحله مع العلم ان الوجبه 10
ولما ناقشوا المديره قالت خلاص 10
والحين بتطلب من الاهالي 100 رسوم ((دخول الحفل الختامي)).
مع العلم ان الاطفال يدفعون شهري لهم المفروض على حساب الروضه.
حسبي الله ونعم الوكييييييييييييييييييييل

[الود طبعي]

السالفه كلها حراميه بحراميه
بحكم خبرتي السابقه
اذا كانت الروضه حكوميه يطلبون 20 ريال للحفل
اما اذا كانت اهليه مايدفعون ولا فلس
اما بالنسبه لسيدي التخرج بـ 30 ريال
اذا كان مبالغ فيه يعني وش يبغاله شغل كله تصوير زولعب ببرنامج الفيديو ميكر بخمس دقايق السويه
وماهو الازامي اللي يبي يدفع
اما الرحلات اهليه وحكوميه غالبا بـ10 ريال وعلى حسب نوع الرحله اذا كانت لحديقه يكون مجاني
تدرون ليه عندكم بالخفجي الاسعار غير خارج الخفجي
يقلون اهاليهم موظفين شركه ماراح ياثر فيهم
بعدين فيه ناس معطينهم وجه بزياده
يعني لو بكرا بقول لكم في عائله بالخفجي مو لاقيه تاكل وابي قطيه من خمسه ريال والله ان نصهم مايدفع
بس يدفعون حق ((التجيكر والفشخره))

[حنتوش المحدود]

والله حااااله

اجل تدرون يامدارس

طلابكم بس خلوهم في داخل الصف ودروس الى الساعة 1 ظهرا

ومع الباب اخر الدوام زين فاهمين ،،،

واذا بغيتم انشطه او حفل تخرج ادفع يامدير المدرسه من جيبك انت والمعلمين يعني ( قطه )

والله ناس غريبه ،،

ياخوي تبي عيالك يستانسون ادفع بالقدر المعقول واذا مااقتنعت اتصل وناقشهم

بعدين ندائي الى المدارس

- التوسط في الطلب اولياء امور الطلاب ترى الدنيا غلا

نعوذ بالله من الغلا ،،،

- ونقول لاتضغطون على الطلاب والطالبات الي مايقدرون

والمثل وانا اخوك يقول : ( مد رجلك على قد لحافك )

وهذا زبده الكلام والسلام

[شذى العبير]

المتوسطه الثانيه بمحافضه الخفجي سوف تعمل حفل تخرج في المنتزه النسائي

:d

اقول ورى ماتوقفون بناتكم عن الدراسه موب ابرك

:d

[BoxeR]

, والله مشكله يعاني منها اصحاب الدخل المحدود .. الله يكون بعونهم ..
لكن .. اذا كان هذا تحت عيون المشرفات التربويات
والمديرات والمسؤولات .... وهذا ما يفعلنه من تجاوزات . اذا كيف يطالبنا بعض الكتاب
في هذا العصر باعطاء المرأه فرصه لتولي المناصب ؟؟!!؟؟!!؟؟!!
كيف وهذه حدود تفكيرها .. الغيره من غيرها والتفاخر بالمظاهر والمديح .. كل معلمه تحاول ان
تكون افضل من الاخرى .. بالاحتفال بطالباتها وصفوفها وليس بتفوق طالباتها وحسن التعامل وان تجعل نفسها قدوه حسنه لهن ..... وكله على حساب اولياء الامور .ّّّّّ
اذا سنتمنى ان لا يتطور دور المرأه الى اكثر من هذا ... والمشكله ان المرأه عندنا تدعي انها
ستطور البلد ... كيف لا اعلم ... فلن تكون ابدا ابدا كالتي هي تغير منها .. (( الغربيه ))
لان الغربيه تحب العمل وتحب الابداع الاداري لانها تبحث عن الطموح .. (( مع ان سلبياتها الاجتماعيه سيئه ومتدنيه والعياذ بالله )) ..
لكن لن يرقى مفهوم الحس الوطني والحس الثقافي الذي ينشط العمل الجاد والعمل السليم
في عقول نسائنا الا اذا تركن التفكير في المظاهر (( الفشخرانيه )) ..

[AmOooOla]

السلام عليكم ورحمة الله وبركاته

الحفل التخرج والفرحه لحظة ماراح ننساها كل نهاية سنة تتذكر حفل تخرجك وفرحة النجاح اهم شي الهدايااااااا ياليت كل سنة اتخرج عشان الهدايا ....
اما بنسبة للدفع ان اشوف المبلغ كثيرررمرره فية ناس ماتقدرتدفع زي المبلغ هذي 100 و200 هذا عند بعض الناس مصروف حق شهر ,,, اعراف طالبات حتي الفسحة ماعندهم تاخذها من الاداره المدرسة حراام هذي من وين راح تدفع ,,, اوكية نسوي حفل بس بسيط جدا يدفع مبلغ بسيط جدا,,
وفيه شغله ثانية من بعض الناس اي المعلمات يقول لما نطلب ريالين او سته عشان شي يشترونها يخص المنهج اي لهم هم مو للمعلمات علي طول الاهل يشتكون مع العلما المعلمة توفر من حسابه الخاص مبلغ للطالبات المحتاجات من دون احد يدري ..,,, انا بصراحه استغرب من اهل يدفع 200 ريال عشان حفل ريالين يسوي سالفه عشانها,,,
اما بنسبة للروضة حرررررررام 200 ريال وهذي روضة حكوميه ترا كلهم اطفال واذا علي روب التخرج ترا مايكلف شي العامة روضة اطفال الخفجي بس دفعنا 20 ريال لي روب التخرج وطبعا المديره ماشالله عليها ماقصرت هدية الطفل كانت روعه وبعد شهادة التخرج روعه ... طبعا الروضة مسويه ديكورات وتقديم الحلي روعه ,,,هذي اليكورات مو علي حساب الطفل كله علي حساب الروضة الطفل بس يدفع 20 ريال فقط .... بصراحه فرق بين 20 و200 ريال ....

اسفة طولت بس هذا وقت الموضوع ويكثر السوالف اهل الخفجي عن التخرج من الروضة ومتوسط وثانوي
مااقول الله يعين اهل البنات علي الدفع...