بنـات وش تحــسون فــيه!!

[This is me]

ماراح اتكلم بأسلوب وشسمه بأتكلم بأٍسلوبنـآ كـ بنـآت..




بنـآت..



مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..



بنات لبسو عبايات كتف وبناطيل و و و لكن ايش..



تركو السوق والتلفزيون والاغاني وجو للمسجد ..



وش معنى هذا..!



مو معنى المسجد



يمكن صليتي في بيتك ورفعتي يدك ودعيتي من قلبك..



وبـ ذلك بكيتي والشيخ يدعي..



تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }



وتسمعين { سبحان من ستر القبيح واظهر الجميل },,



تسمعين يقول { سبحانك تطاع فـ تغفر وتعصى فـ تغفر }..



تبكين من قلبك او يعورك قلبك ..



تحسين انك صح كذا تحسين فجأه انك ولا شيL



يعني وش سوينا نحس ان حنا مغترين بأنفسنا..



تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده K..



معقوووووول.!



ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..



بنات الى متى انا وانتو كذا..



قسم بالله مهيب حاله يعني يجيني حاله اقول ودي اني بعهد الصحابه L..



الى متى وحنا بغفلتنا,,



نصلي ونبكي و و..



يجي العيد وبعد العيد ونرجع لخنبقتنا وننسى ..



طيب انا وانتي خلينا نفكر بـ شي من الحين دام الهمه فيني وفيك الحين..



مثلا نسوي صندوق بالبيت او بغرفتك كل يوم حطي ريال ..



بدل هالشيبس اللي كل يوم نجيب 4 للشله..



نتبرع بريال للصندوق ...



وريال على الريال تصير 10..



تدرين ليه ريال عشان ماتثقل عليك واللي لها قدره الله يجزاها خير..



وعطيها مثلا هاللي ينظفون بالاسواق ولا سواقكم ولا شغالتكم ..



تراهم ماجو هنا الا للحاجه..



واذا كانت تتعنفق ولا تنافخ ..



خلي قلبك اكبر واكسبيها باجر ربي وماجوووووووووره,,



ولسانك ..



اللعن ..



زي العاده ..



شفتو ابله فلانه الله ..... تستهبل هي وواجباتها..



ولا الدكتور/هـ ودي اذبحها الله .........



ولا اخوي الحمـ.... فصل النت .الله .......



عودي نفسك تتركين العاده ..



اذا لعنتي فجأه عاقبي نفسك واستغفري 40 مره مثلا =)..



واحسني خلقك مع أي احد..



تدرين الابتسامه لها اجر..



تمر وحده من جنبك .. لاتمدين الكشره متر ..



لا ابتسمي..



انا مره رحت مكان ماعرف احد فيه وفيه بنت ابتسمت لي تمنيت اني هي..



الابتسامه لها دوووووووووووووووووور..




عبايتك ..



انتي عارفه خطأك اكيد بس خليني اقولك عن شي..



مره كانت فاطمه بنت النبي تبكي من قلب وتصييييييييييييييييييح..



جتها عائشه رضي الله عنهم جميع..



تقولها مابالك .!



اعلمك وش قالت ..؟!



قالت بمجمل كلامها .. الحين إذا انا مت وشالوني الرجال بييبن جسمي وبيبان خصري



يعني شكل جسمي بيبان..



اذا فاااااااااااااااطمه بنت الرسول كذا تفكيرها



وهي الحين ميته..



وحنا العبايه واسعه لكن مع الشنطه وشد العبايه مع الخصر يبان كل شي



بنات تكفون خلونا نتغير ..



وربي ماراح ينفعنا شي..



تدرون بس ان النار سوداء وكل شي مانشوف<~ توها سامعه المعلومـه..





واللي ابتليت بجوال مع الشباب ولا الماسن..



تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ



وش ردك عليه..!



بنات والله ماينفعك..



تدرين ليه اقول كذا .. لاني اعرف كثير وعارفه هالشي صعب..



لكن احببببببببببببببببك
لاني احس انو شي صعب بس من ترك شي لله عوضه الله خير منـه..



