بــيتين شعر شقر

[حمد الدليهي]

السلام عليكم ورحمة الله وبركاته

يعتبر الشقر المحك الحقيقي للشاعر المتمكن ، يمتاز بهذا النوع شعراء عده من كل الأماكن بالجزيره العربية وتميل الكفه إلى منطقة الجنوب باالمملكة العربية السعودية بهذا النوع (العرضه الجنوبية) وفي هذا الطرح لم تأتي الفكره لتعريف الشقر وأماكنه والتقيّد بنوع متعارف عليه في مجتمع معيّن او منطقه معيّنه.







يازينها الأهرام في دولة مصر=اللي بنوها قالوا الفراعنه
وانا مُصر أعجاب بالناقه مُصر=قصيدة ٍ غنابها الفراعنه

[حمد الدليهي]

صرت اشجع صرت اشجع للهلال=ماني هلالي وانا ضد النصر
الشهر بادي وعيني للهلال=والهلال ان غاب ماشفت النصر

[حمد الدليهي]

فيه اغنيه والأسم فيها نوره=غنّابها ميحد حمد والجسمي
والفجر طوّل ماظهر لي نوره=والآم في راسي وعمْ الجسمي

[حمد الدليهي]

اعشق قطر واعشق قناة الجزيره=يامحلى الدوحه ومحلا قطرها
انا سعودي وسط شبه الجزيره=بالمملكه والمفتري ماقطرها

[حمد الدليهي]

يقول بن وسام يتبع هوى أبله=وانا عشقت البنت والبنت حصه
وحصه ابوها حاذف الرايه أبلَه=وحصه جهلّها ماخذت درس حصه

[حمد الدليهي]

الضامي اللي تاه وسط الصحراء=ضاقت عليّه فجوج كل الساحه
الفرق واضح ياقناة الصحراء=نهجك لحالك عن قناة الساحه

[حمد الدليهي]

تعال ساعدني تنفّذ وشمر= شمْر عن ذراعك وللضيف حايل
وشمر قبيله .. نعم يارجال شمر=ياكثرهم كثراه في وسط حايل

[حمد الدليهي]

صياف مات وعارفينه سحيمي=سحيمي ٍ مانجهله من بني حرب
قــحطان فيها مثل فخذه سحيمي=منّهم حمد في سلم والا بعد حرب

[حمد الدليهي]

اللي شوي شوي مايمشي عجل=وليّا عجل مالاح له برق السماء
والذيب لامن هد ماصيده عِجْل=اكيد لامن هد في شفه سما

[حمد الدليهي]

مريت ذاك المنزّل اللي جيّتي مرّت كرام الباب مغلق له ثلاث ليال مغلق مافتح=الباب مغلق له ثلاث ليال ماادري بالسبب والباب يطلب واحد ٍ عنده على فتحه حماس
والضفه الغربيه اللي في فلسطين العرب ماهي حماس اللي عليها فتح وقيادة فتح=والا رفح واللي عرف غزه مع معبر رفح مايجهل ان اللي عليها في قيادتها حماس

[حمد الدليهي]

في سوق الاسهم سهمْ سابك وينساب=واقوى سهم في قيمة السوق سابك
والود بقلوب المحبين ينساب=ياللي تقول الود جنّبك سابك

[حمد الدليهي]

يا(هل) الذود المفلي مادريتوا ضاع بالمفلى من الذود القعود=والقعود اللي غدى ماضاع منّكم يمة المفلى هناك ولاهنا
الأوادم تختلف ماينتوصف ماشي الأقدام بالناس القعود=والتعيس اللي تبهذل في حياته مايشابه من حياته في هنا

[حمد الدليهي]

خلك على ماكنت يالجنس اللطيف=كسر الخواطر مايعالجها جبر
وكالة النيسان يا عبداللطيف=ماهيب تويوتا .. وكالة بن جبر

[حمد الدليهي]

الهبايب يوم هبن ماسفن=والله اللي في عطا .. مده يمن
والبحر كم شال في بطنه سفن=عارف بحر العرب حده يمن

[حمد الدليهي]

مريت شارع قرطبه واقول مابا قرطبه=ماهوضروري قرطبه ياللي تحملّني عتب
المتهم في سرق نخلة ذاك ماباق رطبه=المزرعه معروف مدخل بابها ماله عتب

[حمد الدليهي]

انتهى مفعول جبن الدِنَمارك وبطل=والقرار اللي خذيته ماعاد اشري جبن
والفريق اللي مايلعب عدل ماهو بطل=والتعادل مايسمى شجاع ولا جبن

[حمد الدليهي]

شكراً لكم من قلب مخلص واسمي المسلم حمد=حمدسعد وابن الدليهي والقبيله خالدي
والعبد لامنّه عصى ماقدم الشكر وحمد=في يوم توزيع البشر بالخلد ماهو خالدي

[حمد الدليهي]

باسمي البكره يابوزيد حقه=الاسم واحد بين حقه وبكره
والضيف ياخذ من هل الجود حقه=حقه يجيه اليوم ماجاه بكره

[حمد الدليهي]

انا مرشح والمرشح رشح اللي منتخب=واللي مُرشح منتخب في وضع حاله ماشعر
والمنتخب مافاز والبحرين فعلاً منتخب=يستاهل اللي فاز ونهنيه في ورد وشعر

