قمة الاحراج ... / مدلول

[مدلول]

بسم الله الرحمن الرحيم

يالله حيي الربع ولا يهونن الربعات

سالفتي اليوم يا طويلين العمر تخص الاحراج

اولا .. صلوا على نبيكم المختار ((اللهم اصلي واسلم عليه))

هذي يا طويلين العمر والسلامه سالفتن صارت لواحدن حاشته القراده <<<<<< تختلف عن الجراده تراه--- المهم تقول السالفه : كان بووه ثنين اخويا , الروح بالروح من يوم انهم صغيرين ---------- المهم قدّر الله وما شائ فعل --- توفي حديهم ( الله يرحمه ) حزّن عليه خويه _ بكى عليه اشد البكاء ورثاه بقصايد صار يتوجد عليه _ المهم الشيئ الوحيد اللي اخطاء به انه ما راح يعزي عيال صديقه * صار اسبوع على موتة الرجال وخوينا ( الحي ) ما عزاء ولا قام بالواجب تجاه عيال خويه * المهم -- واحدن من جماعتهم جاء من ديرتن بعيده , ونزل عند خوينا( اللي ما عزاء ) المهم قلط عنده وتقهووا ثم دار بينهم الحوار التاالي : : المعزّب : حيالله الضيف ( هو من جماعتهم بس علشان تكونون بالصورة ) , الضيف : الله يحييك يالمعزب , المعزّب : الساعة المباركة اللي جا بتك ( والله عاد انا مدري هي الساعة ولا امه اللي جابته ههههههه) المهم - الضيف : الله يبارك بعمرك , والله انا مالي حاجة بس جاي اعزّي عيال فلان , سمعت ان ابوهم مات ( الله يرحمه ) وجاي ابعزيهم .... المعزّب : اييييييييه تصدق يالضيف !! - الضيف : خير يالمعزّب !! - المعزب : تصدق مع انّّه ما فيه احد اكثر صداقه ولا اغلى عندي من فلان ( الله يرحمه ) مع ذلك ما عزيت عياله !! -- الضيف : لا لا , كيييييييييف ما يصير ! فلان خويك الروح بالروح يموت ولا تعزي عياله !! ابد ما يصير , ولا تجي منك يا المعزب !!!!-- المعزب : والله يا الضيف انا تضايقت وتكدرت وكنت محتاج من يعزيني وراحت الايام ,, وهالحين ماني والله جاي آخر الناس واعزيهم ما تصلح صح ؟؟؟ -- الضيف : عجيييييييييييب كذا يعني - المعزب : ايوالله كذا -- الضيف : بسييييييطه ( وهو يضحك هذيك الضحكه اللي يضحكونه الاشرار هءهءهءهءهءهءهءهءهءهءهءه) انا عندي خطه تطلعك من الورطه اللي انت فيها والاحراج اللي انت خايف منه - المعزب : ايوا لله تكفى , بس شلون !!!! - الضيف : اسمع هو انت واجهت احد من عيال ( المرحوم) ؟؟؟ المعزب : لا والله ما واجهت احدن ابد -- الضيف : طيب بكرا نبي نروح يمهم ونبي نجلس عندهم , ونبي نسألهم عن ابوهم ,, كأننا ما ندري , وأكيد راح يقولون انّه توفى ( الله يرحمه ) ثم نقوم ونعزيهم , وتنتهي السالفه ,, وشراييك ؟؟؟ - المعزب : عزّالله انك جبته , خلاص بكرا الصبح وحنا عندهم قل تم , تم


000000000000000000000000
00000000000000000000000000000000 -



يالله حيهم يا هلا والله هلا بالغالين <<< عيال المرحوم يرحبون بالمعزب والضيف خخخخخخخخخخخخخخخ >< عقب ما سلمووا وجلسوا وتقهوووا هو لك يغمز الضيف للمعزب , يعني طبق الخطه ( وبقلبه هذيك الضحكه حقت الاشرار ) سأل المعزب (اللي هو خوي اللي مات ) سأل وقبل ما يسأل جته القراده<<<<< اللي ذكرناه بأول السالفه * تذكرونه * المهم انه جته ويوم تمكنت منه , , سأل وليته ما سأل !! سأل عقب ما تلفت يمين ويسار

0000000000000000000000000
00000000000000000000000000
00000000000000000000000000
0000000000000000000000000000000000000000000000000

سأل , وقااااال : : :

( المرحوم ماله بينه وينهو رايح ) اهئ اهئ ( المرحوم ماله بينه ) اهئ اهئ اهئ ( المرحوم وينه ) وااااااااااااااااااااااااااااااااااااااااااااااااا اااااااااااااا ( الباب وينهو صااااااير ) 000000000000000000000000000000000000000
0000000000000000000000
00000000000000000000000
0000000000000000000
00000000000000000000000
000000000000000000000000000000000000000000شكل الرجال لاهالحين وهو يركض من الفشيله

*********************
اتمنى ان تكون اعجبتكم السالفه يا ربعي .. بس عندي شرط عليكم اتمنى انكم تنفذونه

الا وهو ..

