مطعم (( سهارى )) والاستهتار بارواح المواطنين

[خالد الديحاني]

السلام عليكم ورحمة الله وبركاتة


تحية طيبة لجميع الأخوة الاعضاء ،،،،


الجميع يعلم بتجاوزات مطعم (( سهارى )) الواقع على الكورنيش وكم من حالات تسمم حصلت من هذا المطعم المتخصص بالمشويات وطبعا الأخوه الاتراك اول مره كانو حساسين من هالموضوع بس بعد ما (( ضرب على صدره )) الموجر لهم بتجنيد معارفه في البلديه والاجهزه الحكوميه لخدمتهم مقابل ذلك الايجار التعيس يعني وش صار لما يتسمم مواطن والا ثلاثه وأخر حاله بعد الاستهتار واللامبلاه من قبل العمال بلغت (( 9 )) اشخاص من نفس العائله ذهبوا لمستشفى الخفجي العام لتلقي العلاج وفي كل مره يقوم المسئولين بوزارة الصحة باغلاقه وتسليمه فيما بعد مغلقا الى موظفي البلديه المختصين بهذا الشان ويقوم الاخوة بفتحه بعد استلامه من الصحه باسبوع او عشر ايام وذلك مجامله للتاجر الكبير المؤجر للاتراك وعلى حساب من (( صحة المواطنين )) ، وللعلم قد اغلق أكثر من ثلاث مرات .
فما هذا الاستهتار بصحة المواطنين وما هذا التمادي بالخطا ،أنا ما اشره على الاتراك فهم مرتزقه لا يوجد لديهم رادع معنوي ولكن اشره على موظفين البلديه المتعاونين مع هولاء الاتراك مجاملة لصاحب المطعم المؤجر لهم والشرهه الكبيره على المواطنين الذين يذهبون لهذا المطعم بعد كل حالات التسمم التى نتجت عنه فلا تنتظر ان تكون انت الضحية الاخرى لاستهتار هؤلاء المرتزقه .

وقد رفعت تقارير حالات التسمم الى الرياض باسم (( حماية المستهلك السعودية )) وسوف ياتي قرار الاغلاق الابدي ان شاء الله لهذا المطعم قريبا نظرا لوجود متعاونين ضد مصلحة المواطن بالخفجي وكل همهم المال فقط .


تقبلوا تحياتي ،،،،

[جوجل]

اقسم باللة اني قابلت الاتراك الي يشتغلون بالمطعم وقالو لي راح نسوي صيانة من صبغ ونغير السيرامك وراح نفتح المطعم يعني الواسطة فوق القانون

[سمح المحيا]

حسبنا الله ونعم الوكيل عليهم..

ويعطيك العافيه يا خالد الديحاني..

[mύβαřαķ αlsαhli]

تشوف

بكرا يفتحون المحل


ويغيرون اسمه

ويقولون محل جديد:mad:


مثل ما صار مع كفتريا حنان:mad:


قلبوهـ كفتريا رنا :mad:

[راعي العلّيا]

الله المستعان والله انها مشكله لكن اذا فيه عتب

نعتب على البلديه والمسؤالين المفروض مايتساهلون

عن مثل هالامور ياخي اذا اهل الخفجي ماهموكم ياخي

اعيالكم اكيد بيمرون على مثل هالاماكن خافو عليهم

ولا هنت اخوي خالد تقبل مروري

لكـ ودي

[كحيلاان]

السلام عليكم ورحمة الله وبركاته
طيب سؤال للعاقل :confused:
اذا اهل البلد بؤجرون المحل على مثل هؤلاء وابناءه من اهل البلدية يفتحونه لهم وابناؤه من المواطنين يردون يشترون ... هل نعتب عالتركي اللي لاذمة ولابخت بيجمع له كم قرش ويعوّد لديرته؟؟؟!!!!!
تقبلوا مروري الأول في منتداكم

[ضرمان العجمي]

