منهو ينقذنا من مكاتب الخدم

[يتيم الامه]

يا جماعة الخير اصبحت مشكلتنا مع مكاتب الخدم مستعصيه الملكيه لسعوديين ويجون يجلسون عشر دقايق ومن يختار الخدم مصريين ومن جنسيات اخرى والشي الغريب من تجي الخدامه تقولك ما ابي اشتغل طيب ليش جايه من بلدك ما فيه رد وتوديها للمكتب ماما يطقي بابا يطقي وهذه حجتهن وفيه مكت بالخفجي للخدم رسمي واصحابه على خلق لكن مسلمين الاختيار للمصريين ولعبو فينا تخيلو اول خدامه مريضه وسفروها وثاني خدامه رفضة الشغل وقال راعي المكتب نوديها منزل ثاني قلت موافق وراحه هناك ورفضت وسفروها وخادمه ثالثه بعد وصولها ثلاثة ايام هربت ولقيناها عند الشرطه وهي رافضه العمل وانا خلال سنه دافع اكثر من 22 الف ريال ولا استفدت من عملهن شي والشي الحلو هي عامله سابقا بالمملكه يعني تعرف العادات تدخل الحمام وتخلي الباب مفتوح لما هربت سرقت ملابس واغراض خفيفه وتطالب كل خميس بان نجمع الخدم من جيرانه ليتقهون افتووووووني جزاكم الله خيرا ماذا افعل مع المصري

[!! عبدالله !!]

ماقول الا عسى الله يعوّض عليك

لان وانا خييك مافيه احد يرجع لك فلوسك . المكاتب لقينها سبهليله ومأحد يحاسبهم

[يتيم الامه]

صاااااااااار السبت الساعه تسعه الصباح ما يكون معازيبه عنده ههههههههههههههههههههههه

[فاعلة خير]

والله ياولدي كلامك صحيح
والمشكلة ان عمال المكاتب (المصريين) او غيرهم هم اللي بيدرسوهم الحجج وعلموهم الدروب البطالة ويدرسوهم كيف يتمردو على كفاله لا وقال ايش بالنظام
ياولدي ناس ماتخاف الله
ضيعو الامانة وخانوظمائرهم من اجل الفلوس
وصاحب المكتب نايم على اوذانه مايدري عن شيء
حسبنا الله ونعم الوكيل
بس أنا اقول روح اشتكيهم وسلم المصري للشرطة خليهم يحبسوه يوم اويومين عشان يتادب ايش الكلام هذا يعني الناس اغبياء يلعبو عليهم
ربنا يديلك الصحة والعااااااااافية على الموضوع
مشكووووووووووووووووررررررررررررررررين

[يتيم الامه]

على فكره من يفكنا من وزارة العمل ومكاتبها ومن حقوق الانسان والجرايد المصريه وشرطتنا تبي تورطنا لا ابوي منسحب انا تبين اصبح العدو الاول لحقوق العمال ووراهم نقابة العمال بس ترى حنا عندنا نقابة او ما ادري شسمه لكن فيه بلشركه نسيت اسمها من كثر خدماتها اشقاء للمجلس البلدي

[ليتني همك يايمه]

الله يعيـن وأنا أختـــك
وربـي نفس المعاناة
أول ماجبنا شغاله
مريضـه معاها الأنفلونزا
والعياذ بالله
والثانيه جت ماكملـت يوم
وقالت ماأبي أشتغل
أجل ليش جايبينها
ماأقول الا حسبي الله
ع المسؤؤل عن هالموضوع

[فتى الرائدية]

الله يكـــــووون بـــالعون

[سليط]

الله يخلينا خديجه

ماهي مقصره

ونعم الخادمه ...

جزاكم الله خير .. والله يكون في عونكم ,,,,

[أبو رائد]

المشكلة مو بس بالخدم ..

بكل العمالة ..

لما يجي الخفجي .. يرفض الشغل

وهذا غريب .. المفروض إن أصحاب المكاتب

يوضحون للعمالة .. طبيعة العمل ..

[بشاور]

بسم الله الرحمن الرحيم

السلام عليكم ورحمة الله وبركاته

اخي وعزيزي يتم الامه

انت وانا بيدنا وغيرنا لو اننا استغنينا عن المكاتب اذا لم نجد منهم الصدق

والامانه بل بالعكس نصب وكذب ..