كل واحد منكم يكتب موقف محرج صار معاه شخصيا

اذا لي معزه عندكم اكتبوا .. واذا مالي معزه لا تكبون شي بس ردوا :confused:


وشكرا

اخوكم: مدلول

[اسير الوله]

الاخ مدلول
شكرا لك
على هذه المواضيع الرائعه

واتمنى انك انت
تبدأ
بروايه احد المواقف المحرجه
التي حصلت لك

كــــــ تشجيع لنا

وانشالله بكون اللي بعدك

وتقبل تحياتي

:ty: :ty:

[الغــامــض]

[c]

بسم الله

الاخ العزيز مدلول الشمري

اولا الحمد للله على السلامه بعد اليومين اللي غبتهم

وثانيا لا اخفى اعجابي بما تسطره من روائع وسوالف تعاليليه

قمة بالابداع والمعاني .

اما عن موضوع الاحراج يعلم الله انني اعزك

ولكنني اكتفى بالرد على الموضوع .




تقبل تحيه من ,,,,,,,,,,,,,,,,,,,,,,,,,,,,,,,,,,,,
اخوووووووووك ,,,,,,,,,,,,,,,,,,,,,,,,,,,,,,,,,,,,,




heart2 heart2 heart2

[مدلول]

هلااا وغلااا بالاسير الامعط

يالله حيه ..

ابشر بعزك يالغالي .. وهذا الموقف ذكرته مره بموضوع للاخ كاتم الاحزان

وابشروا بالمواقف الواجد اللي معاي :D



بسم الله الرحمن الرحيم

هذا يا أخواني موقف حصل لي شخصيا (( بس مادري هل الموقف ظريف أو موقف يخوف او محرج )) الا الحين عجزت لأميزه وابيكم تقولون لي وش هالموقف ...

ــــــــــــــــــ

الموقف :

قبل كم سنه كلمتني الوالده (( الله يطول بعمرها )) وقالت لي تعال خذني من بيت الجيران وكان عمري وقتها 13 سنه يعني بصف أول متوسط وهي قصدها أجيها على رجولي بحكم أن بيت الجيران قريب من بيتنا حوالي 400 متر ...
المهم جيت بروح وشفت مفتاح السياره بالمجلس قلت خل أروح بالسياره مع إني ما أعرف أسوق ... لكن قلت البيت قريب وداخل حواري ومافيه شوارع عامه ولا دوارات المهم رحت بالسياره ويالله أمشي الظاهر إني امشي 20 كلم\بالساعه ...
ويوم وصلت البيت نزلت من السيارة وطقيت الباب وفتحلي ولدهم الصغير وقلتله ادع أمي ... راح الولد يدعيها ... وتأخرت أمي داخل البيت مايقارب العشر دقائق .. وأنا جالس بالسياره أنتظرها ...
وبعدها بعشر دقائق طلعن مجموعه من الحريم يصايحون وركبت معي وحده قدام ولا كانت لابسه عباة وكانت متغطيه((بجلال)) ومعاها بنت صغيره عمرها سنتين وكان وجه البنت لونه أزرق أو بنفسجي والله إني ماميزته زين ...
وقامت المره تصيح وتقول رح للمستشفى بسرعه .. عاد أنا مامن سواقه وأول مره أسوق داخل الديره ... المهم مشيت وانا أتنافض (( صابتن ام ركب )) وامشي بالشوارع ومن شارع الى شارع ولا من زين وجهي أمشي بسرعه بعد ...
المهم وانا مسرع الف بسرعه يمين وتطيح على البنت وارجع واتنافض من الخوف ...
ومادري وشلون وصلت المستشفى ولا أدري كم شاره قطعت (( مادري وشلون ستر الله علي )) ...
عاد في بيت جيراننا سألت أمي أحد الحريم وقالت لها من وداها للمستشفى قالت لها ولدك اللي وداها ... وتنجن أمي وشلون وهو مايعرف يسوق ...
ويوم وصلت للمستشفى جاء أبو البنت ويوم جيت أبي أرجع للبيت ماقدرت ...
حاولت يمين يسار بس ماش ... كنت خايف أرجع وأصدم ولا تمسكن الشرطه ...
المهم كلمت أبوي ولتله تعال خذ السياره من المستشفى ...
والحمد لله جاء الوالد وخذا السياره وداها للبيت ... وبعدها حرمت أسوق السياره الا لمن أتعلم عليها زين ...........

