..//.. مسلسل اسوار .. مادام تكرهني .. ما خلقت الشكوى .. لا واعذابي .. رميت حبي ..//..

[عبدالعزيزالوادي]

بسم الله الرحمن الرحيم


..

السلام عليكم ورحمة الله وبركاته


..







مسلسل اسوار .. هذا المسلسل

الذي اشغل العالم

والمجتمع .. بوقتنا الحالي ..

هدفه تشويه المجتمع السعودي واعطاء .. فكره خاطئه ..


عن الشعب السعودي
ولكن هيهات لك ..

فالمجتمع السعودي ليس .. بهذه الصوره البشعه
وليس بهذا التدني الاخلاقي ..

بنات المجتمع السعودي ليس كما اظهرتموهن ..

لسن بهذا التدني ..

اتقوا الله فيما تقدمون
..

الممثلين والممثلات اغلبهم ..

ليسوا من الجنسيه السعوديه ..

الذي استغربه .. ان كاتب المسلسل

سعودي الجنسيه ..




//




لكن يا وطن ..


//



فوق هام السحب .. والراس مرفوع ..
يا اسوار يكفي كذب .. يكفيك تشوويه ..
//
المملكه دار الحرم .. ما بها خضووع ..
دار السعود .. اللي حموا كل نواحيه ..
//
امن وامان .. وما سكن قلبنا روع ..
عز وشرف .. تخسى شواربك يا هيه ..
//
بناتنا حنا لهن .. حصن ودروع ..
ثوب الطهاره .. منهن صعب ترميه ..
//
عقول مغسوله ..وتمشي بلا سنوع ..
حنا نسنعها .. نعدل مماشيـــه ..
//
لا يا وطن .. لو يخذلونك لك جموع ..
حضر وبدو .. والدين بالروح نفديه ..
//
لا اسوار لا غيره .. ولو حبوا الكوع ..
يبقى شموخك يا وطن .. نفتخر فيه ..
//
اغراب جونا .. واشبعوا نسيوا الجوع ..
واللي فسق منهم .. تكاشف بلاويه ..
//
المجتمع راقي .. ولو فيه كم نوع ..
حثالة وتكشف .. بعضها بتعريه ..
//
الدار هذي ماهي .. اوراق مشروع ..
الدين مبداها .. على شرع داعيه ..
//
محمد المبعوث .. والعلم متبوع ..
يا اللي كرهت الدار .. والشر تخفيه ..
//
هذا جزا .. هالدار تنباع بالطوع ..
حسبي على مثلك .. وكثرة تجنيه ..
//
ممنوع يا جربوع .. تحكي وممنوع ..
تفتح فمك .. يكفيك زيف<ن> تلاويه ..
//
يا دار لو باعوك .. حنا لك دروع ..
حضر وبدو .. والدين بالروح نفديه ..


..

..

//

..

..




قصيده .. لا تحتاج مقدمات .. نهائيا ..

الى من يكرهني .. فأنا لا اكرهك ..


لأنك لا تكرهني ..


:

ولكن

:









ما دام تكرهني .. فأنا حيـل معجبـك
لأنك على دربي .. تسـوق الخطـاوي


لي مذهبي والا انت .. لك شان مذهبك
فرق الهدد ما بيـن .. رخـم ونـداوي


زرع(ن) زرعته .. لا تهابه ويرهبـك
ارفع جبينك .. وانطح الوقـت عـاوي


لا تبدي اسرارك .. لو الوقـت عذبـك
لا تشتكي وان شفت .. ضيم وبـلاوي

المشكلـه لا جـاك .. ديـان يطلبـك
دين الجروح اللي .. تبي مـن يـداوي

والمشكله لا جاك .. لغـز(ن) مجنبـك
حلـه ورمعاتـك .. بعيـده سمـاوي

والمشكله لا خان .. بالعسر صاحبـك
وخلاك مطروح(ن) .. على الغدر ناوي

والمشكله لا صرت .. تضحك ويندبـك
اخلاج صدر من .. المعاليـق خـاوي

والا المصيبه واحد(ن) .. دوم يشذبـك
يفرح على ضيقك .. على الظلم قـاوي

لا صرت ما تروي .. عروقك بمشربك
وش ترتجي والصوت .. بالجال داوي

لا صار ما يدحم .. على العز منكبـك
لا تشره ان طالك .. من الهـم طـاوي

ولا صار ما تدسَم .. يمينـك لشاربـك
احلق شنبك .. وعـزك اليـوم ثـاوي


يا حلو حلم الليل .. يا ليل ما اغربـك
تبقى على حلمك .. لو النجـم هـاوي








:



الشكوى لغير الله مذله ..


