امي لها بالقلب والجوف منزله

[كورن فلكس]

قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها

[~أصداف~]

.
.


كلمات مؤثرة ..
قصيدة تستحقها الأم وأكثر من ذلك ..


صح لسآن حامد زيد
وألف شكر لك ..~


.
.

[العيون الساهره]

قصيده قيمه

والام لو نبي انتكلم

او نكتب فيها قصيد

مانوفي بحقها


وصح لسان الشاعر حامد


وتقبل مروري

[كورن فلكس]

يعطيكم العافية على المرووووووووووور

[أبو رائد]

تسلم .. على هذا النقل


والله يعطيك العافية

[لذة ح ـــــــب]

كورن فلكس):.
:.
.:
آبيـآت شعر رآئعـة ومؤثره لشاعر الرائع حامد زيد
يسلمك ربي .. ومـآننحرم منك يآرب
بآنتظـآرجديدك
لذة حب
:101::101:

[عزيزة نفس]

انتقــــــاء له لون آآخـــر



واختيار عـــذب



تسلم يمينك



والله يعطيك العافية


.

[فتى التحفيظ]

راااااااااائعه ,,,,

تسلم ع النقل المميز ,,,,

[فتى الرائدية]

تسلم ع هالابيـــــااات الرااائعة