هاه وش رايكم بالموقف وش تسمونه (( ظريف أو مخيف او محرج )) ........

أخوكم :
مدلول


ياالله يا اسير الوله عطنا اللي عندك :)

[مدلول]

الغامض الاعز



لا يسعني إلاّ أن أعبر لك عن جزيل شكري

وامتناني لاحتفائك بطرفتي المتواضعة ..


دام السرور لقلبك حليفا يالغامض ،،

اخوك: مدلول ،،

[اسير الوله]

الاخ العزيز /مدلـــــــــــــول

موقفك هذا حسب راي المتواضع

لا يعتبر(( ظريف أو مخيف او محرج ))








بس انما يعتبر موقف شجاع ويدل على


رجل بجسد طفل

وتقبل تحياتي


:ty: :ty:

[ابتسـ ألم ـامة]

بسم الله الرحمن الرحيم
السلام عليكم ورحمة الله وبركاته
هلا وغلا أخوي مدلول

موقف والله محرج وطريف بنفس الوقت
المرحوم وينه ماله بينه
عز الله احراج مابعده إحراج

ههههههههههههههه

ولعيونك موقف من ألف موقف بين مخيف ومحرج وقاتل هههههههه

مرة كنت جالسة مع صديقة لي ونسولف
وطبعا سوالف الحريم ما تخلص
من سالفة لسالفة
تقول سباق ماراثونا
الشاطرة تطلع لها سالفة وتبدأ فيها
ناهيك عن المقاطعة بين الحين والآخر
لكسب جولات أسرع محدثة بالعالم
المهم وماأطول عليك
بلحظة رن تليفون البيت وبنفس الوقت كنت أبي أبدا سالفة
ولقيت نفسي أنادي صديقتي الوووو الووو

هههههههههههههههههه

وربي ماتت من الضحك وأنا مت من الفشيلة

أشكرك على المشاركة لطيفة وحلوة

تذكرت شي بالنسبة للموقفك بصراحة
اعتبره شجاعة وبنفس الوقت تهور
والحمد لله أنه عدى على خير

وإلى لقاء متجدد ومواقف جديدة مع الأعضاء

تحياتي و تقديري

[مدلول]

http://www.altanaya.net/vb/images/smilies/0101.gifhttp://www.altanaya.net/vb/images/smilies/0102.gifhttp://www.altanaya.net/vb/images/smilies/0101.gif


الاخت / ابتسامة الم

كل الشكر لتواجدك وحضورك وتعليقك

بس الموقف اللي ذكرتيه :D شي

شلون قدرتي تجمعين بين انج تكملين سوالف وتردين على التلفون بنفس الوقت :)

خخخخخخخخخخخخخخاي


واشكرج على وصف موقفي بالشجاعي انتي واخوي اسير الوله

<<<<< موقف شجاعه http://www.altanaya.net/vb/images/smilies/vb_goemon.gif


تحياتي لكِ يا ابتسامة الم http://www.altanaya.net/vb/images/smilies/019.gif

[مدلول]

:mad: اسير الوله :mad:

وين موقفك ترا ما نسيناااا

يالله يالغالي ناطرينك :p


مدلول:cool:

[badr]

......................
( المرحوم ماله بينه وينهو رايح )
.......................

هههههههههههههههههههههه الله يرجك اجل هذا جاب العيد :cool:

وموقفك روعه مدلول وسبحان الله اللي وفقك في الوصول للمستشفى

يمكن عشان العمل فيه خير smile0


اما سالفة الالووو حقت ابتسامة ألم تذكرني بسالفة واحد من العيال

هذا مدمممممممممممممممممن شات

وكلنا نعرف مصطلحات الشات

عاد هو كان بالعمل وجالس قدامه رجال يشرح له مشكله بالمعامله وفي نفس الوقت رن التلفون عنده

هو كان بيقول للرجال ( لحظة خلني ارد على التلفون ) لكن بسبب الشات قاله ( بررب )

:cool:


عاد الرجال اللي مقابله قال : أييييييييييش ؟؟

يقول توهقت مادري شقول لكن صرفتها ومشت عليه smile0


فالله يكفينا شر ادمان المخدرات وادمان الشات


الف شكرا على موضوعك ( سالفتك ) + ( موقفك المحرج ) مدلول

والشكر موصول للبقية


تحياتي....heart2

[حنين]

يعطيك الف عااافيه اخوي مدلول على ما كتبته


;)



و بالنسبه لموقفك ما شاء الله عليك رجاااااااااااااااااال و بش مهندس كمان:D




اما المواقف الحين ما يحضرني شي و متى ما تذكرت ابشر برضاك


:ty:

[راضـــي]