اتركيه هالشخص ووضحي له انك تعدلتي..



شي احسن من لاشي ..



صح علي..



حاولي و حاولي وحاولي..



وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..



بنات..



تكفون .. =)..



عدلي لو شي واحد وادعي لربي لنفسك دائم..



صح ولا انسى الاغاني والافلام الامريكي والكوري<~ يارب صبرنا وأعنا..



اذا انحطيتي بقبرك ماراح يٍسألو عنك ..



بتنحطين بقماش وذنوبك معك..




حاولي انك دايم تذكرين صحباتك بالجنه والاشياء ..



تخيلو اليوم سمعت عن قصه ..



في اثنين أصحاب ..



كانو قاعدين بمكان <~ اجل وين..



المهم..



قامو يتكلمون عن الجنه والنار والخ.!



واحد دمعت عينه بذكر النار خاف منها..



بعدها بمده توفى صاحبنا ..



وجاء لخويه بالحلم ..



قاله صاحبه يافلان وش اخبارك..!



قال اخباري..



انا بالفردوس الاعلى اعلى شي بالجنه..



قاله صديقه ليه..؟



قال تذكر يوم نقعد نسولف انا وانت وذكرنا النار ودمعت عيني..



هذا اللي دخلني الجنه..




شفتي ربي قد ايش كريم..



وربي ربي شي كبيييييييييييييييييييييييير..




بنات..



طولت عليكم..




بس وربي ضايق صدري ع حالنا هالبايخ..



تكفون خلينا نتحمس سواء ونتعدل مع بعض..




الله يخليكم..



لي طلب اخيرا..



اذا اعجبك الايميل وعارفه اسلوبي مدري وش يبي...



بس ارسليه لاقرب شخص لك ..



اللي تحبينها وتخافين عليها..



من نار جهنم..



لا يقولك هالسخيف<~ تقصد ابليس



لاترسلين مشوار وشذا ايميلي مايرسل الا لكم ايميل عشان ماوزعته لقروبات



كلامه المعروف..



لا خذي اجر لو سمحتي..



واذا بغيتي تحطينه بمنتدى بتصيرين بطله...




واخيراً..<~ ياكثر الاخيرا



لاتنسووني من دعاءكم .. اختكم this is me

وولامانه الموضوع منقــول من مس قرين جزاها الله خير

[أبومهاوى]

لا فض فوك يا اختي على هذه الدرر

وجعلها الله في ميزان حسناتك

[لبى جنوني]

الله يجزززززززززززززززاك الجنه
ويسكنك الفردوس الأعلى

[غِنَــى !]

أحسستُ بِ مشَآعِر دآفِئة .. ضمت قَلبي ..
لله درٌكِ ..كم كآن لِ أسلوبَكِ البسيط .. تَأثيرآ كالمَوجْ..
لآ حرمكِ الله الأجَر ..
ورزقكِ الله ماتبحثين عنه ..
وجعل مثوآكِ الجِنآن ..
وبشَركِ ب القبول ..
وجمعنا بِك و بِ احبتٌكَ .. في الفردَوس ..
..
..
this is me
ولآحرمتِ أنتِ أيضآ مِن السعآدة ..
وتقبل الله طآعآتكِ ..
وبشرَكِ بِ الجِنآن ..

:101:

[~ افوق الوصف ~]

تسلمين وياليت الناس تتعض

[شمس الرائدية]

الله يعطيك ِ العافيهـ

[كلي خفجاويه]

مــوووضوع وطـرح جـدا جـدا رااائع

سلمتـي اختـي ولا حـرمك الله الجنـه انتي ومن تحـبين ..

والله يجــزاك الف خـير .,

[أنس بن مالك]

كثر الله من أمثالك يا أختي
والله لو اتبعوا النساء هذه النصيحة أنا أجزم 100% أننا نتحول إلى مجتمع راقي قمة في الروعة
لكن الله يهديهم ويصلحهم
وأسأل الله أن لايحرمك الفردوس الأعلى

[ღღ هَوآإجسِسً عًشَّقْ ღღ‏]

تسسلم يمينك .. نقل مميز ..

