الديوانية للتمور

[معلمه]

السلام عليكم ورحمة الله وبركاته

والله اليوم ارتفع ضغطي قلت مالي الا الله ثم الرائديه

تخيلوا محل الديونيه اللي بالشمالية يلعب بالاسعار على كيفه وياليت زايد ريال ولا ريالين يخرب بيته فوق العشرة ريال

انا اشتري منهم تمر من المحل الثاني ب 18 اخلاص الخرج كيلو واليوم تكاسلت اروح للفرع الثاني ومريت اللي بالشمالية ولا يقول ب 33 ريال كيلو وهو نفس ذاك انا اعرفه زين قلتله نفسة 18 ريال قال لا ذاك شركة ثانية قلت لا نفس هالشركة قال يمكن حبة صغير والله العظيم نفسة


وين رقابة الاسعار وين نروح تكفون اللي يعرف صاحب هالمحل يبلغ على هالاندونيسي اللي بالشمالية هالحرامي


واللي مو مصدقني يروح ويشوف

[الواصل2000]

الحمد لله التمر احنا بعز و قتة و السوق مليان طب و تخير و لله الحمد

و الله يديم علينا نعمة الاسلام .

و بخصوص الاسعار الى قلتي عنها اختي مافية رقابة علا الاسعار

بس الى ينزل الدمام ياخذ الى يبي لمدة 6 اشهر قدام بنص سعر الخفجي

[بــ الخفجي ـنت]

انا ما اعرف للتمر ولا اسعاره

وبالنسبه للرقابه مافي ابدا رقابه ع الاسعار يالغلاا

وهذا مو شي جديد

الله المستعاان

[الشمري ابو فلاح]

اقول السعر نفس السعر بس انت يمكن متوهم بعدين لا تحط شي بذمتك وانا اخوك لا تقول حراميه والله اعلم

[شاقني]

.

فعلااا انا آخذ من عندهم خلاص الخرج كيلو واحد حبه كبيره بــ 33

بس الحين يا زين الرطب :)

[ولد الولد]

##يأيها اللذين أمنو أجتنبو كثيرا من الظن أن بعض الظن أثم##

معلمه أرجو التأكد من السالفه أولا

لأن محل الديوانيه من أفضل المحلات في الخفجي

وأنا أتفق معاك 100% على أن الاسعار عندهم وعند غيرهم

مرتفعه جدا والسبب غياب الرقابه وكل محل يضع الأسعار اللي تناسبه

ولكن وش نسوي** مافي بهلبلد الا هلولد**


حفظك الله

[عـــ222ـــزام]

لاحول ولاقوة الا بالله

انتي رايحه تشترين .............. لا تعليق

تحياتي للجميع

[ملك الرائدية]

اهل المحلات نصب بنصب

واصحاب المالك يطبلون له هنا

تقولون تتاكد

هي عارفة التمر بس النصب موجود والرقابه ماحولك احد

[معلمه]

ياجماعه انا شاريه نفس الحجم ونفس الماركة من فرعهم اللي بالجمعية بــ18 ريال والله العظيم متأكدة 100% الكيس ترى حجم صغير

[khafgaawi]

مـــــشـــــكـــــوووررر على الطرح الموضوع

وانا اطالب جميع اهالي الخفجي ان يوقفون وقفا واحده ضد المحلات الذين يلعبون في الاسعار

تقريبآ نصف محلات الخفجي تتلاعب في الاسعار ........ياجماعه حتا المطاااااعم

[الديوانية1409]

