ماذا لو خيرك زوجك بين الطلاق او الزواج باخرى؟؟؟

[~ افوق الوصف ~]

بسم الله الرحمن الرحيم
السلام عليكم ورحمه الله وبركاته
كيف حالكم ان شاء الله بخير وصحه وسلامه اليوم جيتكم بسؤال وابي اشوف ارائكم فيه

تعدد الزوجات امر شرعه رب العالمين واحله لرجال وطبعا هناك حكمه من التعدد على سبيل المثال لو كتب للرجل الزواج من امرأه عاقر لا تلد فماذا يفعل هذا الرجل عندها كان لابد من الدين ان يجد مخرج ومنفذ فشرع الله التعدد رأفه ورحمه بهذا الرجل الذي يريد الذريه وايضا بدلا من ان يطلق زوجته من غير ذنب شرع الله لرجل ان يحتفظ بزوجته ويحسن عشرتها بالخير وبالمقابل يستطيع الزواج من اخرى تنجب له الذريه .....وكذالك في حالات اخرى مثل زواج الرجل من امراه اصابها مرض جعلها عاجزه عن اداء واجبتها لزوجها فهل من العدل والأنصاف ان يطلقها وهي في عز حاجتها اليه ام انه يلطف بها ويحسن عشرتها ويستر على نفسه بالحلال و يتزوج بالحلال لذالك شرع الله سبحانه وتعالى التعدد للرجال من باب التيسير عليهم وتيسير الحياه فالإسلام دين يسر ....ولكن في زمنا الأن اصبح تعدد الزوجات من باب التغير ومن باب التجديد ولا اريد ان اتعمق بالتفاصيل كثيرا ولكن سؤالي للأخواتي هو لو في يوم من الأيام جاء اليكي زوجكي وصارحك برغبته بالزواج من اخرى رغم حبك له وانكي لم تقصري في حقه ابدا و هو من شهد لكي بذالك ولكنه سيتزوج من باب التغير او لأي سبب اخر فماذا ستكون رده فعلك ؟؟؟ وماذا لو خيرج زوجج بين اما ان يطلقج او ان يتزوج عليج ؟؟ شنو راح تختارين وليش ؟؟؟؟؟؟؟ http://forum-static.hawaaworld.com/images/hawaaworld/smilies/icon33.gif

انا عن نفسي بصراحه لو كنت اموت بهذا الرجل واحبه راح اقوله تزوج بعد الوحده عشر بس قبل ما اتزوجهم دز لي ورقه طلاقي في بيت اهلي طلقني وسو اللي تبيه لأني مدامني على ذمتك ما راح ارضى انك تتزوج علي وماني متحمله هالوضع وبما انك استرخصتني وحاب التغير تزوج من اللي تبي اتزوج منها بس اول شي عطني ورقه طلاقي لأني مستحيل ارضى على نفسي اعيش مع ظره حتى لو كنا في بيتين منفصلين لأني مرأه ومثل ما انا ما احب اني وحده تاخذ زوجي مني اكيد ما ارضاها على الحريم الباقيات ...ويمكن لمن يطلقني اتزوج من انسان اخر يعرف قيمتي ويحترم وجودي بحياته واعيش معاه بسعاده عوض عن العيش مع زوج كل دقيقه بتذكر انه قاعد مع شريكتي ولا سهران عندها ...شحادني على المر لا يبه خل يطلقني وتالي يروح يسوي اللي يبيه الله يسهل دربه http://forum-static.hawaaworld.com/images/hawaaworld/smilies1/smile19.gif رايي من راي صاحبه
الموضوع * م ن

[الألماسه]

وعليكم السلام ورحمة الله وبركاته
غريب رد ورأي صاحبة الموضوع بعد المقدمة اللي طرحتها لكن ...،،

أحب أوضح لك حاجة قبل لا أرد عليك
الأصل في الزواج برأي الأئمة والفقهاء هو التعدد وليس الزوجة الواحدة
{{ وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }}
لو الوحده الأصل كان حتى بالجنة الرجال لهم وحده لكن بالجنة لهم 2 من نساء الدنيا و 70من الحور العين

بالنسبة لي طالما حاب يتزوج وحده ثانية ماحعارضه سواء كان لسبب أو من غير السبب وماحطلب منه إلا العدل
ماحقولك أنا حكون عادي ولا هامني الأمر
لا
أنا حتضايق وحنقهر وشيء طبيعي أي إنسان لمايتشارك مع شخص ثاني في أي حاجة يملكها يتضايق وإذا أنأخذ حقه حيزعل لكن حوافق وحتعايش مع الوضع