[حمد الدليهي]

واحد بدا والناس من بعده بدو=وانا ليّامن غبت لي شعر ٍ حضر
والباديه نسبه لمنضومة بدو=والا حضارات الدول نسبة حضر

[حمد الدليهي]

ان كان ماعندك حساب إلّبنّك بفتح لك حساب=افضل تعامل في بنوك المملكه بنّك الرياض
اخر نتائج كامل التعداد توثيقة حساب=سكان ربع المملكه مكه ترى قبل الرياض

[حمد الدليهي]

ماني برايح لك ياشرم الشيخ=حقايبي مانيب حاملّهنْ
النايفات اللي غرام الشيخ=الطير لامن حام حام لّْهن

[حمد الدليهي]

الطفل توه مامشى ولا خطى=توه صغير السن توّه ماغنم
وليّا مشى مايرتكب ولاخطا=والبّل عطايا الله ماوصفّها غنم

[حمد الدليهي]

شرفت طرح الشقر يالقرم مبخوت=صح الله إلّسانك وفكرك بعد صح
انا ترى حظي مع الناس مبخوت=يوم الخطا في نظرتي مايجي صح

[حمد الدليهي]

كان ماحسيت والا شاعر / يوم دمعي فاضي=فاض من عيني ولاهي مره / وانت فيني شاعر
اعتبرني للقصايد شاعر / جزل ماني فاضي=عندي الحلوه ماتصبح مره / للقصايد شاعر

[حمد الدليهي]

وين انت وين انت ياهادي يابن عسكر=عشر الأواخر ليّامريت ماشفتك
لاتكون ضابط مرابط ضابط ٍ عسكر=والا دوامك تغيّر مختلف شفتك

[حمد الدليهي]

قم سو لي ياحميد قم سو لي قرص=والقرص لاتخليّه مثل المحرّق
والا قرصتك بالأصابع ترى قرص=واهل المنامه عارفين المحرّق

[حمد الدليهي]

افلام مصريه بطولات عادل=افضل ممثل في مصر عادل امام
والا انت ياقاضي عساك انت عادل=قاضي وُبالجمعه خطيب انت وِإمام

[حمد الدليهي]

يالأكلبي بنشدك وين الزهيري=عبدالله اسمه واسم شايبّْهْ شايع
والله لاغني في لحون الزهيري=لاقلت وينه واصبح العلم شايع

[حمد الدليهي]

تعال واسكن في جميع الأماكن=البيت لك وحدك ... تعال اسكن البيت
غنّا .. ابونوره اغنيّْةْ الأماكن=واماكني ماهي قصيده على البيت

[حمد الدليهي]

انا لي ثمان سنين في رحلتي جوال=محطات وقفة رحلتي ماحواها زين
جميع الشرايح زين .. موبايلي .. جوال=مثل بعضْهنْ واللي حديثه لفتنا زين

[حمد الدليهي]

ياموزع البيلوت مادار .. صن هات=واللي لعب بيلوت مايلعب الهند
رح يالسمين ابحث وهات ابن صنهات=قله غراب الهند هاجر عن الهند

[حمد الدليهي]

بنيت لك في داخلي قصر وجسر=قصر الغلا والجسر لك وحدك عبور
ياللي صفاتك مثل طير ٍ ماجسر=ماعطيت قبلك داخلي رخصة عبور

[حمد الدليهي]

الفيل ماله خشم والخشم خرطوم=انيابه البيضا .. يسمونها العاج
من قال يالسودان مافيك خرطوم=الظاهر انه يحسبك ساحل العاج

[حمد الدليهي]

الشدايد تكشف اللي معادنهم ذهب=من خليج العرّب والا تهامه والحجاز
راعي المعروف يبقى وطيبه ماذهب=والجمل يشكي من القيد من قبل الحجاز

[حمد الدليهي]

يامصلي المغرب ماصليت العصر=لاتعودها واحرص على فرض العشا
واللي عصر ليمون مازاد العصر=وجبة غدا .. والا على صحن العشى

[حمد الدليهي]

ان مشوا .. والا مع الدرب في شقري عدو =ماجهلت الشعر نوع ٍ من انواع الأدب
والله انّي مابعد صار لي شخص ٍ عدو=حسب نهج الدين وسلوم ربعي والأدب

[حمد الدليهي]

هات يافكري ولاتسرح غفل=يالله اني في دخيلك يالعزيز
قاله اللي دوم ذهنه ماغفل=عارف ٍ عزوز من عبدالعزيز

[حمد الدليهي]

نجرتني ياوليفي بالموده نجر=نجر المسامير في تثبيت لوح ٍ خشب
مع طحنة البن والا الهيل دنة نجر=واللي بطل راليات المملكه باخشب

[حمد الدليهي]

قالوا .. شعيب وقلت وديان وسهول=من خلقة الدنيا مع عبر (الأ(يام)
وسبيع يانعم القبيله مع سهول =كل القبايل كلها مع بني يام

[حمد الدليهي]

شرفت لجلك على المرقاب=وادعيك بالصوت ياحبيّب
والعازمي عنده المرقاب=شاعر فحل واسمه حبيّب

[حمد الدليهي]