ألف شكر ..}~

[This is me]

جزاكم الله خير ..والله دعاويكم تثلج الصدر ..الله يجمعنا وياكم بالفردوس الاعلى

[عزيزة نفس]

الله يسعد ايامك



تسلم يمينك


طرحك رائع

[This is me]

وياك ياعزيزه نفس تسلمين

[حلم]

••



--{ هذه أنا ..

.. طرح / أكثر من رآئع ..
.. و موعضه عسى أن " تسقي بذرة الخير بقلوبنآ " ..



ألف شكر .. ~


:101:

[أوتـاد]

شكرا لك على النقل بقصد التوعيه والعظه والعبره


أوتـاد

[ريانه العود]

الله يهدي الجميع ياااااااارب,,,,عندي كم ملاجظة..:

1_انا احيانا اقول ليش الاسواق الي بالمملكه كلها ماتمنع العبايات المخصرة والمزخرفه والملونه ليش تنباع بكل مكان ...؟؟ ليش؟؟

2_العائله اذا مهتمه ببناتهم وينتبهوا لهم من الجوالات والمسن ويراقبوهم من بعيد لبعيد ان شاء الله ماراح يكون فيه شئ اسمه علاقاااات

3_المفروض يصير محاضرات من قبل شيوخ في المدارس والجامعات بشكل مكثف اسبوعيا مثلا ..مو مرة بالسنه :rolleyes:يجيهم احد ينصحهم ويذكرهم بالموت عالاقل...طبعا هذا بالتعاون مع وزارة التربيه والتعليم

4_الأسرةالمحافظه الي تخاف على اولادها المفروض انهم يشغلوا القرآن بأستمرار في بيوتهم واولادهم يسمعوة حتى لو كانوا بغرفهم بس المهم ان فيه ذكر وآيات تتلى في البيت ..فالقلب يخشع والعين تدمع

((مشكورة اختي عالنصايح والكلام الحلو الي حسيت انه ممتلئ حماس ورغبه في التوبه ...عارفه انه منقول لكن جسيت انك ممكن تكتبي مثله بيوم من الايام.:101::101:..))

[أنس بن مالك]

الله يهدي الجميع ياااااااارب,,,,عندي كم ملاجظة..:

1_انا احيانا اقول ليش الاسواق الي بالمملكه كلها ماتمنع العبايات المخصرة والمزخرفه والملونه ليش تنباع بكل مكان ...؟؟ ليش؟؟

2_العائله اذا مهتمه ببناتهم وينتبهوا لهم من الجوالات والمسن ويراقبوهم من بعيد لبعيد ان شاء الله ماراح يكون فيه شئ اسمه علاقاااات

3_المفروض يصير محاضرات من قبل شيوخ في المدارس والجامعات بشكل مكثف اسبوعيا مثلا ..مو مرة بالسنه :rolleyes:يجيهم احد ينصحهم ويذكرهم بالموت عالاقل...طبعا هذا بالتعاون مع وزارة التربيه والتعليم

4_الأسرةالمحافظه الي تخاف على اولادها المفروض انهم يشغلوا القرآن بأستمرار في بيوتهم واولادهم يسمعوة حتى لو كانوا بغرفهم بس المهم ان فيه ذكر وآيات تتلى في البيت ..فالقلب يخشع والعين تدمع

((مشكورة اختي عالنصايح والكلام الحلو الي حسيت انه ممتلئ حماس ورغبه في التوبه ...عارفه انه منقول لكن جسيت انك ممكن تكتبي مثله بيوم من الايام.:101::101:..))

أختي ريانة حقيقةً كلامك حلو كثير
وفي الحقيقة أن كلامك عن العبايات المخصرة والمزخرفة لماذا تباع في الأسواق ؟ أنا أعتقد أن الإجابة هي أن الله مذ أن خلق البشر والصراع بين الحق والباطل قائم إلى قيام الساعة وسينتصر الحق يوماً من الأيام , وهذه من الفتن التي أبتلي فيها المجتمع أسأل الله أن يهدينا سواء الصراط
شكراً لكي مرةً أخرى ولكاتبة وناقلة الموضوع