لأسباب كثيرة :
الرجال لو يبي شيء حيسويه سواء الست كانت راضية ولا مو رضية عارفه ولا مو عارفه
فيتزوج وأكون عارفه إنه متزوج وفين حيكون ومع معين يعني مطمنه عليه إذا غاب وأدري بكل شيء أفضل من إنه يتزوج بوحده ثانية من وراي ويغيب عني ويكذب علي بروحاته وجياته وأغلب الزوجات اللي بتسير بالسر اللي تكون عايشه بالسر مدلله ومتنعمه وطلعات وخرجات وهدايا وسفريات يعوضها عن الإشهار بأشياء ممكن نتقاسمها ثلاثتنا ونادراً متكون الزوجة الثانية مظلومة وطبعاً لأن الرجال ضعيف شخصية وأهم شيء عنده الأولى ولسبب ما

الشيء الثاني لو عارضت وقلت لا يا أنا يا هي وهو أصر عليها أنا اش حعمل ...؟
يعني الطلاق أفضل من الزوجة الثانية ..؟
لو أي وحده عاقله ووعايه حترضى بالزوجة الثانية ومثل مايقولوا
اش اللي جابرك على المر الأمر منه
والوحده ما حتلاقي كل يوم رجال يصونها ويحميها ويداريها ويكون لها لوحدها والمعروف نسبة النساء أكثر من الرجال يعني لو الرجال كلهم كانوا متزوجين من وين يجيبوا للمطلقات رجال عزابيه ...؟

الشيء الثالث مو زواجه بالثانيه يعني النقص ولا عيب فيني يمكن يكون هو السبب عشان كده بده وحده ثانية والشاطره اللي بتخلي زوجها معاها مثل ماكان ومثل ما تحب يكون لها سواء كان في زوجة ثانية أولا .
ومو حابه أكول أكثر من كذا
مشكوره على الطرح

[AYAWASEL]

أنا مع صاحبه الموضوع ، ازاى ما قصرت معاه و يروح يتزوج عليا من باب التغيير ، أنا كمان حبقى أشوف راجل تانى من باب التغيير

يسلمو على طرحك الهام

[( عدنان )]

تعدد الزوجات عندنا لعب بالمراة ولان مالها حقوق عندنا

[steve]

^^ والله لو اقولها كذا علطول كلمة طلقني وعندي بابا يعزني هههههههههههه
وابشركم محد يتزوج ثانيه الحين الفلوووس ماتكفي وان كفت المخ ماراح يصبر على القرف
لازم يكون عنده واحد خيمه 2311 ناقه وماعنده شغل ذيك الساعه يتزوج الحين الواحد يالله وحده ويفضالها
نوم دوام نوم دوام هههههههههههههههه
تحياتي

ومبروك لحريم الزمن هذا ^^

[أبو رائد]

الزواج والتعدد حق مشرووع للزوج


ويجب على الزوج عدم التخيير الزوجة بين الطلاق أو الزواج عليها


بل يعزم على الزواج

وهي لها القرار ..



لك الشكر على موضوعك

[المــســافــر]

كلامك صحيح يا أبو رائد ،،،،،

[فاعلة خير]

طبعا يتزوج وهذا من حقه
والطلاق ابغض الحلال ولايجوز للمرأة ان تطلب الطلاق لمجرد ان زوجها يريد ان يتزوج عليها فهذا حق مشروع له
مشكوووووررررين

[رشــة عــطر]

أنا مع أختي فاعلة خير في كل كلمهـ ...
مستحيييييل أترك بيتي وعيالي علشان امرأة
أهم شئ ماتسكن معي في نفس البيت

والمرأة العاااااقلة تعرف كيف تكسب حب زوجها وتكون هي الكل فالكل
بحسن تبعلها لزوجها ...

وتقبلوا مروري..

[سمو كبريآء *]

بالنسبة لي اذا ماكنت مقصرة بحقه ليش يتزوج غيري !!

صحيح هذا شرع وحق مآآآحد ينكر..

والرسول صلى الله عليه وسلم تزوج اربع لكن جيبوا لي واحد بنص اخلاقه عليه السلام عشان اوافق ..!!

في هذا الزمن نآآآدر جدا الشخص العادل ..!!

[&صمت الشفايف&]

بالنسبة لي أستحاله أظل معه دقيقة اذا انا ماقصرت علية بشي وعنده عيال وماقاصرة شي وشهوله يتزوج علشان يغير خلاص غير وشرد أهلك وشتت عيالك...وبيت اهلي فية وهو عليه بالعافية<<<<<<< مخلصة من قلب..
وبيني وبينكم ماعاد فيه عدل خير شر

والطباين كله هوااااااشو خناق وش يبي بوجع الراس

ويعطيك العافية ع الموضوع

[زهرة]

قرار صعب جداً ،، واللي يده بالنار مو مثل الي يدهـ بالمويه ،،

الان بهاللحظه بقول اكيد ما بطلب الطلاق لان زواجه ارحم من فراقه ،،

لكن ما اضمن ان حصل هالشي اتاثر واطلب الطلاق او بقدر اكون عند رايي ،،

عسى ربي ما يكتبها علي و شريك حياتي ما يكون غير لي وحدي ويسامحني ربي ان كان انانيه مني ،،

تحياتي ،،

[نانا2]

طبعا لكل وحدة وجهة نظر بالموضوع
وانا رايي انه الزوجة ما تخسر بيتها ولا اولادها من اجل زوجة اخرى
بالعكس ممكن يعيش معها وهو يكرها من اجل انها ما سمحت له بالزواج
واكيد انها هى الخسرانة بالنهاية
طبعا ارفض الطلاق واسمح له الزواج بشرط انها تكون بعيدة عني مثلا او حتى هي بطابق وانا بطابق او شقة.