شكراً لكَ في ثنائي ايُها الحربي=على النبط استلم شقرى وهو فصحى
ليس سواكاً شديدٌ ساعة الحربي=لاجاءت الحرب بلغ نائماً فصحى

[حمد الدليهي]

ماعاد اكرر لك مواضيع واعيد=راح ارمضان وقلت ماعاد ماعاد
يوم الأحد رسمي ثبت رؤيته عيد=والعيد مابه لاثمود ٍ .. ولا .. عاد

[حمد الدليهي]

الجسد لامن شكى منّه عضو=باقي الأعضاء تشكي في جسد
منتداكم كل ماسجل عضو=جسْد حضوره بما يكتب جسد

[حمد الدليهي]

قالوا .. فلس .. يعني خسر والفلس طين=والطين يبنى به تْشيّيد طوابير
والقدس تعرف عاصمه .. وُالْفلسطين=واللي حفر له بير يجهل .. طوى بير

[حمد الدليهي]

لاتزودها مشاريه وعتاب=يكفي اللي من جنوب ومن شمال
الطرب ماهو على موضة عتاب=فرق واليمنى تْساعدها شمال

[حمد الدليهي]

مادخت مع غيره وهو مادخت له .. ما .. داخ لي=عيني على برق ٍ تكاشف .. يمته بالي .. وخيل
حتى ولو باب الخروج إيصير باب ٍ داخلي=الفرق واضح والأصايل في نساء يظهر وُخيل

[حمد الدليهي]

على بحر قصيدة الطياره(لــ حمد بن هادي المسردي )رحمه الله
الليل لامنّ زل ثلثه هب نسناس الهبوب العابرات اللي
يعبرن مع طلوع سهيل جنّ في ليل
دواجات والا في ضُحى
حول الشجر
يفرح بهنّ من ينقل الحر النداوي ينقله من عقب ربطه
مشفي ٍ ولشوفهن ساق البشير
اللي معه لامن هوى بين
الثنادي صايده
له موكب لْحاله وقاعه في سهل والا وعر برض ٍ خلا
ماداجه ادباش الشواوي فيٍ قفر
ماسترفعوه وخطموا قدامه
اصحاب الشجر
يمشي مع طلوع الفجر بالدرب محد ٍ سابقه مدهال له
محد ٍ يمره قبل جرة حضرته مدْرج
لبرق الريش وسطه
كم خرب ٍ صايده

[حمد الدليهي]

البيت مايبنى على غير العمد=شطر ٍ سمعته ماعرف من قايله
الحر ذنيباه هي طلق العمد=ألزم سبوقه لاتهده قايله

[حمد الدليهي]

مؤسسات النقد يامصرف النقد=تدفع ولاتدعم هواة الصقاقير
والشعر يعرض في قصيدة على النقد=والنقد قسمه في حمى سعيد بن قير

[حمد الدليهي]

اسم المدرب عارفينه مترو=مترو من الجمهور ماهو سالم
ودبي حطت للمسافر مترو=سافر على المترو .. صحيبي سالم

[حمد الدليهي]

طش السحاب اللي على سودة عسير=يعيد روح ٍ ماعتقدها عايده
والا انت ياللي صار لي وصلك عسير=طيفك شريط الفكر دايم عايده

[حمد الدليهي]

شاطرتك الراي والا قلت ماشاطر=ثمْن قدر لحية ٍ في عز شاربها
بهر دلالك وفا .. للناس ياشاطر= وانا دلالي وفا .. لك وانت شاربها

[حمد الدليهي]

الحجه اللي مات شاهدها ولا غيره شهد=من مات شاهدها تصير هلال ماتصبح بدر
والا انت ياللي تنطق المعسول في وصفه شهد=كلامك المعسول بنّجني وشفي مابدر

[حمد الدليهي]

شايب عقل .. طبعي ثقل .. توْنيّْ شاب=دربي نقا .. ماينحدر في مهازل
على وعد ياشعر والقاف ماشاب=وعدي وفا .. وعدك هفا .. يامها .. زل

[حمد الدليهي]

المملكه فيها ثقافات الفنون=والنون حرف وحرف من قبله ألف
يعني كذا تكتب تراها (أ) .. (ن)=والألف غير الحرف في ممشاي ألف

[حمد الدليهي]

الطير طيري على كفي=ومجود ٍ في يدي سبقه
لو امدحه دوم ماكفي=لا هد للخرب ياسبقه

[حمد الدليهي]

اهديك باقة ورد بالعيد من قلب=ياجعل عيدك كل عام ٍ مُبارك
الطاوله قلبتها سبتك قلب=بالأجتماع اللي حضر .. به .. مبارك

[حمد الدليهي]

قطفت ورده من منابتها قطوف=راسي مصدع من آلم ( والمخ - تلف)
واقدم مجله هي على الساحه قطوف=واللي بعد في وقت معْها المختلف

[حمد الدليهي]

كله على شان نوره جيت متعني =ياللي تمرون نوره علموا .. نوره
اموت عنْها لاقالتْ وانت مْت عنّي=اموت للي مثل خمسة عشر نوره

[حمد الدليهي]

للمغربي والتونسي ذى سلامي=مشمول لبناني وسوري وتركي
الحرب مابه حرب برد وسلامي=سلام لك ياطيب الراس تركي

