انتبهن يابنات الخفجي من الجوال اقرن ماتقول هالبنت

[حي91]

السلام عليكم ورحمة الله وبركاته
يعلم الله اننا في حالة مايعلم بها الا الله وماخلاني اكتب لكم الا لأني تمنيت احد ينبهنا من قبل وينصحنا ولا ابغى ذا الشي يصير لو لعدو
بقولكم اللي صار معنا وأتمنى تستفيدون
احنا من الطايف وجينا الرياض نبي نتمشى ( أمحق تمشية ) .. خلاصة الكلام استأجرنا في فندق إسمه ( ميلان ) في حي الحمرآ .. سهرنا انا وأخواتي الين الساعه 7 ونص الصباح وبعدين نمنا .. تخيلو وش صار ؟ دخل علينا واحد واحنا نايمين .. فك باب غرفة امي لقى فيها اخوي نايم وخاف يدخلها . جاء على غرفتنا واخذ رااااحته . سرق لاب توبي وسرق شنطنا وفيها ذهبنا وبطايقنا و جوالاتنا .. وياليتني عمري مااشتريت جوال . فيه صورنا وفيه كل شي ممكن تتخيلونه .. اسأل الله انه يعمي عيونه قبل يشوفها .. وسرق كاميرا فديو . وسوني محمول قيمته 1000 ريال . واخذ مفتاح السيارة حقتنا وسرقها .. القهر مو في الاشياء اللي انسرقت طززز .. القهر كيف وصلت فيه الوقاحة والجرأه انه يدخل على حريم وهم نايمين ويسرقهم ..
القهر كيف الاستقبال والأمن تحت يخلون ولد صايع يطلع فوق بدون مايسألونه وش عندك هنا .. القهر كيف ينزل من الفندق ويطلع قدام الأمن وهو معاه اغراض وشنط نسائية بدون مايسأله احد وش عندك ؟؟

واحد يشتغل في البقالة قال شاف ولد سعودي صغير عمره مايتجاوز العشرين شايل الاغراض وراكب السيارة ومسرع فيها ,,
كل اصابع الاتهام اتجهت للي يشتغلون في الاستقبال وهم مصريين الجنسية .. وش عرف الحرامي ان رقم شقتنا كذا وكذا ؟ ووش عرفهم ان هذي سيارتنا ؟ وكيف قدر يدخل ويطلع بكل حرية ؟ للدرجة ذي انعدم الأمن والأمان عندنا ؟

انتبهوا كل وحدة بجوالها صور تمسحها او تشيل الذاكرة وتخبيها في اي مكان مايهم ان شاء الله تبلعها .. واذا رحتو شقق تأكدو ان الباب مقفل والمفتاح محطوط بالعرض .. وخلي زوجك او اخوك ينام بالصاله اللي قدام الباب عشان لو دخل أحد يخاف ويطلع ..
اي وحدة تدخل وتقرأ موضوعي تنبه صاحباتها واهلها عنها .. ندمت على كل صورة صورتها وكل مااذكر ان واحد كلب وقذر مايسوى شي يناظر وجهي انا واخواتي اتحسسسف .. محتاجين دعواتكم لنا .. دعوة المسلم لأخيه المسلم في الغيب مستجابة .. تكفون لا تنسونا من دعائكم ان الله يعاقبه ويرجع لنا اللي اخذه مننا والله ان الخساير مو هينة لكن الحمدلله على كل حال

انتبهوووووووو لجوالاتكم ولصوركم وقفلو ابوابكم .. وذا الفندق لحد يروح له مرررررة مرررررة ولا يغركم شكله فخم وسعره رخيص وربي انهم كلاب وقذرين ..

الله يستر علينا وعلى بنات المسلمين آمين ..

منقول من الاخت \ هنوف من أحد المنتدياااات

[مراقب الخفجي]

السلام عليكم ورحمة الله وبركاته
الله لا يوافقه دنيه واخره الي يدخل على الحريم وهن نيمت هذا حقير مهو رجل عسى يلقه قبل ما يفتح الجوال ولا يتهنه بلي سرقه انشالله ياربشـكــ وبارك الله فيك ـــرا لك ... لك مني أجمل تحية .

[خفجاوي زمان]

حسبي الله عليه ونعم الوكيل

الله ينتقم منه شر انتقام

_ - _ - _ - _ - _ - _ - _

بالفعل يجب على صاحب الجوال سوى كان ذكر ام انثى ان يحذر من تصوير المحارم

وهذه مشكلة جوالات الكاميرا

[ريما الخفجي]

فعلآ أنا دايم أسمع بحوادث زي كذا وصايره موضه يسرقون الفنادق والشقق .... زي مره واحد داخل شقه ولقى الباب مفتوح وبكل وقاحه دخل ولما طلع زوج المره بوجهه قال يوه أنا آسف هذي موشقتنا
رد عليه الرجال وقاله لاياشيخ وانت ماتعرف كم رقم شقتكم...

