حراااامي مؤؤؤؤدب .!

[● دَمّـ عَ ●]

السلام عليكم

مساء الامن والامان

كيفكم و كيف جو الاختبارات و الاستعداد :biggrin:

المهم

هذا امس بالليل صارت لي سالفة ماادري احزن ولا افرح

المهم طلعت من البيت الساعه 11 بالليل و انا ألقى زجاج سيارتي مكسور :eek:

واطيررر واطالع الا الدرج مفتوح و كل الاوراق ع المرتبة << الجواز بينهن :mad:

وادور الجواز مو فيه yd.885 وادور محفظتي الا الحمد لله موجوده بأرضية السيارة , يعني فتحها و فتشها و ألقى بها :biggrin:
بس مو مسورق منها شيء :eek:

ابو الشباب سرق نظارتي الفاخرة و الجواز و هج yd.885

كلمت الشرطة و انتظرت شوي ومااحد بين و انا اتصل مره ثانيه , قال العسكري اطلع ع الشارع الرئيسي
عشان الدورية تشوفك

طلعت و انتظرت يمكن ربع ساعه او اقل شوي و جاء العسكري ابن الحلال , ركبت معه
ورجعنا للسيارة و هنا صارت المفاجآه :biggrin:

الحرامي رجع و حط الجواز عند السيارة و راح :confused:

يعني كسر سيارتي و سرق النظاره و الجواز و ترك المحفظة اللي فيها حول 700 ريال و 10 دينار
و تحسف و رجع الجواز و راح :biggrin:


من هذا المنبر اقول له

روووح و ربي مسامحك دنيا واخره
لو اخذت الفلوس بعد حلالك بس اهم شيء رجعت الجواز و تركت اوراقي الثبوتيه

و هذه صور السيارة المنكوبة :biggrin:
صورتها اليوم الصبح


http://www10.0zz0.com/2010/01/23/10/363295534.jpg

yd.885

http://www10.0zz0.com/2010/01/23/10/619670711.jpg

yd.885

http://www10.0zz0.com/2010/01/23/10/228516872.jpg

yd.885




يااخوان لا تتركون اي شيء مهم بالسيارة نصيحة
و ربي تعبت نفسياً وقت ماشفت الجواز مو فيه

و هذا درس لي واستاهل و اتمنى تستفيدون منه



مع السلامة


لا أله الا انت سبحانك اني كنت من الظالمين

:101:

[فتى السيلساو]

هههههههههههههههههههههه


ودي اقولك اني انا الحرامي

[الدووووخي]

والله انه حراامي محترم ,,

الله يوفقه اللي رجع جواازك ,,

[المنسق الإعلامي]

أولا حمد الله على سلامتك و اللي صار للسيارة فدوة لك. المهم تعود أنك لا تضع أوراقك الخاصة و الهامة داخل السيارة .

[نور الإسلام]

احمد ربك يا رجال

[عبدالعزيز الاحمد]

هههههه

ماشاء الله عليه من حرامي..

ههههههههههه حمد لله ع سلآمتك يآرجآل ..

وخطآك الشر .. ولآ عآد تنسآ الجوآز بدرج السيآره ‘‘

[دبلوماسية]

قال تعالى: ( والسارق والسارقة فاقطعوا أيديهما جزاء بما كسبا
نكالا من الله والله عزيز حكيم )

السيــف هوَّ الحل مع تِلك الشذرمة التي ضلّت سواء السبيل

للأسف كثروا وتوغلوا كثيراً في أرجاء الخفجي دون رادع
يعيثون فساداً في الأرض ومن كُلِ حَدبٍ وصوب
والشرطة المُبجلّة مازالوا في سباتهم يعمهوون ..!!

"


هل ستضطرونا لقانون الغاب _ وكلن ياخذ حقه بيـده_
أم
ستضطرونا لإبدال جنسيتنا لـِ الأمريكية حتى نرتاح ونريحكم ..!


"

ذلك الجانِف كان سَيخاف ولن تُطَوع له نفسه بِالسرقة
لو أدرك شديد النكال الذي سَ يُلاقيه بعد إلقاء القبض عليه.

"
"


ياشرطتنـــــــا
أرجوووكم بِالأمن لاتعبثون
ودعوا جّديتكم هيَّ شرعكم ومنهاجكم
وإضربوا بيـدٍ من حديد على كُل مُفسد في الأرض
وتذكروا
قسمكم لله يوم تخرجكم بِحمايتنا وحماية الوطن ..؟





p.s لـِ صاحب الموضوع
زين ماقالوا لك إتصل بالمرور حّنا مالنا علاقة :biggrin:

[فتى التحفيظ]

يااحظك باهالحرااامي ؟,,

[فهدالقحطاني]

والله حرامي رهيب

[ريانة الخفجي]

أجل شيبي هالحرامي اذا مايبي فلوس شيدور حتى الجواز رجعه !!!!شكله بيسرقها وماعرف يشغلها .والأصح أن صاحب السياره الله راضي عنه ومحصن نفسه بالأذكار الله يحمي كل مسلم.