الحمدلله وحده والصلاة والسلام على من لانبي بعده وبعد
إخواني وأخواتي 000 أرجوا الهدوء التام 0000 الهدوء والتركيز وتحكيم العقل هو الحل في مثل هذه الأمور 000 البعد البعد عن العاطفة 000
إذا كان الواقع كما ذكر فلابد من حصر هذه المخالفات ورفعها لسعادة رئيس بلدية محافظة الخفجي وأنا أجزم يقيناً أنه لن يقبل ولايرضى بمثل هذه التجاوزات فأملي بأبومحمد كبير جدا وهو رجل عملي ومن الكفاءات الوطنية التي نفخر بوجودها معنا في هذه المحافظة هذه والله كلمة حق يبغي أن تقال 0000
ثم إذا لم يتغير شيء وظل هؤلاء العمالة المستهترة بأرواح الناس يتنقلون من محل إلى آخر بمجرد تغيير اسم المحل فهذا الأمر لايمكن السكوت عليه أرواح الناس غالية عند ذلك لابد من تقديم شكوى بجميع الملاحظات والأدلة والأسماء (أسماء المحلات وأسماء العمالة بل وحتى كفلائهم ) بخطاب لسعادة محافظ الخفجي المهندس / بدر العطيشان وستجدون مايثلج صدوركم بإذن الله 000 محبكم 00

[محايد2009]

عادي بكره يغير اسم المطعم ويزين محله ويغير السراميك ويفتح هذه معروفه ولايدفع غرامه ولاكن شئ حصل اكبردليل كفتريا حنان صارت رنا
وصاحب المحل تاجر عايش في الدمام او الرياض يقبض ولا يراقب العماله ويطلع زي الشعر من العجين

[هادي المسردي]

المطعم مخالف وتم رصد مخالفته واغلاق المطعم
وفي حالة تصحيح وضعه وانهاء المخالفات ودفع الغرمات
والالتزام بالشروط الصحية فما المانع من فتحه ؟؟؟؟
والبلدية احرص من الجميع على ذلك وهذا عملها الاساسي
وخصوصا قسم صحة البئية الذي لايتاخر في معاقبة المخالف
والاخوان المراقبين يقومون بواجبهم على اكمل وجه مطلوب
وقسم صحة البئية لهم من الجهود والاعمال الجليلة ماالله بها عليم
ياجماعة يجب الاعتراف بجهود شبابنا مراقبين البلدية
وهم من قام بكشف مخالفة المطعم المذكور واغلاق المطعم
ولو تقوم بزيارة واحده لهذا القسم النشيط لرايت المصائب عندهم
ولكنهم جنود مجهولين يعملون بصمة واحتساب ,,
ولهم منا الدعاء لله بالتوفيق والسداد والاعانة .

[meaf]

السلام عليكم يا اخوان
ترا والله انا جتني حاله تسمم منهم انا وواحد من الشباب قبل شهرين ولا احد حرك ساكن بغينا نموت من الم البطن اللي استمر تقريبا اسبوع
لكن ما اقول الا حسبي الله ونعم الوكيل فيهم والله ما يضيع يمهل ولا يهمل
انشالله اشوف فيكم يوم يا همال سهارى انتم وراعيكم يا رب...!!!!!!!!!

[أبو الهنـــــوف]

حالات متكرره .. و أكثر من مرّه ..

أحكم عقلك لو كنت أنت المتسمم أو اهلك ..

هل سوف توافق على فتح المحل مرة آخرى ..

و بدون عقاب .. !!


المسالة خطيرة .. و لا يجب السكوت عنهــا ..

و اللي يده بالماء مو مثل اللي يده بالنار .. !!


و لكم جزيل الشكر

[ابو سعد العمار]

السلام عليكم ورحمة الله وبركاته
الاخ خالد بلانا من وفينا والا كيف مطعم مسكر من قبل البلدية ويسمح له بوضع لافته اعمال صيانة وين المسؤولين في البلدية مايحاسبوهم على ذلك ، والله اسال التوفيق للجميع

[مغامس]

الأخ ضرمان العجمي
نقول لك تسمم كذا مره ويسكر ون المطعم كذا مرررررررررررره ويرجع يشتغل من جديد وانا من الناس الي تسمموا منه وعانيت من الالم مدة اسبوعين انا واخوي قبل ثلاثة اشهر.. وتقووووووول البلديه و المحافظ

[مطلق زحام]

عادي تعودنا من مطاعمنا بالخفجي هذي الحالات

لا تشدون اعصابكم (( نحن سكان اعتدنا الآلام ))

[فتى التحفيظ]

عااااااااااااااااااااااااااادي


اصلا مافيه رقاااااااااااااااااابه

[القحطاني 505]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك ... على هذا الموضوع الذي يفيدنا بان نتجنب هذه المطاعم القذره التى لارقابه عليها والله يستر من الجاي

[مراقب الخفجي]

السلام عليكم ورحمة الله وبركاته ،،،،
المشكله ياخواني من البلدية لو تطبق المخالفات علي المطعم بكل جد من غير واسطة المشكلة يمسكون العماله ويقولون سوء صينة وش الصينة تغير سراميك وصبغ المحل وبس ويعفونه من الغرامة هذا اكبر غلط ... لا ولي يراجع البلدية العماله مهو صحاب المحل وشرايك ... ههههههههههههههههههههه
.ما أقوال اله حسبي الله ونعم الوكيل ،،،،،،،،