الله يكون بعونكم وصادقه كل شي يهون الا الصور والجوالات والفيديو
الله يستر عليكم وعلى كل بنات المسلمين..ويعمي عيونه ويلقاها بدنيته قبل آخرته يارب....

[الواصل2000]

حسبي الله علية و نعم الوكيل

[العيون الساهره]

الله لا يوفقه دنيا واخره

وبعدين لحد يصور المحارم بالجوال

ترى مو زين ينسرق ولا يضيع وصور المحارم فيه

[كلي خفجاويه]

حسبي الله ونعم الوكيل

الله يــهديه ويصــلحه

الله يعوضهم وترجع لهم ان شاءالله اللي خذاااها

والله مـايضيع حـق احـد

سلمتـي

[منتهى الذوق]

انتبهوا لا احد يصور في الجوال
لا تقولون انا احافظ عليه مو شرط يمكن ينسرق او يضيع
ــــــــــــــــــــــــ
اللهم استرنا فوق الارض وتحت الارض و يوم العرض عليك

[بلقيس]

اللهم استرنا فوق الارض وتحت القبر ويوم العرض

[مصطفى نمر]

لا حول ولا قوة إلا بالله يجب إبلاغ الشرطة والتحقيق مع موظفي الاستقبال، حتى لا تتكرر الحادثة مع آخرين

[ريانة الخفجي]

صادقه حنا سكنا شيرتون الدمام والله العظيم طلعناللسوق وكنا حاطين الكميرا في الغرفه جينا لقيناها مسروقه وشكينا عند المدير وقلنا نبي الفلم اللي بوسطها هذا اللي يهمنا بعد يوم جابوا لنا الكميرا والفلم ماهو موجود؟؟قلت أكيد العامل خاف وردها بس المدير حب يستطلع وأخذ الفلم لأن أبوي كان يكلمهم بصوت عالي وهددهم بالشرطه بس يبي الفلم .وقام المدير يحلف لأبوي أن العامل يقول مافيها فلم حسبي الله عليهم خاينين الأمانه.الواحد صار يخاف مايسكن لا بفنادق ولا بشقق.يحطله خيمه وينام فيها آمن له.

[صياد الخفجي]

الأشكال هذي تارسة مجتمعنا في كل مكان و أنا من ألي صارلي تقريبا نفس موقفك وقفت في محطة في داخل الدمام و نزلت للحمامات و أنتوا بكرامة و خليت السيارة شغالة و ما فيها حد و كان داخل السيارة شنطة لاب توب مع كل شي فلاش ميموري و غيرها من الأوراق المهمة المهم و أنا طالع من الحمام سمعت صوت باب سيارتي تسكر و واحد قاعد يركظ فتحت السيارة ما لقيت الاب توب ضليت ألحقه لين وصل عند شقق مفروشة نزلت وراه و سألت الرسبشن عنه قالي فوق في الغرفة كذا صعدت له و دخلت الغرفة و كان متخبي ورا باب الشقة يوم دخلت سكر علي الباب و قفله و هرب تصدقون يا جماعة متصل علي يهددني يبغا ينشر صورة أختي الصغيرة في ثاني أبتدائي طبعا كانت عندي صورة من رخصتة أخذتها من الشقق المفروشة ألي كان ساكن فيها ورحت للشرطة بلغت عنة قالوا بيجيبونه ولا هم طاقين أي خبر يمكنه سرق 50 واحد غيري ألحين من بعدها بطلت أحط أي صورة عائلية عندي في لاب توب أو غيره حتى السيارة لا نزلت أي مكان أقفل السيارة ولا أحط أي شي مهم داخل السيارة
فيا جماعه أنتبهو من الأشكال هذي الله لا يوفقهم أنشالله

[رامى عقالة]

السوال المحير معقوله محد حس منكم وكل الى سواه وبعدين كيف تنموا ماتقفلو الباب عليكم تعوضو الله بالى راح واحمدوه انه مارح الى اغلى من هذا كله والله انهم عيال حلال

[شذى العبير]

اعوذ با الله منه ومن امثاله ...

الحمد لله الي صارت بصورهم ولا صارت فيهم

اهم شيء وزبدة الكلام

اذكرو الله بأي مكان وقولو لأغراضكم الثمينه استودعك الله التي لاتضيع ودائعه .. والله ان شاء الله بيحفضها لكم :biggrin:

[نور الإسلام]

لهذا السبب


ما يصلح البنات يصورون أنفسهم


ومن الأساس جوالات الكاميرا



ما يفضل أن تكون معهن



شاكرا لكم

[الرائدي]

ماهي الاسباب التي جعلته يدخل ويثق من نفسه بانه لن يجد اجد امامه ؟؟؟؟؟

اللهم استرنا فوق الارض وتحت القبر ويوم العرض

[محمدالبارقي]

يعطيك العافيه

[محمدالبارقي]

تقبل مروري وودي

[مايكبرني : لقب@]

حسبي الله ونعم الوكيل