هههههههههههههههههههههههاي

والله يامدلول مواقفك مافيه مثلها ههههههههههههههه

ولاهنت على هالسالفة
ههههههههههههههههههههه

[اسير الوله]

الاخ العزيز/ مــــــدلول


ترى انا صارلي افكر عن

موقف من اسبووووع

والحمدلله حصلته(ولقييته)

اخواني الاعزاء

هذا
الموقف حصل لي

عندما كنت بالصف الثالث
الابتدائي

((( زين تذكرته خلال اسبووووع)))


المهم

كنا نروح المدرسه ويا الباص

وكان سايق الباص هندي(((اسمه على ما اظن علــــم)))


المهم
كان عندنا ناظر (مدير مدرسه)

يحب المغامرااات
كانه شارلك هومز

:D :D

المهم

يوووم وصلنا المدرسه قلنا للهندي(علم)

انا وكم واحد ملقوف معي
كمل لا يوقف

المهم نزل قسم من الطلاب
وظلينا حوالي 5 بالبــــاص

قلنا لعلم روووح دكان ((بقاله ))

((((البقاله ما كانت بعيده عن المدرسه))))

المهم
كان شارلك هومز يراقبنا وكان عنده جيب باجيرو

ما يمدي تحرك علموش (ندلعه مرات)

الا الناظر وقفنا بنص الطريق

الى قال انتو
وين تدرسون
قلنا عندك بالمدرسه


المهم

رجعنا للمدرسه ووقفنا عند باب مكتبه
وقال انتظرووني بعد الطابور اعرف اتعامل معاكم

المهم ما صدق خبر (شارلك هومز )
واتصل على اهالينا
الوالد مو موجود
ردت عليه الوالده

قالها معاك المدرسه

الوالده (مو متعوده يدقون المدرسه اول مره)

المهم

رد عليهم ويمتلكها الرعب
شنو فيه
قالها: انتي ام الطالب فلان
قالت : نعم شنو صاير
قال : تعالي للمدرسه وتعرفين

ملاحــــظه

ايامها ما كان فيه تلفون نقال

المهم

سكر التلفوون شارلك هومز (ناظرنا)

والوالده انواااع الهواااجيس
على وليدها
المهم المشكله الحين تدور
احد يوصلها المدرسه
ما لقت الا جارنا

المهم
جت المدرسه
اهي ميته من الخوفووقف الدم بعروقها
على بالها ولدها (مــــــــــــات)
والله هذا كان تفكيرها
المهم
يوم وصلت المدرسه وشافتني
واقف قدام مكتب الناظر اتبسم
كانها ارتاحت شوي

وجارنا يطالع فيني بنص عين

دخلنا المكتب
وشارلك هومز

بدأ يروي قصته بالقبض علينا
وانه كان متلثم ومتخفي
واننا كنا نحاول الهرب من المدرسه

ومن هالسوالف وانا انظر فيه
واقوووله
يبن الحلال نبي نشتري من الدكان ما نبي نهرب

وجارنا
ادهر علي نصايح وتسفيل بنفس الوقت
المهم

الوالده للاسف معاها ضغط من ذاك اليوم لليوم
وكل ما شكت من شي قالت والله خوفي عليك
ذيك السنه هو السبب

وارجو انه اعجبك مو ضووووعي

وانا اسف اذا ما اعجبكم
وتقبلو تحياتي


:ty: :ty:

[مدلول]

اما سالفة الالووو حقت ابتسامة ألم تذكرني بسالفة واحد من العيال

هذا مدمممممممممممممممممن شات

وكلنا نعرف مصطلحات الشات

عاد هو كان بالعمل وجالس قدامه رجال يشرح له مشكله بالمعامله وفي نفس الوقت رن التلفون عنده

هو كان بيقول للرجال ( لحظة خلني ارد على التلفون ) لكن بسبب الشات قاله ( بررب )

ال ايه .. بررررررب :D

هههههههههههههههههههههاي

تسلم يالغالي وما قصرت . بيض الله وجهك يا بدر :cool:


مدلول

[مدلول]

الاخت : ملسونه ..

كل الشكر لج يا اختي الفاضله على التواصل الرائع

لا خلاااا ولاعدم






مدلول

[مدلول]

اكادونيا الغالي






كل الشكر لك يالغالي على هذا التواصل الجميل


لا عدمناااااااك



مدلول

[مدلول]

الاخ الرائع : اسير الوله

كل الشكر لك يبعد حيي ..

اثريك عربجي من يومنك ورع :D

خخخخخخخخخخخخخخخخخخخ

بارك الله فيك يالغالي .. على هذا التواصل الجميل والرائع

لاعدمناك يا اسير ..

تقبل تحياتي اخوك:

مدلول