شوفوا الصدمه يابنات كلية الخفجي

[انتعاش الفراوله]

كلنا اول ماسمعنا انو في تسجيل للخريجات اللي لهم فتره طويله متخرجين من الثانوي فرحنا كثيرررررررررررررررررر واول وحده نطت انا سجلت بالنت وطلع قبولي الحمدلله بس تفاجئنا كلنا برسوم الدراسيه اللي ندفعها ( طالبات الانتساب ) بصراحه مبلغ كبير جدا بالنسبه لبنات 2465ريال الفين واربع ميه وخمسه وستين ريال ؟ كل ترم يعني بالسنه تقريبا اربع الاف وتسع ميه وواحد وعشرين ريال !!!!!!!!!!!!!!!!!!!!!1.........


معقوله وش هالمبلغ كليه الخفجي كليه حكوميه ومعروف بالسعوديه والخليج عامه التعليم عندنا مجان وبصراحه مبلغ كبير مو رمزي يعني نقول نقدر ندبره بس الفين واجد بصراحه والله هالنظام التعليم المطور للانتساب نظام خايس وغبي ...

يعني الرسوم اللي ندفعها كل ترم غير لازم نتواصل معهم عن طريق النت يعني لازم لاب توب واشتراك نت وووو ........ قروشه


وبصراحه في اهالي يرفضون النت يدخل ببيتهم بهالحاله شنو يسوون البنات من جد سدوا نفسنا عن الدراسه عفنا الدراسه واتوقع هاذا اللي يبونه بنات شرايكم تحسوا فينا :(

[الألماسه]

هذا نظام كل الجامعات الحين وشكلهم يبون هالكلية مثل هالنظام وحيطبقونه على جيمع الكليات والجامعات
سواء المتخرجات من زمن ولا الجدد نظام الإنتساب بمبلغ مالي يدفع كل ترم لكن أنا مستغربة من شيء
من زمان من قبل لايكون في مبالغ للإنتساب كانت الجامعات تدخل دخل كبير من المنسوبين لها من الجنسيات الثانية واللي يدفعون لهم عشان يدرسون فيها لكن مباني الجامعات وومرفقاتها تعبانه يعني الحين وش بيستفيدون بيصلحون لنا الجامعات والكليات ...؟
إذا ماحيسون شيء ما أظن فيه داعي يثقلوا على الناس

[AYAWASEL]

ربنا يعينك ، هو ده النظام فى جميع الجامعات

يسلموو على الطرح

[steve]

نحن فى عصر الحكومه الالكترونيه والتكنولجيا

اعوذ بالله تو طلع التطور حاربتوه علطول ^^ واذا على النت كل الاهالي راضين الحين 88%

البنات الحين يروحون بعثات بدون محرم جت على النت ههههههههههههههه

2009 قربنا 2010

واذا على المبلغ قطيه من الخوات والاهل
واذا متزوجه الله يخلي الزوج اعمليله مرقوقه ويدفعلك
واذا ابوك رفض اضحكي عليه قولي له انك اذا صرتي مدرسه راح تعطينه 25% من راتبك يوافق علطول
خخخخخخخخخخخخخخخخخخخخخخخ
تحياتي
ستيف

[أبو رائد]

بالنسبة لي ما عندي خبر عن كليات البنات

لكن الانتساب بالنسبة للرجال

يدفع له مبالغ مادية

واعتقد الترم الواحد ثلاث آلاف ريال

[Al -T a m i m i]

وين الصدمه !
نظام الانتساب معروف بكل الكليات ..

بالتوفيق

[المــســافــر]

الصراحة اذا كانت الشهادة معتمدة المبلغ معقول

[×|| حلمـ الطفوله ||×]

النظام تم تطبيقه على جامعة الملك فيصل مو على كلية الخفجي بس

وبعدين رسومها تعتبر رمزيه بالنسبه لباقي الجامعات خاصه ان باقي الاترام على 1900 وشي تقريبا

وبعدين هم فتحوا مجال لناس كثير منهم الشهادات القديمه ومنهم الغير سعوديين

وفتحوا مجال للي نسبهم قليله وللي مالحقوا التسجيل انهم ينتسبون اول سنه ويعدون 24 ساعه دراسيه ويجيبون معدل 3.5 من اصل 5 ويحولون انتظام بالراحه

أنا مؤيده للموضوع هذا بس ان شاء الله يكون النظام مرن علشان تتعود الناس عليه

[AmOooOla]

السلام عليكم ورحمة الله وبركاته

طبعا المبلغ بسيط جدا بنسبه مقارنه بالجامعات الاخر,,,

بس احنا نتكلم ونقول بسيط بس ترا فيه ناس رواتب الاباء ماتتعدي الالفين ريال يعني صعب علي بعض الناس,, بس هذا النظام الله يعين الناس ,,,

الله يوفقك ويسر امرك وإن شاالله تتيسر لك ,,

[منتهى الذوق]

ما له داعي على شهاده انتساب
في ناس ماهي قادرة على المبلغ هذا
الله يعينكم ان شاء الله

[برستيج خفجاويه]

وانا سمعت بعد

وكل يوم لهم نظام شكل

والمشكله موب من زينها

والنظام اللي يبونه يمشوونه واللي مايبونه يمنعونه

الله يعينا بس

[steve]

والله الحكومه تنظر لنا كشعب غني هههههه يعني تبون تدرسون ادرسو ماتبون نامو

:d

[بلقيس]

الانظمة تغير كل يوم..
والنظام هذا هالسنة بيطبقونة
وللمعلومية ترا مددو فترة السداد والوثائق للمقبولين في الانتساب المطور حتى الخميس الجاي 26-10-1430هـ
موفقين بإذن الله ... .

[steve]

99.9% قادرين على المبلغ هذا بالخفجي

[دلع نجد]

ماعليكـ اختي هوونيهاا وتهوون .... هذا التطوور واخيرا صار بالخفجي

جاامعه بحق وترى هي سهله مو زي الجامعات الثانيه
هي أدخل كل النسب ودخل من غير أمتحان قدرات يعني زين منهم
.....وعسانا نشوف الاهتمام منها ومن ألي فيها

والرسوم هذي أقل رسوم سمعت فيها لان ألي بالخبر اكثرر أظن 8000 وعلى حسب أسعار المدواد .....

والنت صار مهم ابكل بيت ..... شيء لابد منه ..الكل بيحتاجه

اموفقه ربي ايسهل عليناا وعليكـ خيتووو .....^_^