[حمد الدليهي]

ياطارشي سلم على ساكن الخرج=لاجيت بيته عادها الشمس حيه
احرص تشيل الداب في داخل الخرج=الداب غيره داخل الخرج حيه

[حمد الدليهي]

صب لي فنجال صبة قهوجي=صبة الفنجال لي فيها هدف
جابها الأهداف خالد قهوجي=لاعب الأهلي ياكم سجل هدف

[حمد الدليهي]

مركب غرامك سبح بي وبحرك غادر=قدام عيني واشوفه مرتفع موجه
غادر على رحلتك وانا معك غادر=والذبذبه ترتفع ماتنخفض موجه

[حمد الدليهي]

الطالب اللي مايجيد مواظبه والا سلوك=ماهوب شاطر والشطاره جابها الطالب علي
اسلاك خط الكهرباء عادي واسميها سلوك=لو كان ماهي في سلوك الوضع شقر وماعلي

[حمد الدليهي]

الوضع يحتاج لهدوء والا .. انت حار=لازم تفوق لحالة ٍ .. ماتفوقها
احيان والسرعه يقولون .. انتحار=كم واحد ٍ سيارته .. ماْت فوقها

[حمد الدليهي]

قالوا .. عتيبه وقلنا روق مع برقا=قبيلة ٍ يشهد التاريخ معروفه
قالوا .. لي ارقا على السلم وانا برقا=اللي فعل طيب نافع شفت معروفه

[حمد الدليهي]

النفط والغاز كمّْ في راس تنوره=من فضل ربي يزيد وحكم عبدالله
البنت تكشخ وتلبس دوم تنوره=جمالها ماوجد في بعض خلق الله

[حمد الدليهي]

الطير مابه شي شفته راج حي=يكفخ جناحينه ولا فيها كسر
بنك الرياض ان صار بنك ٍ راجحي=وصفة مثل بيت الشعر وسطه كسر

[حمد الدليهي]

ياذالغزال اللي مذيّر وشارد=يحميك رب الكون من نظلة العين
اهديتني والرد مدري وُ شَ آرد=ياللي مداهيلك ورى دبي والعين

[حمد الدليهي]

الدرّج هذا درّْج خله لْدروس=ان ماتراه انبهك ترى شفه
لد العيون تشوف ماهي لد .. روس=والكوب ابو توته عصيره راشفه

[حمد الدليهي]

راح حي ويذكرونه مات راجع=مات راجع صار في دربه ضحيه
وانت لو تكتب وتكتب ماتراجع=عيد فطر وعيد يالنشمي ضحيه

[حمد الدليهي]

الفتاة الأجنبيه بنت ليز=تنوجد عند العرب في بس كويت
تشرب الشاي المخدر بنتليز=تاكل الفستق وتاكل بسكويت

[حمد الدليهي]

الظهير الأتحادي صقري=لاعب ٍ معروف واسمه صالح
حر .. دوم الحر يدعى صقري=كان خلا الصيد ماهو صالح

[حمد الدليهي]

تكوْني ياخليه مْن نحل=تحيا .. لنا قوم لامن .. مات قوم
ان كان حالك من الفرقا .. نحل=غيرك مْن الناس طاحت ماتقوم

[حمد الدليهي]

واهني الطفل دايم لاهي / مثل طفل الروضه=طفل لاهي دوم واسمه جابر / كل وقته لاهي
لو تخفى ذيك عني لا .. هي / بنت حي الروضه=خاطري مكسور ماهو جابر / لو تخفى لا .. هي

[حمد الدليهي]

بنيت لك بالقلب مبنى من قصر=والقصر غيرك فيه ماواحد عمر
والفرض صليته على دربي قصر=واللي معي عامر وابوعامر عمر

[حمد الدليهي]

(طرقت الباب حتى كل متني)=وهذا شطر قبلي ب/اسم طارق
وطارق قال .. قال َ (كلمْتني)=وانا ماني على البيبان طارق

[حمد الدليهي]

ماعادني لك ضد مانيب طلاب=مسدسي ماصار ضدك وفالك
المدرسه فيها معلم وطلاب=ادرس نصيحه ياعسى الخير فالك

[حمد الدليهي]

نادراً ماشاهد التلفاز نادر=وانت تابع قابل الشاشه و شاهد
الحرار طْيور فيها طير نادر=والقضيه ضدها قاضي وشاهد

[حمد الدليهي]

منفذ ابو سمراء على حد سلوى=خليجنا واحد ورقم الدول ست
والا سميره بنت ماهيب سلوى=تفعل فعل رجّْال لو أنّها ست

[حمد الدليهي]

بيت القصيده شطره الأول صدر=واللي يجي عقبه ترى شطر ٍٍ عجز
والا القرار اللي تأخر ماصدر=ماهو عجر ياللي تحسبنْه عجز

[حمد الدليهي]

الله يرحمك ياغازي=ياشاعر ٍ بالشعر ماجد
ذكره بقى للعرب غازي=يحكي به محمد وماجد

[حمد الدليهي]

طاعة الله دابيه فيني دبي=من طوارف هامتي لاخر كعب
لو عرض لي ساكن العين وُدُبي=قلت فزعه يابني قيس وكعب

[حمد الدليهي]