:


لذا يا حبيبي ..



:




ما خلقت الشكوى .. لمثلي وانا حي

ولا خلقت يا راسي .. على شان تنهان

//


يحرم على الغدر .. ما اخون يا ايدي

ويحرم علي اقفي .. وانا جيت ضميان

//


آرد وآورد سابقي .. صافي المي

طبع بدوي والاصل .. من صلب ويلان

//


ما جيت ادور بالشعر .. فاتن(ن) غي

ولا جيت اهز الشعر .. واطيح خسران

//


يا ضيق يا مجنون .. شف داخلي كي

وشف داخلي جرح(ن) .. من العام ما بان

//


أعشق هجير الشمس .. لاجل اخلق الفي

واكره عذر من قال .. ذي زلة السان

//


يا صبي عيني .. ريح شوي يا صبي

وش فيك متعبني .. لك اسبوع سهران

//


شاعرك ذيب .. وراسه اعيا من العي

من ربع ابن كلثوم .. والصدر ديوان

//


اشرب بحر هايج .. ولا يجيني الري

شاعر طغا .. وآرد على العز سكران

//


ما احب انا الغيبه .. ولا اكل لحم ني

شامخ شموخ طويق .. والفعل برهان

//


اكتم حزن صدري .. ولو ينطوي طي

جسم(ن) كلاه الهم .. يشكي بكتمان

//


لا صرت ابشكي .. بأشكي لخالق الضي

والا انت مخلوق(ن) .. وسط بحر غرقان



:


للتخفيف ..



من نوعيه القصائد





الصد والهجر .. بلا سبب



يجعل لتشكيك العواذل مداخيل ..



لا اعلم لما حصل ما حصل ..



لا اعلم لا املك الجواب ..





الشيء الذي اعلمه ..


انني بغيابك .. اعيش بعذاب ..


:

:

:





لا واعذابي كانك .. اقفيت ما جيت

ولا عذابي ان طال .. هجره وصالك
//
شفني هجرت الناس .. من يوم صديت
ما غير يم عمك .. مسير وخــالك
//
عذري اتقهوى .. ما دروا ليه مريت
يمكن يجي طاريك .. واعرف حالك
//
يا طيبك اول .. ليه يومك ترديت
وش غيرك .. معقول ما اطري ببالك
//
تعبت انا اصبر .. ما بقا صبر مليت
تعبت اسامر .. شي اسمه خيـالك
//
تعبت اداري .. دمعتي كل ما امسيت
تعبت انا امشي .. درب كله مهالك
//
وش جاك مني .. ما اخبر شي سويت
غير العطا .. اللي طاع حضرة جمالك
//
رحتي وانا.. لضلوعي العوج ضميت
لا ما بقا بي قلب .. يا شين فالك
//
يكفي تراني .. واطي الجمر حنيت
حنت خلوج نياق .. تشكي عقالك
//
عز الله اني .. لضيق صدري تعليت
رجم الحزن .. يا ليل هب بشمالك
//
ابكي وانا خيال .. ما يوم جضيت
اشكي وانا ادري .. خاسر(ن) من شكالك
//
اسهرك يا ليلي .. من الصبح ذليت
شاعر وفـا .. والخـل رده وفـالك
//
لا واحسافة .. ونتي يوم ونيت
ولا واخسارة .. قلبي اللي صفالك
//
ظنيت به خير(ن) .. ولكني اخطيت
آسف يا ظني .. والعذر كبر جالك






:

وربي .. انا مخنوووق





اتيت لك .. اريد منك المتنفس

..
لكن لم اجد .. متنفسي
..
اتيت بصدق احساس
..
انت .. صادق معي لا انكر ذلك
..
لكن .. اريد منك التضحيه فقط

..


والا مات حبنا بمهده ..

..
فـ .. أنا .. رميت بثقل حبي
اليك ..





رميت .. حبي ..




//





رميت حبي .. وسط حظنه ولكن ..

