.. صباحات .. ما بين .. الخير .. والشر ..

[عبدالعزيزالوادي]

بسم الله الرحمن الرحيم ..


..



السلام عليكم ورحمة الله وبركاته ..



..


صباحات .. اما ان تكون بصباح الخير .. او صباح الظلم ..

..

وددت ان تكون فقط صباح الخير ..

..

وددت ان اردد هذه الابيات .. على مسمعك .. كل صباح ..

..

حتى وان لم تكن بالقرب .. فأنا أطرب .. لألقاءها .. وكأنك موجود >> حالة عشق


..

..


فـ // صباح الخير ..

..

..





صباح الخير يا أنتي .. صباح الخير يا فلانه = صباح النور يا نور العيون .. وعمر راعيها
صباح الصبح وأنفاسه .. صباح الشوق وأشجانه = صباح الورد وعطوره .. صباح آمال مغليها
صباح الحب يا نايم .. أشوف العين نعسانه = فديت الضحكه الحلوه .. فديت اطراف اياديها
حبيبي قوم وطيورك .. لصبحك موت ولهانه = تغرد تطرب اسماعك .. تمنى بس تناديها
حبيبي والحياه احلى .. معك والناس زعلانه = ما هموني ما دام انك .. بحر روحي وشاطيها
معاك انتي حرام أزعل .. حرام اشكي لك احزانه = زمان(ن) خيب آمالي .. حرام عيونك اشقيها
لك الفرحه لك الضحكه .. وهاك الشعر وألحانه = علي اشرب عنك مر الحياه .. وهاك حاليها
حياتي وان حكيتي لي .. أحس الارض طربانه = تمايل من غنج صوتك .. وصوتك حيل مغريها
غرستي حبك بقلبي .. وريدي ضم شريانه = سمحتي لعيني تشوفك .. سحرتيها وأسرتيها
عذاب ان لامست كفي .. كفوف(ن) شوق رويانه = ذبحها طول هجرانك .. كواها عض اشافيها
صباح الطهر في ذاتك .. صباح انسام سهرانه = تبي تلحق على شعرك .. تداعبه ويسليها
صباح السكر بريقك .. صباح الذوق والوانه = صباح الكحل بعيونك .. وعينك لا تبكيها
صباح الكلمه الحلوه .. صباح الشوق واشجانه = صباح النور يا نور .. العيون وعمر راعيها




..


..


..


لكنك ابيت .. ان تكون هذه الصباحيه هكذا ..

..

بسببك انت اصبحت هكذا ..

..

..


صباح الظلم ..

..

صباح الظلم ...

..

..

..






صباح الظلم يا ظالم .. صباحك ما طلع نوره = صباح الذنب يا قاسي .. صباح الهجر وآهاته
تقهوى وهاك ابياته .. حبيب(ن) كنت جمهوره = شراك بكل هالدنيا .. عطاك ولا يبي هاته
أنا مصدوم هاللحظه .. ولاني شايف الصوره = ما هو معقول وش صاير .. علام الناس شماته
حسافه خابت الهقوه .. وحبك طاحت قصوره = وصار اللي يسمونه فراق .. بجسمه وذاته
هجرت ولا تبي قربي .. تخون الوصل وجسوره = خلاص اقفيت يا خلي .. وصدك ذي بداياته
أنادي لك تجاهلني .. وأسوق الرجل مجبوره = أصد وداخلي حيره .. ولا أدري ويش غاياته
احس الروح في صدري .. من الآلام محشوره = تبي تطلع ولا تقدر .. تواجه شر نياته
ألا يا وقت ما ترحم .. وخلي زايد(ن) جوره = شف اللي صار لا تقسى .. ابي ترسم نهاياته
نهاية حزني وجرحي .. ونفس(ن) حيل مكسوره = ابي تنهي معاناتي .. ما ابي ليلي ونجماته
وفيت ولا وفا خلي .. وش اللي صار معذوره = تظن ان الهوى لعبه .. ولا تعرف حكاياته
رسمتك والسما تمطر قهر .. والارض مغدوره = رسمتك لوحة(ن) عميا .. بحس(ن) يذبح اسكاته
بدوي وطقها لطمه .. زعل والروح مقهوره = رحل ينقل وسط كفه دموع .. ويذكر امواته
كريم يكبر الضيفه .. حكيم وينوخذ شوره = شجاع ودايم أفعاله .. تجي وتعز هقواته
صبور ولكن صدودك .. يغيض ويجرح شعوره = لان الشوق لا زاره .. يزيد الدمع كياته
صباحك ظلم يا ظالم .. صباحك ما طلع نوره = صباحك ذنب يا قاسي .. صباحك هجر وآهاته