والله لو قالوا .. وقالوا .. حكو .. مات=الموت موت احساس والا مشاعر
لو صف من دونك ودونك حكومات=ماردوا .. اللي منتحي يامشاعر

[حمد الدليهي]

لاعاد تدوشني وانا راسي دويش=منداش من بعض الهروج الزايده
مْطير تْفخر في فعوله بن دويش=خصمه وسط بطنه تجيه الزايده

[حمد الدليهي]

بيني وبينك حطه القاسم=ترى حياتك قدَمت بينك

نبض الجزيرة فيصل القاسم=دايم مُعاكس بيني وبينك

[حمد الدليهي]

يابحور ٍ غزيره وُتلاطم وُياجبال ٍ رواسي=يكفخ الطير للعليا وُيشهر ولكن ماشهرها
والمغني يغني شفته غناه في شاشة رواسي =تمضي ايام عمره حاصد اسبوعها واخر شهرها

[حمد الدليهي]

المباراة انتهت واحد صفر=والهدف جابه ولد حامد شُعيب
وعارف ٍ غرة محرم من صفر=واخر الوادي ماهو وصفه شعيب

[حمد الدليهي]

امعط اموال البشر ياعامر امعط=وانت لبْاس العمامه والحرامي
خابرك وقت ٍ مضى لك .. ذيب ٍ امعط=وجه امين وُجه معروف الحرامي

[حمد الدليهي]

ياللي شبيهك غطت الوكر كفه=مالك صله في دم عمي وخالي
كف العتب عن شخص مغليك كفه=مايفرق الفاضي على وصف خالي

[حمد الدليهي]

انتظرت وباح صبري وانت صابر=والصبر وقّف ماعاد الصبر ضاوي
مافضحت السر مع هيثم وصابر=بيض الله وجه بن عسكر وضاوي

[حمد الدليهي]

اكتب (ا) واللي بعدها يجي (ب)=حرفين والكاتب كتب ماتهمه
لكن كتابه تنكتب هي الف باء=واللي جعلها تنكتب مات همه

[حمد الدليهي]

ياطيب لهجتنا العربيه=والخيل والميدان والرمحي
واخبارنا بث العربيه=واللي مُذيعه منتهى الرمحي

[حمد الدليهي]

في مصر لاعب كُره والأسم حمّص=لاعب ٍ كله ولاء وايضاً اصاله
وعند اهل الشام بعض الأكل حمص =وفيه فنانة طرب تُدعى اصاله

[حمد الدليهي]

بنشدك ياللي تشقر الشعر عن بنت=البنت تونس شي بالراس تونس
وانا ليامن رحت واغيب مابنت=في ليبيا والا الجزائر وتونس

[حمد الدليهي]

احسبنّك مُخترع يطلق عليك العالِم =وانت فوزي وانت ابوفواز والا فايز
والجزائر وحدها راحت لكاس العالم=منتخبها فاز والا مصر ماهو فايز

[حمد الدليهي]

جيل ِ حيا ... ياصاحبي وان فنا .. جيل=واللي فنا محسوب ميّت ماهو حي
ماتشرب القهوه بليّا .. فناجيل=مْعَ البدو والا معَ من سكن حي

[حمد الدليهي]

الغلا كبر المحيط الهادي=يالرموش اللي كستها كحله
وان شكيتك عند عبدالهادي=وقفته مخبورة ٍ بن كحله

[حمد الدليهي]

ماكل سكر في مذاقه حالي=ياساكب السكر على الملاحه
العافيه حولي ماهي في حالي=وابحر بحر مامرّه الملاحه

[حمد الدليهي]

ناقة .. جمل .. مفرود .. وان قلت حاشي =والموج دفه ريح والموج ماطاش
واللي على كل المواجيب حاشي =شفناه في حلقه مع َ طاش ماطاش

[حمد الدليهي]

ياللي لك الدرب مترته بدون اقدامك اللي وطن =الدرب لاتامنه لايقرصك دابه ولاحيته
كم واحد ٍ في وطن ويلد عينه عند غيره وطن =الناس تمسي وتصبح حيته تفخر ولاحيته

[حمد الدليهي]

السوالف جد ماهي غشمره=المساء وقته ماهو وقت الصباح
انتبه لاتنخدع في غش مره=الكويت يقودها حكم الصباح

[حمد الدليهي]

لب المطالب كل ماقلت لك لب=وان كان مالبيت مابه سلامات
لبيت لله موسم الحج كم لب =واللي سلا عن طاعة الله سلا .. مات

[حمد الدليهي]

كل ماجيت الشقر شفت الجزالي=البيوت اللي على الشقر محبوكه
والجزا ... ماهوب لْك ولا الجزا .. لي=تاجر ٍ في كاش ماهو مح بوكه

[حمد الدليهي]

اشقح عتب واسمك الخاطر=فن الغنا .. غنته ذكرى
حي البوعينين والخاطر=لي فيه بالطيب لي ذكرى

[حمد الدليهي]

المكان المرتفع معروف شاهق=والدراسة في مراحلها شهاده
حالة استغراب في زفرة وشاهق=لا إله إلا هوَ واشهد شهاده

[حمد الدليهي]

