ساعدوووني يا اهل الخفجي الله يخليكم لعين ترجيكم

[الغاليه]

السلالالام عليكم : اللي ساكنيين بالخفجي وعندهم قبو يفيدنا ايش السلبيات كون الخفجي على البحر انا بنبني قريب وودنا نحط قبو بس نخاف يطلع علينا الماء اللي يعرف احد مسوي قبو ولا عاش التجربه يقول لنا ويفيدنا لا عدمناكم تكفون لالالاتطنششوني

[أنس بن مالك]

والله يا أختي أنا ما أعرف أحد في الخفجي عنده قبو في بيته
لكن أنا من جهة نظري أقول أن القبو خطأ كبير في الخفجي بالذات لسببين :-
الأول / ملوحة الأرض الزائدة التي تأكل الخرسانة , وهذا يقلل من عمر المنزل .
الثاني / أرض الخفجي ( صبخا ) يعني أنها لآتشرب الماء , وهذه تسبب لكم مشكلة في الأمطار الزائدة لا قدر الله أنها ممكن تتسب لكم في مشاكل أنتم في غنى عنها .

هذه وجهة نظري ,,, وشكراً

[هادي المسردي]

بالعكس القبو ممكن بالخفجي وله فوائد كثيرة
ومكتب الحصان الهندسي يصمم لكم القبو
بس يبي حديد ضعف المبني وربك يعين ..

[أبو رائد]

وعليكم السلام ورحمة الله وبركاته

ما اعتقد أن القبو ممكن ينفع بالخفجي

لأن الماء قرريب جدا

[bader 18]

ما ادري انا خالي مسوي واحد بس لسى ما خلص البيت ,,

بس شكله ينفع بالخفجي

[الغاليه]

الله يجزاكم خيير
ياليت الباقين يشاركونا ويفيدونا

[الغاليه]

ياليت يا بدر تقولنا وين ارض خالك فيه بالضبط اذا ما فيه احراااج

[محمد السلامة]

والله هذي خطوه مستقبل , وانا ماعندي علم بالسوالف هذي

بس أدعي ربيس أن الله يبلغك بالخبر المفيد ويجي واحد ينصحكم

بس الارض اللي تبيون تبنو فيها قبو وين صايره بالضبط بأي حي يعني

[~ افوق الوصف ~]

انا اعرف ناس بانين يمكن لهم 3سنين وما اشوف عندهم مشكلة

[bader 18]

ياليت يا بدر تقولنا وين ارض خالك فيه بالضبط اذا ما فيه احراااج

حي ارامكو ( الخليج )

[ابو ناصر99]

هلا بالغالية ومبروك مقدما البناء

نعم يصلح القبو بالخفجي لكن راح يكلف مثل ما تفضل احد الاخوان يبغى حديد مضاعف

ارض الخفجي لا تختلف تماما عن منطقة ام الهيمان بالكويت ونفس الارض تقريبا واغلب البيوت فيها قبو

[من عالم اخر]

الله يوفقكم ويسهل امركم ..


خلوكم مثلنـآ .. بلآ قبو بلآ هم . هع

[الواصل2000]

بسم الله الرحمن الرحيم

انا شايف بيت فية قبو بحي الخليج حلو ينفع ليش لا

[الغاليه]

اشكر من مر على موضوعي
وادلى برأيه

[أبو عايد]

ينفع قبو بالخفجي

كل شي يجي ..

بس أرخي الريال .. وشوفي مخططات وتصاميم
حتى لو من برى الخفجي..

سلاااااام

[Dr.Pro]

الله يهداك بس هذي مايبيلها استشارات من اشخااص مالهم في البناء ولا شي

فيه مكاتب متخصصه ومهندسين هم اللي راح يفيدونك اكثر ..

جميع الاجوبه هنا ماراح تنفعك ,, الاستشاره تكون لها مواصفات خااصه من

ناحيه موقع الارض هل تقبل قبو او لا .. والعلم عند الله

[كدوش]

لو لو لو لو لو لو لو لو سممممحتو وشو معنأإة قبو علاشان ارد معكم.. وشكرا

[الرائدي]

وعليكم السلام


قصدك تبني مسبح تحت المنزل

قبو كثر منها

[فتى السيلساو]

وشو القبوووو :biggrin:

[Freedom]

هل القبو لدواعي امنية مثلا .. ضرب ايران :rolleyes:
على العموم احفروا قبو يمكن اذا ما طلع ماء يطلع بترول بس يصير نص نص بيني وبينكم

[بركات]

السلام عليكم
المشكله ماهي في الملوحه او قريب من البحر لانه اهل الكويت تقريبا كل بيوتهم فيها قبو يسمونه سرداب ولكن المشكله من يصمم حسب المواصفات المقاومه للرطوبه ومن المعلوم انه عندنا في الخفجي تحفر مترين يطلع لك ماء البحر وايظا المواد المطلوبه وايظا عملية الصرف الصحي للمياه
ملخ كلامي الي يريد يني قبو يروح للكويت ويشوف المواصفات لانها مكلفه يعني لو تبني دور ثاني اوفر لك من القبو

[عبووود]

يمكن
ولكن لازم تسونها زي بيوت الكويت
تكون البيت مرتفع اصلا واذا تبي تدخل الدور الاول لازم تتخطى الدرج وفية ما يفارب 4-6 عتبات

بحيث يكون القبو مو نازل واجد

وهذا حسب الفكرة اللي اشوفها في بيت خالي بالسالمية

والقبو ما يكون نازل لحسب علمي بان الارض واقعه بحي الخليج وارض الحي صبخة من قبل

لذ راح يكون القبو مو نازل كثير
هذا واتمنى ان الصورة وضحت لك اكثر

[aljori]

الغالية حنا بيتنا حاطين فيه قبو ..
وعادي مافي اي مشاكل...
صارلنا في 4 سنوات والحمدلله تمام التمام
بيتنا على شارع ال60