اذا اردت شغاله او سائق لك انا اقترح ان تسافر انت وتجلب العماله

التي تريد وتحت نظرك ولا ايضا تجرب وتحت الضمان ايضا من مكاتب

معتمده لتدريب الخدم (هذا اقتراح )

وشكرااا

[يتيم الامه]

كل الشكر لتفاعلكم الكبير لكن يا جماعة الخير الا يوجد نظام يحمي المواطن ولا فقط الانظمه لحماية الاجانب

[بشاور]

بسم الله الرحمن الرحيم

السلام عليكم ورحمة الله وبركاته

لا اخي فيه نظام والنظام واضح وصريح لكن يحتاج الي تفعيل

ومطالبه والله يعينك لان لا احد يريد تطبيق النظام والسلطه التنفذيه

للمواضيع لها القدره علي ايجاد الحل ولكن يحتاج الموضوع الي تفعيل

فقط

[يتيم الامه]

عزيزي بشاور الحقني فيه النظام وعلمني منهي الدائره المسؤوله عنهم

[moon light]

والله انك صادق بكلامك نجيبهم وندفع فيهم مبلغ وقدرهـ ونستناهم عشر طعش شهر واخر شي يجون ومايعجبهم الوضع ويقولون ماانبي نشتغل!! :mad:
مااقول الا الله يعوظك خير باللي دفعته ..

[يتيم الامه]

بارك الله فيكم وشكرا لمروركم الكريم

[بشاور]

بسم الله الرحمن الرحيم

السلام عليكم ورحمة الله وبركاته

اخي وعزيزي يتيم الأمه ...

اذا كان موضوعك مع الشخص المصري العامل بمكتب الاستقدام

فموضوعك سهل وله اجرأءت معروفه والله يعينك علي الروتين

مع الشرطه .

اما اذا انت ناوي نيه للمكتب والمصري وراعي المكتب انصحك بتقديم

شكوي للغرفه التجاريه وصوره منها لوزاره التجاره وايضا صوره لجريده

الاقتصاديه وراح تشوف الحل سريع اكثر مما تتصور

وتقبل تحياتي

[يتيم الامه]

عزيزي بشاور سبق وحصلت قضيه بين مواطن ومكتب خدمات ويمارس عمل الاستقدام وهو معروف بالخفجي وتم شكوى وضاعت اول شكوى وتقدم بثانيه وتم التساهل ولا فيه من يهتم وتم تقديم شكوى للمحافظ ولا فيه نتيجه ومكتب العمل يقول مالنا شغل وبعد رح وتعال لمدة سبع شهور حصل الفين وخمسائه تكرما من القاضي لانه فضيلته قال حنا مالنا شغل بهذه القضايه ولكن اصلحو واصلحو ولا زال المكتب يمارس الاستقدام وعلى شارع رئيسي

[~ افوق الوصف ~]

نصيحه قدم من الكويت اقلها اذا ماصلحت يجيبون بدالها
بفلوسك

[أبو الهنـــــوف]

حبيب ألبي \\ يتيم الامه ..
الشغالات أولاً ...
من آمن العقاب آساء الأدب .. !!
و هن عرفن وش يسون .. من تجي الخادمه للمملكه ..!!
أول شهر .. أسبوع .. ما يبي شغل .. و لما تروح
للمكتب .. كل بيت طقي .. !!
و المكتب .. وش يبي من المواطن غيررر الفلووووس
وبس ....... تشتغل ما تشتغل ما يهمه .. !!
أهم شيء كلووووووس .. يعني فلووووس .. !!
و صاحب المكتب يرمي المكتب على هالمصري
و اهم شيء عنده يجي نهاية الشهرر و يدور الفلوس .. !!
يعني الكل يبحث على الفلوووووس على حساب
المواطن المسكين ... !!
و الخادمه ودّك تجيبها من مكتب بالرياض و الا من الكويت فقط ... و الا الخفجي حط رجلّك .. !!

تسلم يا يتيم الامه .. و هذي المشكله أغلب الخفجي
يشتكون منها .. كثير .. !!