ان جهلت اسأل تمعن واخذ نبذه=اخذ نبذه كامله نقص وجزاله
الأذي منبوذ عند الناس .. نبذه=وان تجاوز بالخطا .. قالوا جزا .. له

[حمد الدليهي]

بنت لك في سكتي ما .. بنت لي= كنت امر بسكتك يومك جنين
وكبرت والبنت ماهي بنت لي=اصبحت في وضع غزه مع جنين

[حمد الدليهي]

الضلع الاسود عاوي ِ فيه سبّْعهْ=ذيب ٍ قنب واليا قنب في مشاريف
واحد مع سته لقيناه سبعه=سبعه وواحد قاعه اخضر مشى .. ريف

[حمد الدليهي]

ماشفت عش الطير كله تحت ريش=الريش فوق العش يوم الفرخ طار
ياللي مواويل القصايد تحتريش=عزف القصايد ماعزفته طق طار

[حمد الدليهي]

قدّم الشرهه عتب يوم انت شاره=ماحلا الشره عتب والود ياسر
كم لاعب بس مابان انتشاره=مثل حريف الهلال الفذْ ياسر

[حمد الدليهي]

الناس قالوا .. في عصور ٍ سالفه=اسر الليال السود من دون الجدي
وخير المجالس ملتقاها سالفه=وراس الطلي وصفه ماهو مثل الجدي

[حمد الدليهي]

ماني خوي ٍ للبحر لكن تعمقت البحر=غصت البحر وابحث وادور في غزيره دانته
الشعر له عدة بحور ويختلف وزن البحر=كم شاعر ٍ بعض القصايد لاقصدها دانته

[حمد الدليهي]

صح الله إلّسانك ومُبدع ياجزاء=شاعر وطلق حجاج يفتل شاربه
واللاعب اللي صار له ضربة جزاء=دفاع خصمه يوم عدى شار .. به

[حمد الدليهي]

حجانها قلت لك ماهيب مقرونه=العين لاجيت اوصف عين شيهانه
هذي بْهَذيك مربوطه ومقرونه=واللي مْقدر بقى ماقلت (شي .. هانه)

[حمد الدليهي]

اموت مااكلّ ربا والا انت مت واكله=وعْلاج أكل الربا ماوصفه صيدلي
بعض العرب في بعضها دوم متواكله=وصيد ٍ .. ماباحه نبي ماصار لي صيد .. لي

[حمد الدليهي]

البارحه ليلي شبيه الليلتين=اصارع احداث القدر مالي نصير
ماهو صحيح الخوخ قبل الليل تين =ماقاله الدوسي وُموسى بن نصير

[حمد الدليهي]

قال المثل وانا مجوّد بالمثل=لاعارضك بعض الشبب قم عارضه
عامل خوي الطيب عامل بالمثل=والعكس ذقنه سود الله عارضه

[حمد الدليهي]

يوم الأحد عقبه الأثنين =والسبت يوم ٍ يجي فارق
والسر يبقى على الأثنين =ياثالث اذلف ورح فارق

[حمد الدليهي]

ذود القوافي باعذب الشعر فلت=ترعى من فياض الكلام المعاني
بخة عطر فلت بها القلب فلت=عطر الموده فيه كل المعاني

[حمد الدليهي]

اصعد إلى المريخ والا عطارد=ثم حط لك في صفحة المجد نشره
واللي ليامنّه عطى ثم عطى رد=عليه في كل المواجيب نشره

[حمد الدليهي]

صفيت والا بلا صفوى=نسيت والا معك وطري
في راس تنوره وصفوى=ماشاف زولك حسن وطري

[حمد الدليهي]

وطوش والا قمة المجد علوش=متساويه بالسمع ياأذن الاطرش
ان ماطربتي في شعر سعد علوش=تسمعي يابنت فريد الاطرش

[حمد الدليهي]

رح للمكان وفيه ماتلقى احد=فاضي ولاتلقى ليّا جيته ربوع
السبت يومك وانت حطيته احد=انا على ماكنت وعدي لكْ ربوع

[حمد الدليهي]

الليل نصفه ضايمك ياينابيع=قلت انثري ليلك علي والفحي حيل
محبتك بين الحنايا ينابيع=تسوقني يمك وازور الفحيحيل

[حمد الدليهي]

عهد التحالف ترفضه ماتحالف=وحنا على عهد التحالف صواريم
يقوله اللي حي لومات حالف=جرو السبْاع اللي بْصدره صوا .. ريم

[حمد الدليهي]

ياكم ظالم عند رب البرا ... زيل=والظلم للأنسان ماهو ترى نور
والأتحاد اللي سوات البرازيل=لاعب يقوده اسمه احمد ولد نور

[حمد الدليهي]

في حرم مكه ومكه تراها مكرّْمه=مستجابه دعوة انسان مسلم لا .. دعا
يامُكرم انت مدعو معاك مكرّْمه=هكذا مكتوب في كرت مدعو ٍ دعا

[حمد الدليهي]

خليني انقى لي ومن ثم انقلش=صبرش علي ياغالية امش وابيش
هذا كلامي والعرب ماهي انقلش=فديت روحش جيت من شانش وابيش

[حمد الدليهي]

اصابة اللاعب عرفناها الرباط=في ركبته بانت وتبقى القاهره
والمغرب اللي عاصمه فيه الرباط=ماهوب مصر وعاصمته القاهره

