بكاء شيخ .،. وصراخ طفل ،.،

[محمد الاحمد]

دخلت المقبرة قبل امس ،.،.

وسلمت على اصحاب القبور ،.،

جيت قبر فهد وقبر صالح ،.،

وبعدها جيت قبر نايف ورحت بعده لقبر خالد .،.،

وفي لحظة صمت .،.!!

شفت شايب شيخ ولحيته بيضاء وبيده عصا وباين عليه آهات وقهر

وجيت عنده سلمت وجلست جنبه ،.،

ناظرني ورد السلام ورفع يده ،.،

ودعى ربه يرحم حاله وحال من جلس جنبه .،.

ناظرته وجيت بتكلم ،،، اشر بيده السكوت ،،،

سكت ... خفت .. شعرت باني في حلم وتمنيت اصحى منه ..!!

قال وش جابك هنا !!

ناظرت بعيني ... إلا عيني بعينه ،،،


ورد وسالني وش جابك هنا ..!!

قلت متعود اجي اسلم على اصحابي اللي سكنو هالقبور من مدهـ


قال ناظر هناك واشر بيده ،.،

شفت هالطفل ليش يبكي ويصرخ ولا احد عنده؟!!

قلت ما اشووووفه .!!

قال لانك ما تشوووف الا اللي تودهـ ..!!


قل له بالله وين هالطفل لا تروح وتخليني ادور المقابر !!


قال داخلك طفل يصرخ ترى ما شاف ظله !!


قلت بداخلي طفل ؟!!

كيف يا عم .!! فسر وش تبي توصله ،،!!


قال وش يجيبك للمقابر ..!!

قلت ربعي واصحابي هنا من مدهـ !!

قال وش يجيبك لهم ..!!

قلت شوقي وذكريات الطفولة ..!!


قال باقي طفل ما تعرف وش معنى طفولة ...

قلت يا عم وش تعني طفولة .!!

قال العيد وش يعني للطفولة ..!!

قلت فرحه ..!!

ورد والعيد وش يعني للرجولة ..!!

قلت تجهيز الدلال والجلسة وعود البخور

قال اسف برحل ولا راح تعرف وش معني

طفولة ...



طلعت من المقبرة خاااايف ،،،

ولا عرفت وش يعني هالشيخ بكلامه ؟؟




حادثة حصلت لي قبل ايام ...

وبكل صرااحه ما فهمت وش يعني هالشيخ بكلامه !!





بقلمي


محمد الاحمد

[عزيزة نفس]

قلم مميز



واحرف من نوع آخر



سلمت يداك



والله يعطيك العافية

[غِنَــى !]

يآريتك تميت وعرفت معنآهآ ..!
.
.
.
حيرتني .,’
:101:

[أبو الوليد]

.


http://www.alraidiah.org/up/up/22951235720081217.gif








كلآآآم عليه 1000 إستفهام .. .. لهذا الشيخ ...!؟







الله يعطيك العافية












لا حرمنا من جديد مواضيعك ولا عدمنا تواجدك







اللهم علمنا ما ينفعنا ، وانفعنا بما علمتنا ، وزدنا علما .






::




:101: وفقك الباري :101:


http://www.alraidiah.org/up/up/22951247020081217.gif


:101: .. .. ومضـــــــــــــــــــــة .. .. :101:

قال أحد الحكماء :
دواء القلب في خمسة اشياء :
قراءة القران بالتدبر ، وخلاء البطن ، وقيام الليل ، والتضرع عند السحر ، ومجالسة الصالحين .

وقالوا ايضا :أشدّ الأعمال ثلاثة :
إنصاف الناس من نفسك .
ومواساة الإخوان من مالك .
والورع عن المعاصي عند الخلوة عن عيون الناس .

[أزف الرحيل]

بعض كبار السن ....وقت الفرح او وقت الاحزان يرمون كلمات غير هادفه


تتعثر بهم بعض معاني الكلمات فربما حزنه في القبر على قريب له



جعله يرمي هذه الكلمات .....



وربما يقصد اشياء معينه مجهولة الفهم




رحم الله امواتنا واموات المسلمين هم السابقون لبيتهم المقابر


ونحن لاحقون لبيوتنا المقابر لأجل لا يعلمه الا الله .....



الله يرحمنا الله يرحمنا الله يرحمنا الله يرحمنا الله يرحمنا



تحياتي ........

[فتى الرائدية]

تسلم ع موضوعك الاكثـــــــــــــر .. من رااائع

[محمد الاحمد]

اشكر كل من قام بوضع رده الراقي

هنا واشكر لكم هذا التواجد الطيب ...

[عامر عبدالعزيز]

رواية لم تكتمل

تريث لــ الاستيعاب أكثر ، لعلك تجد ماهو مخفي عليك


وفقك الله