[فــايــز]

مراقبي البلديه شاهدنا من اعمالهم مايثلج الصدر صحيح لاكن مازالت الكثير من المخالفات قائمه ومن ضمنها المطعم المذكور
انا شخصياً لا أعلم مايدور خلف كواليس تسميم سهارى الدائم وتصرفات البلديه معه
لاكن لنعلم أن جهد المجموعه يذهبه شخص واحد مسؤل عنها لذا لايمكننا إلقاء اللوم على مراقبين البلديه ومسؤلي الصحه لأن هذا المطعم بدى انه في مسيره أبديه نحو الأمام :)

[خالد الديحاني]

أشكر جميع الأخوة الاعضاء لمرورهم وتفاعلهم مع الموضوع

والمصيبه (( أن نجد الى الان وبعد كل هذه الفضائح )) اصوات تدافع عن هذا المطعم وعن موظفي البلديه المتعاطفين معه يا جماعه :

القضيه ما هي قضية غلطه وتعدي وكم من الغلطات عدت ولكن قضية (( أرواح ناس )) والا لازم يكون المتسمم أنت أو ولد عمك او حد من ربعك عشان تحس بكبر المصيبه واضف الى هذه القائمه من المطاعم الملوثه :

- أمير مدري سيد الفطائر (( تم فحص عينه وتاكدت تلوثها من الدمام ))
- مطعم دمشق اللى امام التوكيلات (( يغسل اللحم بالحمام )) حسبي الله عليه .
يعني بالله جميع هذه التجاوزات جت في يوم وليله والا تمادي من عمالة المطاعم بعد احساسهم بان بلدية الخفجي (( ماعندك أحد )) .

واتق الله ياللي تدافع عن هؤلاء المتقاعسين اذا انت موظف بالبلديه وما شابهه او في نفس القسم فانصح زملائك باداء عملهم على أكمل وجه ولا تجي تنصحنا هنا وتزكيهم .


تقبلوا تحياتي ،،،،،،

[مالي داعي]

فعلا مصيبة ياإخواني
وكثر الله من أمثال هذا الكاتب الغيور على هذه المحافظة فهو يستحق الأشاده وكونه صريح بالطرح وليس مثل البعض مطبلا للمسئولين شاكر له على إثارة هذا الموظوع

[Empro]

لا حول و لا قوة الى بالله

شي يحز في الخاطر صراحه

إن شاءالله يأخذون الإجراء المناسب إذا كانو فعلا متجاوزين شروط السلامه

[مغامس]

السلام عليكم ورحمة الله

مبروك مبروك مبروك

عليكم أهل الخفجي أعادة تشغيل مطعم سهارى بالقوه

وارجو من الاخ ضرمان العجمي تقديم خطاب الشكوى وسوف يجد مايثلج صدره !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!

او يكف عن التلميع ومسح الجوخ لأبراز الذات

[مغامس]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عاشق العالمي]

الله يعين...
ماوقفت على مطعم سهارى

[عبووود]

الله يعين اكل بالبيت احسن والظاهر !! اللؤلؤة طلعت ريحته؟؟

[أحمد عجب]

مطعم سهارى ما راح تنتهي مشكلته

راح يصكرونه

والتاجر يشتري محل ويفتح مطعم باسم ثاني

مشكلة

[~ افوق الوصف ~]

الشكوى لله رحنا بين حانا ومانا

[ولد الولد]

وش الي حاد الناس تاكل عند هل المطاعم الوصخه

والله شكل المطعم والعاملين فيه يسد النفس يخليك أسبوع ماتاكل شي

والصراحه والله مافي مطعم نظيف 100% ولو كان المطعم نظيف

تحصل العمال العكس .......

والله يا جماعه أنا كان عندي مطعم ومن أفضل المطاعم بالخفجي

والله أني ماكنت أكل من عندهم الا نادرا من الي أشوفه

واخر شي بعت المطعم قبل لا يتسمم أحد ونبلش

ونصيحه يا أخوان أحسن مطعم هو بيتك يعني الواحد ما ياكل في المطعم

ألا للضروره ولا ياكل شي من هندي أو أبو بنغول ترى النظافه عندهم

زيروو يعني صفر ........

وأنا أشوف البلديه مشددين على المطاعم ولكن الوصخ وصخ

سلمت على الموضوع يا الغالي دمت سالم