[حمد الدليهي]

ماهوب هو وهو انت وانت هو =تلاعب الألفاظ باشقر والّْعبه
وان واصلوا والا اتركوني وانتهو=الّْعي بصوتي وانت مثلي والعْ به

[حمد الدليهي]

الروع في غيرك لكن انت مش روع=صدمه وعدت وانت مازاغ قلبك
وانا معك مشروع والناس مشروع=والقل مايكثر ولو زاد قل بك

[حمد الدليهي]

محمود عمه مصطفى بن فريد=وحرب المدينه فيهم الأحمدي
واللي ورى الفنطاس شكله فريد=مايسكن الرقه ولا .. الأحمدي

[حمد الدليهي]

القدس ماهي في حمى العبريه=من صانها ربه يضاعف اجره
والتكسي اللي ينقل العبريه=لايترك الراكب وياخذ اجره

[حمد الدليهي]

العاق في وصلي تراني عاق .. به=ماعاد له مأوى ولا له امكنه
جزاه متغربل وربي عاقبه=ياما نصحته قلت يمكن امكنه

[حمد الدليهي]

بلغ ياسيار بلغ والدك واقطف ياسيار .. تين=والأكلبي خذ من ابياته على شقر المعاني عبر
والدرب ياخذ على عرضه ياسياره ياسيارتين=والدرب ماكل من حاول يبي يمشيه قالوا .. عبر

[حمد الدليهي]

اكل وفاء ماصار في مأكلي نكس=والأكل تمريره بقطع الطواحن
اللي يده تنظيفها في كلينكس =ان سافر لْديره بقطع الطوا .. حن

[حمد الدليهي]

اللي تلا .. له ذيب ماهو تلا .. قط=والذيب من وصفه عظيم الفعايل
واللي عيونه يوم قفى تلاقط =لو عال مره كنَها ألف عايل

[حمد الدليهي]

لابد يزعجك شيطان ٍ رجيم=لو يختفي يوم في وجهك ظهر
والسمنه اللي ماينفعها رجيم=في بطن وجهك وفي وجهك ظهر

[حمد الدليهي]

حزين ياكارلوس مع جون=حزني على مقتل المبحوح
واللي سنونه بلا معجون=تثر على صوته المبحوح

[حمد الدليهي]

اكتبك دال في نطق العروبه وانجليزي كتبتك لي هنا .. d=لكن (ال/d )حرف ٍ لاكتبته رمز مخفي و يجهل من قرا .. به
اخفي اسمك واحط اسمك هناd وانتي اسمك على وضعه هنادي=والهنا لو نعيّن لك فصيلة دم والدم يعطينا قرابه

[حمد الدليهي]

ذيب ٍ عوى واحسب لها ايامي البيض=صوته عوى في غير ما هو عوى .. في
واللي ماهو سلاّق في سلقة البيض=ياكل قشور البيض ماله عوافي

[حمد الدليهي]

راكب اللي لاعطيته وان مشى تل=تلة الحر القطامي يوم تله
سايقه ماحمله جح ومشاتل=كم سرى به بين جرف وبين تله

[حمد الدليهي]

لي وليف ٍ من ورى ديرة عفيف=ماسكن في نجد والا حضرموت
اتغزل فيه لي قصد ٍ عفيف=إبدو ٍ عاشق ٍ له حضر .. موت

[حمد الدليهي]

قطفت الزهر وسط الحديقه وانا الّمح .. توت=قطفته على وضح النقى ماقْطفهْ سلبي
لكن العيون يغثها رمشها المحتوت=ايجابيّها بالوقت تالي يجي سلبي

[حمد الدليهي]

الْعب الشقر وبحوري طويله من لقى علم قلت العلم غبه=ماغفى طرف عيني في سباته دوم صاحي ولا فيني بلاده
ياخليج العرب ياكثر خيرك في صحاريك والا وسط غبه=كم وكم واحداً قام يتمنى ليت دوله خليجيه بْلاده

[حمد الدليهي]

الشر ماهوبك ولاهو بناشر=متماسكين الطيب مسك العراوي
البنشري شغله يصلح بناشر=فنان شغله في اطار العراوي

[حمد الدليهي]

ابوجدل طبعه يحب امجادله=ماصرت له أكله وصار الأكل بي
سعد ولد جدلان حاز امجاد .. له=لله دره دوم ذاك الأكلبي

[حمد الدليهي]

انس كل اللي مضى بالوقت انس=يتعب الناسي ليامنّه ذكر
العباده شامله في جن انس=تفرق الأنثى ولا تُوصفْ ذكر

[حمد الدليهي]

الجيش شن الحرب والجيش انسحب=اللي يقود الجيش عامر بن نجيب
الحب وقت ٍ فات واليوم انس حب=صوت المؤذن كل مانادى نجيب

[حمد الدليهي]

ذودك علي تضوي وذودي مساريح=ذودي وذودك عن بعضها اختلافي
طبع الهواء لاهب عاتي مساء .. ريح=مايشبه النسناس يااخت لافي

[حمد الدليهي]

خاشعه مستسلمه بين الملا .. هي=وندمتْ عن ماتنوّي واستخارت
خرّت اعضاها وهي بين الملاهي=والخبر بثة وكالة واس تخارت