..


..


..


..



قبل ان أترككم ..

..

وددت ان اضع هذه ايضا بين ايديكم ..

..

..




أحس بداخلك كلمه .. تصيح مضيقه صدرك = دخيلك لا تخليها تموت بداخلك قلها
وأشوف بعينك اليمنى .. دموع(ن) تشتكي غدرك = حسافه ما هقيت انك .. تخون وتنكر أولها
يا ليله نام لا تشكي .. وش اللي جاك من بدرك = صحيح انه نوى حاجه ولكن .. صعب يوصلها
أنا واللي جمعني بك .. نويت اعلمه قدرك = ما هي صعبه ولا سهله .. ولكن غصب اسهلها
خلاض (ا)شفيه يا صدرك .. علامه زايد(ن) كدرك = خلاص اغدر على كيفك .. ونفسي ما انت مزعلها




..


..


..

..




محبكم

..

..

..

..

عبدالعزيز الوادي ..

[عيسى بن راكب]

صح لسانك يا عبدالعزيز

قصائد في قمة الروعه

بانتظار روائعك

تحيتي لك يالغالي

[ريشه رسام]

رااائعه



سلمت

[ماجد العلوان]

عـبـدآلعـزيـز




وصبآحآت آخرى/صبآح آلنقآء وآلآبدآع
صبآح يحمل في طيآته...معنى جديد للآبـدآع..!
دآئمآ يآ..(عبـدآلعـزيز) مآتجـسـد آلآبـدآع وآلجمآل في قوآلبـك آلشعريـه
آلتي// تآخذنآ نحـو آلآتفآق على...جمآل حظورك......!
..آلذي لآ يضآهيـه......حـظـور يآمـبـدع...!
صح لسآنك وطآب هتآنك

















دمتَ بخير
:101:

[فاعلة خير]

صح لسانك
مشكوررر

[أبو الهنـــــوف]

صبآح الخير ياوجه الخير
يا عبدالعزيز خليف .. !!
صح لســانك ..
فمهما كتبت أنك مبدع و متألق و مميز
يبقى قليل بحقك يا شاعرنا الحبيب الغالي
قصيدة رائعه .. من شخص رائع
عبدالعزيز خليف حضور مميز .. و رائع
لا يشبه اي حضور .. ربي يسعدك
و خلنّــي مع القصيده الأولى
صباح النور يا نور العيون و عمر راعيها

و على الخير نلتقي

[شذا الوراد]

شـكــ وبارك الله فيك ـــرا لك ... لك مني أجمل تحية

[مبارك الرخيمي]

صح لسانك يا عبدالعزيز

قصائد في قمة الروعه

[عبدالعزيزالوادي]

عيسى بن راكب .. ريشة رسام .. ماجد العلوان .. فاعلة خير .. ابو الهنوف .. شذا الورد.. مبارك الرخيمي


وربي مروركم تشريف لي ولمتصفحي ..

..

شاكر لكم ومقدر .. كل ذلك ..

[!ملآمحْ يـgسفيه]

صح لسـآنك
قصيدهـ مـآره جونــآن
عـوآفي

طحيـآطـي

[سارة الحلوه]

شـكــ وبارك الله فيك ـــرا لك ... لك مني أجمل تحية .

[أبوعقيل]

شـكــ وبارك الله فيك ـــرا لك ... لك مني أجمل تحية .