السلام عليكم ورحمة الله وبركاته
بدايةً ابارك لجميع اعضاء ورواد هذا المنتدى واسرة الديوانية الكرام بقدوم الشهر الكريم نسئل الله ان يجعله شهر غفران وعتق من النار لجميع المسلمين وان يحفظ الله امتنا ويديم عليها الامن والاستقرار.
بدايةً اشكر جميع من شارك في هذا الموضوع ايجاباً او سلباً فمن اشارك بالايجاب ووقف في صفنا فهو اتبع تعاليم ديننا وسنة نبينا بالتثبت ممايقال وعدم التسرع بقذف التهم جزافاً وتحمل الوزر المترتب على ما قاله اخ او اخت قد يكون حصل لديها لبس وتشابه في بعض المعروضات. واما من وقف بجانبها وايد فنظن ونحسن الظن بأنه قال ماقال من باب مؤزرة اخيه واخته المسلمه وحرصه على الا يصيبه الضرر.
وبعد هذه المقدمه فان ماحصل اختي الفاضله هو لبس وتشابه في هذه البضاعة مع بضاعة اخرى.
فماقلت انه بثمــ18ــــانية عشر ريال انما هو خلاص الخرج انتاج مصنع الفيصلية وهذا يصنف بأنه درجه ثانية بناءً على الحجم. ولهذا المصنع ايضاً منتج مشابه وهو خلاص الخرج م ل وسعره ب ثلاثــــ33ــــة وثلاثون ريال وهذا يعتبر فاخر والفرق هو حجم التمر والفرق بينهم هو (م ل) اي ملكي اي ان الملصق متشابه.
والمنتج الثالث وهو خلاص الخرج فاخر ويحمل شعار تمور الديوانية ولونه ازرق وهو يخالف الطابع العام لملصقات منتجاتنا وهو اللون الاحمر وذلك لتمييز خلاص الخرج الفاخر عن باقي التمور كالقصيم والاحساء.وهذا المنتج يعباء لصالح محلاتنا وسعرة ثلاث وثلاثـــ 33ـــون ريالاً ويتميز بكبر حجم التمر ولونه الفاتح.هذا فيما يخص المنتج اللذي حصل فيه اللبس واما فيما يخص من يعملون لدينا و اسعارنا فنحن حريصون كل الحرص على تقديم اجود المنتجات وبأقل الاسعار ولولا حرصنا على الايكون هذا الرد هو دعايةً لنا لاعطيتك اسعار منتجات كثيره نبيعها وتجدها في محلات كثيره سواءً داخل الخفجي وخارجها تباع بأسعار اعلى بكثير مما نبيعه.واما من يعملون لدينا فلله الحمد منذ بداية ممارستنا لهذا النشاط ونحن حريصون على ان من يعمل معنا على وعي وحرص شديد على ان تكون مصلحة العميل مقدمه على مصلحة محلاتنا وانا في هذا المقام لا ازكي على الله احد ولكن مما نقوم به من مراقبة لصيقة وبطرق مختلفة لمن يقومون بأدارة فروعنا ومن يعمل معنا لم نجد في يوم من الايام ولله الحمد مايجعلنا نشك في مصداقيتهم او تلاعبهم بالاسعار وبشهادة كثير من عملائنا.
ولمن يرغب ولاثبات ان الامر مجرد لبس حصل مع الاخت اللتي اشكرلها تعاملها مع محلاتناوحرصها على تبيان ماظنت انه تلاعب سوف نقوم بوضع المنتجات الثلاثة اللتي ذكرتها سالفاً في مكان بارزلمن يرغب بالتاكد بنفسه ان الامر لبس وانه لايوجد تلاعب في الاسعاروان اسعارنا موحده في جميع الفروع واخراً الشكر الجزيل للاخت المعلمة ولجميع من شارك بالرد والتعليق على هذا الموضوع ونعتبر ارائكم وحتى غضبكم هو المراءة التي تساعدنا على تقديم مايجلب رضى عملائنا اللذين نعتز بمايقولون سواءً بالايجاب او السلب والشكرموصولاً لمنتديات الرائدية اللتي نعتبرها مراءة نرى من خلالها مدينتنا الحبيبه الخفجي.

[واحد حقاني.]

ـ تم التحرير بواسطة أبو رائد ـ

[أبو رائد]

بصراحة

أشكر أخونا الديوانية 1409

على هذا الرد الطيب

وعلى تقبله النقد بصدر رحب


والرد على الموضوع بأسلوب جميل





وتم تحرير رد أخونا ( واحد حقاني.)

لأن صاحب الشأن كان رده على الموضوع كافي وشافي


والأخت كاتبة الموضوع

كان موضوعها ( نقد ) لما رأته وشاهدته




وبالله التوفيق ،،

[اخر زيارة]

(يالله المســـــــــــــــــــــــــتعان)

[ولد الولد]

حصل خير ياجماعه


يمكن يكون حصل لبس عند الاخت......ولكن نحن نتفق أن أصحاب

المحلات التجاريه خصوصا في الخفجي عندهم تلاعب بالاسعار

الا من رحم الله

[معلمه]

السلام عليكم ورحمة الله وبركاته

اخوي الديوانية 1409 اشكرك من كل قلبي ردك واهتمامك وايضاح الموضوع

ويأخي اعتذر من كل قلبي اذا فهمت اني اهاجم المحل واقذف اصحاب معاذ الله

لا والله ياخوي ماقصدت كذا واعتذر اذا الموضوع خذا هالمنحنى

لو لاحظت في نهاية كلامي قلت اللي يعرف صاحب المحل يبلغه باللي اقوله وذلك لثقتي التامه بأنكم ناس تخافون الله وتبحثون عن الرزق الحلال

