من اروع قصائد خالد الفيصل

[يتيم الامه]

من يقول الزين مايكمل حلاه

كل شي(ن) في حبيبي اكتمل
الله اللي كمله والله عطاه

مابقى للزين في خلّي محل
العيون أحلى من عيون المهاه

شافها قلبي و صفّق و احتفل
نظرته من فتنته شعلة حياه

والجفون من الحيا فيها كسل
ساهم(ن) رمشه على الخد وسناه

كن لمعة وجنته ورد(ن) وطل





الشفايا كنها جمر الغضاه

تحرس الريق المحلّى بالعسل
والشعر ليل(ن) نقل حمرة مساه

أجعد(ن) حوّل على صدره همل
مايج من فوق متنه ماطواه

لون شلال(ن) مع المغرب نزل
وأنطلق جيده يماري في بهاه

فوق مياس(ن) تعزّل واعتدل
بالرشاقه فيه من ظبي الفلاه

لي مشى كنّه على الروح انتقل




ريحته من كل زهر(ن) منتقاه

والزياده للخزامى والنفل
صافي(ن) مثل المطر فوق الصفاه

باسم مثل البشاير بالأمل
جامع(ن) من كل زين منتهاه

مستحيل الوصف في خلي سهل
كايد(ن) ماهو يلين لمن بغاه

يرتفع عن كل سقطات الزلل

[الكهرمـان]

تسلم على النقل


الله يعطيك العااافية

[عزيزة نفس]

خالد الفيصل ,,,, وهل يخفى القلم :)



قصيدة روووووعه


صح لسان شاعرها



وتسلم يمينك


انتقاء جميـــل

[يتيم الامه]

كل جهودنا هي من دعمكم المتواصل والمتابعه شكرا لكم

[أبو الهنـــــوف]

الله يسلم هالايدين يا يتيم الامه


و الله يعطيك العافية على هذا النقل الرائع



و ننتظر المزيد منك ,,, و لك كل الشكر

[mύβαřαķ αlsαhli]

روووع ـــه



سلمت

[أبو الوليد]

.

http://www.alraidiah.org/up/up/22951235720081217.gif






الله يعطيك العافية


سلمت على النقل المميز



لا حرمنا من جديد مواضيعك ولا عدمنا تواجدك


اللهم علمنا ما ينفعنا ، وانفعنا بما علمتنا ، وزدنا علما .



::


:101: وفقك الباري :101:

http://www.alraidiah.org/up/up/22951247020081217.gif

:101: .. .. ومضـــــــــــــــــــــة .. .. :101:

قال أحد الحكماء :
دواء القلب في خمسة اشياء :
قراءة القران بالتدبر ، وخلاء البطن ، وقيام الليل ، والتضرع عند السحر ، ومجالسة الصالحين .
وقالوا ايضا :أشدّ الأعمال ثلاثة :
إنصاف الناس من نفسك .
ومواساة الإخوان من مالك .
والورع عن المعاصي عند الخلوة عن عيون الناس .

[يتيم الامه]

كله انتم السبب لجهودنا من دعمكم الكبير والمسانده بارك الله فيكم

[غناتي بسمو ذاتي]

تسلم
يعطيك العافيه

[فتى الرائدية]

تسلم ع النقل الرااائع

[يتيم الامه]

شكرا جزيلا لكل من مرنا هنا

[يتيم الامه]

إليكم اروع مرثيات الأمير خالد الفيصل
في والده الملك فيصل رحمة الله انا كنت حافظه بعض الابيات لكن بحثت عنها ووجدتها كاامله


لا هنت يا راس الرجاجيل لا هنت
لا هان راسٍ في ثرى العود مدفون


و الله ما أحطّك بالقبر لكن آمنـت
باللي جعل دفن المسلْمين مسنون


منزلك يا عزّ الشرف لو تمكّنـت
فوق النجوم اللي تعلّت على الكون


سكنت دار المجد يا شيخ و اسكنت
شعبك معك في منزل العزّ ممنون


صنت العهد ياوافي العهد ما خنـت
علّمتهم وشلون الأشراف يوفـون


كم ظالمٍ عاداك و أعفيت و أحسنت
و أخلفت ظن جْموع ناسٍ يظنّـون


شلت الأمانه حافظٍ مـا تهاونـت
شفنا بك رْجالٍ على النفس يقوون


ياللي طلبه الملك بالحـبّ زيّنـت
عرشك بتاج قْلوب شعبٍ يحبّّّّـون


لوّنت تاج الملك مـا قـد تلوّنـت
ما غرّتك دنياك ما صرت مفتـون


بالزهد و المعروف و الصبر كوّنت
منهاج فيصل منهج االلي يعدْلـون


تلفّتت روسا لخلايق ويـن أنـت
وين العظيم وعوّد الشوف مطعون


كا خافقٍ وقّف عقب مـا تكفّنـت
وكم ناظرٍ ذوّب سـواده محـزون


لو شفت حال النّاس عقبك تبيّنـت
مقدار حبّ النـاس للّـي يـودّون


ممّا بقلبي قلت يابـوي لا هنْـت
و الاّ انت فوق القول مهما يقولون



http://www.alraidiah.com/vb/albdoo-vb-design/post/insaed_06.gifhttp://www.alraidiah.com/vb/albdoo-vb-design/post/insaed_07.gifhttp://www.alraidiah.com/vb/albdoo-vb-design/post/insaed_08.gifhttp://www.alraidiah.com/vb/albdoo-vb-design/post/insaed_09.gifhttp://www.alraidiah.com/vb/albdoo-vb-design/post/insaed_01.gifhttp://www.alraidiah.com/vb/albdoo-vb-design/post/insaed_02.gif

[كـــــش مـــلـك]

مشكوووووووووووور على النقل


واللـــــــــــــــــــــــــــه يعطيك العــــــــــــــــافيه

[يتيم الامه]

الشكر لكم على المرور الجميل بارك الله فيكم

[~أصداف~]

.
.

صح لسآن دآيم السيف ..
قصيدة مميزة ..


أنتقاء رآئع ..
سلمت ..~



.
.

[يتيم الامه]

كل الشكر لمروركم الكريم

[كـــــش مـــلـك]

يــــــــــــــــــــــــــــــــسلموووووووووووو


والله يعطيك العافيه