[منتهى الذوق]

خووووووووووش امن

ههههههههه

[عنيد وباسي شديد]

كثرة السرقات بالخفجي قبل اسبوع انسرقت سيارة واحد شغال بمصلحة المياه على صلاة العصر بس هذا الحرامي اخذ سيارة المسكين وحط سياره ثانيه

[فتى الدمام]

لاحول ولاقوة الا بالله

الله يكون بالعون

[tdouk]

احمد االله ولاعاد تعودها تحط شي مهم في السيارة

[● دَمّـ عَ ●]

ربي يسلمكم جميع و منورين

وان شاء الله تكون الاخيرة لي و لـ غيري


:101:

[بندور]

شر البليه ما يضحك

والله مشكله كبير هذوله الحراااميه

المشكله انه يسرق ما يفكر انه لو مكان

هذا الشخص وشو راح اسوي ..؟

لآحول ولآ قوة إلا بـ الله

[مســاعد]

لا أله الا انت سبحانك اني كنت من الظالمين

حرامي ابن حلال



عز الله انه امه جابت حرامي صدق




الخوف وانا اخوك من هذا الزمان الذي سرق قلوب الناس


نسئل الله العافيه

[رامى عقالة]

موفق بإذن الله ... لك مني أجمل تحية .

[أنس بن مالك]

ههههههههههه
هذا حرامي سفيه
راح وسرق النظارة وترك الفلوس يا هو غبي من قلب
هههههههههه
والله حاله
لكن ,,, أنا أجزم والعلم عند الله أنه حولك ومن ربعك ,,, ليش ؟
لأنه سرق الجواز والنظارة وهو يبغى النظارة أهم شيء ويوم سرق أكيد أن اللي موصيه على السرقة أو متآمر معه قاله وش تبغى بالجواز وأقنعه وراح رجعه

[سكون المجنون]

الحمد لله على سلامة جواااااازك هذا الأمر المهم

والباقي يعوض الله عليك بالنظارات والزجاج المكسور

على العموم الحرامي هذا قريب منك وكان يتحراك تبعد عن السياره

لجل يرجع الجواز يعني راجع حساباتك بالحي اللي تسكنه وإذا ماجاب ظني

إنك من سكان دولة عشيرق لذلك إرجع الى المقوله المشهوره" الجار قبل الدار"

[كـــــش مـــلـك]

هههههههههه

من ناحيت محترم محترم

اهم شي الجواز رجع

[الفتى الذهبي10]

حرامي ولا اروع

[أبو حسان]

عجيب والله أنه حرامي محترم

[جليس القمر]

يا حظك بها الحرامي

[آجرآآم]

الحمد لله على السلامه يارجال
وحاول انك ما تخلي شئ بالسياره

[احمدسعد]

حرامية اخر زمن

[دخــــٌيل]

:

حرامي موفق..

شوف خلا الناس يدعون له .. جزاه الله خير على ترجيع الجواز

والله يهديه يوم كسر الزجاج ..

حمانا الله واياك دمع

[أبوجاهم العامري]

أحمد ربك ماطبيت بحرامي نذل

تقبل مروري

أبوجاهم العامري

[ابوفيصل الشرقي]

الحمدالله على كل حال والحمدالله على سلامة الجواز

[الضيغم]

::




::



السلام عليكم ورحمة الله وبركاتة ..

صباح الخير والإجرام غير ..


أولا :



الحمد لله على السلامه , والله يصلحه باين أنه صغير سن ومتهور ولا ما يسويها محترف , شكل أهله قافلين عليه الباب ومذاكرة رياضيات ..




ثانيا :


هههههههههههههههههههههههههههههههه






ثالثا :


انا أضحك على النقطه الرابعه ..






رابعا :



قال العسكري اطلع ع الشارع الرئيسي
عشان الدورية تشوفك



خامسا :



الحين يا عسكري الرجال متمرط وماخوذ .. وانت متكي على الطاوله حقتكم وتقول أطلع ع الشارع هههههههههه ماتحس انت ؟؟؟

ماعندكم اليه تحديد المكان لو توصيف يالله دخيلك الرجال منفضخ قلبه والظاهر طلع بثوب نوم وقالب حذيانه ( تكرمون ) ومدخل راسه مع فتحة اليد وانت تقول اطلع ع الشارع الرئيسي عسى ما تكلفت يا خطير .. :( الجواز مسروووووووووووووووووووووووووووووووووق :) ..
عزالله انك صبور يا دمع لو انا أقفل جوالي واكنسل البلاغ وما عاد اسافر برى ..



الله يوفقك وييسر امرك ويعينك بس دور لك على مصلح قزاز مزبوط
بس الله الله بالتركيب الزين ترى انا بعد انكسر قزاز سيارتي الكامري المثلث اللي ورى وكان فيها 15 ألف ريال
طبعا كنت بالكويت وسبحان الله كنت ناسيهن فوق بفتحة الساعه و اللي سرق ما أخذ لا جواز ولا غيره نفض الدنيا وما لقط ألا لاب توب جديد ..

والفلوس سبحان الله ربي أعماه عنهن..

و على طول طلعت لسكراب امغره واخذت قزازه نفس حقت الوكاله بس إلى الحين فاقعه مرارتي أزعاج صوت الهوى تقل راكب بحوض ددسن ما ركبها زين الأفغاني ..

لا أوصيك بمحل مزبوووووط وانا أخووووك ..

ههههههههههههههههههههه طولته وهي قصيره ..




الله يحفظ الجميع وبالتوفيق ..




::




::

[khafgaawi]

شكله مو بعقله ..


ياليت كل الحراميه مثله ...

[نور الدنياا]

كوويس رجع الجواز ولا كان صارت علووم

يلا انتبه مرا ثانيه

[ححرف!]

ان اشهد انه موودب

ياليت كل الحراميه مثله