[حمد الدليهي]

جر الهواء زورق بحرنا الهوا .. جر=جره على الشاطي مْبلل قحا .. طين
والا الكرم معروف عنـد الهواجـر=اصل الهواجر ماجهلتـه قحاطيـن

[حمد الدليهي]

انت ياسكن هجـر افعـل محاسـن=انتبه في طاعة الله قـص هجـرك
صاحبي يااهل الحساء ساكن محاسن=لو سكن في هجر يصبح نور هجرك

[حمد الدليهي]

اللي درى ماهو مثل ما درا .. ويش=وياويش هرجة شعب بالعلم أمي
يعني جهل فطره ولاهم دراويش=والجنه تحت اقدام بالعلم أمي

[حمد الدليهي]

خوفي من اللي عليم السر والجهراء=اللي له الخلق دايم تعلن التوبه
والا انت ياللي ورى المطلاع والجهراء =اقرا عليك آية ٍ في سورة التوبه

[حمد الدليهي]

هذي سنه ماجرى للقاع ري ولكن العام ري=يالله طلبتك تغيث المسلمين أنك تجيب الحياء
والشاعر اللي صحابي هو لُبيده واصله العامري =أخر حياته قضاها مع (هل) الكوفه يصون الحياء

[حمد الدليهي]

ارفض مداخيل كسبك مع مداخيلي=مجبور .. وقت الضروره للأسَى بقها
خيلك تبيّن مداها مع مدى خيلي=والخيل نكشف معادنها وسابقها

[حمد الدليهي]

حشد الجيوش وبالمدافع ترامو=صوت المدافع مايسمى ترانيم
يصهل حصاني ... والقطاوه ترى مو=مانامت عيوني وغيري ترى نيم

[حمد الدليهي]

ياهوْ .. غرو ٍ شفت بالعين ياهو=يمشي دلع واطراف جسمه نواعم
مايعرف الهوتميل وارسال ياهو =عرف النوايا خال والا نوى عم

[حمد الدليهي]

اللوح موت اللوح لاجاه منشار=ماهي علوم اثنيِنّا وانتحايل
سؤال واحد .. معطي الشور من شار= وشلون تلقح فكرته وانت حايل

[حمد الدليهي]

تشرق الشمس نور الشمس باني=نورها غرب محتوم ِ زواله
النمل لامشى هادم وباني=لكن الأجنحه سبة زواله

[حمد الدليهي]

الثناء والمدح وطوال اليماني= والليالي طبعها حلوه ومره
وانت ياابعد لي من سهيل اليماني=اكتفي في طلتك مره ومره

[حمد الدليهي]

لاعاد تملى الكاس يازين فضه =مادام ماهو طوع صبك نحاسه
عمر التنك ماصار بالوقت فضه=ومثلك تبيّن فضته من نحاسه

[حمد الدليهي]

رح وقل للناس وانشر قل باني=غايب ٍ محصور هرجه في بريده
يفرق الصادق عن اللي قلباني=والقصيم العاصمه فيها بريده

[حمد الدليهي]

ياعابره والا عبير وعباير=ياآمنه يامؤمنه ياأمينه
من عادت المحزون دمعه عباير=تمشيبه الأيام ماهيب أمينه

[حمد الدليهي]

اطيب الاخلاق فيها الناس عامل=وانت ناري شخص والا انت مائي
كم رئيس ٍ طيحته بااسباب عامل=يوم مال الحكم للشعب انتمائي

[حمد الدليهي]

انت مثل الطفل وامه ماتعز=تبتعد عنْه وهو حبى لها
الغلا لامات عدْه مات عز=المحبه شد كل حبالها

[حمد الدليهي]

لاشفتني لاتبسّم وانت لك مأرب= ضدي موجّهْ سلاح جيوشك وحاشد
الفار ماغيره اسقط سد أهل مأرب=انشد قبائل بكيليه قبل حاشد

[حمد الدليهي]

مال الهوى قاضي بحكم الشرع= من وقت قيس وُقْت ابن عدوان
والناس ماتجهل فاروق الشرع=في سوريا الثوار له عدوان

[حمد الدليهي]

صاحي ولكن سبتك صرت معتل=وفكري معك لادلبح الليل يسري
مره مع هضبه ومره مع تل= وغلاك في دم الشرايين يسري

[حمد الدليهي]

http://www.alraidiah.org/up/up/33864856520120602.jpg





محدٍ على حاله وباقي معمر=ومْبشر الأخبار سموه بشار
كل رأى بالعين طيحة معمر=يالله عسى فاله يجي فال بشار

[حمد الدليهي]

الثناء والمدح وطوال اليماني
والليالي طبعها حلوه ومره
وانت ياابعد لي من سهيل اليماني
اكتفي في طلتك مره ومره

[حمد الدليهي]

المكان المرتفع معـروف شاهـق
والدراسـه فــي مراحلـهـا شـهـاده
حالة استغراب في زفره وشاهق
لا إلــه إلا هــو واشـهـد شـهــاده

[حمد الدليهي]

الوقت متعب تْغلب الكثرة شجاع
والسلم مايعلن على شن الحروب
وابرك خبر تعيين ابومتعب شجاع
الشيخ ابن غميض من روس الحروب