للحين حبي .. يشتكي برد وآهات ..
//
يا بنت وضلوعي .. من الشوق حاكن ..
اصدق صدر .. مليان حزن ومعانات ..
//
ماني من اللي .. يقبل الذل ساكن ..
عرقي شمال .. اعطيك ما اقولك هات ..
//
يحب قلبي .. جرح بالجوف ماكن ..
لا غبت يلعب به .. ويذيه بسكات ..
//
همت بغرامه .. واسود الليل داكن ..
ضعت وزعجت الصوت .. باحزان الابيات ..
//
لومي على خلي .. بناره رماكن ..
يا ضلوع صدري .. واقرب الناس شمَات ..
//
يهزني واطيح .. ظامي تماكن ..
باقي غلاك .. اللي مع الروح مامات ..
//
هاك الدوا .. وانت الدوا ليه راكن ..
حب ٍ يلوَح لك .. له شهور ما بات ..
//
كنيت يوم انه .. بصده لواكن ..
يا ايديني اللي .. صيدكن كل جزلات ..
//
ذابت عروقي .. يا ترى من كواكن ..
من مخطره منهو .. وانا اجر ونات ..
//
اشكي على منهو .. وحزني حواكن ..

يا ضلوع صدرٍ .. يردف الويل حسرات ..






:

:
:
:
:

:


محبكم ..



:

:

:


عبدالعزيز الوادي ..:101:

[فرحان الفدعاني]

عبد العزيز الوادي




لاهنت ياالبناخي



على هذا الدرر التي نثرتها هناا



صح لسااانك ملاااااااايين




نصوص تفوق الوصف بروعتهاا



شاعر جزل ومتمكن ياعبد العزيز



دمت ودام هذا الابداع والتميز



لك الود والتقدير

[أبو عبدالله الغريبي]

صح لسانك أخوي عبدالعزيز قصائد تكتب بماء الذهب

تقبل مروري .......

[ღღ هَوآإجسِسً عًشَّقْ ღღ‏]

صح لسـآإنك .. تعلآإ شـآنك ..

وش آقوول وش آخلي .. وربي

إبدآإآع .. تسلم يمينكَ .. من جدَ

شـآإعر مبدَع .. آلله يعطيك آلف

عـآفيه .. آبيـآإت قمَه .. تقبل

مروري آلخجَول امـآم إبدآع حرفك ..}~

[~أصداف~]

.
.

وعليكم السلام ورحمة الله وبركاته


لا واعذابي كانك .. اقفيت ما جيت
ولا عذابي ان طال .. هجره وصالك


مصافحة بآذخه جداً ..
كالغيث رووووعة ..


صح لسآنك ..
ولا عدمنا روعة حرووووفك ..


لك تقديري ..~

.
.

[mύβαřαķ αlsαhli]

صح لسانكـآ..؟!

تقبل مروراتي..؟!

[عبدالعزيزالوادي]

فرحان الفدعاني .. // .. صح بدنك يالغالي .. ولاهنت على طيب كلامك ..

شاكر لك مرورك .. وتنويرك صفحتي ..

..

ابو عبدالله الغريبي .. // .. صح بدنك ولاهنت .. شاكر ومقدر لك مرورك

الذي اسعدتني به ..

..

هواجيس عشق .. // .. الابداع هو مرورك .. واضافة تعليقك .. لا هنتي

اختي على كلامك الطيب .. شاكر لك ذلك ..


..

أصداف .. // .. الغيث مرورك وردك عزيزتي .. الذي اسعدني ..

.. وابهجي .. شكرا لك .. يا اصداف ..

..

السهلي .. // .. صح بدنك .. ومرورك .. يسعدني يا اخي ..

[فتى التحفيظ]

صح لساااااانك ,...,, وبيض الله وجهك ,.؟,.؟.,,

[الرايقه]

صح لسانك

كلامك صحيح ومنطقي

حسبي الله ونعم الوكيل عليهم

يعطيك العافية

[al-prins]

ابـــــــــــــــــــــــــــــــــــــــــــــــد ا ا ا ا ا ا ا اعــ

بمــــــعـــــــــــــــــــــــــــــنى الـــــكــــــــــــــــلمة



يعــــــــــــــــــــــطيــــــــــك العـــــــــــافية

تقبـــــل مر و ر رر ي,,

[راجي الوصل]

اعجبتني جميع النصوص بدون استثناء

[goree]

oOo
رآآآآئعه لأبعد حد
قرأت أبياتك سابقاً ..
وعُدت لأعلق على روعتها ..
صح لسآآآآآنك ..

ربي يسعدك
OoجــوريoO
http://www.alraidiah.org/up/up/23549836520090224.gif (http://www.alraidiah.org/up/up/23549836520090224.gif)