[steve]

اتحداكم اذا فى بنت بهالزمن توافق الا واحد من مليون ^^
واذا واحد تزوج بالغصب ومسوي عنتر زمانه عطه 3 شهور حياته تتدمر ومشاكل خخخخخ
>>>>>> مناصر لحقوق المراءه yd.885

[كلي خفجاويه]

اذا تـزوجت وجربت بجـي بـرد ع المـوضوع

بس عنـي انا حاليـا مـع صـاحـبة المـوضوع اكيد يطـلقني ولا عاد اشوف رقعة وجـهة مـره ثانيه

لأن عني انا ما احب احد يشاركني بأي شي

كــيف تشاركنـي بـزوجي بـلشه عـاد ,,

[نور الشموع]

بل ايش فيك صمت الشفايف

شلتي المنتدى من الصراخ انشق الحلق :)

صحيح الزوجة تغير بس ماهو لدرجة توصل لطلاق

[حديقة ورد]

مع كلام أختي الألماسة وأختي فاعلة خير
بارك الله فيك على الموضوع

[omsa_34]

الزواج والتعدد حق شرعه الله سبحانه وتعالي.

فانا مع تعدد الزوجات بشرط ان يكون الزوج مستطيع.

[omsa_34]

وسوالي للاخت لماذ انت اول الرافضين مع ان مقدمتك فيها تشجييع وتاييد

لتعدد الزوجات.

[كادي03]

تعدد الزجات امر شرعي هذا اولا ثانيا اذا لاسمح الله اذا الزوجه ماتنجب او خلفته كلها بنات ويبي ولد مافيها اشكاليه اما طلاق مرة وحده احسها مستحيل ليش نهاية العالم اذا تزوج عليها بشرط العدل العدل مع ان مستحيل يصير عدل عدل الامايميل لأحدى الزوجات طرح رائع يعطيك الف عافيه

[~ افوق الوصف ~]

وسوالي للاخت لماذ انت اول الرافضين مع ان مقدمتك فيها تشجييع وتاييد

لتعدد الزوجات.



اذا قريت كلامي زين انا وضحت انه التعدد شرع الله ولاسباب معينه
لكن بالنسبه لي انا ارفض اذا ماكان احد الاسباب موجوده وضح الكلام

[كادي03]

انا ارفض اذاماكان عادل بينهن

[بنت حايل]

آلطلآق ..

ثم يتزوج آللي يبي :d

[&صمت الشفايف&]

عين العقل يابنت حايل

انا معك من يصوت

[شموخي عزي]

http://fawaz518.jeeran.com/فاصل7.gif
......
وعليكم السلااام ورحمة الله وبركاته
.....
الموضوع جدااا حساااس بالنسبه لي
.....
خياران احلاااهمااا مــــــــــــر
.....
بغض النظر عن شرعية التعدد
.....
الا انه منجد مؤلــم وقاااسي على المرأه
.....
اتمنى العيش بهناااء مع زوجي
.....
والله يرزق بنات المسلمين آمين
.....
شكراااً على الطرح
.....
تقبلي مروري
.....
تحياااااتي
......

[أبومهاوى]

اولا انا ابغا اهمس فى اذن اخواتي الكريمات ( تري البيوت مليانه بنات بعد متزوجن واعمارهن شارفت على الاربعين )

تدرون وفقا لاخر احصائيات طبعا الاحصائيات هذى على مستوي الدول العربيه انه لو كل رجل تزوج من اربع نساء سوف يضل هنالك عدد من النساء من غير زوج

اين انتى من حديث الرسول صلي الله عليه وسلم احب لاخيك ماتحب لفسك

ثانيا بسبب الغلاء الفاحش فى المهور والحياة مافى واحد يتزوج الثانيه الا بسبب

يعني مجبر اخاك لا بطل

يعنى كل وحده تصفن معا نفسها وتشوف وش ناقصها لا تقولين انك كامله والكامل وجه سبحانه

طبعا انا عن نفسي عندي زوجتين وعايش ولا هارون الرشيد فى زمانه

اعطيكم مثال من ارض الواقع

تذكرون ايام يوم ماكان عندنا الا شركة الاتصالات وش كان الوضع

كانو عندهم حكمه معلقينا على مبناهم ( اللى يعجبه يعجبه واللى مايعجبه بظرب راسه بالجدار )

اظن ان الفكره وصلت





واحلى تحيه