[يتيم الامه]

هو يا ريتها اشتغلت شهر ثلاثة ايام وصراحه مثلها لم ارى تخيلو ماهي طلباتها اقامة حفله وعشا يوم الخميس لشغالات الجيران ممنوع تجلسها قبل العشره واشياء ما اقدر اقولها لكن حسبي الله عليهم بارك الله فيك يا ابو الهنووووووووووووف يا صاحب الذووووق والاخلاق العاليه

[خالد نمر]

الله يكون بعونه

[خالد نمر]

الله يكون معكم

[يتيم الامه]

الى متى ونحن ضحية الاجانب ومن يساندهم المكاتب مستلمينها والمعارض مستلمينها والبوفيات بالجوازات والمرور مستلمينها ونطالب بلسعوده ونحن المواطنين اول من يحارب السعوده ونضع اللوم على الدوله تدرون نحن لا نصلح الا بالتعامل معنا بقوة النظام وفرض النظام وبكل قوه وغرامات كبيره لانه الحس الوطني عندنا لا يرتقي لما يسعى له ولي الامر

[المــســافــر]

كلامك يا يتيم الامة صحيح وهذا واضح ،،

[يتيم الامه]

لكن من ينقذنا من التلاعب ومنهو المسؤوووووووووووول مكاتب غير مصرح لها بالاستقدام والتي مصرح لها مستلمينها الاجانب

[عـــ222ـــزام]

هههههههههههههههههههههههههههههههههههههههههههههههههه

[سعود10]

هههههههههههههههههههههههههههههههههههههههههاي


احد المعانين من الخدم الله يحميني منهم وتووووووووووووووووووووووووبه

[اتحادي]

الله يعين المصاريا اكبر نصابين

[المــســافــر]

الله يكون في عون الجميع ،،،،،،،،

[يتيم الامه]

يقولون بالخفجي فيه مسؤولين وانا اقول نعم فيه لكن من يفكنا من المكاتب

[يتيم الامه]

الان طايحين باسلوب التحايل اذا الشغاله ترفض العمل واغلب الاحيان من سؤ اختيار المصريين يقولك نوديها لبيت ثاني وياكلون من الطرفين فلوس

[steve]

ليس هناك حقوق للمواطنون ولكن هنالك حقوق للوافدين

ظلم ببلد الانسانيه

[يتيم الامه]

فعلا صدقت لانه بعض مسؤلينه يفتقدون الحس الوطني

[ولد الولد]

الخدم ما وراهم الا المصايب

انا شخصيا أكره الخدم وضد ان الرجال يجيب خادمه لبيته الا لظروف

خاصه يعني الزوجه موظفه,مريظه,كبيره شوي بالعمر أوكي جيب

شغاله ولكن للأسف في بعض البيوت من يجي للحرمه ولد أو أثنين

قامت تصايح وتحن على زوجها تبغى شغاله,,

المهم أنا بختصر لكم تجربتي مع الخدم,,كانت أم العيال في ظرف خاص وحنت على

مخي الا تبي شغاله ,, وأم العيال الصراحه كانت قايمه بالبيت وفيني

على الوجه المطلوب,, المهم أنا قلت لها بجيب شغاله ولكن فقط حق

كوي الملابس والغسيل وشغل البيت لا تمد أيدينها على طبخ أو توكل

عيال ولا تغسل عيال يعني شغل البيت للشغاله والعيال والطبخ والنفخ لك

قالت تم,, المهم وصلت المحروسه من العين من أندونيسيا وفي البدايه

الأمور زينه صدق أنها تتهاوش مع أم العيال كلام مو طق بس كم يوم

يتراضون,, المهم زبدة الموضوع بعد تقريبا ثلاث شهور صارت الشغاله

ياجماعه تسوي كل شي في البيت والله حتى الطبخ وتوكل العيال

يعني كل شي والمعزبه صايره مدير المهم قلت أنا في نقسي

مردها تسافر وأنسى أجيب شغاله مره ثانيه,,المهم المحروسه سافرت

وألحين أكثر من خمس شهور بدون شغاله وياربي لك الحمد الأمور ماشيه

ميه ميه وأنسى أجيب شغاله,,,

ياجماعه حنا أكثر حريمنا فيهن عيب شرعي اذا جابت شغاله ما تبي

تسوي شي بس نوم وحلسه ومساير,,والله أعرف بعض البيوت الشغاله

تنام مع الأولاد الصغار في غرفه لوحدهم مع الشغاله,,,

أنا أقول أن الحرمه لازم تشتغل في البيت, الرجال يشتغل ويتعب

ويجيب الفلوس والحرمه كذالك يجب أن تشتغل وتتعب وتهتم بالمنزل

والأولاد..

الله يوفق الجميع وفي الختام مسك الختام حديث الرسول صلى الله عليه

وسلم عندما قالت لهه أبنته فاطمه أجعل لنا خادما قال لها أذا أويتم الى

الفراش سبحا الله ثلاث وثلاثين وأحمدا الله ثلاث وثلاثين وكبرا الله أربع

وثلاثين خير لكما من خادم ,,,,

والسلام عليكم ورحمة الله وبركاته