وغرضي من كتابة عنوان الموضوع بسم المحل هو بمثابة نداء لك ياخوي

ولكن ماحدث ياخوي انا متأكدة منه مليون بالميه انا زبونه عندكم مو من يوم ولا اثنين انا من سنوات ما اشتري تمر الا من عندكم واي سعر فيه مو خسارة لانه تمر فعلا متعوب عليه ونظيف

ونسبة حدوث لبس عندي في الموضوع بأقول واحد بالمية واكرر اعتذاري على هذه النسبة ايضا

ولكن يبدو ان اللبس حدث عند العامل اللي عندك لاني انا اعرف وش اشتري واعرف انواع تموركم صنف صنف واعرف اسعاره زين ولا عمري شريت منكم الا بالكرتون

نادر اخذ بالحبه فلا تظن اني بأجي واكتب عن المحل وانا مو متأكدة واحط بذمتي

كذا عمياني لذلك يا خوي انا متأكدة من اللي قلته عموما على ما قال الاخوان حصل خير واعتذر لك من كل قلبي عن اي كلمه انفهمت خطاء


وارجع اكرر واقول انا ماهاجمت المحل ولا اقصد اصحابه انا اتكلم عن العماله اللي صايره موضه هاليومين انه يزيد السعر ويأخذ الفرق في جيبه وبكذا يضحك على الشاري وعلى صاحب المحل


عموما لو تسأل العامل وتقوله وين التمر اللي سألت عليه الحرمه راح يوريك اللي انا اقصد لاني قلت له فيه تلفون قال ايه قلت لو سمحت دق على الفرع الثاني واسئله عن السعر قال لا وانا ماسكة العبوة بيدي واتفحصها زين وادور كلمه تدل على صحة كلامه ولكن للاسف مالقيت نفس التمر اللي عندي بالبيت ويوم رجعت بغيت اخذ اللي عندي وارجع له واوريه نفس التمر علشان يصدقني بس صادف صلاة الظهر وهونت


عموما يمكن هو حدث عنده لبس وما قدر يميز بين العبوات مع ان الفرق واضح تقريبا عموما بس نقول الواحد يحسن الظن بما انك متأكد منه وواثق فيه وهذا اللي نبيه

وترى انا انقهرت مو علشاني انا انقهرت عليك لاني مابي هالعماله تستغفلنا حنا يالسعوديين

وانا والله لو انك انت اللي بالمحل والله مازعل عجبني السعر اشري ولا ما اشري ماني خسرانه ولا فيه شي يزعل بضاعتك وانت حر فيها

بس انا اكره استغفال هالعماله لنا وياخذون راتب ويسرقون من الزبون والمضره عليك وعلي


وتبي الصراحه تمركم احسن تمر وبضاعتكم ماشاء لله حلوه ونظيفه وذات جوده

مهما كانت اسعاره تستاهل

وانا يا خوي الدم اللي يسري بعروقك هو نفسه الدم اللي يسري بعروقي

وانا اقف مع عيال بلدي ولا يمكن يوم من الايام افكر اني اضرهم

لاننا والحمدلله عقيدتنا نظيفه ناس نخاف من الله ونبحث عن الرزق الحلال

فلذلك يا خوي لا يمكن اني اتهجم على محلك ولا احاول اضرك لا سمح الله


اخير اكرر اعتذاري مليون مره وارجو انك فهمت مقصدي


ونصيحه يا اخي ليش ما تحطون الاسعار على البضاعة علشان مايتكرر موقف اللبس عند البايع وعند الشاري

هذا واتمنى لكم التوفيق والرزق الحلال والله يغنيك ويزيدك

[~ افوق الوصف ~]

ياحبيبتي لاتحلفين انا ماخذه كريم الزنجبيل من الغربيه 50ريال
من الي جنب سوق جده الشعبي نسيت اسمه يمكن العود للعطور
والعطار مقابله بالضبط عطاره الامارت عنده 75ريال والله قالي خوذيه
70ريال لاحد يلومنا اذا ناخذ اغراضنا من الكويت

[أبـــو ريــــان]

نحتااااج الى رقابة على الأسعاااااااااااااار

ما اتكلم عن الديوانية تحديدا .. اعمم على كل المعارض التجارية

[العطر]

لا تقولون مافيه رقابه على الاسعار


فيه مكاتب لمراقبة الاسعار مستاجره وفيها لوحه ومكيف ومكتب وكرسي


بس مافيها احد ومليانه غبار


بس اهم شي ان عندنا مكاتب مراقبة الاسعار


اللهم لا حول ولا قوة الا بالله